البارت الثامن والثلاثون
#لو_كان_لي_قلبان🥀
حال نتاشا:
وهذاك أنه
الونينه يدلي المتيهين
لو ضيعوا عنوانه
#عريان السيد خلف .
نتاشا ــ تعبنة من الانتضار
عمو ستيف كل شوي يتصل علئ روسيل يريد يطمن علئ بابا خطية
كلش اتاثر ومتمر ساعه اذا ميتصل ....
اياد اخذ زوجته وراحو
واميرة وهشام وعمي منير بقو يمنه
والبقيه كلهم راحو
دخلت روسيل لغرفتهه ترتاح ..
وعمو منير واميرة نامو بالهول
واني وهشام كاعدين ..
حطيت الفون يمي
وكعدت ع الكرسي ولميت رجلي متوترة ماعرف شسوي ضليت العب بشعري من القلق
نوبة ابجي
نوبة اسكت واصبر نفسي
راسي كلش كام يوجعني
عيوني ثكيلة
و ماكدر انام
صافنة علئ حالي
وين جنت وين صرت
رغم كل الضغوط المريت بيهه بروسيا
من اهمال امي وسوالفهه المتنحجي
بس جنت سعيدة ومستقرة وابد
ممرعوبة من المستقبل مثل هسة
عود جنت ماقبلة علئ عيشتي بروسيا وماراضية عنهه
يارب رجعلي بابا سالم ووعد مني
ثاني يوم نسافر ونطلع منا
ارجوك ياربي لاتحرمني من بابا
ياربي ليش هيج صارت حياتنة
ليش اجينه للعراق شجابنة للهم والغم
سودة عليه جان متأمل بأهله يحموني من الزمن
شوف اهلك شسوو بيك وبية
اكيد همة خاطفيك وماذيك
السووه قبل مو شوي
والضابط عمر كلامة مو من فراغ
مدنكة راسي وامسح بدموعي
انمدت ايد عليه مسحت شعري
لوهله حسيت هاي ايد بابا
مصدكت نفسي رفعت راسي
لكيت هشام يمي واكف
بأيد يمسح راسي
وبأيد مقدملي كوب حليب
بعدت ايدة عني
وكلتلة ماريد شي منك وخر عني
هشام ـ كلهم طلعو وصفينه لوحدنة
شفتهه كل شوي تبجي وعينهه حمر
اكيد مماكلة شي من الصبح لهسة
ما انسئ شكد عمي وصة عليهه
من جنت وياه بالمحل
جان كل همة بنته
هواي ايام كلي انت ابن عمهه ومثابتة اخوهه الجبير احسبهه مثل خواتك وداريهه..
حتئ من تزوج جواد لاتكطع بيهه
حسسهه عدهه اهل يوكفون وراهه ويسندوهه
لاتسمح لجواد بيوم من الايام يتصورهه وحيدة ماعدهه اهل..
انقهرت عليهه كلش
رحت للمطبخ سويتلهه كوب حليب وجبته الهه..
جانت مدنكة راسهه وتمسح بدموعهه
منضرهه كلش اذاني نفسيا
ماحبيت اشوف توشة حزينة
اريد اشوفهه دائما سعيدة والضحكة مرسومة بوجهه…
مديت ايدي عليهه ومسحت شعرهه
بس للأسف بعدت ايدي عنهه ورفضتني ..
ماهتميت لتصرفهه…
اشربي شوي حليب توشة
ميصير هيج تبقين
ـ التهي بروحك هشام وعوفني
ـ خليت كوب الحليب ع الطبلة وكعدت يمهه …
من حقي اعرف ليش هيج دتصرفين ويانة .. طيب شنو البدر مني وضوجج لهلدرجة…
جانت علاقتنه غير شكل ليش هيج صرتي وياية
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
