• # خريف المحبه......
• الحلقه الثالثه........
• امي ......هيييييي كنه وجهك هكي حي عليا
• معاذ..... مافي شي عركه شباب وحزت
• محبه ... لاحول الله تعال نعطيك ثلج حطهن علي وجهك
• محمد ...فكنا من المشاكل ورد بالك علي روحك
• معاذ...لا مشاكل لاشي عركه عاديه وحزت
• محبه ....اهو حطيتلك ثلج في فوطه حطه علي خدك
• معاذ... تمام هاتي وخش لداره وتمدد علي سريره وجت بين اعيون شكل مروه وهيا منحرجه وعيونها يلمعن بالدموع غمض عيونه زين وناض خش الحمام ايدوش وايصلي
• عند البنات ........
• وداد .... ماما الغداء واتي خلي وحده من البنات بعد ايجو خوتي تسخنه وتحطلهم انا طالعه للمدرسه
• الحاجه فاطمه .... خلاص اربحي يامي تو انقوللهن
طلعت وداد علي خشت زوبه من بره
• زوبه ....خيرات يا احلي ماما في الدنيا
• الحاجه فاطمه ...... خير ياحنه غريبه جايه رايقه مش عادتك
• زوبه ...... لاحول الله يعني كان جيت رايقه مش عاجب وكان العكس مش عاجب فاهميني يا حويجه شن تبي انت بالضبط
• الحاجه فاطمه .....مانبي منك شي ان شاء الله ديما رايقه وفرحانه شن ودي انا
• زوبه ....ربي يخليك ليا ياغلايا انت شنو روحت مروه والا مازال
• الحاجه فاطمه .....اها من امبدري وانظر كنها قالت ماتنوضونيش علي الغداء اه راه خالاتك جايات العشيه ديري حاجه حلوه نشربو بيها القهوه بعدين
• زوبه ... .صاااح 😥قبل بنرقد نعسانه وتعبانه انا عارفه وجهي مش وجه راحه 🥺
• الحاجه فاطمه ... وداد كملت الحوسه كلها و حتي الغداء واتي وتواطلعت للمدرسه بعد ايجو خوتك حطيلهم ونحنا نرجو اسراء اشويه وجايه
• زوبه..... حاضر ياماما قعدت اتمتم انا عارفه حظي الاسود امتي الواحد يتزوج وايتريحبس .
• عندنا هلي .....
تغدينا وضميت حوستي كلها وقمعزت يالا ماما وخوتي ايهدرزو ويشربو في الشاهي
• محبه ....عادل شن صار في شقتك كملتها
• عادل ..... وهومتفاجي وعم الهدوؤ بعد سؤالي اهاا لا شطبتها كلها خلاص علي الاثاث
• محبه .... اهاا باهي مشاء الله خلاص معناها جيب الاثاث وطلع فرحك لعند امتي ترجي ساد ماسكين بنت الناس لناسنتين
• خوتي وامي يبحتو في محبه وعادل وساكتين
• محبه..... بحتت في ماما ومحمد والا شن رايكم
• محمد .... اللي اتريحه هو ادري لو علي الفلوس لو يبي ايطلع مايفكرش في شي كله ساهل
• عادل ... مش عارف والله انا رتبت حساباتي علي السنه الجايه
• محبه ... المهم انت شوف سحر واتفق معاها نبو الفرح ايخش حوشنا وياريت ايكون بعد شهرين منها انت تجيب اثاث الشقه براحه وهيا تشري حاجتها
• امي.... اللي ريحكم ديروه لو اتفقتو قوللها ياعادل تاخذ موعد من هلهانمشي نحدد معاهم انا نورا
• عادل..... تمام ان شاء الله انرتب اموري وانقوللكم
• خالد .....بحت في محبه وابتسملها وغمض اعيونه ويضحك وهي ردتله الابتسامه بس مازال جرح قلبها ينزف لكن الحياه حتستمر ومتبيش اتجي علي حساب خوها وهيا تشوف فيه متلهف ان يستقر ويتريح
• محمد .... شنو محبه انا اشويه اخري وطالع اكدتي عليها خلاص تبي تمشي
• محبه ....اهاا خلاص تنزل تلقاني واتيه طلعت للدارها
• معاذ..... وين طالعين مع بعضكم والا كيف
• ماما...... محمد بيشيل محبه لرغد صاحبتها
• معاذ .....اهااوبحت في خالد منحسابكش تعرف تقنع واثاتر طلعت مشاء الله عليك
