• #خريف المحبه .............
• الحلقه السابعه والعشرون...........
• عمتي زهره ......هيا يا بنات كمال يرجا بره البسن بسرعه
• لجين ....رشا وين عبايتي محقيتهش
• رشا ...مش عارفه محقيتهش راه
• لجين ....حي عليا وين زعما نلقاها هدي تعالي مشفتش عبايتي
• هدي ...لالا وين حطيتها انت باهي
• لجين ....حطيتها علي الكرسي امتاعي لما جيت لساره معاك ملقيتهش بس نحسابه وحده منكن خذتها
• هدي ...تعالي نسالو وحده من البنات ممكن شافنها
• لجين ..هيا تعالي حي عليا كان ملقيتهش كيف نبي انروح توه
• هدي ... زوبه مشفتنش عبايه لجين ملقتهش
• زوبه ...صاااح تو انشوفها لك ونسالك البنات
• وقعدن ايدورن فيها وملقنهش ولجين تحرق كيف تبي تطلع بالقفطان اللي كان عريان واقصير
• عمتي زهره ...عليك حاله تعالي نعطيك عبايتي البسيها وخلاص وانا تو نطلع بجلابيتي وخلاص الله غالب شن بديري
• لجين .... ايوه قلتيها نستاهل انا اللي خليتها علي الكرسي حي كان معايا ماما راه شفتي الفضايح والهزايب علي اصولهن
• هدي ....هههههههه صدقت فيك هيا البسي متاع عمتي وخلاص
• اجبن ...خذتها هاتي راد الله علينا نطلع بعبايه عمتي ولانطلع بقفطاني اللي شكلي بنسيبه بكل وجها اشكل عليا كل مانلبسه اتصير حاجه
• رشا .....ههههههه منظرك ايضحك جايه عليك العبايه كبيره واسعه ردي بالك اتطيحي بس وتكملي باقي المنظر
• لجين ...حيوانه عارفه روحك صاح انتلفي من قدامي كمال يرجا
• طلعن وكانت سيارة كمال بعيده وزحمه بكل وهنا حطن الاشرب علي وجوهن عشان المكياج وكانت لجين تمشي بالشويه لان كعبها كان عالي واجد والعبايه كبيره وهنا يمشن قدامها لعند وهيا تمشي قدامها حفره ماشافتهش وتلتقط فيها قريب طاحت لعند ايشربها حول من علي وجها بس مسكتها يد مخلتهش توصل للوطي
• منير ...بسم الله صارلك شي فيك حاجه
• لجين ...ورفعت وجها وبحتت فيه وهيا قريب تموت من الاحراج لا تمام مافي شي شكرا
• منير منسته فيها والابتسام علي وجها انت
• لجين ...شنووبحتت فيه ورفعت حاجبها يدي معليش
• منير ...طلق يدها غطي وجهك قدامك الشباب منبيش حد ايشوفك وتعالي تبي من انت
• لجين .. وهيا مستغربه كلامه وفي خاطرها كنه هذا نبي كمال فتحي
• منير..... تمام اهي سيار ته قدمي اشويه تلقيه وخذا الوشاح حطه علي وجها وضبح لكمال شورك اها
• كمال ...منور يا غالي وجاء مسكها من يدها وركبها السياره
• لجين ...ياحيوانه انت وهيا خزي سيبتني قريب طحت
• هدي ...والله نحسابك ورايا مندريش عليك
• لجين .. باردات وهي تحكي لهدي بصوت واطي ومش قيلتك علي الشاب اللي مسكني
• هدي ....بنفس الهمسه متاع لجين هييي من اللي مسك طاح سعدك
• لجين مش قايله انقهري هي
• *************************************
• عند احمد .........
