البارت السادس
#لو_كان_لي_قلبان🥀بقلم الكاتبه ياسمين السعدي
تجاهلني بعد وياي ثگل الدم
لاتنطي مجال اصعب وكابر هم
ضبط سوي روحك عود مامهتم
والله تحبني حب بس الله بي يعلم
تراقب عن بعد گلبك عليه يلوب
جرأه الــ بلگلب لو تنتقل بالفم
چا كلمة احبك جزت ذاك الصوب
والاطرش سمعها واجه وگلك تم
من اكعد گبالك تلتفت ليغاد
مو يمي القضيه وانت رب اليم
دايخ بيه دايخ هسه شموازيك
فضها وكول احبك شلك بهالهم
يعجبك شكلي صوتي ووكفتي وممشاي
حافظني حفظ تندلني وين انشم
متردد بطبعك حذر مدري شبيك
ترجع الف خطوه وخطوه تتقدم
اذا حتى السلام ترده بالمثقال
ما اسلم.. تكول شدعوه ما سلم
لكن هم اعذرك عقلك مأذيك
الله يساعدة چم قسم يتقسم
ما بين المكابر والخجل والشوگ
والحب والشرف والنسب وابن العم
ترا الدنيا گصيره والسنين خفاف
من تتبده منك بعد ما تنلم
(يحيى العلاق)
نتاشا* غيرت ملابسي ونزلت سويت نسكافه وحليب الي ولبابا ..
بقينه ساكتين ومصدومين من الصار
منعرف شنو نحجي
ورة شوي بابا كال وراية شغل ولازم اكعد من وكت… يلة بابا اروح انام وانتي هم نامي لاتضلين كاعدة..
تصبحين علئ خير
كلتله… سباكويني نوشي
( تصبح علئ خير)
لميت الاكواب وخليتهم بالمطبخ شفت نفسي مابيه حيل اغسلهن تركتهن وصعدت لغرفتي...
لميت ملابسي وشمرتهن علئ السله ولزمت فوني دة اكلب بالفيس ..
ثواني واجاني اتصال..
باوعت علئ الرقم مكتوب الاسمراني.. اتفاجئت عـــزة هذا مين حصل رقمي
بقيت لازمه النقال
ومسطورة وافكر ..
مين جاب رقمي وشلون حصله؟
خاله ام حسام ماعدهه رقمي
وماعندي احد هنا يعرفني
حتئ انطي الرقم..
حسبه تجيبني
وعشرة توديني
رد اتصل مرة ثانيه
راسا لزمته ونصيت النغمه
خاف بابا يسمع
ضل يدك تقريبا 4 مرات
بس مترددة ارد...
خايفه ومتلهفه مشاعر متضاربه
سمعت باب السيارة انركعت حيل
شمرت النقال وكمزت يم الشباك..
الدنيه ضلمه..
وموكلش واضحة الرؤيه..
لان معتمدين علئ انارة البيوت
فتحت الشباك شوي…
ولمحته واكف يم سيارتة
وبيدة الفون وديتصل..
راسا رن تلفوني ..
ورفع راسة وباوع علئ الشباك
وصارت عينه بعيني
خزرني بنضرة حادة
راسا ختلت ورة البردة
قررت ما ارد عليه
رغم رغبتي تسبقني واتمنئ اجاوبة
بس شي بداخلي يمنعني
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
