• #خريف المحبه .........
• الحلقه السابعه ....
• يوم اقراية الفاتحه......
• كانن البنات يرقصن ودايرات جو مش عادي ويرجن امتي يكملو الفاتحه عشان عندهم عشاء رجاله وكانن قاعدات رغد والبنات وعمتي زهره ورشا واشويه واحميده رن علي محبه وقاللهم قروها وانقلب الحوش زغاريت وبعدها قعدن ايوتن في حوسه العشاء امتاع الرجاله
• نورا .....عدي يارحمه للمخزن بسرعه جيبي القازوزه من الفريز هيا نقصت عليهم ويرجو
• رحمه ....هيا هي نلبس حاجه بس
• موده..... مافيش حد من غادي غير عدي بسرعه مافيك ماخشيتي جوا تو تمسكك شي وحده من البنات
• رحمه ...باهي هي ماشيه وطلعت وخشت خذت القازوزه من الفريز وطلعت تجري من غير ماتبحت قدامها وتخبط في حد وايطيح صندوق القازوزه من يدها
• رحمه .... هيييييييي فجعتني وحطت يدها علي قلبها من وين طلعت انت
• كمال ..... متفاجي وسرح فيهااا ومنظرها اللي ايهببببل
• رحمه ..... انت منو وشن ادير هنا وكانت لابسه افرول وردي كتوفه دنتيل ونازلات اشويه علي الكتف وكانت لافه شعرها بطريقه حلوه ونزلات خصلات منه مبيناتها اتهبل وبعدهافطنت النظرته واذكرت انها طالعه من غير حجاب ارتبكت وقعدت اتلم في حكاكي القازوزه بسرعه ورفعاتهن وعدت تجري
• نورا .....وينك انت هذا كله وقتلك بسرعه
• رحمه ....طاحن مني وقبل قريب تكسرت من الجري
• نورا .... هاتي باهي بسرعه وخشي جو اشويه يبو ايجو ايشيلو العشاء
• موده .... رحمه والنبي عدي جيبيلي ملايه بسرعه نحطها علي راسي
• رحمه ...هي حاضر ياخويله وخشت جابت لملايه لموده علي خشه خوالها وخش عادل جت اتباركله واتسلم عليه
• رحمه .....خير ياخالو مبروك وان شاء الله جوازه الدهر
• عادل.... الله ايبارك فيك والعقبه لك ان شاء الله
• محمد ...شنو كله تمام مش ناقص شي
• محبه ...تمام كله ان شاء الله مافي شي ناقص
• محمد.... خلاص هي انطلعو معناها مراد عدي كلم الشباب عشان انطلعو العشاء
• رحمه ...تبصر هيا وخالد ومعاذ شنو ياخالو اندورلك عروس سمحه بعدك ماشاء الله بنات واجدات الفرح فيه
• خالد ...ريحلي روحك انت بس وعدي كملي الحوسه اللي وراك
• رحمه .... ماشيه وانت قعدت زي اختك هيا برمت وكمال خش ولفتت نظره انه كانت قاعد يالااالشباب عادي وكان يبي يعرف من هذي
• خالد ....ابتسم وقدم خشو ياشباب مافي حد
• وخش كمال ومجدي واصحاب خالد قعدوا ايمدولهم من فم الباب
• زوبه ....رغد نبي انروحو راه خلاص وقت كان انت مازلتي
• رغد.... اهاا نضم معاهن الحوسه متجيش انروح تو بعدين انكلم عزيز ايجيني
• زوبه ....معناها انرن علي منير والا وليد ايجينا مروه رني علي منير قوليلا ايجينا
• مروه .... باهي هي وخذت تليفونها ورنت ايوه منير تسمع فيا شنو منسمعش فيك وطلعت من االباب الوراني وقعدت اتكلم فيه اهاا تعال روح بينا خلاص
• منير .....هي انا مروح اصلا اشويه ونرن عليكن اطلعن مش اطولن جوا واتحنطرن امي راه
• مروه.... باهي تمام خلاص نلبسو علي ماوصلت وابرمت تبي اتخش وشافت معاذ خاش ويضبح علي محبه فنصت اعيونها وخشت تجري قبل لايشوفها
• زوبه ...ها شن قالك حصلتيه
• مروه.... وهي سارحه اها شفته
• زوبه.... انت ياخري مروه هاي
• مروه ... افطنت لروحها هااءءءء قال البسن قريب منكن انا
• زوبه ...تمام واتفهميني كنك بعد نروحو
• مروه ...هزت راسها وهيا مازالت متفأجاه وتفكر شن ايدير هنا وزعما يقربلهم والامنو
• **********************
• عند ساره وهدي ......
