عشق الضواري

بارت 33

اليوم دللتكم تلث بارتات بنفس الساعه ونفس اليوم ، ماطالبة منكم غير تجازوني بتصويت وتعليق حلو مثلكم لان مريضة وجاي اكتب علمود متابعات القصة الي راسلوني يتطمنون عليه وعلى اخبار الرواية 😁😅
.
.
.

مراد : جنت ناوي اتقدملها بس اخاف ترفض وهيه ماتعرفني حاولت بهالسنتين اكسب ودها حاولت بس اشوف نظرة اعجاب بعيونها . . وشوفت عينج انتي حسيتي بيه وصديتيني وهيه لاا . . والله لو عدي شي مو زين جا من زمان طبيتلها من باب الحب والغزل والحجي المعسول واكدر اسويها وافر راسها على مزاجي بسس مو ثوبي ولا اخلاقي والي خلاني اتمسك بيها وابقه احاول اكثر هوه طبعها الهادئ وعفتها واخلاقها وعدم اختلاطها بالبقيه وادري الي وره هالشخصية الي سمعتجن تكولن الها ضعيفة وجبانة انسانة ومره قوية اذتها وجارت عليها الايام انسانة مالكت الي يحتويها وينصفها انسانة عانت وكتمت وصبرت لحد ما انمحت ومابقى منها غير جسد خاوي . . انه اريدها على سنة الله ورسولة واريد اعوضها واكون الها ظهر وسند واهل وكلشي وما اخليها تحتاج احد انشالله . . شتكولين خيتي منسه . . شتنصحيني انتي . . والله عايش بنار طول هالسنتين ومابقه لا صبر ولا حيل حتى اتانيها سنتين بعد . . ولا بية امثل واسوي روحي جاي على شغل لو على اختي وحتى انتي ماباقيلج غير بس هالسنه وتتخرجين واذا تبقى بس هيه بعد بيمن اتحجج واجي اشوفها اذا هيه بوجودج ما تحجي كلمه ولا يطلع منها نفس شلون لو رحتي وبقت وحدها .

منسه تباوعله بعيون واسعة ومصدومة من كلشي كاله . . هيه جانت تدري بيه معجب باختها ورايدها بس ماجانت متوقعه انو رح يحجيلها كلشي بهالطريقة ويصارحها بمشاعرة تجاه اختها . . حست لسانها انعكد وما عرفت بشنو ترد وشتكول وهو يباوعله بأمل ومنتظر تجاوبه وتساعده حتى يحصل على گلب اختها . . ومنسه تعرف اخلاقة وشخصه الطيب وماعنده زايدة وناقصة ولا من طبعه يبصبص ويتحارش باعراض الناس بسسس جانت تفكر بأخته الي تكرهها هيه واختها وطول هالسنتين ماشافت منها غير الحقد والغيرة وبدون اي سبب يذكر حتى الولد الي چانت تحاربها علموده انقل لبغداد وراح وهيه بعدها تعاديها ، شلون لو سمعت انو اخوها معجب بغدير اخت منسه وشراح يكون موقفها وياترى هل اهلها مثلها متكبرين ومغرورين ومنافقين ويدورون مشاكل لو مثل مراد اخلاق وطيبة ونخوة وماشافتة فد يوم جذب لو خادع احد ، قاطع تفكيرها وهو يكول بحسرة .

مراد : بعد اخوج اذا صفنتج مطولة كليلي حتى اولي على شغلي يوميه عايف الشغل مكوم بالمكتب وجاي ، ولو هية مبينة من صفنتج السالفة چايدة ، عمي حتى اذا البنية مريضة مسودنة بيها جني كليلي . . بكلشي راضي بس اريدها تطيني ولو خيط امل حتى اكدر احجي وافاتح اهلج .

منسة : اءءءء يعني هوه . . الصراحه اختي مطلقة عانت هواي بزواجها وبالكوه خلصناها  وتطلكت وشايلة فكرة الزواج من راسها ما اعتقد توافق ولا تقبل ترتبط من جديد لان شكد يجونها وترفضهم . . اني ادري بيك طول هالسنتين وانته تحاول تكسب ودها ولاحضت اكثر من مرة خوفك عليها لمن تتخربط لو من تجي مريضة لو من تاخذ اجازة تبقى بس تسأل على احوالها يعني بأختصار ادري بيك معجب بيها وتريدها و.....