• خالد ..... ههههههه ولا انا اتصدق متوقعتش روحي ههههه
• معاذ ومحمد وعادل قعدو يضحكو ههههههه
• خالد ..... عاد انت يا عادل هيا اللي جت معاك افرح هي وجاه عند ودنه وقعد يدويله بالشويه وهو مصبي ويقلد في صوته سامحيني ياعيوني لو لا الضروف اللي صارن راه انت في حضني ونشوف اءءؤ
• عادل..... صباله عدي ياحيوان كنت اتنصت عليا
• خالد ....طلع يجري لحقه عادل ومعاذ ومحمد يضحكو عليهم وماما مش فاهمه شن يحكو تبحت فيهم وفرحانه ان ردت الضحكه بعد هالحزن اللي غيم عليهم
• الحاجه فاطمه ... اسراء عدي كلمي مرت خوك وقوليلها خلاتك جايات
• اسراء.... تو انكلمها بالتلفون انقوللها
• الحاجه فاطمه .... فزي صبي اركبيلها قلت انا شن تتصلي بيها هذي
• اسراء... باهي حاضر ياماما راكبه ها
• اركبت اسراء لرغد وتدق عالباب
• رغد ... هيا هي وافتحت الباب لقتها اسراء خير
• اسراء ...خيرات وينك منزلتيش اليوم
• رغد ... والله نضت متاخر يدوب حطيت الغداء وكملت حوستي
• اسراء ... اهااالمهم قالتلك ماما خلاتي جايات بيش تنزلي بعدين
• رغد ... صاااح وانا قبل بنقوللكن اركبن هدرزن جايتني محبه اليوم
• اسراء ...صاح تو انقولها لماما وتو تركب وداد معندهش روح معاكن
• رغد .... تو ننزل قولي لعمتي قبل لاتجيني وبعدها نركب انا وياها ارجيني اشويه انجيبلك من كيكه درتها نزليها معاك اشربن بيها القهوه بعدين وعطن منها لعمي والشباب اصلاحسبت احسابهم
• اسراء ... سلم ايديك بعدك كيكاتك لاتقاوم
• احمد ..السلام عليكم كيف حالك ياامي توه
• الحاجه فاطمه .. وعليكم السلام الحمد لله شنو خوتك وباتك جو
• الحاج عبدالله .. السلام عليكم حطولنا الغداء ياحاجه
• الحاجه فاطمه .... وعليكم السلام هي هي واتي انقول للبنات ايحطن بس وجت تبي اتصبي
• احمد... تريحي يامي تو انوض انقوللهن
• زوبه حطي الغداء باتي يرجي
• زوبه ...جيتو كلكم والا نعقب لواحد منكم
• احمد.... لا كلنا قاعدين حطيلنا مع بعضنا
• زوبه ....تمام اشويه بس نصب وانجيبه
• علي نزلت اسراء من فوق وفي يدها طاجين كيكه وخشت بيها للمطبخ حطتها علي الطاوله
• اسراء ... زوبه اهيا كيكه حطي منها بعدين لباتي وخوتي دايرتها رغد لهم
• زوبه .... ياسلام وانت وين ماشيه ياحنه وتي الشاهي وحطي منها تحسابي روحك بتطلعي من غير ماديري شي ياماما ضمي المطبخ مش شوري بيك انا خلاص حطيتلهم الغداء والباقي شورك والله مادخلني
• اسراء .... في عينك حوستي المطبخ واتقولي ضمي مش شوري انتعاونو عليه اوكي كلا هكي مش دايرته بروحي انا عندي اقرايه بكري عندي امتحان امتي نبي نقرا
• زوبه طلعت سفره الغداء ولاكانها تسمع فيها شن اتقول
• الحاجه فاطمه... عدي نوضي اختك تغداءسادها من النوم وابرمن علي الصاله
• زوبه .... نتغدو بعدها ساهل ياماما حطت غداء خوتها وباتها وخشت اسراء بسفره غداهن وقمعزن
• الحاج عبدالله ... وين مروه وداد مش متغديات والا كيف
• الحاجه فاطمه ... مروه راقده من اول ماروحت وداد في المدرسه عندها حصه رابعه قالت
• الحاج عبدالله ... اسراء نوضي اختك اتغداء
• ناضت اسراء عدت لدار مروه وزوبه
• اسراء ....مروه مروه نوضي قالك بابا تعالي تغدي
• مروه.... من تحت الغطاء منبيش قوليلا
• اسراء ...يا سلام تعالي قوليها له ابروحك
• مروه .....اووووف باهي نايضه اطلعي تو نلحقك
• عندي انا .....
