لو كان لي قلبان

part23

البارت الثالث والعشرون

#لو_كان_لي_قلبان🥀

صدكني ﺂِحـﹷٰﹻـٰبك حيل
وبروحي اضمك
وللموت اضل ﭑﭑههَـوﭑﭑک’
خل تسمع امك

🥀
هيثم ـ بخير وليدي انت شلونك اهلك شلونهم

هشام ـ كلنة بخير عمي تسلم

ـ هشام ابني اريد اطلب منك طلب واتمنئ متردني

ـ  كول عمي بالخدمة

ـ الحجي مو مال تلفون تعال مر للبيت ونحجي

ـ ستوني وصلت عمي بس اغير ملابسي وامرلك

ـ عشاك يمنة لا تتاخر

ـ ان شالله ماتاخر فد ربع ساعه وامرلكم ..
تسالمنة ..غلقت النقال وخليتة بيدي وطرت للبيت دخلت مستعجل سلمت وصعدت لغرفتي اخذت ملابسي ودخلت للحمام

روئ ـ جنت احضر العشئ شفت لساعه ب 8 ونص كلت لبابا ..
اشو هشام اتاخر اليوم ..
كلي ماعليه شي اكيد جاي بالطريق ..
اخذت النقال واتصلت عليه لكيته مشغول عفتة وكملت العشة دقايق ودخل هشام طاير للبيت وراسا صعد لغرفته ..
عزة ياستار هذا شبي..
تركت شغلي وصعدت طايرة وراه فتحت باب غرفته سمعتة بالحمام عفتة ونزلت
ربع ساعة ونزل مغير ملابسة وديطلع
راسا صحت عليه..
هشاام مدكلي شبيك اشو طاير الليوم

ـ عندي شغلة مستعجلة اخلصهه وارجع

ـ زين تعال تعشئ الاكل جاهز

ـ لا ماريد ماشتهي .. يلة باي
طلعت وسديت الباب واخذت كوستر وعدل لبيت عمي ..

طول الطريق افكر عمي شنو يريد مني وشنو هالمووضوع المينحجي بتلفون شنو صاير ..

خاف ابوية مسويله شغلة ثانية او امي او خالتي حوراء .. لالا هو كلي اريد اطلب منك طلب يعني مو شي جبير او موزين

وصلت باب بيتهم ..
حاولت مالتفت
ولا اباوع علئ بيت جواد
دكيت الجرس طلعلي عمي هيثم
تسالمنه ودخلنة للبيت.. 

نتاشا ـ جنت محضرة العشئ من وكت سويت جلفراي وكبة جاهزة ولحم مثروم ومحموس وية بتيتة وبصل وسفن وصمون وزلاطة وخير من الله اجئ هشام ودخل للهول اجيت وسلمت عليه وكعدنة سوية

هيثم ـ ها بنتي كملتي عشاج ابن عمج ستوة راجع من شغلة واكيد جوعان

نتاشا ـ اي بابا كلشي جاهز تهبون اجيب العشئ هنا

هشام ـ لا قابل اني غريب نروح للمطبخ ونتعشة..  بس فدوة عمي طمني شنو القصه اهلي مسوين شي

هيثم ـ لا يابة وين راح بالك ..
كلشي ماكو اطمئن..
امشي خلي ناكل لكمه عمك كتلة الجوع

ـ كمنة ورحنة للمطبخ طلعت الصمون وزعتة وجبت السفن وخليتة وكعدت علئ الميز..  وكعد بابا يحجي وية هشام