• #خريف المحبه .........
• الحلقه الرابعه والعشرون .........
• وليد ....... نبي نحكي معاك موضوع وياريت تفهميني
• محبه .....تفضل نسمع فيك
• وليد .... بما ان كل واحد منا كان عايش تجربه ويعني متعرفنش علي بعض فا انا حاب انتعرفو علي بعضنا قبل يعني زي فتره خطوبه هك انكونو خذينا علي بعضنا اكثر طبعا حيكون الكلام هذا بيناتنا بس قدام العيله كيف اي اثنين متجوزين
• محبه ... وهيا حست بكميه راحه مش طبيعيه لدرجت بانت علي وجها تمام مافيش مشكله وايكون احسن لكل واحد ان يفهم الشخص الثاني اكثر
• وليد ...ارتاح لما شاف ردت فعلها بالطريقه هذي وحسها كانها فاهمته تمام بالنسبه لنوم انا حنرقد في الدار الثانيه وانت خوذي راحتك في الدار
• محبه ...وهيا الابتسامه علي وجها تمام
• وليد ...بالنسبه لشهر العسل فا حنطلعو مع احمد بعد فرحه لان توه زر مافيش وقت وطبعا في مكان انت تبيه
• محبه ... خليه شورك انت ادري اكثر مني يعني وهيا تحكي وتحرك في يدها وتحط في قصتها ورا وذنها
• وليد .... طول ماهيا مقمعزه وتحكي كان وجها يعطيك طمائنيه مش عاديه لعند ابتسمت مش عارف حسيت كانه اول مره انشوف حد يبتسم بالجمال هذاولما قعدت اتحرك في ايديها وهيا تحكي ولون الحنه علي ايديها كان ولا اروع كانت كل حركه اديرهاا تخليني نسرح فيها اكثر مش عارف شن صارلي وقعدت مركز معاها مافهمتش شن قاعد ايصير
• محبه ...تمام انا نعست خاشه نرقد تبي شي انديره لك
• وليد ...لا تمام شكرا عدي تريحي وخذت السفره امتاع القهوه وخشت للمطبخ قعدت اشويه وطلعت
• محبه ...كان ايبحت فيا بنضرات مفهمتهنش كانت نظرته مشوشه مش مفهومه شخص لما شفته من قريب مش نفس الشخص اللي في الجامعه اللي يشوفه في الجامعه ايحسه انسان متكبر مغرورومستفز للابعد الحدود بس هذا كان متواضع هادي عكس تماما عن الانطباع الاول اللي خذيته عليه تصبح علي خير
• وليد ...وانت من اهل الخير وقعد ايفكر وايدخن كيف حتمشي حياته معاهاوكيف ينسي الماضي اللي ازمله نفسيته وفات الوقت من غير مايحس وهو ايفكر وبحت في الساعه لقاها قريب الاربعه الفجر ناض يبي يشرب اميه بحت في الدار وجاء يبي يفتحها بعدها غير رايه ورد في الصاله ورقد وحط يده علي اعيونه وقعد ايفكر لعند خذاه النوم من غير مايحس
• *********************************
• عند البنات .......
• مروه ....شفتنها كيف طالعه اتهببببل
• اسراء ....حي كان حقيتن وليد كيف انسته فيها قريب كلاها بعيونه
• زوبه ....عنده حق عليك اوجيه سمح فيها وسبحان الله تبحتي فيها كميه راحه علي وجها غير عاديه
• وداد ...قل هو الله احد عليها داهيه ان شاء الله قولن مشاء الله علي الاقل وانتن طايحت فيها عطنها بعين ورزنها في عمرها
• زوبه ....هههههههه مشاء الله ماقلنا شي ننقانه طلعت افطومه ماهي ساهله تاريتها تعرف كيف تختار
• الحاجه فاطمه ....مازال مرقدتن انتن
• زوبه ...الطيب عند ذكره ايبان
• وداد ...اهاا ياماما كيف كملنا الحوسه وقمعزنا انهدرزو
• زوبه ......توين ياافطومه يازين مااخترتي يا حويجه تاريتك مانك ساهله
• الحاجه فاطمه ...الحمد لله ربي العالمين ربي ايهنيهم ويسعدهم ان شاء الله
• اسراء ...لكن يا ماما اولدك ماهو ساهل يستر الله ما ايدير مع البنت شي فصل ناقص
• الحاجه فاطمه ....اعوذ بالله من وجهك نوضي انتلفي من يلا وجهي يافرخه راه انخربه لك
• اسراء ....شن قلت انا ولدك بعد يفصل معش يعرف حد بكل
• الحاجه فاطمه ..يافرخه نوضي درقي وجهك من يالاي وجهي وسكريلي فمك من هالفال المعفن خير مانصبيلك
• زوبه ..فكك منها ياماما شنوباهي عدا احمد لساره
• الحاجه فاطمه ..اهاا عدا قال وتسلم عليكم لبسها الدبله وروح نوضن ارقدن وراكن حوسه بكري
• مروه ...... كلمتي خالاتي وخوالي اوهل محبه امبدري علي العشاء بكرا
• الحاجه فاطمه ......اهاا كلمتهن ويبن ايجن كلهن يبن ايتعرفن عليها قالن خلاص صبن هيا كل وحده اتخش دارها
• البنات .....هيا تصبحي علي خير
• الحاجه فاطمه ...وانتن من اهل الخير ان شاء الله
• ****************************
• عند رغد وعزيز ..........