• احمد .....وصلوه اصحاب لعند الباب وعدو نزل وجاء فتح باب ساره هاتي يدك وانزلي وارفعي من علي وجهك مافي حد
• ساره ...رفعت الكاب من علي وجها ومسكت في يد احمد ونزلت
• احمد ....فتح الباب خشي بكراعك اليمين ياقلبي
• ساره. وهيا ماسكه يده انخشو مع بعض احسن مادام الباب ايدخلنا
• احمد ....ههههه فكره والله وخشو مع بعضهم
• ساره ..اول ماخشيت بحتت قدامي وفتحت اعيوني بصدمه من منضر الفيلا كانت اتهبببببل بكل وكاين مزينها بورد من عند ااباب لجوا ومش عارفه لعند وين
• احمد ...نورتي مملكتك يا قلبي
• ساره ...منوره بحسك وجودك معاي فيها
• احمد ...تعالي انوريك دارنا
• ساره.... كانت فيلا كبيره وحلوه واثاث راقي وبسيط وكله مريح للنفسيه وصلنا للجناح اول مافتحه كان الجناج مليان اشموع ورد احمر في كل مكان ايهببببببل يا عيوني وبرمت عليه
• احمد ...عجبك علي فكره كله زينته بروحي محبيتش حد يطلع علي خصوصياتنا
• ساره ...وهيا تبحت في عيونه انحبك
• احمد .... وهو فر حان عاودي شن قلتي
• ساره ....ان ح ب ك يا حمودي
• احمد ....وهو معرفش شن ايعبر عن فرحته الا بطريقه وحده نزل باسها وطول وهو علي الوضع هذا وبعدها باعدها عليه حضنها خشي غيري وتعالي انصلو عشان مش حنقدر نمسك روحي اكثر من هك
• ساره ...وهيا تضحك تمام اطلقني عشان نقدر انغير
• احمد ...هههههه تمام عدي هي خوذي راحتك حنغيربره وخذا بيجامته وطلع
• ساره ..... خشت قعدت اتفك في الطرحه وبعدها سلحت الفيلو تشطفت وطلعت لبست روب ابيض قصير لفوق الفخذ وسيوره ارقاق وصدره نازل دنتيل وعليه طرف امشبك كان بسيط وحلو خففت مكياجها وسقمت شعرها وبخت عطرها ولبسه املايه الصلاه وطلعت لقت احمد مقمعز يرجا فيها كان لابس شرت ازرق كحلي وفيه خط ابيض من الجنب وكت ازرق في الاصفر كانن عضلات ايديه باينات
• احمد .... شنو انصلو
• ساره ...اهاا هيا
• احمد ....صبا واقام الصلاه وصلو ركعتين وسلم بعدها برم عليها وحط يده علي راسها وقال الدعاء وسلم علي راسها وبحت فيها مبتسم ومسك يدها وصباها تعالي نتعشو اكيده مش واكله شي صاح
• ساره .... كليت اشويه امبدري في المزين جابلنا كمال غداء
• احمد ...تعالي باهي تعشي معاي انا ميت جوع
• ساره ....خسا الجوع يا قلبي انت
• احمد ...لا ركحيلي روحك قبل لا يصير فيها كلام ثاني وحوليلي الملايه خليني انشوف جمالك بعد خطرها شن صار في الحنه درتيها زي ماقتلك
• ساره ...وهيا ميته من الاحراج وقعدت متوتوره
• احمد ...كنك ياهبله مش وكلك راهههههههه بس خاطري انشوف حنتك طالعه في ايديك اتهببببل
• ساره ...تمام هي اشويه وانجي وعدت للدار سلحت الملايه وبحتت في روحها في المرايه كانت حنتها مرسومه وصابغه لعند فخذها ودايره رسمه في كتفها علي شكل فراشه وتنهدت وطلعت وهيا متوتره
• احمد ..كان ايسخن في العشاء وبرم حط التبسي وشافها ناعليا انا شن هذا هك مايصير شي وجاء لعندها مسك ايديها وقعد يبرم فيها خليني انحكل عيني بشوفه هالجمال
• ساره ...وقفت وجها احمر بكل من الاحراج والتوتر تعال انتعشو هيا قريب ايصقع
• احمد ...تعالي هي وخذاه من يدها وقمعز علي الكرسي جت هيا تبي تقمعزي علي الكرسي اللي في جنبه بس مسكها تعالي هنا قمعزها علي كرعيه انت هنا مكانك مش الكرسي
• ساره ...وهيا ميته من الاحراج كيف هك انت تبي تاكل
• احمد ...انت غير خليك في مكانك وتو ناكلو وقعدو مره ايوكلها ومره اتوكله ومره بوسه وخذاهم الانسجام لعند
• احمد ....خلاص يا عمري معش نقدر نصبر راه ورفعها وخش بيها للدار وكملو ليلتهم زي اي عرسان
• *****************************************
• عند محبه في الصاله ......
