لو كان لي قلبان

العبرة وكلمة شكر من صميم قلبي

العبرة من القصة
هواي قصص اجتني وقريتهن
واختاريت هل قصة لان مختلفة ولازم ارجع بقصة قوية بعد انقطاعي لفترة

فحبيت ارجعلكم بقصة مختلفة من الواقع تواصلت وية توشة وسردتلي كل الاحداث
واكيد بكل قصة الكاتب يضيف من ابداعة وابداع قلمة
حتى متنكشف الشخصيات بسهولة فلازم اضافة ولو بسيطة

بلنسبة للابطال (هشام / جواد) ماغيرت من اطباعهم وشخصياتهم كما وصلني كتبتة الكم

كل قصة ماتخلو من المشاكل وحالات الوفاة والحزن والفرح
وكل هذني اجتمعن بقصة توشة

بلنسبة للعبرة من هلقصة انو مو كل الاشياء الي نتمناهة نحصل عليهة مثلا توشة كانت تحلم احلام وردية ولكن انصدمت بواقع صعب
في وقت رسمت احلامهة وية جواد ولكن بالاخير النصيب جعلهة قسمة هشام
( ليس كل مايتمناه المرء يدركه) مو كل نتمناه نحصل عليه رغم الظلم الشافتة بحياتهة لكن ربنة عوضهة بهشام من بعد كسرهة انجبرت واتخلد حبهم وزواجهم بطفل

نرجعلكم للابطال

هيثم: الاب الحنون المتفهم المثقف الانسان الواعي ونعم الاب انسان عظيم عجبتني شخصيتة لان قليل من الاباء مثلة الله يرحمة وبجعل مثواه الجنة فقدانة مأسات كبيرة لبنتة

جواد: الانسان العصبي والودود ماننسة وكفاتة وية توشة وحبة الهة رغم كان يشبهة بحبيبتة بس لازم تنذكر ايجابياته وية نتاشا صح انسان متسرع وعصبي بس مننسة افضالة الرحمة والغفران الة

نتاشا: الحبابة الطفولية صاحبة تصرفات الطائشة المتسرعة 😂
الي ذبت قهرهة وحزنهة بلمگرود هشام هواي انتقدو تصرفاتهة ومالتمسولهة العذر لتنسون المرت بيه صعب انسان يتحملة ضرب واهانة وتعذيب من اقرب ناس الهة عمهة وعمتهة ومرت عمهة
المنقذ الوحيد هشام هوة السند لينشد الظهر بيه

هشام: شحجي شكول قليل بحقة
(كارزما) الانسان الطيب صاحب الغيرة والنخوة السند الحقيقي والي حافظ ع بنت عمة لان امانة عندة صاحب مواقف حلوة والصبر طويل ع خبالات نتاشا
هشام العاشق الولهان الي سندهة وكف ضد عائلتة حتى يحميهة منهم
هلشخصية هم قليل موجود منهة لكن موجودة ولو بنسبة قليلة

اياد /اميرة / ام هشام: الي محافظو عن الامانة والطفلة اليتيمة
(اما اليتيم فلا تقهر) فكيف بالانسان اليضرب وياذي اليتيم
اكيد جزاتهم يم الله وكل شخص بيهم اخذ جزاتة

رؤى /نور / نمارق: الخلوقات الحبابات الي مواقفهن كذلك حلوة وصاحبات الحق والكلمة طيبة والي اعتبرن نتاشا اخت الهن 🥰

لمئ ونهئ / شخصيتين متشابهات بلحقد والغيرة والسم

صلاح / انثى بمعنى الكلمة ومايع
هواي سمعت كلام انو لعبت نفسكم من شخصيتة بس حبيت اذكرة بلقصة حتئ اعرفكم انو اهمال الاهل لاولادهم ينتج عنة هيج شخصيات

رائد: ابو النفخ ابو عضلات 😂 شخصية محبوبة وانسان دخل ع قلبنة سرور والفرح بلقصة بمواقفة مع هشام وخاصة بعرسة وعرس هشام وطلعاتهم ونساتهم

سميرة: العمة الاصيلة الي ساندت توشة وكانت بجانبهة وبحمايتهة ونعم العمة
رغم اجتي متأخرة بس هي امراة وبمجتمنة الامراة امرهه مو بيدهه بيد زوجهه اغلب الاحيان

بلنسبة الاسم القصة ( لوكان لي قلبان) سميتهة هالاسم لان طول البارتات كانت نتاشا متخبطة بين جواد وابوهه وبين روسيا والعراق وبين هشام واهله
لذلك اختاريت هالعنوان لان جدا قريب من بطلة القصة نتاشا

بلنسبة للغلاف اتصور واضح خصوصا السلاسل والايد والمغلولة وينبت منهه برعم وهالبرعم هو يوسف ربي يحفظة

اما اخرا واخيرا
فاحب اشكر كل من ساندني وساعدني في اكمال القصة
كل الي نشرولي القصة وشاركوهة اصحاب البيجات والكروبات
والشكر لكل من صوت وانطة لايك وتعليق ع جميع مواقع التواصل
( الفيس البيج / الانستا / الواتباد / التلي)
شكرا للتعليقات الايجابية وكل المنشورات والتوقعات الي فرحتوني بيهن
اما الي انتقدو انتقاد باسلوب مؤدب وحلو الشكر الهم لان نبهوني عن هواي اشياء

اما بلنسبة للي سقطو بلقصة وحاولو
يخترقون البيج والواتباد احب اكللكم متكدرون ومااثرتو علية وتمت القصة بنجاح

التقيكم بقصة جديدة ان شالله
دمتم بخير احبتي