• # خريف المحبه .........
• الحلقه الثالثه عشر .......
• وليد ..... وهو عاقد حواجبه امي وين
• وداد ...في دار المعيشه
• وليد ... تمام برم ورد بحت فيها عزيز جاء والا مازال
• وداد..... لالا مازال ماجاء بس اقريب معش ايطول
• وليد ....تمام بعد ايجي قوليلي وبرم خش علي امه خير ياامي لاباس عليك كنك قالي احمد سكرك رقا
• الحاجه فاطمه ... تبحت فيه ومتبيش اترد عليه
• وليد ... طبس عليها وحب علي راسها وتنهد قصدك امقاطعتيني متبيش تحكي معاي
• الحاجه فاطمه ... وين كنت امس وليش بايت بره هذا كله لاني ندور في راحتك
• وليد .... كنت عند واحد صاحب انت ليش تحرقي لعند سكرك يرقا ياامي
• الخاجه فاطمه.... يعني الموضوع مايستاهلش اني نحرق عليه انشوف فيك كل يوم يفوت من عمرك وانت قاعد هك ولدي اول فرحتي نحقه مش متريح ولامتهني في حياته وماندورش
• وليد... يبحت فيها وساكت
• الحاجه فاطمه ..... انت اكثر واحد عارف غلاوتك عندي من دون خوتك مش فرق لا والله بس قريب مني من انت واصغير خاطري انشوف اعويلتك ونفرح بيهم ونلعبهم م وراس اوليدي ماتخلي شي فات يدمر حياتك انت توه متريح لكن لما تكبر واتشوف خوتك كل واحد داير عيله وعياله يلعبو حوليه واللي ايقول يابابا وانت تم اتفرج عليهم حتعرف قيمه كلامي وتندم ندم عمرك وانا مش هبله انخليك توصل لليوم هذا تربح ريح بالي وهنيني عليك ووافق
• وليد .... تنهد وسكت وايبحت فيها وجعاته امه ومش قادر ايوافق وحس روحه مخنوووووق ايصير خير وانت توه استهدي بالله وساهل خليني انعدي انغير وماترجونيش علي الغداء نعسان ونبي نرقد
• الحاجه فاطمه.... اسكتت وهزت راسها
• ***********************************
• عند محبه .......
• روحت معصبه ومش مستوعبه انها طلعها من المحاضره وياريت علي سبب كانه قاعد ايدور في سبله عشان ايفش غله
• محبه..... استغفرالله وخلاص عكرلي مجازي ها النفسيه هذ
• ايمان .... دقت عالباب وفتحتا تعالي تغدي الغداء واتي راه
• محبه .... سلم ايديك هي اشويه نصلي ونجي بعدك جيعانه
• ايمان ...تمام نستنو فيك
• ********************************
• عند عمتي زهره .......
• كمال ..... سلمك طيابه يا امي
• عمتي زهره ......سلمك صحتين وعافيه
• كمال ..... احممم امي قتلك
• عمتي زهره ...... نعم يامي
• كمال ... ءءءقلت نبدا انكمل شقتي شن رايك
• عمتي زهره .... وهيا فرحانه مشاء الله ربي يفتحها في وجهك احسن راي انا من زمان انقولك كملها غير انت اللي مش معدل
• كمال ... مش قصه معدل كنت مش في بالي ومعنديش نيه في شحوره عمال
• عمتي زهره .... وهيا مبتسمه وتوه عادي شكلك عندك وحده في بالك
• كمال .... سرح في شكل رحمه وهو مبتسم اهاا
• عمتي زهره ....وان شاء الله تطلع اكويسه يارب
• كمال.... هو انت تعرفيها
• الحاجه فاطمه ...وهيا عقدت حواجبها بتفكير من هذي اللي نعرفوها متقولش ساره
• كمال .... لالا وين مشيتي انت
• عمتي زهره ...قبل افرحت كانت في بالي نبي انقولك عليها والله منها ينسترن هالبنيات وتكسب فيهن اجر
• كمال..... وهو مصدوم ربي يستر عليهن ان شاء الله مش هيا يامي وحده اخري اللي في بالي
• عمتي زهره.... باهي من قول وانا من امبدري نسحب في الكلام منك
• كمال وهو منحرج .....رحمه بنت نورا
• عمتي زهره ...وهيا متفاجئه رحمه بنت علي ولد خويا
• كمال ....اهاا انت شن رايك فيها
• عمتي زهره ...ماشاء الله ماعندي مانقول ربي ايقدم اللي فيه الخير ان شاء الله لكن انت منين تعرفها
• كمال .... لا والله مانعرفها وماشفتها الا مرتين بس مره في فرح عادل ويوم اللي جن عندنا
• عمتي زهره ... اهااا ربي يسهلك كل خير ان شاء الله
• رشا .......خشت لقتهم يحكو..... شن تحكو
• عمتي زهره ....كمال يبي يخطب
• رشااا ...وهي متفاجئه صااااح ومن سعيده الحظ
• عمتي زهره ....وحده تعرفيها واقريبه ليك
• رشا ..بتفكير من هييييييي ان شاء الله ساره
• كمال ..... يادي ساره شن دخل ساره في النص
• رشا ..... ها اماله من
• عمتي زهره ....رحمه بنت نورا
• رشااا ....... نجججججججك ليا والله وعرفت تختار اصلا هيا لك من غادي
• كمال .....ههههههه وسعي بالك بس
• مجدي ....شن في فرحونا معاكم
• رشا.... كمال بيخطب رحمه بنت نورا
• مجدي ....مشاء الله كل شي عالبركه ربي ايتمملك علي خير
• كمال ..وهو فرحان الله ايبارك فيك والعقبالك
• عمتي زهره ....خلاص هاليومين انرن عليها وناخذ منها موعد
• كمال ....فرحان وحاس قلبه بيطير من الفرحه تمام
• **********************************
• عند رغد .......