• رغد ...عارف فرحاااانه نبي نطير مش مصدقه ان محبه تجوزت واخري قعدت سلفتي
• عزيز ......ههههههه صدقي واهي اخري في الشقه اللي جنبك
• رغد ...نعليا انا فرحااااانه ربي ايهنيها ويسعدهم يارب مع بعض
• عزيز ...ان شاء الله باهي انا وين من الفرحه هذي كلها ماعنديش حصه هك نحصلش احبيبه هك والا هك وغمزلها
• رغد .... بمااني فرحانه اليوم تاخذاللي تبيه ومش حنقول لا
• عزيز . نجك ليا معناها حيشرفنا عبدالله الليله ومن غير اعتراض
• رغد .....ههههههههه ومن غير اعتراض انا كلي ملكك
• عزيز ..نعليا نا حتي انا عريس عاد مش غير وليد
• رغد ...بتجعوين ودلع واحلي عريس اخري انت ادلل بس
• عزيز ..... اوباا هك معش نقدر نصبر انا راه
• رغد ...هههههه وانا منبيكش تصبر اصلا
• عزيز ...تعالي ونزل عليهاو########
• ***************************
• عند محبه .......
• محبه ......ناضت علي الفجر صلت وقرات وردها اليومي و سلحت الملايه وحست روحه عطشانه طلعت تبي تشرب اميه خشت للمطبخ شربت وهيا طالعه بحتت لقت وليد راقد من غير مخده واغطاء خشت لدار وفتحت الدولاب وخذت غطاء ومخده وطلعت صبت تبحت فيه كان راقد وحاط يده علي عيونه واليد الثانيه علي بطنه خذت البطانيه فتحتها وغطاته ووخذت المخده تبي اتحطها تحت راسه بس خافت اينوض خلتها جنبه وعدت للدار سلحت الطرف الفوقي امتاع البيجامه وخشت في سريرها وقعدت في مكانها وخذاها تفكيرها لاول ليله هيا ومعز كيف كانت وبعدها فطنت لروحها وتعوذت من الشيطان واستغفرت ربي وقعدت تدعي انه ربي يسرلها الحياه اللي خشت فيها جديد
• ******************************
• صباح يوم جديد .........
• عند ساره وهدي ............
• ساره....هدي صبي بسرعه وقت عليك
• هدي..وهيا اتكسل هيا هي صباح الخير
• ساره ...بسرعه الفطور واتي صبي اغسلي وبدلي وتعالي نرجا فيك
• هدي..... تمام ناضت وخشت الحمام وصلت وغيرت دبشها وخذت تلفونها اتشوف فيه لقت رساله استغربت من يبي يبعتلها علي الصبح وفتحتها وكان فيها
• (صباح الخير عليك ان شاء الله ردي بالك علي روحك وفي انتظار اتصالك )
• هدي ....كنه هذا يبي ايجنني وقفلت تلفونها وحطاته في القجر وطلعت
• *************************************
• عند محبه .........
