• #خريف المحبه.......
• الحلقه الرابعه ......
• عند الطواري مصبيات يرجن علي طلعت الدكتور وجن يجارن
• ساره ....طمنا يادكتور شن وضعه
• الدكتور .... شن تقربله انتن
• ساره .... نحنا خواته كنه ان شاء الله خير
• الدكتور ..... والله شن انقولك للاسف جلطه علي الدماغ
• ساره وهدي .....هيييييييي لاياربي لالاياربي وايتباكن😭
• ساره.... شن وضعه باهي خطير يعني 😭مافيش امل انه اينوض
• الدكتور ..... الامل في الله هو توه وضعه مستقر بس حطيناه في العنايه وان شاء الله تحسن حالته واي استفسار انا في المكتب واسمي الدكتور احمد
• ساره ... تمام شكرا
• الدكتور احمد ... الف لاباس عليه وعدا
• الدكتورطارق ..... وينك ياراجل من امبدري وان نرجا فيك
• احمد ....والله كانت عندي حاله مستعجله طلعت وجيتك دغري وريني الملف اللي صرعتني بيه
• طارق ..... هذاملف المريض هو يقربلي فهمت وانا الفتره هذي زي ماعارف اني مسافر عشان الدوره ونبيك تمسك الحاله انت
• احمد ....تمام خلاص عطيه موعد وايجيني واعتبر موضوعه تم
• طارق ...تمام عارفك اتهني
• عند البنات ......
• زوبه ..... مروه احكيلي كنك من اول ما روحتي وانت راقده وبعدها ساكته مش من عادتك قوليلي لو صارت معاك حاجه
• مروه ..... قعدت تبكي فجاءه😭💔
• زوبه ....هيييييي كنك تبكي حي عليا شن دايره يافرخه
• مروه .....اسكتي مش دايره شي من اللي في عقلك والله تو نحكيلك بس فكيني من الهزايب متخلينش نندم اني حكيتلك 😥
• زوبه ..... احكي يافرخه راه انعجنك وفكيني من هالمقدمه
• مروه ...... يومتها ساميه صاحبتي قالتلي في شاب تعرفت عليه نبيك تمشي معاي انشوفه وانت تصبي معانا علي اساس ماتبيش تمشي بروحها 😔
• زوبه ..... وانت مضحكه وافقتي طبعا 😤
• مروه .....اهاا 😢واليوم كان الموعد معاه وبعدها اول ماشفت شكله اندمت بكل وقلتلها نبي انرد بس هيا سكرت راسها وووحكتلها الموقف اللي صار كله
• زوبه ..... انت وين عقلك معقوله تضحك عليك بكلمتين وتسايريها وامتي تعرفتي عليها الفرخه هذي لو دارلك الشي االفرخ هذا مافكرتيش في خوتك لو يسمعو عليك انك واقفه مع شاب شن حيديرولك واخري شكله صايع ووحشاش الحمد لله اللي شاب شافك وجا وخلاك تمشي من غير شوشره
• مروه.....وهي تبكي 😭خلاص متزيديهش عليا اصلا استحقرت روحي اني خليتها تضحك عليا ونمشي معاها
• زوبه .... اللي صار صار توه وان شاء الله اتكوني تعلمتي مش اي فرخه تعرفتي عليها توثقي فيها وبعدين وين علا اللي ماشيه مع هذي ومسيبتيها
• مروه ....علا لها يومين غايبه عندهم فرح في البيضاء ماشيتله
• زوبه .... المهم توه ردي بالك من الفرخ مرات ايتعرضلك مره اخري والفرخه اللي اسمها ساميه فوتيها متبيش خلطتها واحمدي ربي انها مشت علي خير المره هذي
• عند هلي ..... ❣
• امي.... شنو صار يا عادل كلمتها سحر واتفقت معاها
• عادل ....اهاا يا امي قالت تمام حدد الوقت اللي تبيه وان نبي انشوف صاحبي عند حجز والا لا وعل الحجز نحدد التاريخ
• امي .... باهي ربي يسرلك ان شاء الله ويفتحها في وجهك وايهنيك وايفرحني بيكم كلكم ان شاء الله
• عادل ... امين ان شاء الله وايخليك لنا يا نواره الحوش
• عادل ... شنو محبه روحت والا لا
• امي.... اهااا روحت من امبدري ركبت فوق احميده قاللها تعالي كسدي معانا فوق
• عادل .... اهاا تمام الحمد لله نفسيتها تغيرت وتمت احسن منقبل
• امي.... ايوه صدقت الحمد لله اللي ربي نزل عليها
• الصبر ...