• محبه ...كانت مقمعزه يالا رغد وداد ويرجن امتي يروحون وكانو في اشويه معزيم اقارب مازال ماروحو وهنا يهدرزن جت وحده سلمت عليهن
• يسرا ....خيرات ياوداد كيف متبيش اتسلمي حتي عليا
• وداد ...وهيا متفاجاه من وقاحتها وكيف جت اهلين مشفتكش اصلا عشان منبيش انسلم عليك
• يسرا ..اهااا معرفتنش من هذين
• وداد ....رغد مرات عزيز وهذي محبه مرات وليد
• يسرا ...وجها تغير اهاا وبحتت في محبه ومدت يدها كيف حالك
• محبه ...مدت يدها وسلمت عليها عادي بس حست انه وداد متوتره من حاجه
• يسرا ...متبيش اتقوليلها انا من ياوداد وبحت في محبه والا انا انقوللها انا مرت وليد
• محبه ...وبصدمه تمالكتها بسرعه من غير ماتحسسها انها تفاجأت وبحتت فيها اهاا قصدك طليقته
• يسرا ...تفاجات من ردها وبرودها صاح قالو ارمله كيف اقدرتي اتأقلمي مع راجل غير زوجك اللي توفي
• محبه ..... وهيا مصدومه من وقاحتها لان ربي عوضني بوليد وبحنانته خلاني كاني اول مره انعيش مع راجل زيه
• يسرا وهيا بتفجر من الغضب ...اهااا ربي ايهنيك ان شاء الله
• محبه .. تسلمي ان شاء الله وفاتتها وقعدت تهدرز مع رغد وهيا من جوا راكبتها نار منها
• وقعدو الناس اتروح وفضت الصاله وقعدن اصحاب الفرح بس
• وليد .....ها يا امي من مازال قاعد
• الحاجه فاطمه ...كلنا قاعدين انت خوذ مراتك والبنات وانا تو نلحق مع رغد
• وليد ...لا كلكم اطلعو عزيز يرجا سيارته الاولي وبعدها منير محبه واللي معاها خليكن اخر وحدات لعند انقدم السياره بس
• رغد ...غمزت لمحبه وابتسمتلها وحق ربي ايحبك شكله غير ايكابر اعيونه عليك من اول ماخش محولهنش بكل
• محبه ...بحتت فيه وحست قلبها دق من كلام رغد وحست بفرحه وبحتت في رغد زعما اللي تقولي فيه صاح
• رغد ...حتشوفي بعيونك خليك انت تفرجي بس وغمزت لزوبه وعلت صوتها بسم الله كنك يامحبه حي عليا
• محبه ...اتحبت في رغد ومش فاهمه شي
• زوبه .....جتها تجري وغطت محبه علي وليد اللي عقد حواجبه وبحت فيهن
• زوبه ....هاكي اشربي اميه ماما تعالي شوفي محبه كنها
• الحاجه فاطمه ...حي عليا كنها هذي اعوينه
• وليد ...خش يجري كنهاويباعد فيهن ومسك يدها كنك شن اتحسي شن فيك
• محبه .....وهيا تبحت في رغد وزوبه ومصدومه مافيا شي شويه راسي برم غير هنا كبرنها
• الحاجه فاطمه .... كلهن اليوم يحكن عليك اعوينه هذي وداد جيبي اميه مرقيه وعطيها تشرب بسرعه
• وداد.... هي كله من البلا يسرا جت علي اساس بتسلم عليها
• وليد ...ويبرم بالقوه ويبحت في وداد وهو متعصب شن ادير البلا هذي هنا من عزمهم اصلا
• لحاجه فاطمه .... باتك عزمهم وانا والله مانبي خلطتهم لكن قال عيال عمي هذيم منقدرش نفرقهم
• وليد ..متعصب وداد شن قالت البلا هذي
• محبه ...ضغطت علي يده بالقوه ماقالت شي جت سلمت وعدت وانا والله اكويسه دوخه بسيطه لاني مش واكله بس
• وليد ...مسك يدها بالقوه تمام تريحي انت وهيا سقدن ارواحكن واطلعن وداد وزوبه اقعدي معاهاعلي بين ماجبت السياره
• الحاجه فاطمه ....اطلعن هيا قدامي كلكن بعدها انا نطلع وانت عدي جيب سيارتك بسرعه قاعدين معاها مش حيصير شي
• وليد ...صبا تمام هي وطلق يدها وطلع
• محبه ...جت لرغد والله انوريك عليها الحركه هذي
