ما انكر الشعور الغريب والسيء الي حسيت بيه لمن سمعت كلماتها لكن ما افتهمت مقصدها بوقتها لحد ما صعدنا السيارة وطلعنا من البيت وهنا صارت المصيبة الي دمرت حياتي وحياة ابني ، اول ما حركت السيارة ع الطريق وزيدت السرعة فقدت السيطرة عليها والي زاد من الخوف والفزع عندي هو لمن ضغطت على البريك وما توقفت وسحبت ال سايد بريك وهم ماتوقفت احتاريت شنو اسوي حتى اوقفها او اخفف سرعتها لكن بلا جدوى لحد ما سمعت رزان تصرخ بصوت عالي وتلزم المقود وتحاول تديره للجهة الخ بس بذيج اللحضة جان الوقت متأخر هواية ع الفرار من الموت وانصدمنا بسيارة ثانية وعلى أثرها فقدت بنتي الي صايرة من جهة السيارة الي صرنا گدامها وفقدت القدرة على المشي ، من ذاك اليوم المشؤؤم لحد هذا اليوم واني اتمنى لو ما مطاوعة رزان وعايفتها هنا ورايحة لوحدي ، وتمنيت لو بعد سماعي لكلمات سرور المبهمة باقية بالبيت ، هواية امنيات ومستحيل وحده منها تتحقق لان الي صار صار وانتهى الموضوع "راحت رزان وبعد ماترجع " هذا كله يهون حتى وضعي الحالي اني تقبلته بس أبني تغير ضحكته اختفت شخصيته تغيرت عبالك واحد ثاني بارد ومنغلق على نفسه قليل الكلام عكس قبل جان يضحك ويشاقي ومرح بسس موتها لرزان مثل الي قطع جزء من قلوبنا وأرواحنا دوم ايهم يحس بنقص وبكل ذكرى وفاة الها يعصب ويحبس نفسه بغرفته وياذي كل من يقطع خلوته وحزنه على اخته .
ايفان: مافتهمت شنو قصدج بكل هالكلام
اتمنى توضحيلنا لان داحسج تقصدين توصليلنا فكرة انه امنا انسانة سيئة ودتحاولين تتهمينا بموت بنتج الي توفت بحادث غير متعمد .
باوعتلها ليليان بحزن وانكسار شديد ودموعها نزلت ببطئ سارعت تمسحها ورجعت أبتسمت بضعف وجاوبتها لايفان .
ليليان: مو اني الي اريد اتهم امج بموت بنتي شرطة التحقيقات الجنائية ومحققيها الي بعد ما اتطلعو على الحادث واخذو افادتي وفحصو كُلشي لكو السيارة ملعوب بيها والحادث مُفتعل يعني مُتعمد ، مالگو اي شي يدينها بسبب نقص الأدلة .
ايفان: وهسه انتي شتردين يعني دتحاولين كوة تطلعين امنا مجرمة يجوز جانت تقصد شي ثاني لو لازم تسوينها مجرمه حتى تبربن فعلتج وخطأج الفادح .
فيان: ايفااان كاافي .
ايفان: لا مو كافي . . صارلنا سنين دنريد نلتقي بأمنا ونشوفها ولو دقايق ولمن نجي وكلنه امل ومتحمسين لشوفتها تطلعل٩حنا ضرتها وهي مألفتلها قصة طويلة عريضة بس حتى تخلينا نكره امنا ونعوفها . . خليها ابالج ست ليليان اني مستحيل اعوف ماما بعد ما انزاح العائق الوحيد الي جان يفصل بيننا وبينها . . عن اذنكم .
كامت ايفان وراحت باتجاه الباب ناوية تطلع من البيت ، كامت فيان وراهه وتوقفت يم ليليان وهيه تخلي كف ايدها فوك كف ليليان ومسحت عليه بحنية .
أنت تقرأ
عشق الضواري
Romanceالرواية الاولى من سلسلة "عشق أسود الرافدين" تتكلم القصة عن توأمتين تعيشان تحت رعاية جدهما برفاهية ودلال حتى يحين وقت وفاته لتنتقلا للعيش في بيت زوج والدتهما فتبدأ حياتهما في بيت زوج والدتهما فهل سيتغير حالهم للأفضل ام سيكون ماتبقى من حياتهما جحيم؟...
