شاهندة: روووزة اركضي اركضي هذوله كشفونا اجوي ورانه .
من الخوف والهبطه نست روزة الكرصه الي برجلها وماحست بنفسها الا وهيه تركض باقصى سرعتها وشاهندة كلساع تعثر وتوكع لأن تلتفت وتباوع وراهه لحد ما وصلن للسيطره والي جان متمركز بيها اربع جنود ثنين لازمين واجب وثنين نايمين لأن وقت استراحتهم لمحوهن من بعيد رأسن وكفو وهمو يشيلون السلاح بصفهم . . صاح الأول وهو يوجه سلاحه لروزة واختها .
اوكف مكانك اليتدنة نضربه .
بنفس اللحضة باوعت شاهندة وراهه لكت السيارات تقترب من بعيد ، واختها بحالة صعبة . . تشجعت وصاحت ع الجندي .
شاهندة: عموو الله يخليك ساعدنه هذول لاحكينه بالسيارات . . واختي انكرصت برجلها راح تموت .
وجه الجندي الثاني الكشاف عليهن لان جانن بعيدات وضوة الكرفان الي همه بيه ضعيف ميضوي محيطهم بالكامل . . باوعلهن شافهن اثنين بنات والسيارات وراهن تقترب ناحيتهم حس بنغزة قوية بكلبه وكأنه شاف اخواته مو بنات غربة حالتهن تصعب ع الكافر وهنه بهالمنظر وحده لازمه ايد الثانيه وحاضنات نفسهن وملابسهن غركانه بالطين صاح ع صاحبه بغيرة وهمة .
ولك علي اركض كعد الولد ذول جايين بسيارات مبينين هواي اركض بسرعة .
ركض علي وهو لازم سلاحه وطب للكرفان وهو يضرب ع الحديد ويصرخ بجماعته يكعدون وذاك الي بقه بره صاح على البنات يجن يمهم . . ماصدكت شاهندة تسمعه يصيحلهن لزمت اختها وهيه تسندها وركضت ناحيتهم اشرلهن الجندي يروحن وره الكرفان وامتثلن لأمره بسرعه . . وكفو الأربعه وهمه لازمين سلاحههم ويباوعون للسيارات الخمسه الي كامن يصفن وحده وره الاخ كدامهم . . ماهزهم الخوف ولا كدر يمس كلوبهم وهمه يشوفون كل سيارة بيهه خمس ازلام ينزلون منها ويتوجهون الهم وكلمن لازم بيده مسدس والبندقيه .
صاح بيهم علي بصوت مليان قوة وعزم .
علي: منهوو انتم وشرايدين جايين بسلاحكم تره اول ماشفنه سياراتكم طلبنه التعزيزات .
وفعلا هوه طلب التعزيزات تجيهم بعد مالمح عدد السيارات الي اجتي وره البنات .
اقترب منهم هيبت وهو يمشي بثقه كدامهم
وكف بحدود الهيكل الحديدي الي معلگه بيه الاضوية وصاح .
هيبت: يابة حسين شنو السالفة ماعرفتونا اني ابو محمد شنوو نسيتو الغدوات الي نجيبها الكم نسيتو مداراتنه الكم وانتو هنا مكطوعين بلا مي شرب نضيف ولا اكل مثل الاوادم لو باقين ع الحكومة تموتون جوع وعطش وبرد ومحد يدري عنكم . . وبعدين احنه ماجايين عليكم . . اني بناتي شردن من البيت وجاي ادور عليهن .
أنت تقرأ
عشق الضواري
Romanceالرواية الاولى من سلسلة "عشق أسود الرافدين" تتكلم القصة عن توأمتين تعيشان تحت رعاية جدهما برفاهية ودلال حتى يحين وقت وفاته لتنتقلا للعيش في بيت زوج والدتهما فتبدأ حياتهما في بيت زوج والدتهما فهل سيتغير حالهم للأفضل ام سيكون ماتبقى من حياتهما جحيم؟...