• محبه ..وعت بدري وخشت للحمام دوشت وطلعت دهنت جسمها بالوشن وجففت شعرها ولبست قفطان حوش اقصير كان نص كم ولونه وردي هادي وفيه رسمه ولبسه سباط حوش لونه ابيض وبرمت علي وجها بمكياج خفيف ورفعت شعرها بطريقه عشوائيه وخلت خصلات منه نازله علي رقبتها وخست للمطبخ اتوتي في الفطور
• وليد اشويه ناض لقا روحه متغطي وجنبه مخده وقمعز وقعد ايحرك في رقبته يمين ويسار وبحت شور المطبخ ويسمع في صوت حركه عرفها هيا ناض وخش لدار واول ماخش رقت معاه ريحتها غمض اعيونه وفتح الدولاب وطلع لبسه وحطها علي السرير وخش الحمام عشان ايدوش
• محبه ....كملت توتاي الفطور وحطت كل حاجه في الثلاجه عشان مش عارفه شن ايحب يفطر وتت السفره بطريقه حلوه وحطت القهوه علي الطاوله وطلعت لقت وليد مش قاعد قعدت اتلم في مكانه وفتحت الروشن اتهوي في الصاله وخشت للدار لقاته حاط لبسه عل السرير خذتها وقعدت اتحدد فيها وكملت وحطتها في الداروقعدت ترجا فيه
• وليد ...طلع من الحمام بحت لقاء اللبسه محدده غير ومشط شعره وبخ عطره وطلع ومشا للمطبخ وهيا طالعه تبي اتشوفه كنه طول وهووووب يخبطو في بعضهم
• وليد ....مسكهاا من يدها قبل لا طيح
• محبه ...فكت روحها منه تباعدت عنه بسرعه
• وليد .. سرحان ايبحت فيها كيف طالعه اتهبل وكيف طالعه الحنه في كرعبها
• محبه ... ءء صباح الخيركنت جايه نضبح عليك اتجي تفطر
• وليد .. احممم احممممم صباح النور تمام تعالي وخشو للمطبخ
• محبه.....تبي قهوه والا حليب
• وليد ....لا حليب بالشاهي كان في شاهي
• محبه ...تمام في اهااوجت جنبه وقعدت اتصبله في الحليب تفضل
• وليد ... كانت قريبه منه وكل ماتحرك يشم في ريحتها اللي خلاته يتوترءء شكرااا قمعزي
• محبه ...جت كرت الكرسي.قمعزت مقابلته وقعدت تفطر وهما ساكتين
• وليد... كمل اوكاله وخر الكرسي وناض سلم ايديك
• محبه .. رفعت عيونها وبحتت فيه وابتسمت صحه كملت فطورها وناضت قعدت اتلم في الفطور اشويه وسمعت الباب ايدق مسحت ايديها وطلعت
• وليد ..... طلع من الدار لقاها طالعه من المطبخ خليك تو نفتح وفتح الباب
• اسراء ....وهيا مبتسمه صباح الخير علي احلي عريس
• وليد ... وهو يضحك صباح النور
• اسراء ..وين عروستنا السمحه
• وليد ..جوا خشي كان تبيها
• اسراء... لالا غير قوللها قالتلك ماما اليوم عندنا عشاء عازمه العيله وهلها وبعد الغداء حتجيها المزينه
• وليد ...تمام
• اسراء .... اهاا وغداكم توةانجيبه لكم بعدين سلام
• وليد ...سلام وسكر الباب ورد للصاله ولع التلفزيون وقعد ايتفرج
• محبه ...جت وجايبه القهوه معاها تفضل
• وليد .....اسراء جت قالتلك عندهم عزومه عشاء وقايلين للعيله وهلك وحتجيك مزين بعد الغداء قالت
• محبه .....بفرحه صاااح جايين هلي
• وليد ... ههههه بضحكه اهاا الفرحه هذي كلهاعشان جايين
• محبه ... بضحكه اهااايعني هك شعور تقدرش اتسيطر عليه
• وليد ...وعيونه عليها وهيا تضحك دوووم فرحانه ان شاء الله
• محبه ... تسلم يارب
• وليد .... انا نازال اشويه انشوف امي تمام
• محبه...... تمام وهو خذا مفاتيحه وطلع واشويه ودق الباب عليها خشت خذت لبسه الصلاه وطلعت فتحت الباب
• رغد .....نجك ليا غلاي صبحيه مباركه ياعروسه
• محبه ....ههههههههه وليا يا عيوني عارفه نرجا فيك من امبدري
• رغد ....هههههه عاد مش بارده انا اندق عليك ووليد قاعد
• محبه ...ههههههههه
• رغد ...هاشنو صار امورك تمام
• محبه ... تمام الحمد لله