• رغد ..... عزيز قتلك اتوصلني لمحبه اليوم وانت طالع
• عزيز ....تمام بس بدري عشان عندي شغل ومستعجل يادوب انلحق انحطك وانعدي
• رغد ....وهيا مضايقه تمام انرن عليها انشوفها قبل
• عزيز ....تمام وقوليلي
• رغد .... خذت تلفونها ورنت علي محبه
• رغد ....خيرات ياقلبي
• محبه ...اهلين ياسمحه
• رغد ....شن اخبارك وكيف حال عمتي سالمه
• محبه ....الحمد لله بخير
• رغد ..قتلك قاعده نبي انجي عندك اشويه اخري
• محبه ...اهاا تفضلي ماعندي وين نطلع اصلا
• رغد ...تمام شوفي موده حتي هيا اتجي اتكسد معانا
• محبه ...تو انشوفها بس ماضني اتجي طلعت حامل وتوحم وانت عارفه عاد موده وحمها كيف بس تو انشوفها
• رغد ...صاح الف مبروك ان شاء الله خلاص ياقلبي انتلاقو سلام
• محبه ...سلام
• *****************************
• عند موده ....
• موده .... وهيا تبكي يارب اتعبت خلاص انسحنت كبدي
• سراج ..... سادك ابكاء كنك انت
• موده ...خلاص ابطلت وانا خاشه طالعه من الحمام
• سراج ....باهي تمام تريحي انت توه وتو نجيبلك عصير ليمون
• موده .... تمام بس جيبلي حسن انرقده ساد اسيل بروحها تكفي وتوفي اشويه ورن تليفونها ايوه خيرات
• محبه ....اهلين كيف حالك اليوم
• موده ...اكويسه الحمد لله
• محبه ... قتلك تعالي اليوم غيري جوك رغد جايه
• موده ...مش عارفه انشوف الجو ونقولك
• محبه .....خلاص تمام معناها
• موده ....تمام سلمي علي امي وايمان
• سراج.....وهذا العصير اشربي هي بالشفاء ان شاء الله
• موده ...تسلم ايديك تعبتك معايا ياعمري
• سراج.... تعبك راحه المهم حيجينا بعد التعب بنيه حلوه زيك ان شاء الله
• موده وانت شن عرفك انها بنت
• سراج ...انا نبيها بنت ان شاء الله يارب
• ****************
• عند رغد .......
• رغد .... عزيز قتلك راه اكدت عليها محبه وقاعده
• عزيز ... تمام خلاص العصر نطلع دغري راه
• رغد ...باهي لعند امتي الحال هذا وانت هك
• عزيز .... اي حال شن اتقولي انت
• رغد .... يعني عاجبك الحال اللي انت فيه هارب من الشقه وماتروح لعند نص الليل وكان روحت ترقد دغري يعني هكي هيا الحياه وانا وين من هذا كله
• عزيز .....باهي شن تبيني اندير يعني نسيب شغلي وانجي ننقمعز جنبك والا كيف
• رغد .... هيا هكي قعدت انك اتقمعز جنبي وهيا ماسكه ادموعها تمام تمام اشويه وتلقاني واتيه وبرمت ماشيه لدارها ودمعتها نزلت وهيا اتفكر ف شن اللي غيره هك
• ذ****************
• عند نورا .......