• عادل ... وقف وهو ايحب علي راسها ماتبي شي امي ماشي انرقد ورايا نوضه بدري
• امي... سلامتك يا عدوله تصبح علي خير ونوم العوافي ان شاء الله
• عادل ...وانت من اهل الخير
• خالد .... شنو متفقين انت تراهن من امبدري اني منقدرش انعشيكم هالوقت ولو تعشيت عندي اللي نبييه تعطيه ليا
• قاسم .... اللي تبيها تاخذها معندكش مشكله
• خالد.... معناها الف اجنيه تحطهن قبل لاتطلع وتروح بعد اتعشاء
• قاسم ....تم خلينا نتعشو وبعدها حلال عليك الالف
• خالد.... تم
• خليل .... حي عليك هذا مادام قالك تم معناها الالف راحن عليك
• باسم .... ههههههه ننقانه الرهانات مش شوري لان الحاج معندش مع من يضحك في هالوقت
• خالد ....معناها خليك بعيد عليهن خليني انرن علي هلي
• محبه ..... هههههه عليك اللي تقدر غلبت خوها
• محمد .... علي مادرت فيه ماد وجها وخلاص تضرب فيه واخذه الغلبه وهو مافالح في حاجه الاهالعياط
• ايمان .... حرام عليك كنك معاه انت تبيه يقعد مصارع شكلك والله حتي هو ما مقصر الضرب ويضرب ويعض اخري
• محمد ..... شفتي وهذي واحد من الاسباب اللي مخلياته هك
• محبه .....هههههههه مع رنه تليفونها القاته خالد
• محبه ...ايوه يا خالد وينك لعند توه
• خالد .... ايوه اهو اشويه وامروح معي الشباب يبو عشاء وطالبين امكيرينه شنو انجيبهم والا انعدي لمطعم
• محبه .... لا تعال تمام تلقاني حاطتها علي النار
• خالد .... تم سلام معناها
• محبه ....سلام وناضت
• محمد.... كنه شن يبي خالد
• محبه ....قالي الشباب جايين معاه ويبو عشاء مكرونه
• محمد .... هذا مايبطلش في عادته هذي بكل اكيده فيها ارهان الساعه اقريب ١٢ توه
• محبه ..... تصبحو علي خير نازله انحطها قبل لايجي هو وياهم ونبرم علي المربوعه اشويه
• محمد وايمان ..... وانت من اهل الخير
• عند ساره وهدي في المستشفي مقمعزات قدام العنايه😭💔
• هدي ... كيف ايصير فينا توه شن انديرو ياساره
• ساره .... مش عارفه ياهدي والله شن اندير بس بكرا الصبح انروح بيك وتعدي لمدرستك وبعدها تقعدي عند عمتي زهره جارتنا وبنتها رشا صاحبتك وتعرفيها وناس مشاء الله عليهم محترمين لعند ربي ايفرجها منقدرش انروح ونسيب عمر بروحه وانت منقدرش انخليك في الحوش ابروحك علي الاقل لعند اينوض ويفتح اعيونه
• هدي .... ان شاء الله يارب مافيش الا هك بس حتي انت كيف تقعدي بروحك هنا لو اتصيرلك حاجه والا يضايقك حد
• ساره .....متفكريش فيا توه نعرف كيف انصرف نبي نعدي انشوف الدكتور ونساله علي كم حاجه خليك هنا اشويه مش مطوله
• هدي ...تمام نرجي فيك
• ساره .. ناضت اتدور في مكتب الدكتور احمد وسالت عليه ممرضه دلوها عليه وصلت فيه ودقت علي الباب
• احمد ..... كان يقرا في ملف قدامه رفع اعيونه للباب تفضل
• ساره ..... فتحت الباب السلام عليكم ممكن نخش
• احمد .... وعليكم السلام ومد يده شير علي الكرسي تفضلي تريحي
• ساره .... شكرا وقمعزت معلش نبي نسالك علي حاله عمر خويا نبيك تحكيلي علي حالته بصراحه يعني في امل انه اينوض والا لا
• احمد ..... حول النظارات اللي كان لابسهن شن انقولك هو حالته مازال مش مستقره وبكرا عنده صوره علي راسه وعليها حنعرفو شن حالته بالضبط ولعند وين الضرر اللي سباباته الجلطه
• ساره ...يعني في امل يا دكتور ان اينوض منها
• احمد .... خلي املك بربي كبير وان شاء الله ربي يشفيه
• ساره ..... وهيا عيونها حمر ومنتفخات من البكا والدمعه في عينها رفعت عيونها في احمد نبي نعرف حاجه انا متاكده انك تعرف انه حينوض والا ينعي كم نسبه اللي تعطيها له
• احمد ..... سرح في عيونها وجمالهن وشداته نظرت اعييونها الحزينه لعند هيا تحشمت ونزلت عيونها وهو فطن لروحه احم احم وارتبك يعني والله شن انقولك يا انسه
• ساره ......ساره
• احمد ....ياانسه ساره نعطيك نسبه خمسين في الميه انه اينوض منها لو كان اتجلط اصغير وزي ماقتلك التشخيص يعتمد علي صوره بكرا و نحنا مانبوش نسبقو الاحداث و انتفألو خير
• ساره ... وهيا تصبي شكرا دكتور احمد معليش عطلتك وخذيت من وقتك
• احمد..... العفو واجبنا واي شي تحتاجيه تلقني موجود
• عند محبه ......
