عشق الضواري

بارت15

جانت فيان تقود السيارة بكل هدوء وهيه مركزة بطريقها وأبالها يتردد كل حجي ليليان وحجي جدها وكل الاسرار والحقائق الي حجاها الها جدها عن امها . . لحد ما صحتها من شرودها صرخة من ايفان .

ايفان: لج شبييج . . صار ساعه احجي وياج
اسمعيني زين لا عبالج راح اعوف ماما تره مستحيل اعوفها رح احاول بأي طريقة احصل رقمها واتصل بيها واعرف كُلشي منها . . وما اخلي هاي الحرباية تنتصر علينه بچذبها .

هزت فيان راسها توافق اختها . . بس حتى تخلص من كلامها الي ماينتهي .

مر أسبوع على زيارتهن لبيت زوج امهن . . وفيان مازالت تفكر بكل المعلومات الي سمعتها من جدها ومن ليليان تنهدت بتعب وهي تسمع جرس الباب وقبل ما تنادي ع الشغالة شافتها طلعت متجهة للباب تفتحها
شوية واجتها وهي تكول .

اسيا: ماما فيان هذا رجل في باب يقول انه خطيب ماما ايفان .

عگدت حواجبها بنرفزة وأشرتلها تسمحله يدخل .

دخل ايسر للبيت وهو مبتسم ابتسامة خبيثة خلت فيان تباوعله بنفور وكالت بدون اي مقدمات .

فيان: بالله من شوكت صرت خطيب ايفان حضرة الاستاذ ايسر المحترم

باوعلها وهو مبتسم بأتساع بوجهه الخبيث وملامحه الحقيرة .

: من اول ما رفلها گلبي ووكعت بحبها وخاصة بعد ماعرفت انها تبادلني نفس المشاعر .

ضحكت فيان بصوت عالي على كلامه
وهي تباوع لآسيا الي جايبة الضيافة تقدمها للضيف خلتها تقترب منه وكالتلها بأمر .

فيان: عزيزتي اسيا هذا الشاي والضيافة اخذيهم الج وروحي للمطبخ اخذيلج استراحه شوي لان الاستاذ ايسر مو مطول هنا .

باوعت اسيا بغرابة وهيه تشيل الصينية وترجع للمطبخ مستغربة من اسلوب فيان الي اول مرة تشوفه يبدر منها تجاه ضيف .

فيان ببرود: ممكن اعرف بخصوص شنو هالزيارة الثقيلة .

رد عليها ايسر وهو يكتم غضبه بأبتسامة وكال بكل خباثة ولؤم .

ايسر: صراحه صار يومين يومين اتصل على خطيبتي ومدا ترد فكلت ازوركم اتطمن عليها لأنها كانت بأخر كم يوم منهارة

رفعت راسها فيان وباوعتله بطرف عينها بحاجب مرفوع أبتسمت وصبرها ينفذ من دنائته وطمعه بأختها الرعنة .

فيان: خلينا نكون صريحين بما أنه ايفان مو بالبيت، اني اعرف نواياك الحقيقية الي خلتك تعوف بنت خالتك الي حبيتها سنين بيوم وليلة ، ومثل ما تدري اني وجدو كسفناك اكثر من مرة تسرق مننا وجدو عافك بمنصبك بس لخاطر ابوك ، لكن لتظن لحضه وحدة بانه اني غبية وما اعرف اتصرف الاوراق والمستندات الي تدينك كلها موجوده . . واكدر هسه خلال كعدتنا الحلوه هاذي اخلي الشرطة يجون يسحلوك ، لكن اني مخلية تقدير لامك وابوك لخاطر جدو وبس بس اذا شفتك مستمر بملعوبك هذا ويه ايفان، هنا اني رح انسى منو انته ومنو امك وابوك ، وخليها ابالك استاذ ايسر، اني اعرف كلش زين انته محاط عينك ع املاك ايفان . . انته تريد توصلي عن طريقها . . وهالشي طبعا من عاشر المستحيلات مو سابعها . . وهسه تفضل ارجع اطلع من نفس الباب الي اجيت منها . . راد يحجي ماخلته وصااحت بصوت عالي على اسيا اجتي اسيا بسرعة كالتلها رافقي الاستاذ للباب .