• رغد ..عليا انا قولي هيا شن صار
• محبه ...بجد ماصار شي عادي يعني لان متوترين فامحبش ايدير شي بس اكيده اليوم حيصير يعني
• رغد ... ربي يهنيك يا قلبي
• محبه ...بعدين تعالي هنا ليش ماقلتيليش انك تعرفي انه دكتور في الجامعه
• رغد ...قصدك تعرفيه ماتقوليش هو الدكتور الثقيل اللي حكيتيلي عليه هههههههه
• محبه ...اهاا هو وانا منعرفش والله انه هو ا
• رغد ...حي عالجو خساره محقيتش منضرك لما شفتيه
• محبه ...خزي بارده احسن تسنتاهلي بس انصدمت قريب اعيوني طلعن وحسيته هو انتبهلي بس حاولت انخلي روحي عاديه
• رغد ...ههههههههه المهم خليني انصبي ننزل ورانا حوشه وعشاء كبير عمتي عازمه العيله وهلك
• محبه ..تمام ربي ايعاون بس شن نلبس شن رايك نلبس بدله والا قفطان
• رغد ....لا البسي البدله احلي قصيره تبين حنتك
• محبه ...تمام سلام
• رغد ...سلام
• وفات الوقت وجت المزينه لمحبه ودارتلها مكياج واستشورتلها شعرها
• المزينه ..شنو هك تمام عجبك
• محبه ...اهاا مشاء الله سلم ايديك وطلعت المزينه وقعدت محبه طلع في لبستها واكسسواراتها بعدها وطلعت لوليد لبسه وحددتها وخذت دارت لوشن لجسمه ولبست البدله وقعدت اتعاني هيا والسوسته امتاع البدله ماقدرتش اتسكرها
• وليد ..كان مقمعز يالا باته وخوته وايهدرزو جت وداد جايبتلهم قهوه وقعدت اتمد عليهم في القهوه لعند وصلت في وليد
• وليد .... شنو افضي الحوش
• وداد ..اهااخلاص روحت اركب كان تبي
• وليد ...تمام اشويه وناض ركب ايغير في لبسته فتح الباب وخش بحت في الصاله ملقاهش وعدا لعند الدار سمع حركه فيها ودق الباب
• محبه ...كانت اتحاول اتسكرهاا توء هيا زعمتيلي كبدي ودق الباب انفجعت هييي وحطت يدها علي قلبها واليد الاخري مسكت بها السوسته من لاوراء ايوه نعم
• وليد ...نبي انغير ادبشي نقدر انخش
• محبه ...ءءءء اشويه بس وقعدت اتحاول تتسكرهاوشعرها زاد اربكها جاباته كله علي الجنب تسكرت منها اشويه
• وليد ...باهي عطيني دبشي وخوذي راحتك
• محبه ...اها خلاص خش وقعدت مصبيه وراها المرايا وباين كل ضهرها وهيا ناسيتها
• وليد ...فتح الباب وبحت فيها خذت عقله بلبستها اللي كان لونها ازرق ملكي ماشي معها و بياضتها وبانت حنتها االلي في ساقها قعد يزمط في ريقه وبلا مايحس علي روحه وهو منسته تبارك الرحمن عليك جمااااالك خلاب واعيونه يلمعن من الاعجاب
• محبه ...خلاص ارتبكت وقعدت متوتره ومعرفتش شن اترد عليه
• وليد ...ولفت نظره ظهرها الباين من المرايه وبحت فيها نساعدك
• محبه ..عقدت حواجبها شن
• وليد ..قدم عليها ومسكها من اكتوفها وبرمها وحول يدها وقعد ايسكرلها في السوسته ويشم في ريحتها ومقدرش يمسك روحه الا وهو نازال باس رقبتهاوحس برعشه سرت في جسمها ونفسه عالي وبعدها فطن لروحه وخر من عليها
• محبه ....كانت تبحت فيه من المرايا وترعش مش قادره اتحكم في رعشه جسمها ولما نزل عليها غمضت اعيونها بالقوه وقعدت اتنفس بسرعه ومسكت قونتها وسكرت يدهااا عليها بالقوه
• وليد ....برم وقعد ايحك في جبهته بالقوه وهو متوتر ومرتبك وفتح الدولاب يبي ياخذ لبسه
• محبه ...قعدت اتهدي في روحها وتمالكت نفسها بسرعه عشان متزيدش توتر الوضع بينهم وبحتت فيه لقاته مرتبك اهيا وتيتلك لبسه
• وليد ... اهاا تمام ارجي ماتنزليش ننزلو مع بعضناوخش ايدوش
• محبه ...تمام وهيا خلاص من رعشه جسمها جت وقمعزت علي السرير وحطت يدها علي قلبها وقعدت اتهدي في روحها لعند سمعت المفتاح ويبي يطلع من الحمام طلعت بره ترجا فيه لعند يلبس وقعدت مقمعزه في الصاله