• طيبت المكرونه وتوتي في سفرة العشاء ودارت معاها سلاطه وحطتها في السفره ورنت علي خالد
• خالد .... نجك ليا احلي خيه والله عارفك مش حترديني وليك مني 500 اجنيه علي هالصفره السمحه
• محبه .... ههه صحتين وهناء مانبي منك شي خليهن لك ا500 كاني خذيتهن واجرتي اغسل الصفره بعد تعشاء وايروحو انا نعسانه ونبي نرقد واهيا سفره المشروب واتيه
• خالد ..... 500تاخذيهن يعني تاخذيهن وبالنسبه للسفره كوني هانيه خلاص خوذي راحتك وعدي تريحي
• محبه ...تمام معناها تصبح علي خير
• خالد..... وانت من اهل الخير وشال سفره العشاء
• خالد ..... وهو خاش بالسفره للمربوعه هي تفضلو يا شباب امكرينه علي كيف كيفك
• قاسم .... حلال عليك الالف والله تاريتك تفعل
• خالد .... اكيد نعجبوك يا باشه هههههه
• عند نورا .......
• لجين ...... ليش ساكتيلهن ياماما معقوله تسمعيهن يدون عليك وانت ساكته ليش شنو يحسابن ارواحهن😤
• نورا ..... سكري فمك تو يسمعك باتك ومراد كنك انت🤨
• لجين .... شنو معندكش احساس يحسابنك والا معندكش اللسان لهن انا عارفه انك تقدري اتسكتيهن نبي نعرف ليش مخليتيهن يحكن عليك وقعدت تبكي 😭
• نورا..... جت حضنتها علشان باتك يا ماما مش حمل مشاكل انت عارفه ان تعبان عشان هك سلم بنتي فكيني من الدواوي هنا ايدورن في سبله عشان ايحرشن باتك وانا مش مدورتهن لو نبي انرد كنت حطيتهن في حجمهن
• رحمه ..... بس مش حل سكوتك عليهن مش كل ماتنزلي للجديده ايديرن هك ضروري اتحطيلهن حد😢
• لجين ....انا حنحكي لمراد هو اللي يعرف ايسكتهن
• نورا ... اتديريها يا لجين يابقي انسي اني انسامحك انا حذرتك😤🤨 قتلك منبيش مشاكل وانا مش واحله فيهن لو نبي انسكتهن خليهن يحكن وايتهزن لعند يشبعن وانا نعرف امتي نرد عليهن علي خشه مراد عليهن
• مراد ....شن في ياامي كنكم صوتكم طالع كنك تبكي يا لجين في حاجه صارت عند عيت جدي
• نورا ....لالا مافي شي شن دخل عيت جدك توه انا كنت انهزب فيها علي حاجه
• مراد ....وهو مش مصدق ومن امتي لجين تبكي من هزيبتك انا مش قتلك معش تنزليلهن وفكك منهن عارف انهن سمعنك كم كلمه من كلامهن ومتبيش اتقولي بس ساهل مصيري حنعرف
• نورا... كنك مركب علي الموضوع انت بطلع حاجه وخلاص قتلك مافي شي وبرمت علي لجين ورحمه وانتن عدن ضمن المطبخ تحركن 😠
• صباح يوم جديد ......
