# خريف المحبه.....
• انا :وين اعيالي شن صار فيهم وراجلي وين
• الممرضه: اطمني اكويسين ارتاحي انت بس
• انا: باهي نبي انشوفهم
• الممرضه: خلاص ارتاحي اشويه وايجيك الدكتور ايطمنك انت وضعك مازال مش مستقر
• انا :قعدت نبكي نبي اعيالي نبي انشوفهم قلبي واكلني عليهم وقعدت نبكي بهستيريه لاني كنت حاسه انه فيهم حاجه
• الممرضه : قعدت تجري ربيعه بسرعه كلمي الدكتور لوسمحتي اهدي انت عندك كسور واجد اتضري روحك
• الدكتور: كنها شن صار
• الممرضه :ناضت وتبي اتشوف اعيالها الدكتور اعطيها مهدي بسرعه
• وعطتني ابره وانا نبكي اعيالي الله ايربحكم وزوجي شن صارفيهم قولولي ريحوني وخذت الابره مفعولها ورقدت
• الممرضه: كيف حتحمل الخبر يادكتور شن صار في بنتها الصغيره شن وضعها
• الدكتور: مازل حالتها خطيره وان شاء الله خير الممرضه :ربي يصبر ها واجد عليها اعيالها الاثنين وراجلها والبنت الاخري مش معروف اتنوض والا لا
• وطلع الدكتور جوه هلي شن وضعها يادكتور
• الدكتور :هيا حالتها مستقره ماعليهش خوف بس عندها كسور واجد وفي يدها وكرعيها وعندها جروح غي بطنها بس الحمد لله سطحيه
• خويا محمد : وهو يمسح علي وجها الحمد لله الحمد لله ياربي انعدي انطمن امي عليها وهو مش قادر يحكي من المصيبه اللي حطت فوق راسه وكيف حيقولها لاخته اللي كانت زي تؤمه وكيف حيقول لها ان عيلتك كلها توفت وبنتك الصغيره مازال حالتها خطيره وصل في امه وهيا صايره فيها حاله وتبكي وتعيط
• امي: يانعليا بنيتي عدو عويلك يا نعليا انضر شن صاير فيك حتي انت ربي مايحسسني نارك يامي ربي مايضوقني نارك
• محمد : امي الحمد لله محبه ناضت يامي واكويسه عندها كسور وجروح بس
• امي : قعدت تبكي لاعارفه تفرح لا تحزن الحمد لله الحمد لله شن صار في رهف يا حميده
• محمد : والله قالي الدكتور مازال في العنايه ادعولها 😢
• امي: ربي ينوضها طيبه وتجبر خاطر امها يارب وخواتي ايتباكن وايسكتن في امي
• موده : الله ايربحك يامي انت عندك ضغط وسكر ردي بالك من روحك
• محمد : موده عينك منها وانت يامي هنيني عليك بنعدي انشوف كمال ومجدي شن صار كملو الاجراءات والا
• موده: تمام عدي شوفهم حتي هما ربي ايصبرهم عيله كامله راحت فيها
• عدي محمد لكمال خو معز لقاهم يتباكو جاء يجري
• محمد: شن في شن في متقولهش الله ايربحك
• كمال: بحت فيه قاله لحقت هلها وقعدو ايتباكو ويضابطو في بعضهم ومش عارفين كيف حيخبروني ويخبرو ام معز اللي هيا عمتي وخواته
• تعالناانعرفكن علينا
• الاب محمود متوفي والام سالمه مراه طيبه وحنينه وفي حالها
• نورا اختي الكبيره مواليد متجوه من علي ولدعمي عندها اعيال وبنات مراد مواليد ٩٦ورحمه ٩٩ ولجين ٢٠٠٢ويزن٢٠٠٤
• ومودهاختي الوسطيه مواليد٨٦ متجوزه عندهاسالم وحسن اسيل
• محمد الحنون مواليد ٨٣ متجوز من ايمان ٩٠ وعنده ابنيه سالمه ووليد محمود
• عادل مواليد ٨٨ خاطب وفرحه قريب خطيبته سحر
• وانا محبه مواليد ٩٠ متجوزه معز مواليد ٨٣ ولد عمتي وصاااحب محمد وعندي مصعب مرام رهف
• ووخالد ٩٣ متخرج ويشتغل في محل الكترونيات و
• اخر العنقود معاد ٩٦ يقرا في الجامعه
• هذي المقدمه.....
• يتبع.....
• بقلم ....احلام