• نورا ...لجين جيبيلي تلفوني ايرن حاطاته في الدار
• لجين .....هكي اهو
• نورا ....عمتي زهره خير ياعمتي كيف حالك
• عمتي زهره ...خيرات الحمد لله بخير شن اخباركم انتم
• نورا.... اكويسن تسال عليك العافيه
• عمتي زهره ...سلمك يارب قتلك كان بكرا قاعده نبي انجيك انا ورشا
• نورا... تفضلي لاقاعده
• عمتي زهره.... وبالمره كلمي حتي سالمه ومحبه ايجن حتي هنا
• نورا ....ان شاء الله خلاص نستني فيك
• لجين .....كنها عمتي زهره
• نورا ....قالت جايه بكرا تبي اتهدرز
• لجين... وهيا اتبحت في رحمه القتها مصدومه وجامده في مكانها غريبه مش عوايدها
• نورا ... حتي انا استغربت شكلها امكسده جايه هيا ورشا وقالتلي كلمي جدتك ومحبه ايجن خليني انوض انشوف باتك بالك يبي حااجه
• رحمه .... اسمعتي اللي اسمعته
• لجين ... مشاء الله طيحتي الراجل بسرعه وجاء بيخطب اخري
• رحمه ... حي عليا قصدك جديات تبي اتجي عمتي زهره وتخطب
• لجين ...لالا جايه تبصر اكيده هذي مش قالك كان خطبتك اتوافقي خلاص وراسك الا جايه تبي تخطب
• رحمه .... حي عليا شن اندير توه انا
• لجين..... بلاش اوفر خليك عاديه وخلاص كانك ماتعرفي شي وبالنسبه للضيافه ماما مش حتقصر في كل الحالتين
• *****************************
• عند محبه ......
• محبه .... نجك ليا افطومه العسل شن جوك
• افطومه .... تمام اتويسه لايفت عليك بكل ياعميمه
• محبه ....نجك ليا يا عسل انت
• ايمان..... افطومه تعالي معايا تلعبي انت وسومه فوق
• افطومه ... اهااا نبي نلتب ياماما باهي
• رغد ... اركبي عدي
• افطومه ... هيا يا عميمه
• محبه .... شن جوك رغودتي
• رغد..... اكويسه الحمد لله
• محبه ......حسيته مش تمام كنك صايره معاك حاجه
• رغد ..... اهااعزيز متغير بكل عليا يامحبه مش عارفه كنه منبيش نشك فيه بس والله متغير بكل له فتره عارفه طول يومه في الشغل وقليل وين ايروح للغداء وبعدها يطلع قبل العصر مايروح الا 11 في الليل ايدوش ويرقد مكانش هك عارفه قريب الكلام بينا محدود ولعند امبدري تعاركنا ومابيتش انكثر كلام معاه
• محبه .... متزعليش روحك يا قلبي عزيز مستحيل ايزعلك ممكن مضغوط من العمل بس
• رغد ...هو من يوم ماوافقتش علي اني نحمل وهو تغير بكل حتي اني انكمل السمستر اللي مازالي غير رايه وقالي فوتيه انا مش فاضي للشيل والجيب وسكتت
• محبه ... وانت ليش رافضه تحملي افطومه كبرت مشاء الله عليها ليش شوفي انا فقدتهم في رمشه عين وقعدت بلاهم ولا كاني عشت وجبت وربيت
• رغد .... ربي ايعوضك يارب كل خير ان شاء الله قوليلي شن جو الجامعه معاك
• محبه.... تمام اليوم صارلي موقف مانحكيلك روحت منحرقه منا
• رغد.... شن صار معقوله
• محبه .. الدكتور جاي فاصل من اول ماجاء وهو يعطي في اوامره اشويه ونحنا في نص المحاضره في شاب كلمني يبي بنينه عطيتها له اينوض الدكتور ايطلعني انا والشاب مش انقهرت منا مستفز بكل والله
• رغد...ان شاء الله غير مايحطك في راسه
• محبه ... ايحط زي مايبي مش مدورته
• *************************
• عند ساره ......
• هدي .... ها شن رايك في المحل معروف وفي بنات معاي مكانه اقريب من الشقه مرتبه اكويس بكل
• ساره ..لاتمام خلاص انحطك عند عمتي زهره والا في الشقه
• هدي ...خليني في الشقه وانسكر علي روحي وبكرا نبدا
• ساره ...تمام اصلا اليوم دوام مش كامل احتمال انروح بدري هي سلام وسكري علي روحك اكويس
• هدي .... تمام ماتخافيش عليا
• وصلت ساره للمستشفي ونزلت من سيارتها وهيا تسكر فيها وتسمع صوت من وراها
• هو.. واخيرا حصلتك ليا كم يوم نرجي فيك
• ساره .... وهيا مصدومه .انت شن تبي لاحقني لعند هنا
• عمران .... عطيني الاوراق وجهي معش اتشوفيه
• ساره ... وانا الاوراق مش عندي ولا نعرف علي شن تحكي فحول من قدامي احسلك
• عمران ... وهو يعلي في صوته وانا قتلك طلعي الاوراق احسلك وديني حتشوفي شي عمرك ماشفتيه
• ساره .....وهيا خايفه اعلي مافي خيلك اركبه وحتي لو الاوراق عندي تحلم اني نعطيهن لك
• احمد ... وصل للمستشفي وايشوف في واحد من بعيد ايعيط ومنضره واحد مش مزبوط ركز اشويه وايشوف ساره وهنا عقاله طااار وجاه يجري
• عمران .....صارهك هيا توانوريك كيف ماتبيش تعطيني ويرفع يده يبي يضربها كف وهووووب
• احمد .......
• ساره.......
• يتبع ..........
• بقلم ....أحلام