• محبه ..... صباح الخير ياماما
• امي ... صباح الخيرات ياامي شنو طولو اصحاب خالد
• محبه.... والله مانندري عليهم انا حطيتلهم العشاء وخشيت رقدت مراجيتش لعند روحو
• امي ....اها كلمتني موده امبدري تسلم عليك قالت جايه العشيه
• محبه ... سلمك وسلمها ان شاء الله تو انحط الغداء وبعدها تو اندير بسبوسه نشربو بيها القهوه وتو انكلم نورا اتجي هيا والبنات وبالمره انسقو شن نبو انديرو علي فرح عادل
• امي .... علي كيفك خاشه انتريح علي ماذن الضهر #####
• عزيز ....... هاتي البشاره يا امي
• الحاجه فاطمه.... شنو يا عزوزه قول
• عزيز...... بعد عزوزه يا امي ماخليتي فيها قول 😑
• الحاجه فاطمه .......ههههههه عطك الخير ياوليدي شن تبي اتقول هيا
• عزيز ..... بكرا وليد مروح هيجي هي ياحاجه
• الحاجه فاطمه .... والنبي صحيح ياعزوزه
• عزيز..... ردينا لعزوزه مره اخري 😑
• الحاجه فاطمه ...... الحمد لله ياربي طيب فينا اللي بيرد الغالي الحمد لله يارب
• عزيز.... عاد الكبيده يبي ايجي اسمله عليا وخلاص
• الحاجه فاطمه ...... غير تسلمو كلكم اعويلتي مانهون واحد فيكم
• عزيز ...... ربي ايخليك لنا ياحويجه انت والحاج واتشوفي اعيال اعيالنا
• الحاجه فاطمه ..... امين ان شاء الله يا اسريوا يازوبه تعالن خوك وليد مروح بعد بكري
• جن يجرن مروه واسراء فرحانات شنو ياماما امتي قلتي جاي مش قلتو بعد شهر
• الحاجه فاطمه..... توه قالها ليا عزيز واتجي زوبه تسمعهن ايقولن فيها
• زوبه.... لوووولللللللللللللللي وقعدت اتصفق واتغني هيا اسراء
• ياسلم خويا الكبير .....علي راسي كيف الشنبير
• ان شاء الله ماتشتاقه العين ..ايخش ايقول خواتي وين
• عندي خي اتقول عسل ....تزهي عيني وين ايطل
• يا سلم باتي واولاده ....كيف الصقر علي حساده
• علي نزلة رغد مشاء الله العقبه لفرحه يارب ههههههه
• رغد....يوصل طيب ياعمتي ان شاء الله ويفرحك بعويلته علي حياه عينك
• الحاجه فاطمه.... ان شاء الله يارغوده ان شاء الله
• عند هلي ......❣
• رن باب الحوش امي .....معاذ عدي شوف الباب يرن
• معاذ..... اهاا سمعته طالع هي من من
• موده ......انا موده افتح
• معاذ ....اووووو موده شن الاخبار سراج شن الاخبار كيف حالك تفضل هي
• سراج .. تمام والله كيف حالك الجامعه معاك
• معاذ ...ماشيه والله خير يا سلومه وين خاش وفايتني معقوله هك متسلمش عليا
• سالم .... زعلان منك انا مش يومتها اتصلت بيك وقتلك تعال نبي نعدي معاك للملعب وقتلي باهي
• معاذ...... اوووو عندك حق والله نسيتك بكل سامحني حقك عليا وعد مره اخري انجيك وانشيلك
• اسيل .... خير ياخالو شوف كيف انا جيتك وسلمت عليك
• معاذ ..... خيرات بدلوعتنا اها انت عسلنا مافيش حد كيفك
• موده ..... خير عليكم يا عرب الحوش🥰
• امي..... خير يا وده كيف حالك وشن اخبار سراج والعيال
• موده .....الحمد لله بخير
• محبه .....خيرات شن اخبارك وكيف حال العيال
• موده الحمد لله بخير
• سراج... السلام عليكم كيف حالك ياعمتي شن اخبارك يامحبه
• امي ..... وعليكم السلام الحمد لله بخير كيف حالك انت
• محبه ..... الحمد لله بخير شن اخبارك انت وهلك
• سراج .....تمام والله
