البارت الخامس والثلاثون
#لو_كان_لي_قلبان🥀
حال هشام :
إني وددتُ لو أنني في فُلكِها
جُرمٌ فتغدو رحلتي ومداري
وَودتُّ لو أن الحياةَ جميعُها
هي لحظةٌ مرَّت بها بِجواري
امــيرة ـ لا تخافين هاي الروسية مستحيل تحبل
رشيت عليهه شوي تراب ورماد
من رحتلهم حتئ بعتبه بابهم رشيت واخذت منهه شوي شعر
من كعدت يمهه
اريد اشوف هالنذل
شلون هالعجوز تجيبلة الولد
ـ متاكدة ولج
ترة اذا يجيه وولد كلشي منحصل
نتاشا ـ وكفت مصدومة
يم الباب.. من السمعته
شيقصدون بكلامهم…
الروسية يعني روسيل
وهاي صوت اميرة
رماد وتراب وشعر
ومتحبل ..
يعني ميصير عندي اخ او اخت
وكفت مرعوبة من هالكلام
اريد اتحرك من مكاني ماكدر
حسيت نفسي بمكان مهجور
وبنص الاشباح
ليش هيج خايفة ومرعوبة
سمعت صوتهم ديتقدمن ع الباب
حاولت اتحرك
اريد ابتعد عن غرفة هشام
واترك هالمكان
بس رجلية عبالك تبسمرن
رفعت راسي بخوف ..
صارت بوجهي ام هشام
خزرتني بنضرة مرعبة
ماعرف شلون حركت رجلي
وتراجعت خطوتين
ام هشام ـ هاي شعندج هنا ..
حوراء ـ أأ تووش حبيبتي ياعيني شلون حلوة طالعة
اميرة ـ شواشة
شجابج هنا شتريدين ؟
ـ مـ مـأ مـا ريد شي
اميرة ـ ماريد شي شنو؟
سولفيهه لغيري
جاية لغرفة الولد لوحدج
ولابسه هيج مصلخ
شتريدين تسوين احجي
ام هشام ـ شبيج صافنة اشو متحجين
حوراء ـ جنهه مصدومة من شي
اميرة ـ هـــا جنتي تسنطين علينة مـــو
كولي احجي شسمعتي
ـ مـ مـسعمت شي
ام هشام ـ لعد شعندج يم غرفة ابني
ـ جيت اغسل ايدي
اميرة ـ ليش ماعدهم حمام جوة
لو الا بغرفة الولد تغسلين
ـ من خوفي صرت اشوف اشكالهن مرعبه اتمنيت اكدر انزع الكعب واركض
اتراجعت اكثر وهنة يتقدمن عليه
بشكل كلش مخيف
جسمي كله يرجف
مابيهه مجال لازم اركض
حتئ لو اوكع وينكسر شي بيه
ماعرف شلون ركضت ووصلت للدرج
نزلت وكأنو طايرة عبالك احد شايلني
مو دة انزل بايات ..
بس بأخر باية عثرت ووكعت
وانلوت رجلي..
لزمتهه قوي وعطت
ااه رجلييي
اااي موتني الالم
رؤئ ـ وج عـزة توشة شبيج
ـ الله جابج ساعديني اكوم..
ـ ليش هيج نزلتي من الدرج مدكليلي شبيج
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