• محمد ... محبه واتيه طالع انسخن السياره
• محبه...اهاا واتيه بس نبيك اتكي علي حلواني ناخذ حاجه حلوه
• محمد .... ادللي عندكش مشكله المهم تغيري جوك انت
• محبه ...ربي ايخليك ليا يارب
• في السياره محبه .... حمادي نبي نستاذنك انتعلم السواقه لو معندكش مانع
• محمد ... وين المشكله عادي لو تبي اتعلمي انعلموك نحنا والا اتخشي دوره بس متاكده انك تقدري بعد اللي صار
• محبه .....مش عارفه بس حابه نعتمد علي نفسي ا ومنبيش انشحوركم عادل وخالد عمل من الصبح ومعاذ وانت منبيش نشغلك عارفه انك تشتغل ومقسم وقتك في الصبح مكتب والعشيه علي المحل عشان هك ضروري نسيطر علي خوفي وانحاول لو مقدرتش هذاك الوقت يسير خير
• محمد ......عارفه ان كلامك هذا بس فرحني لاني انشوف في محبه الشابه الطموحه لنا زمان ماشفناهش نبيك تستغلي خسارتك بانك تاخذي الجانب الايجابي منها وربي ايقدرني ومانقصر معاك
• محبه ...تسلملي يارب سامحني ياغالي اني حملتك همي اكثر من اللازم بس مش بيدي والله ممكن كلام خالد صحاني وشفت اللي اصغر مني كيف ينصح فيا يقويني بس مش بيدي الحزن سيطر عليا وخلاني ننسي دنيتي وربي حطني في هالامتحان وان شاء الله نقدر نطلع منا بنجاح كان لازم ناخذ وقتي عشان نطلع من محنتي ومازال انحاول اني انكون قد ثقتكم فيا اصلا لولاكم كنت منتهيه من زمان
• محمد .....ونحنا معاك في اي شي تبي اديريه نحنا سندك وضهرك
• محبه .....ربي ايخليك ليا ولانفقدك يارب
• رغد ...خير ياعمتي كيف حالك اليوم وهيا تحب علي راسها سامحيني منزلتش امبدري
• الحاجه فاطمه ... بخير الحمد لله لا عادي يابنيتي حتي انت عندك حوش وحوسه قديش منا الواحد قالولي صاحبتك محبه جايه
• رغد... اهاوالله كلمتني اليوم الصبح وقالتلي جايتك ونحنا ماصدقنا طلعت من حزنها
• الحاجه فاطمه ....ربي ايصبرها ان شاء الله كاينتها كبيره ياناري عليها باهي اللي قدرت تطلع من اللي هيا فيه كان وحده تانيه راه انضر شن صارلها
• رغد ....ايوالله ايام العزاء مانحساب الا انضر شن ايصير فيها لكن الحمد لله طلعت منها علي خير
• محبه .... خلاص سلام توه حنرن عليك بعدين
• محمد ...تمام بيناتنا تلفون
• نزلت محبه ورنت علي الباب واتصلت برغد علي طلعت احمد وهو يحكي بالتلفون
• احمد ...تمام اشويه وطالع للمستشفي عندي مشوار انطق فيه وانشوفك غادي
• طارق ....تمام معناها بعد اتجي اتجيني في المكتب
• احمد ....تمام سلام توه وفتح الباب بحت فيها وبعده تباعد علي الباب
• محبه ... سلام عليكم معليش رغد قاعده
• احمد ... اها تفضلي جو وعطاها طريق وطلع علي طلعه رغد من جوا
• رغد ....جتها حضنتها خيرات يا قلبي انستيني
• محبه ... ليك وحشه يارغودتي شن اخبارك
• رغد.... تمام الحمد لله تفضلي يا غلاي هي تعالي من هنا نركبو لشقتي من الباب الخلفي
• محبه ....لالا عيب ضروري نسلم علي عمتي فاطمه بعدها نركب امسكي من يدي واحد لك واحد خليني انخش بيه
• رغد... تمام زي ماتتبي سلمك جايبه جيتك تكفي ياخيتي طول عمرك صاحبته واجب
• محبه ... سلمك ريت هالحاجه الكبيره
• رغد .... كيف حال عمتي سالمه وكنها مجت هدرزت معاك
• محبه ....الحمد لله اكويسه تسلم عليك قعدت مع ايمان مريضه مسكت العيال شنو في حد عندكم اماله
• رغد... اها خالات عزيز وبناتهن جايت ايهدرزن
• محبه ....خشت هيا ورغد للصاله اللي قاعدات فيها السلام عليكم
