البارت الرابع والسبعون
#لو_كان_لي_قلبان🥀
- و تبسَّمت لمّا رأتنِي ضاحِكًا
والدّهرُ مِن حُسنِ اللقاءِ تبَسَّما
واللهِ لم نُبدِ الغرامَ صراحةً
لكنَ طَرفينا بِذاكَ .. تكلَّما
🥀
مستحيل هاي نايمة
ماضل شي ماوكعته وطركعت بي
تعبت من الفرة بالغرفة
من صدك خلصت طاقتي
هي وحدة من اثنين
لو الله ياخذني
لو تسمحلي اتقربلهه
مترهم هالدمار كله يمي
واني مصفط وكاعد ..
اتقربت عليهه خطوتين
بس اتذكرت كلامهه واهانتهه الي
وعزت عليه نفسي
طز متكسرني هالسالفة يمهه
اتحمل ياهشام والله كريم وين متريد توصل خلي توصل
اتعوذت الشيطان وبتعدت عنهه
للحظة حسيتهه كاعدة منايمه
بس ممتأكد منهه
وكفت يم جنطة الملابس
واكلب بيهن
باوعت بطرف عيني عليهه
وركزت علئ عيونهه
لمحتهه ترمش
مبين كوة سادتهه
هههه
هاي كاعدة منايمة
وتدري جسمهه مكشوف
والله يادروب البنات
اوك حبيبتي خليج مغلسة
واني هم راح اغلس اكثر
ونشوف منو اليطخ راسة بالاخير
رجعت لمكاني وكعدت علئ الفراش
اخذت نقالي ورنيت علئ نقالهه
حتئ تتحرك
ـ كلامة اثر بية وخلاني اتخبل
مكدرت اتحمل فكرة يتزوج علية
واني بعدني موجودة
اكيد راح يسويهه ويحرك كلبي
لان هواي حركت كلبة بالايام الفاتت
لاوفوكاهه يتغزل بيهن كدامي
ويكول تملخ بالحسن
لالا والله بعد ما اتحمل تصرفاته
ياربي لا اكدر اتنازل واروح اعتذر منه
ولا اكدر اتقبل فكرة يروح لغيري
والله اشوفهه كلش صعبة عليه اعتذر
اعرف بنفسي غلطانة وياه
بس ماريد اعتذر
ماعرف شنو ارريد منه
لا اني متقبلتة كزوج
ولا كادرة اتركة
دمعتي بخدي بسببة
خليت راسي علئ المخدة وافكر
شلون اكسبة باي طريقة بدون ما اعتذر
واخلي يجي يعتذر مني
كلت اكيد حالة حال اي رجال
بالاغراء ينتهي ويستلم
سويت نفسي نايمة
وتركت الجرجف يروح لحال سبيلة
ما اعرف ليش مااحس نفسي خجلانة منه
بالعكس صرت كلش جريئة وياه
حاولت اتصنع النوم واغمض عيوني
بس ماعرف ليش خايفة
اسمع خطواته بالغرفة رايح راد
ورث جكارة وبدة ينفخ ويتنهد
رغم ماحب ريحتهه بس اتماسكت
مبين هالحركة ثارته
وخلته ميعرف شيسوي
اسمع هواي اشياء شالهه وشمرهه بالارض
حتئ يسوي ضجة بيهه
وما فاد بية
ضليت مغمضة عيوني وانتضرة يجي
انوب ضل يكح كل شوي بعالي صوته
مبين يريدني اكعد واستر نفسي
ههه محترك المسكين
اشرب من نفس الكاس ياهشام
شكد حركت دمي وبجيتني
وهذا حالك هسة
بأمر الطبيبة لاتكدر تتقربلي
ولا تكدر تسويلي شي
لو بيدي اكعد و اشبع ضحك
بس كوة لازمة روحي لايشوفني كاعدة
مسوية نفسي نايمة
و الفون مالتي يرن
عجيب منو يتصل عليه بهالوقت
ضليت اكل بروحي اريد ارد
اكيد هاي روسيل لو رؤئ
او يجوز نور
زين شنو يردون مني
خاف صاير شي
والا ليش يتصلن هالوقت اكيد اكو شي صاير خلي ارد واففضهه..
مديت ايدي علئ مكان الفون اتلمسه
وينة هذا وين راح
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