• ساره .....كانت مقعمزه قدام العنايه هيا وهدي وشويه جاهن الدكتور احمد. السلام عليكم
• ساره وهدي .... وعليكم السلام
• احمد .... قعدتكن هنا ملهاش داعي لو اتجن وقت الزياره وتروحن احسن وخاصه ان المستشفي مليان نماذج مش اكويسه يعني
• ساره ... هزت راسها بس ضروري انجي وانشوفه مش حنخليه بروحه
• احمد ..... وانا قتلك تعالن للزياره بس هذا قسم رجال والرجاله فيه بشكل كبيرومانبيكش تفهميني غلط
• ساره ...بارك الله فيك وانا فمهتك والله واضح انك انسان محترم مش مطر انك تبررلي قصدك
• احمد .... جاه شعور بالفرحه وماقدرش يفهمه شن معناه اوبالاصح انه مايبيش يفهمه شنو انسه ساره جبتي ملفك اللي قتلك عليه
• ساره..... اهاا تفضل ان شاء الله حصلتلي
• دكتور احمد..... مري عليا بكري بعد العصر هنا وان شاء الله انكون حصلتك توقيع بالموافقه وتباشري عمل من اليوم اللي بعده
• ساره ... تغيرن ملامح وجهاا للفرحه وبحتت في هدي وتنهدت براحه وغمضت اعيونها وفتحتهن وبحتت فيه بنضره امتنان ومعها ابتسامه خلت قلب احمد يدق بقوه لعند خاف انها تسمعه او تلاحظ انفعاله بجد شكرااا انت مش عارف شن درتلي بمعروفك هذا معروفك هذا مش حننساه طول عمري وربي يقدرني وانرده لك
• احمد مع ابتسامه .... العفو واجبنا وتوه روحن وتعالي بكري ولو في اي شي جديد علي عمر حنتصل بيك ءءءقصدي حيتصلوا بيك
• ساره ...تمام وشكرا مره اخري
• ***********************
• عند هلي .....
• محبه ... من اللي تبي تمشي معاي لشقه عادل
• لجين ....انا ورحمه ورشا
• موده ....وانا وايمان
• محبه ..... خلاص هيا بسرعه ستفن الحاجات اللي نبو انشيلوهن غادي للضيافه
• موده ... نورا العيال منبيش انشيلهم عينك منهم راه وتو انقول لسراج علي سالم مدوريش بكل انت خليك مع حسن واسيل
• ايمان ....الحمد لله انا حطيتهم عند هلي
• موده.... ياعوينك والله
• محبه ..... هيا وقت خليني انشوف من يبي ايشيلنا وطلعت اضبح معاذ خالد
• سمعها مراد .....نعم يا خويله كنكم شن في
• محبه .... شوف من اللي يبي ايشيلنا لشقه عادل خلاص وقت يادوب نبرمو عليها قبل لايجو العرب
• مراد.... تمام كم وحده انتن
• محبه ...انا وموده وايمان ولجين ورحمه ورشا
• مراد.. تمام معناها انعدو سيارتين هيا وتن ارواحكن واشويه واطلعن وتو انشوف خالد ومعاذ
• محبه ....هيا باهي نرجو فيك
• وعدن للشقه وبرمن عليها عالسريع كل وحده ادير في حاجه وقعدن يرجن اشويه وسمعن صوت بيابات قعدن ايكشكن وايغنن واستقبلن العرب وكانن قمه في الذوق وقدمن الضيافه وكانت جايبه حاجات كلهن راقيات واشويه وروحو العرب وقعدن ايضمن في حاجاتهن وروحن
• محبه ... ايوه يا عريس قتلك راه مفتاح الشقه عند معاذ عطيتها له
• عادل ...تمام شنو الجو ميه ميه
• محبه ....مشاء الله كله حلو راقي ربي ايهنيك يارب ويسعدك
• عادل.. اميين ان شاء الله
• وعدن الايام وجاء يوم الصاله وهنا حايسات
• لجين ....ياماما مروحه راه انا ورحمه كلمت بابا نبي نلبس في حوشنا وبعدين ايجيبنا بابا لصاله تبي حاجه كلمينا
• نورا ....خلاص عدن انا اشويه وطالعه لصاله ونلبس غادي انا ومحبه مطولنش عاد بسرعه بدلن
• لجين...... حاضر خلاص باي توه
• *********
• عند فيلا الحاج عبدالله .......
