عشق الضواري

بارت13

هذا البارت هدية لمرت اخوي الحيه /
اقصد الوردة لان متحمسة للقصه

اسيل بقهر: اني راح احجيلك بس اتمنى مثل ماكلت هالكلام يبقى ابيناتنا ، اني حتى جمانة محاجيتلها بخصوص هالموضوع ، لان جمانة من النوع الي تشيل بكلبها وصرااحه تندمت من حجيتلها سبب ابتعادنا والي صار قبل ما نجي لبغداد ، جانت دوم تلح عليه حتى نرجعلكم لكن من لمن حجيتلها قبل اسبوعين لحد اليوم وهيه شايلة بكلبها وتلوم بجدها وعمامها ، لذلك يا ابني اني وبصراحه احجيلكياهه ميهمني غير جمانة ، ماريدها تعرف بالي راح احجي اخاف تشيل بكلبها عليكم اكثر وتاخذ نضرة مو حلوة عن ولد عمامها .

بدت اسيل تحجي لزيد عن سوء معاملة اخوها وزوجته لبنتها جمانة وعن تهديداته المستمرة الها اذا رجعت لبيت اهل زوجها وعن ترديده لهل كلمات الي جان بكل مشكلة يهددها بيهن "اذا تردين بنتج ترجع خلي تروح لاهلها عساها ماردت بس انتي لاا شتردين الناس تحجي بعرضي بالطالعه والنازله ويكولون اختك راحت وهيه عزبا بنص بيت كله زلم " وحجتله شلون لمن يجذب على اي واحد يجي من اهل جمانة سواءآ عمامها او ولد عمها ويكلهم ان جمانة وامها ميردن يقابلنكم لحد ما كام جد جمانة يتردد عليهم بكثرة واخر جية اله اخوها اجه يحاجيها وهو متوتر وضايج سألته ام جمانة عن سبب جيتهم وليش هوه متوتر جاوبها وهو يتلعثم بكلامه .

محسن: والله يا اسيل ماعرف شاكلج . . اني حاولت انهي السالفة من يمي وكلما يجون اكللهم ميقبلن يطلعن لو ميردن يقابلنكم بس هالمرة عمج الشيخ فد مره قافل وانيي . . ماريد اكلج على شنو جاي اخاف يصعد سُكرج ويصير بيج شي .

قاطعها زيد بتساؤل بعد ما شافها صفنت

زيد: وكلج شنو الموضوع الي جان جدي جاي علموده ؟؟.

اسيل بحسره: اي . . كال قبل فتره طويلة جاي واحد من اولاد عمها لجمانة وشايفها لمن راجعه للبيت من مدرستها ورايح لجدك وكايله اني ناهي عليها لجمانة بنت عمي والياخذها اخلي دمه بطوله، وما خليها تروح لغيري وطالب من جده عساس اول ما تخلص السادس يجون يعقدولهم وياخذوها . . اني متت بقهري لمن سمعت هالحجي وكمت ناوية اروح احجي ويه عمي الشيخ بس خالها لجمانة وكفني وكال اذا تطبيلهم وانتي هيج عصبية ودمج فاير وتحجين رح يستغلوج ويركب الحق علينه وياخذون البنت غصب . . انطاني تليفونه وكال هذا موبايلي سجلي بيه صوت وكليلهم اني وفيت بوعدي وانتو عليكم توفون بوعدكم وجمانة ما ازوجها الا اخذ شوركم ولا عبالكم ابغداد وبعيدة عنكم يعني راح ازوجها بكيفي اول وتالي انتو اهلها والما تقبلون عليه اكيد احنه مانرضه عليه بس عوفونا لان احنه مانريد نرجع وياكم . . ما انكر اني كعدت فوك العشر دقايق احجي بالتسجيل بقهر عبالك جدك كاعد كدامي واعاتبه وبعدين هدأت نفسي وحاجيته الحجي الي سولفلكمياه .