Moonlight Serenade (Complete)

Chapter 50

Media: We Have Been Healed by Sovereign Grace Music

For more story feels, please play the media.

~

Malalim na ang gabi pero binabagtas pa rin ng kotse ang coastal road pahilaga ng Cebu. Tahimik lang ang biyahe. At may pagkakataong tanging headlight lang ng kotse ang nagbibigay liwanag sa paligid.

Dumaan sila sa Argao, sa Naga, sa Mandaue, at huminto saglit sa Liloan para mag-drive thru sa isang fast food chain na bukas, bago nagpatuloy pahilaga sa Bogo.

"Gusto mo bang kumain?" tanong niya.

Umiling si Gideon. "Just eat."

Sinilip niya ang mukha ni Gideon. Nakapokus ang tingin nito sa harap pero kapansin-pansin ang pagod sa mga mata nito. Lumunok siya. Naawa siya sa asawa.

Umikhim siya saka nagbukas ng topic para maaliw naman ito. "May Bible ka ba? Gusto kong magbasa."

Sumulyap saglit si Gideon sa kaniya. "Sa glove compartment." At binalik ang tingin sa harap.

Binuksan niya ang maliit na hinged door sa dashboard at nakita niya ang isang pocketbook size new testament.

Tumingin siya sa saglit sa asawa bago kinuha at binuklat. Nagbasa siya mula sa Matthew.

Ilang minuto pa siyang nagbabasa nang huminto ang kotse. Nag-angat siya ng tingin. Nakahinto sila sa isang bangin. Napaharap siya kay Gideon. "Where are we?"

Pero wala itong sinabi, bagkus umibis mula sa sasakyan. Bumaba na rin siya at umikot sa harap.

Kita niya sa malayo ang bilog at maliwanag na buwan. Sa ilalim ng bangin ay ang mapayapang dagat. Paminsan-minsan ay humahampas ang alon sa malalaking bato sa gilid ng bangin.

Naramdaman niya ang paglapit ni Gideon sa kaniya. Tumingin siya rito at nakita niyang may hawak itong gitara.

"Wait, kakanta ka ba?" tanong niya.

Ngumiti si Gideon. "Oo."

Napangiti rin siya. Just like what he did at the beach one night? He will sing a moonlight serenade again?

Naghanap ito sa paligid. Maya-maya pa'y umikhim. "Let's sit at the bench." Tinuro nito ang upuan sa ilalim ng puno hindi kalayuan sa puwesto nila.

Nagkibit-balikat siya at sumunod kay Gideon palapit sa tinuro nito. Pinaupo siya nito sa bench, saka naman naupo sa tabi niya.

Tumingala siya ulit sa buwan. Talagang maliwanag ang gabing 'yon. Walang mga bituin dahil sa liwanag ng buwan.

Malamig ang hampas ng hangin sa mukha niya. Nasamyo pa niya ang amoy ng lumot at maalat na simoy ng panggabing hangin na mula sa malawak na karagatang nasa kanilang harapan.

Napangiti si Jewel. Sitting in that place brought some silence to her. Because of the silence, sumagi sa isip niya ang ginawa sa nakalipas na mga taon.

"You know," bulong niya. "What I did in the last nineteen years of my life? I just wasted my time."

"That's okay. Those experiences will be your testimony."

Napatingin siya ulit kay Gideon. "Ano?"

"Your testimony," ngiti ni Gideon. Inayos nito ang gitara at bumaling sa kaniya. "... will change lives the moment people know who you were, when you were still ignorant of Christ's grace."

Nangunot ang noo niya saka napatitig kay Gideon. "You have a testimony too, Gideon?"

"Yes, I was a porn addict before, Jewel. I live my life in hypocrisy. Clean on the outside, but full of dirt on the inside."