البارت التاسع والثلاثون
#لو_كان_لي_قلبان🥀
حال توشة
مكالب واليالي تريد وسعه بال
وهموم العلي ما مرت بواحد
# عريان السيد خلف
نتاشا ـ وكفت علئ حيلي
ممصدكة السمعتة ..
انتو شلون ترجعون
وبابا مو وياكم
شلون تتركوه وتجون ..
يجوز هسة جابــــو لبــابـا وبــاقي لوحدة بالشـــــــارع
انفعلت وصرت اصيح
واعيط ماعرف شدأحجي
بس اعيط واصرخ ..
حسيت الدنية افترت بيه و فقدت التوازن وكعت بالكاع ماحسيت بشي ...
جواد ـ شفتهه انهارت توشة ووكعت ركضت عليهه شلتهه والتمو عمامهه وعماتهه عليهه ..
دخلناهه جوة خليتهه ع القنفة
احسهه متشنجة مو اغمائة طبيعية جابت عمتهه سميرة شوي مي ورشت علئ وجهه...
دقايق وبدت تصحصح
وتتنفس بشكل طبيعي.
وكف كلبي من خوفي عليهه الله يساعدهه علئ هالمصايب ..
عمامهه وعماتهه متعاطفين وياهه الا اميرة واكفة بعيد وتتفرج اشوفهة هاي ابد ممهتمة ....
ياعمي الله يخليك شلون تنطون الفلوس بدون متستلمون عمي
او علئ الاقل تشوفو
جان لازم تطلبون تشوفو وية تسلمين الفلوس شلون هيج تسوون
سميرة ـ ادري ياالله دازيكم 3 زلم واحدكم طول بعرض معرفتو تتفاوضون وياهم
اياد ـ كلتلهم لا تنطون الفلوس
الا نشوف هيثم
بس اخيج امير كال خاف يكتلو ووشوف شصار بحالنه ...
ها اهاااا
لا حضينة بالفلوس ولا بهيثم
امير ـ اتصرفت هيج من خوفي علئ اخوية ..الوضع الجنة بي ميتحمل مفاوضات مسمعتوهم شلون ديحجون بعنتكة ويانة ..
نتاشا ـ وكفت كوة علئ حيلي
احس روحي ضايعه بنصهم ...
اكيد هسه بابا هناك ذابي بالشارع..
شفت التلفون مشمور ع القنفة اخذته واتصلت علئ رقم بابا
اووووف ياربي بعدة مغلق شوكت ينفتح شوووكــــــت
رديت اتصلت ع ارقام الخاطفين همين مغلقة .. ضليت اتصل بلكي احصل واحد منهم بس مغلقات مفتحوهن ابد....
اليأس تملكني
باوعت عليهم
اشوفهم كاعدين بهدوء ممتوترين
ما احسهم متاذين مثلي
واحد يسبح بسبحته
واحد يلعب بسويج السيارة
والثاني حاط ايدة علئ خدة ....
عماتي صافنات
اميرة تباوع بالوجوه
جواد نضراته حايرة
روسيل تبجي رغم ماترجمتلهة اي كلمة بس فهمت الصار لان بابا مارجع..
كلبي معصور يارب شسوي ...
كومو اخذووني
كومو ودوني هناك ..
لاتضلون هيج كاعدين
اني انتضرة وادور عليه
اني اجيبة
اني الكاه بس اخذوني
منير ـ وين بهالليل تريدين اطلعين
ـ لو تاخذوني
لو اني اروح لوحدي ماعوف بابا هناك لوحدة
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
