البارت الحادي والستون
#لو_كان_لي_قلبان🥀
وبهداي
آحترگ بهداي
گضه عمره آلشمع من يحترگ سكته
🥀
هشام ـ جبت العشئ
ورجعت للبيت
خليته بيد نور
وردت اصعد للغرفة
اتصلو عليه خواتي
وكالو باجر يمرون كلتلهم هلا بيكم ..
وصلت الغرفة الباب مسدود
دكيت الباب ماكو صوت
صحت نتاشا ماكو جواب ..
راسا فتحت الباب ودخلت
شفتهه نايمة وواكعه المنشفة من راسه
و شعرهه متناثر علئ وجهه وجسمهه
شكلهه جدا مغري
تضاريس جسمهه خلت حرارتي ترتفع
كلشي بيهه يثرني عن بعد
شلون اذا اقتربت منهه
ماقاومت نفسي اكثر
دخلت وسديت الباب
اتقربت عليهه
وثنيت وكعدت يمهه
خصلات الذهب بكل مكان متناثرة عليهه
تلمست اطراف شعرهه
اول مرة المسة لمسه حقيقة
بدون خوف
استنشقت عطره
خلاني اروح لعالم ثاني
ادري هو نفس الشامبو الاستخدمة
بس ليش بشعرهه يختلف هالعطر
اووف يابنت عمي
لوتدرين شنو بكلبي الج
متعامليني هيج
بس اكيد يجي يوم وتفهميني
وتعرفين ليش هيج اتصرفت وياج ..
لميت شعرهه المتناثر علئ وجهه وخليتة علئ المخدة النايمة عليهه
شلت المنشفة
وحطيتهه يم رجلهه علئ الفراش ..
ماحبيت اكعدهه
خطية مبين تعبانة ونايمة
تحركت بهدوء خفت لاتكعد وتلكاني يمهه وتنفرني ..
كمت اخذت ملابسي اريد اسبح
وتحرك سيريل من مكانة ..
خفت لايوكع من الجرباية
صاير يتكلب خليتلة مخدة جانبية وعدلت نومته
وقبل لا اتحرك من مكاني
انتبهت علئ ايد توشة
الحلقة بيدهه ! ..
حلقة جواد بعدهه لابستهه ؟
شلون منتبهت علئ هالامر
بس كل هالاشهر مشايفهه
معقولة جانت نازعتهه
ورجعت لبستهه مرة ثانية
لا ما اتصور
يجوز اني مجنت منتبه علئ ايدهه
حاولت اعصر ذاكرتي مكدرت
مادكدر اتذكر
جانت بيدهه او لا
حاولت اهدئ نفسي
مهما يكون هو جان زوجهه وحبيبهه
يعني مستحيل اكدر اطالبهه تنزعهه حاليا
الصار وياهه صعب ومو هين
وحقهه من متتقبلني ..
اخذت ملابسي وباكيت الجكاير
ودخلت للحمام ..
فتحت المفرغة
وضليت ادخن وافكر شلون اتصرف وياهه
ما ائمن بمبداء للعنف
ولا ائمن بهالطريقة التزوجنة بيهه
ماكو غير اتركهه علئ راحتهه
خليهه شتريد تسوي تسوي ..
يمكن دخنت عشر جكاير بالحمام
الئ ان ارتاحيت
مو هين عليه الديصر وياية
ولا هين علية اشوفهه بهالوضع
كارهتني
رافضتني
صادتني
ومتريدني
بس شسوي
قدر وانكتب عليهه وعلية
شمرت الجكارة من ايدي وسبحت وطلعت ..
نتاشا ـ جنت نايمة وسمعت صوت بالحمام ..
اكيد هذا الافندي هناا
اوووف يالله
مصدك روحه يربي
كعدت علئ حيلي
لكيت المنشفة يم رجلي ..
هاي شوصلهه هنا مو جانت براسي
اكيد هذا هشام
مبين جان يريد يسوي شي الحقير النذل
خلي يطلع اني اوري..
عدلت كعدتي وضليت انتضرة
فتح الباب وديطلع
وراسا اتذكرت جواد بالفندق
من طلع لاف المنشفة علئ جسمة
وتارك صدرة مكشوف
يربي..
بس لا هذا يسوي نفس الشي
كلهم تفكيرهم بهالسالفة
ديطلع وبعدت عيني عنة
وضليت استرق النضر اله ..
لكيتة لابس تراكسود
ساتر روحه
والله زين
شعجب صاير ادمي
مو بربري مثل ميكول ..
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