• الحاجه فاطمه ....بديت خلاص في شغل
• وليد ...اها الحمد لله الاسبوع لجاي يبدو مازال يجددو في القيد الطلبه
• الحاجه فاطمه ... مشاء الله ربي يفتحها في وجهك ان شاء الله
• وليد ..ان شاء الله وين ياحويجه رايحه متسمحه اليوم
• الحاجه فاطمه ... وهي تضحك سلمك ياغالي اعويناتك اسمح
• مروة.....شنو حلو طلع عليا القفطان شن رايكن فيه
• زوبه.... حلو ايهبل بس ديري شعرك افلو وامسكي قصتك فوق
• مروه.... تمام بس نبيك اديريلي رسمه العين انت
• زوبه .....انت كملي لبسك ومكياج وخليها علي الرسمه تو انديرها لك
• اسراء ..... شن رايكن تمام
• مروه ....نقصي الروج طح سعدك شنو هذا اوفر واجد راه وبعدين كيف تبي تطلعي بيه هك
• اسراء .... نخففه بس لان خذيته علي القفطان هذا انا يومتها
• زوبه.... اهاا خففيه ديريه هادي احلي والله يطلع عليك مع رسمه عينك هذي
• الحاجه فاطمه ....هيا يابنات وقت راه شنو هذا وانت ماتعرفن تكملن بكل وشوفي مرت خوك كملت حتي هيا والا لا
• وداد..... هيا هي انا واتيه تو انرن عليها انشوفها
• زوبه .....هي تعالي بسرعه نرسملك عينك زعما منو الشاب يطلع يقربلهم تو اليوم انقصقص رغد ممكن تعرفه زعما يطلع خو محبه العريس ههههههه
• مروه ..... قلبها وجعها مش عارفه ليش بعد سمعت الكلام هذا عليه اضايقت لالا هو يقرا ماحتي تجوز قبل لايتخرج
• زوبه ....بحتت فيها بنص عين قولي والله
• مروه .....خلاص هيا كمليلي بسرعه تو ماما تهزب
• عند عادل في شقه صاحبه .....
• عادل يتصل بسحر الو يا سمحه
• سحر ....خيرات ياقلبي
• عادل..... خلاص ياعيوني وساعات واتكوني معاي العمر كله
• سحر .... مش مصدقه والله
• عادل..... ماعليك انا توا نخليك اتصدقي انت ارجي بس
• سحر.... ياسامط خلاص حبيبي الكوافير اضبحلي خليني انعدي انكمل
• عادل ....تمام انتلاقو يا قلبي
• كمال.... من قدك اليوم يا عدوله عريس
• عادل ..... صقع عليكم اخري ههههههه
• مجدي .... ننقانه من ناحيه صقع فهو صقع
• صاحبه ..... مش عارف بس حسيتك مرتبك هكي اشويه قلت بما اني متجوز من قبل خليني انفهمك كلمتين
• عادل .... انت بذات سكرلي فمك منبيش نسمع منك شي
• صاحبه وكمال قعدو يضحكو هههههه
• مجدي ......صدقت يا حسين حسيته حتي انا مش فاهم شي راه رد بالك اتحشمنا مع المدام خليه ياراجل يعطيك النقاط المهمه بس
• عادل.... بتسكر فمك انت الا نصبيلك
• مجدي ....لالا لاتصبي لاشي خلاص كنت خايف عليك لكن شكلك اتهني لكن ضروري ديرلي رنه بس بعد اتم موضوعك عشان مش حيجيني نوم لعند انتريح عليك
• عادل ...... اطلع بره ياحيوان معش نبي انشوف وجهك
• واصحابه يضحكو لان مجدي رقاها لعادل وطلع مجدي يضحك
• ***************
• في الصاله .....
