البارت الثاني والسبعون
#لو_كان_لي_قلبان🥀
فزة گلبي يم طاريك
مدري شلون "بس حلوة" ♥️
🥀
نتاشا ـ ليش هو اني بيدي اختار شي
كل الصار مو بأختياري
حتئ هالطفل
لا اكدر اذبة
لان راح انحرم من الامومة
طول عمري
ولا مقتنعه بي ..
رؤئ ـ والحل شنو برأيج
ـ ماكو حل
كولي لاخوج اني قابلة يكمل مراسم الزواج
رؤئ ـ صــــدددددك
كلـــووووووووووش
ـ طلعت رؤئ تهلهل وتصيح وينك هشام
تعال ابشرك
مشيت وراهه ووكفت ورة باب الهول ردت اسمع ردة فعلة
رؤئ ـ شبيك معقولة مسمعتني اهلهل
هشام ـ اي سمعتج
ـ دعووف التلفون دحجي وياك
ـ ابعدي ايدج شبيج دحجي وية اصدقائي
ـ لك نتاشا قبلت نسوي العرس
ـ اي
ـ شبيك اشو ممهتم
ـ ليش اهتم ؟
نتاشا ـ كلبي انقبظ من كلامة
هذا شبي
ليش هيج يحجي بهالاسلوب
اتقدمت اكثر
حتئ اشوف وجهه
ديشاقة لو ينصب علئ اخته
مديت راسي شوي بدون ميشوفوني ..
عينة بالتلفون لازكهه ويكتب
وابد ممهتم بالحجي وية اخته
رؤئ ـ شنو ليش
غير توشة قبلت تتزوجك
ـ ايباااه قبلت تتزوجني ..
ههه مشكورة
رؤئ ـ لا انت ابد موطبيعي اليوم مدكلي شبيك
ـ مابية شي
ـ لعد ليش مكلوب وجهك ومدلغم
ـ بالعكس منو كلج مدلغم
الحمد لله كلش فرحان
نتاشا ـ حسيت روحي رجعتلي من هالكلام اكيد جان ينصب علئ اخته
رؤئ ـ اكيد فرحان علمود الزواج
هشام ـ يازواج انتي الثانية
راح يصير المحل الي
واكدر اشتغل بي براحتي
راح اشتريت حصص 2 اصدقائي
وصار تلث ارباع المحل الي
يعني بقينة اني ووائل بس
وقنعته نفتح غذائية بدل الملابس بيهه خوش ربح
نتاشا ـ ماعرفت شسوي من سمعته هيج يحجي… حسيت نفسي كلش رخيصة وابد ممهتم بيه
رؤئ ـ اي الف مبرووك وشايف الف خير وان شالله تشوف الرزق عليه
زين بهالمناسبة باجر ناخذكم تكطعون مهر حتــ
ـ لا ماكدر باجر عندي موعد مهم
ـ اهم من زواجك؟
ـ ليش محسستني راح اتزوج الملكة اليزابيث واصير وصي بريطانيا
ترة صعدت لو نزلت خلك روسية وشايفة روحهه اكثر من اللازم
والواكف بعيني ومسكتني عنهة عمي هيثم فقـــط.. الله يرحمة الوحيد واكف بعيني ومجفيهه شري والا اني مو قليل شر لو اريد اتحقر وياهه
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