• عمتي فاطمه .... وعيلكم السلام وصبت قدمتلهاتسلم عليها خير يامحبه شن اخبارك وكيف حال سالمه وهلك كلهم
• محبه ..... الحمد لله بخير كيف حال صحتك وكيف حال عمي عبدالله
• الحاجه فاطمه ...الحمد لله تسال عليك الصحه والعافيه ان شاء الله تفضلي
• محبه ....دام فضلك وقعدت تسلم عليهن وقمعزت اشويه وخشت وداد
• وداد ...انستينا يا سمحه وحضنتها شن اخبارك وكيف حال صحتك لك وحشه و الله
• محبه .....وهيا تسلم عليها تمام الحمد لله بخير وانا اكثر والله شن اخبار العمل معاك
• وداد ...تمام الحمد لله تفضلي تريحي
• وقعدن ايهدرزن مع بعضهن وانسجمت محبه معاهن وعجبتها الهدرزه
• حليمه اخت فاطمه ..... صاح ياافطومه اسمعت وليد مروح
• الحاجه فاطمه ....اهاا الحمد لله كمل شغله واقرايته والله فرحتي ماني عاطيتها لواحد اللي ربي هداه وبيرد هنا
• حليمه ....باهي الحمد لله ربي يوصله طيب ان شاء
• زوبه.... شن دايره ياغاده انت و رحاب في الجامعه اول سنه عاد
• غاده ...تمام اتهبببل والله والا الطروف اللي فيها تبحتي في في واحد تنسي التاني
• اسراء ....طح سعدك انت ماشبه تقري والا تبحتي في طروف
• رحاب..... والله هبلتني في جرتها متحشمش اتبحت هك عادي مش مدور وانا انخاف بكل بعدك خليل ولد عمي يقراي في نفس الكليه وحق ربي يكبسني واقفه علي حد ننسي الجامعه بكل بعدها انقوللها فبها لكن هي شي متخافش بكل
• غاده ....انت خوافه زياده علي اللزوم انا شن درت لا صبيت معاهم لاشي عاد بتحرموني حتي من التبحيت
• زوبه ....ههههه عليك حاله كلا انت
• محبه... رغد شنو نركبو
• رغد ......عليك انت انا نرجي فيك منقدرش انوض انا بعدك الفرخه سهام جايه وحال الغايه انفتك من وجها
• محبه....هههههه قاعده علي نفس الموال
• رغد ..... قاعده علي قلبي داهيه اتشيلها قلت بلكي نتفكا من وجها وتتجوز وانتريح لكن شي
• محبه .....اسكتي حي عليك تو يسمعناك
• رغد ....البنات عارفات افصولها هيا صبي ونحنا حلتلنا الهدرزه هنا وصبن مع بعضهن
• الحاجه فاطمه ... قمعزي اشربي قهوه يا محبه اهن ايجيبن فيها
• محبه ....مره اخري ان شاء الله اسمحيلي ياعمتي مع السلامه توه انشوفك طيبه ان شاء الله
• الحاجه فاطمه ... علي راحتك يابنيتي مسموحه مع السلامه وسلمي علي سالمه
• وطلعن اركبن فوق
• عزيزه اخت فاطمه ... مني هذي اللي كانت هنا يافاطمه
• الحاجه فاطمه .... صاحبة رغد من عيت ...... اسمله عليها راجلها واعيالها توفو في حادث وهما ماشيين للمشرق وهيا اللي عاشت من بينهم
• عزيزه ..... اهاا اسمله عليها ربي ايصبرها ان شاء الله بس مشاء الله عليها عليك سماحه فيها
• الحاجه فاطمه .... سماحه وجه واخلاق وحنانه وطيابه ربي يعطيها ان شاء الله علي قصاد نيتها ويفتح عليها
• #########
• عادل ..... شنو قلتي يا سحر انا انكمل اموري في شهر
• سحر .....اللي تبيه انا حاجتي كلها واتيه ماعدا الملابس خليتهن اخر حاجه وهذين ساهلات
• عادل ....علي بركه الله معناها انشوف صاحبي علي الصاله وعلي ضوها انحدد التاريخ
• سحر ..... خلاص تمام معناها وانا تو انقولها لماما ويبقي عندها علم
• عادل .....تمام اصلا امي قالتلي خوذلي موعد معاهم علي شان اتحدد التاريخ ولما انشوف صاحبي انقولك تاخذي موعد عشان اتجيكم امي فيه
• سحر ...تمام ياقلبي خلاص خليني نمشي انقولها الماما
• عادل.... تمام يا غلاي والله فرحتي مش عاطيها لحد
• سحر.... ولا انا ياقلبي باي توه