• امي...... تفضل قمعز تريح واشرب حتي طويسه قهوه
• سراج .....لا والله مستعجل عندي موضوع وفي واحد يرجي فيا
• معاذ .... علي راحتك لكن العشاء هنا معناها مافيهش كيف وبعدين تلقا حتي الشباب قاعدين
• سراج .....تمام انكمل مع الراجل ان شاء وانجي هي السلام عليكم وطلع
• هما وعليكم السلام وقمعزن ايهدرزن
• موده .... شنو نورا مش جايه
• محبه.... مش عارفه رنيت عليها قالتلي تو انشوف علي وانقول لمراد ايجيبنا خليني انصبي اندير القهوه ونكلم ايمان تنزل
• امي.... اسمعتي فرح عادل توه
• موده .... وهيا متفاجئه صاااح مشاء الله ربي ايتممله علي خير وكيف صار مش كان الصيف الجاي
• امي ...... اها محبه قالتله طلع فرحك ماعندك عليش اتاجل فيه خلاص ساد البنت لنا سنتين ماسكينها
• موده ... ربي ايعوضها خير علي قصاد نيتها يارب
• امي..... اللهم امين
• وفات الجو هدرزه وضحك وجت نورا والبنات وقعدن اينسقن علي فرح عادل وشن بيلبسن وشن بيشرن واتفقن علي يوم يمشن فيه لهل سحر عشان يعطن التاريخ الي حجز فيه عادل بعد شهر بالضبط وتعشن وهدرزن وروحن
• صباح يوم جديد ☀️
• عند ساره وهدي .......
• ساره ... شنو يادكتور طلعت الصوره طمني شنو نسبه التجلط عنده
• احمد ..... للاسف طلع عنده نزيف وجايه في مكان حساس حتي عمليه عشان ايوقفو النزيف مايقدروش
• ساره ..... وهيا علي اعصابها وماسكه بكيتها بالغصب يعني شنو
• احمد ... ادعيله وان شاء الله ربي يشفيه
• ساره .... هنا خلاص قعدت تبكي😭 وعرفت ان مش حينوض منها كلها ساعات والا اقل وينتقل لرحمه ربي
• احمد .... نحنا كل اللي علينا درناه والباقي علي ربي وان شاء الله خير
• علي جيه هدي تمشي شافت اختها تبكي جتها تجري
• هدي ....شن في ساره كنه عمر حي عليا
• ساره .....حضنت اختها وقعدت تبكي وخلاص هيا وهدي لعند كل اللي في المستشفي تاثرو من الموقف
• ساره ...تمالكت نفسها وقعدت تبحت في اختها حالته خطيره واحتمال كبيره ان ماينوضش منها فانبيك صابره وقويه لان قوتي بيك انت وتوه ملنش غير بعضنا 😢😭
• هدي وهيا تبكي😭 مش عارفه ماتقول وفي قلبها هم كبير هيا واختها انهن بلا سند في هالحياه المليانه وحوش
• عند فيلة الحاج عبدالله ......
• وداد .... اسراء نوضي قريب يوصل وليد وانت منخمده صبي بسرعه 😠
• اسراء .... وهيا ترفع في الغطاء من وجها صباااح الخير
• وداد.... صباح الخيرات صبي ورانا حوسه واجده بسرعه صبي
• اسراء زوبه ومروه وين
• وداد ......في الجنان ايسيقن فيه
• اسراء .... هيا ماشيه للحمام واعيونها مسكرات خبطت في حد ياربي مش اللي فبالي يارب وقعدت تفتح في عيونها بالشويه
• منير .....كنك تمشي وانت مغمضه اعيونك ياحاله
• اسراء .... الحمد لله 😅هو انت فكرتك زوبه
• منير ..... هههههههه عليك حاله كلا انت
• ويسمعو في تبيب بره وبعدهاا مسجل عالي
• منير طلع بسرعه ايشوف من جاء
• الحاجه فاطمه ناضت تجري منير منو خوك وصل هو واا لا
• منير ...... اهاا يا امي هو
• الحاجه فاطمه ... خليني نطلعله معندبش صبر نرجي😍
• ويسمعو صوت رصاص طااف طاف طاف
• الحاجه فاطمه ...يا نعليا شنو هذا حي علي😱
• منير .......خشي جو يا امي انشوف شن في ردي بالك تطلعي
• يتبع............
• #بقلمي .....أحلام