• امي ..... وين موده طولت بكل والمعزيم قعد وايجو هذا وقلتلها مطوليش
• محبه..... كلمتها في الطريق قالت حاصله في زحمه
• امي .... ارقي روحك سلم بنتي طالعه مشاء الله عليك
• محبه ... تسلميلي يارب ربي ايخليك ليا ان شاء الله
• نورا .... مشاء الله يامحبه طالع عليك القفطان ايهبل تصدقي هذا وين بحتت فيك يا نعليا خلاص امتي يكمل اليوم علي خير
• محبه ... اهاا خلاص هانت وان شاء الله ربي ايهنيه يارب
• شويه وخشن لجين ورحمه وخشن بسرعه لدار العروس وسلحن عبايتهن وطلعن
• لجين .... وين يا ماما مشاء الله طالعه طرف خساره بابا مش حاقك فايته نص عمره اليوم
• نورا ......خشي خشي يلي ماتحشمي بسرعه سلمي علي جدتك تسال عليك
• رحمه .....جن حتي صبايا عمامي معاها
• نورا... اهاا جن عدن سلمن علي جدتك وبعدها معش اتدورنهن بكل حتي تبحيت ماتبحتن فيهن
• لجين...... ان شاء الله نقدر نمسك لساني بس وعدن سلمن علي جدتهن وركبن علي المسرح ودارن جو مع الفرقه وجن عمتي فاطمه ورغد والبنات وفات الجو حلو لعند قالو جت العروس كانت طالعه حلو بكل
• محبه .... خيرات يا سحر مبروووك ان شاء الله بهناكم مشاء الله طالعه اتهبلي
• سحر ..... الله ايبارك فيك تسلمي يارب
• محبه ....هي خشي بشويه ومتوتريش واهي اميه رقيه اشربي وسمي وخشي
• وخشت سحر علي اغنيه المدلله ****
• ******المدلله بين اهلها .... هذي ليله حفلها ******
• ********* ليليه النور ********
• *******في ثوب الابيض والطرحه******
• ********حققت احلي فرحه *******
• ****** واجمل شعور *******
• *****لا اله الا الله سحر في هاليوم *****
• *****لا اله الا الله في حلم مرسوم ****
• وكانت خشتها اتهبببل وكانت تمشي وتضحك وطالعه اتهبل وصلت للمسرح وقمعزت واشويه وجتها المصوره اتصور فيها لقطات وحطو العشاء واشويه وقالو العريس بيخش
• خش عادل واستقبلاته نورا وموده ومحبه عطنه اميه وخش سلم علي امه وحب علي راسها واتجه للمسرح وهو الفرحه مرسومه علي وجها
• *****مبروك عليكي وعلي.... انت صرتي مني وفيا *****
• ***قالوالفرحه مابتكمل ..... كملت وصرتي بين ايديا ***
• وصل عالمسرح ورفع الطرحه لسحر وسلم عليها بالخد وحب علي راسها
• وقمعز اشويه وجن سلمن عليه رحمه ولجين وصور مع بعضهم ومع خواته وامه وبعدها صبا وطلع هو وياها لان متفق معاها مش حيرقص ولا ايدير الجو هذا وهيا وافقت وطلعو والقي اصحابه قدام الصاله وركبهامن قدام وهو ايسوق وطلع وطلعو اصحابه وراه وداروله زفه اتهبيل
• قعدنا لعند روحو المعازيم ولميناحاجات الصاله وروحنا
• عادل ....نورتي حووشك يا عيوني
• سحر...وهي تحول في الكاب منور بوجودك يا عمري
• عادل...خشي الدار علي يدك اليمين خشي غيري واتوضي علي شان انصلو
• سحر.... تمام وخشت هيا مرتبكه قعدت اتفك في لفيلو خشت للحمام تشطفت ولبست روب الزفه وكان لونه اابيض وصدره شفاف وداير كصرت واقصيروضهره مشبك ولبست عليه الشمبر اللي كان اطول منه لبست املايتها وطلعت من الدار القت عادل مغير دبشه ولابس كت بيج وشرت قهوي في البيج لما شافها ابتسم
• عادل .... تعالي انصلو هيا
• سحر ....هي وقفو صلو ركعتين وبعدها برم عادل وحط يده علي راسها وقال الدعاء وحضنها
• عادل ..... شنو ياعمري تعشيتي
• سحر ...لالا وبعدك جيعانه
• عادل ....في عشاء اصلا دزوه معانا تعالي نسخنوه
• سحر .... هيا شويه وانجي بس وعدت لدار حولت املايتها وسقمت شكلها وبخت عطرها ودكنت روجها وطلعت عدت للمطبخ
• عادل .... شنو تب وسكت لما شافها هكي وهي تحشمت
• عادل ...لا معليش انا منقدرش نصبر علي السماحه هذي وجاها رفعها
• سحر وهيا خايفه .... والعشاء
• عادل بعدين بعدين ..... وصل للداروحطها علي السرير و..........
• ******************
• عند رغد .......
• عزيز ..... تعالي هيا وريني من امبدري وانا نرجي فيك
• رغد .... شن رايك حلو
• عزيز ....😍 شن السماحه هذي قمر ياناس
• رغد .....نجك ليا يا قلبي انت
• عزيز..... كيف ايصير في البنت توه مش قادر نصبر انا
• رغد.... بعدك ارقدت طيبت نومها غادي علي مادرت فيها مابت وقعدت انوض فيها عمتي قعدت تقولي خلي البنت راقده كنك معاها تحشمت معش قدرت انوضها لعند روحنا
• عزيز ..... يعني شنو توه
• رغد ....ماليك الا بالصبر الله غالب هذا اللي يبي العيال ايتحمل
• عزيز ... قصدك اتلقحي في الدوه انت صاح ونكايه فيك الليله مش راقد لعند ايصير اللي فبالي وايجي عبدالله
• رغد... بحتت فيه وسكتت وخشت تغير للبنتها
• يتبع..........
• بقلم ......أحلام