• وليد ..طلع من الحمام لقاها مش قاعده لبس ومشط شعره وبخ عطره وبحت في اكسسواراتها واذكر خبط علي جبهته اووو نسيتها بكل وعدا لدرج فتحه وخذا منا بوكس اصغير وطلع لقاها مقمعزه في الصاله بحت فيها احمم
• محبه ....رفعت راسها وصبت
• وليد .... جاء لعندها فتح البوكس معليش انسيت امس نعطيه لك وطلع منه دبله ومحبس هاتي يدك
• محبه ....مدتله يدها وهو لبسها لها وطلع ساعه ذهبيه لبسها لها حتي هيا في نفس اليد
• وليد ...مدلها دبلته يعني لوحابه تلبسيها ليا
• محبه ..ابتسمت ومدت يدها وخذتها ولبستها له
• وليد ... تمام هي ننزلو
• محبه ...اشويه بس نلبس اكسسوارت وعبايتي وننزلو اشويه وجت لابسه العبايه وفي يدها الخمارهيا
• وليد ..اهاا هيا وصلو لعند الباب وبعدهاوهيا تبي تلبس الخمار مافيش حد مافيش داعي تلبسيه تو اطيحي والا حاجه بالكعب
• محبه... تمام وحطاته علي المدخل وطلعو نزلو وخشت هبا وياه وهنا قعدن ايزغرتن ويسلمن عليهاوهو طلع
• وداد ..تعالي اسلحي في الدار وسقمي روحك وبعدها خشي
• محبه ...تمام سلحت وسقمت روحها وخشت عليهن وقعدت اتسلم وتعرفت علي العيله واشويه وجو هلها وخشو قعدن ايزغرتن وسلمن عليها وهيا تحضن فيهن وتضحك وقمعزن وقدمو ضيافتهم وبعدها ولعن الاذاعه وقعدن دايرات عليها جو
• موده ...صبي يارحمه ارقصي انت ولجين وكيف البنات
• رحمه ..لالا مش راقصه انا نتحشم
• موده ...اقعدي عليك عقد صبي يا لجين هيا عندك رقصه اتهبل يا فرخه ومقمعزه ثبي هيا
• لجين ...نجك ليا حاضر هي نايضه
• منير ...وهو جاي يبي ميه من الباب الخلفي للمطبخ ضبح علي البنات بس مافيش وحده سمعاته قدم خش لامطبخ وهو راقيتله الحيوانات هذن عيط لا الصبح من يسمعك شي طرش ان شاء الله ويكسر عينه اشويه يا لا الباب وايشوف في وحده ترقص وتضحك انسته فيها قعد ايبحت وفاتح فمه كانت لابسه بلوزه كت رقبتها عاليه وسروال اسود ولامه شعرها فوق ودايره قصتها عالجنب مافطنش الا علي صوت
• زوبه ....هييييييييي شن ادير هنا نهارك اسود
• منير ...وهو مرتبك وهيا بين اعيونه يكري فمك من امبدري انضبح انبح صوتي وانت شي ماتسمعن بكل نبي اميه بسرعه يرجو فيا بره طالع نرجاك قدام الباب
• زوبه ..بحتت فيه بنص عين باهي اطلع خلاص توانجيبها لك
• وفات الجو علي درابيك وزغاريت واشويه وقالولهم هيا
• محمد ..قالهم ضبحولي علي محبه يبي تيسلم عليها ويشوفها وهو وخوتها وطلعتلهم سلمت عليهم
• محمد .....وهو يسلم عليها مبروك ان شاء الله وربي ايهنيك
• محبه ...الله ايبارك فيك ياغالي تسلملي يارب
• وقعدت اتسلم علي عادل وخالد ومراد
• محبه وين معاذ مجش شكله
• خالد ..لا قاعد غير حصل في واحد ثقيل اشويه وايجيك اهو عمره طويل
• معاذ ...كنتو تحكو عليا خيرات يا شينه كسدنا يلاك والله الحوش شين منغيرك
• محبه ...نجك ليا يا غالي
• مروه ...وهيا طالعه جايبه في يدها عشاء عشان تعطيه لواحد من خوتها اللي يرجا فيها وهيا متندريش انه في حد قاعد تمشي لعند قابلها معاذ وهو ايهدرز مع محبه ويضحك قعدت مصبيه وتبحت فيه
• معاذ ..برم وجها وبحت وبحت في الجيه الي فيها مروه وشافها وتفاجاء وابتسم وبرم وجها بسرعه قبل ماتلاحضه محبه
• مروه ..مازال مصبيه لعند سمعت صوت حد وراهااا وجمدت في مكانها من الخوف ...........
• يتبع ............
• بقلم ......أحلام
