عشق الضواري

بارت26

صاح اخر كلامه بصوت غاضب فزز روزة وشاهندة الي جانن حاضنات بعضهن ويرجفن بقوة حتى ملابسهن تهتز ويباوعن للجنود بخوف وشفقة وامل واختلطت عليهن كل مشاعرهن ميدرن اذا يخافن على نفسهن لو على ذول السباع الي واحدهم يخزر بهيبهت وربعه وكلهم غيره عليهن وابد ماملو من المحاولة يكومون ويرجعون يضربوهم بالسلاح على ضهرهم لو على راسهم ويكعدوهم لحد ما سحب هيبت الاقسام ووجه المسدس لراس رزاق الي جان يباوعله بغضب وقبل مايضربة هيبت الطلقة تفل رزاق بوجه هيبت وابتسم بتعب وهو يتلقى الطلقة بجبينه . . باوع علي لصاحبة الي وكع ع الكاع ودمه ينزل من جبينه يلون الكاع بشرف . . صاح وهو يحاول يكوم لهيبت يريد يفترسه ويكطعه بأيديه بس ايديهم انهالت عليه ضرب بالسلاح لحد ما ضربة هيبت رصاصة ابرجله ورجع ضربه برجله الثانية وهو يصوب تجاه گلبه وحسين وصاحبة ماجد يهينون بهيبت بغضب وحرگة اعصاب وهمه يشوفون صحبانهم يتكتلون وهمه مقيدينهم . . باوع هيبت لعلي الي بده ينطق الشهادة وابتسم وهو يصوب المسدس لراسه بعد ماجان يوجهه لكلبه . . وماخلاه يكمل نطق الشهادة بمجرد ماكمل اشهد ان لا اله الا الله ضربة بجبينه وسكت صوته وهو يضحك بصوت عالي . . ويسبه ويكفر بالله ونبيه .

باوع حسين لشاهندة وجمانة وهو يكول الهن بصوتة التعبان من الضرب بنبرة كلهه قوة وثقة  .

حسين: دير بالجن تخلن هالنذل يتدناجن بعد موتن في سبيل العفة والشرف خياتي لا تخلن ارواحنه تروح ع الخالي بلاش موتن بشرف بعد اخوجن ولا يمسجن عار منهم .

ضحك هيبت بصوت عالي وهو يدفر حسين على وجهه ويوكعه ع الكاع خلا خشمه يطگ دم مثل شلال يجري وجه سلاحه اله وهو يحاول يضرب حسين الي كام عدل كعدته بصعوبة وهويباوع لهيبت ويبتسم بكل ثقة وقبل مايضربة هيبت شاف شفايف ماجد تتحرك عرفه جاي ينطق الشهادة رأسهن وجهله المسدس وضربه بجبينه مثل جماعته قبل مايكمل نطقها . . باوع على حسين وهو مبتسم بحقارة وسأله .

هيبت: لويش متنطقها مثلهم . . لو حضرتك متريد تصير شريف براسي مثل جماعتك الي يردون گوة يصيرون شرفاء عبالهم بنطق الشهادة راح يرف گلبي واشفعلهم .

ضحك حسين بتعب وهو يجاوبه : صحباني شرفاء غصبا ماعليك ولا تغشم روحك وتظن نطقو الشهادة حتى تعطف عليهم لاا يدرون بيك عار وماعدك لا غيرة ولا ضمير الي يعتدي على بناته مانتاني منه العطف واصلا ما نحتاجه من واحد مثلك نطق الشهادة من ايمانهم بربهم ياخذ حقهم منك ، وحتى ارواحهم ترجع لربها راضية مرضية واظنك شفتهم شلون ماتو موتة حلوة وهمه يدافعون على شرف هالبنيات ولا واحد منهم ترجاك حتى تعفي عنه لأن انته الغلط حطب لجهنم واحنه الحق ندخل الجنة والله راضي عنه . . وبالنسبة اليه اني أول ماشفت جهرتك انته وربعك نطقت الشهادة لان عرفت بيكم انذال وراح تتچالبون علينه .