عشق الضواري

البارت 43

البارت 2400 طولت البارت لعيون المتفاعلين وكلما تتفاعلون اطول البارت اكثر

لا تنسون التصويت بالضغط ع النجمة ومتابعة حسابي 🌹⁦❤️⁩
.
.
.

حست بجسمها يكزبر ورجفة سرت بأطرافها وهية تسمع الصوت الي اجه من وراهم . . صوت شيخة ،بت عمها الي من اول ماعتبت لهالبيت هيه استقبلتها احسن استقبال وعرفت من فيحاء ام زيد انو شيخه هيه الي نضفت غرفة ابوها وامها القديمة حتى تستقر بيها جمانة ، وكفت على حيلها بخجل وفشلانة من الموقف الي انحطت بيه كدام اول صديقه الها ابيت جدها باوعتلها شيخه بصدمة وقهر وهيه تقترب منها رادت تحجي جمانة وتبرر بس سكتها جف شيخه الي رفعته بمعنى تسكتها

وكالت بنبرة كلها غضب وعتب .

شيخة : معقولة يابت عمي . . معقولة يا خيتي الماجابتها امي . . هاي انتي هيج يطلع منج يجونة . . ماصدك تربات عمتي اسيل هيج يطلع منها .

اختل توازن جمانة وهيه تسمع كلام شيخة ، احتارت شتجاوبها وكامت تباوع لزيد المدنك وساكت وترجع تباوع لشيخة لحد ما بدت دموعها تنزل بقهر من الموقف المخجل الي انحطت بيه وهالگد ما كتمت بچيها واختنكت كامت تشهك بقهر ودموعها تجري وهية تعصر جف ايدها بحرگة گلب ، وغضب من زيد الي ماكلف نفسه وبرر لشيخة وطلعلها حجه لو عذر ، انتفضت وهيه تشوفه يگوم على حيلة ويحظنها گدام شيخة ويمسد على راسها ويضحك ، ضحكة رجولية لأول مرة تسمعها ، ضحكة خلتها تنسه الموقف الي هيه بيه وتنسه كلشي حواليها وتسرح بضحكته الخشنة ومليانة عذوبة ماتعرف شلون انجمعن هالضدين بيها ، ابتعدت عن حظنه وهيه تباوع لعيونة بحواجب معكودة تريد تفهم على شنو يضحك ، شافته يباوع وراهه ويأشر بأصبعه يخليه ع حلگه بمعنى اسكت ، اندارت لكت شيخة كاتمة ضحكتها وتهزله براسها بأي . . راسن دفعت زيد ورادت تمشي لغرفتها وهية مقهورة منهم ، بس لزمها وهوه يرجعها لصدره بقوة ، رفع راسها من حنكها وكال .

زيد : شبيج بوية على شنو هالبجي والزعل والعصبية . . تراج مرتي وعلى ذمتي ، مامسوين شي حرام احنه ، واذا فشلانة من شيخة ترة شيخة تدري بزواجنا وبكلشي ، ومن كبستنا هسة حبت تسويلها مقلب بيج وانتي يرويحتي ما انتبهتي لأشارتنه من البداية ومشت عليج .

باوعت جمانة لشيخة وعيونها مبللة بالدموع وهيه تشوفها بعدها تضحك بكتم واجت تجاهها وكفت يمها باستها من جبينها ومسحت وجناتها وهيه تكلها .

شيخة : يابوية شلون جونة عزيزة اخوي تبجي مني . . ولج كافي اذا طولتي بعد شوية بالبجية زيد يذبحني ع القبلة . . والله حبيت اتشاقة وياج وانه ابد مو من طبعي اسوي مقالب بس مادري ليش طاوعت زيد بهاللعبة . . كافي يبعد اختج واهلها .