• رغد ... وانا شن درت وريتك اللي متبيش اتحقيه مش قتلك ايحبك شفتي بعينك دورك توه اتوريه سلام انتلاقو وهيا مبتسمه زوبه ردي بالك منها راه طيح مازال دايخه غير اتكابر
• زوبه غمزت لرغد .ماعليك فيها عدي متخافيش عليها في يد امينه وتضحك ههههه
• رغد ....ههههههه تمام
• وطلعن روحن كلهن وليد جاء مسك امه ركبها من قدام ولقا محبه طالعه وتمشي بالشويه مسكها من يدها من فوق
• وليد ..شنو توه اكويسه كان تعبانه نشيلك للمستشفي
• محبه ...لا اكويسه والله مافيا شي
• وليد ...تمام تعالي هي اركبي وركبها وسكر بابها وركب سيارته وطلع وصلو للفيلاوكل حد عدا لشقته
• محبه..... نزلت وركبت لشقتها ووحولت عبايتها وخشت ادوش
• وليد ...وصلتهم للفيلا وقعدت بره مع الشباب بس بالي كان معاها نار ركبت فيا لما قالن تعبت وداخت مش عارف شن صارلي وزادت ناري لما عرفت ان يسرا قاعده وكلمتها خفت اتكون قايلتلها حاجه واول ماحصلت فرصه اني نركب ركبت دغري خشيت للشقه لقيتهافي الحمام عرفت انها ادوش خليتها علي راحتها وخذيت بجامتي ودوشت في الحمام اللي في الصاله
• محبه ....دوشت وطلعت ودهنت جسمي بلوشن وكان الجو ساخن بكل لبست شرت لنص الفخذوعليه كت سيوره ارقاق وجففت شعري وبخيت عطر وخذيت ملايه الصلاه وبديت انصلي
• وليد ...دوشت وغيرت وقمعزت في الصاله نرجا فيها تطلع بس مطلعتش انشغلت عليها بعد معش سمعت حركتهادقيت الباب وخشيت لقيتها اتصلي وقمعزت علي السرير نرجا فيها
• محبه ..كملت صلاتي وبرمت عليه لقيته مقمعز ويبحت فيا وقفت تبي حاجه انديرها لك
• وليد ...لالا شنو توه الدوخه احسن
• محبه .. ابتسمت تمام اكويسه غير قلتي نوم بس ومش واكله اكويس كنت
• وليد ...صبا تمام معناها انخليك اتريحي وبرم يبي يطلع
• محبه ....وليد
• وليد ... وقف وابتسم وقلبه ايدق لعند خاف تسمعه وحس روحه فرحان وكانه اسمه اول مره يسمعه بالحلوه هذي برم عليها نعم
• محبه ...متشيلش في بالك شي انا عارفه انك جاي تبي تسالني شن قالت بس انا متهمنيش اصلا ولاخليتها تحكي معاي في شي تمام
• وليد ...وهو مبتسم تمام تصبحي علي خير
• محبه ...وانت بخير
• وليد ...تمنيت ناخذها في حضني وتحط راسها علي صدري ونشم بنتها اللي اتخلي في قلبي ايدق بس انا اللي خليته الحاجز هذا بيناتنا وانا اللي حنحوله ورقد وهو ايفكر كيف ايدير وكيف ايخليها تعرف انه يبيها
• ***************************************
• عند عمتي زهره ..........
• هدي ....منقدرش انرد عليك والله جنبي البنات
• خالد ....وانا مرايف علي صوتك والله
• هدي .. سكر باهي اشويه وانرد عليك وطلعت هدي من جنب البنات
• لجين ...وين ماشيه انت
• هدي... للحمام وين يعني
• لجين .... كذابه علي فكره عارفه انك تحكي مع خالد وماتبيش اتقولي
• هدي ...بحتت في لجين متزعليش مني محبيتش نحكي لحد لان قلت هك احسن
• لجين ...انت حبيتيه صاح
• هدي ...مش عارفه بس هو اللي قعد مهون عليا الحياه ومصبرني عليها ببصارته وجوه الحلو خلي يومي كله ضحك
• لجين ... نعليا نا خالي الصقع عارفته ايهني هههههه
• هدي . هههههههه تعالي هنا من الشاب اللي امبدري حكيتي معاه
• لجين ..... اه ياقلبي عليك شخصيه فيه الا لحيته والا بنة عطره اللي تقتل
• هدي ..حي عليك شكلك طحتي يافرخه
• لجين .. يارب هو اللي ايكون طاح فيا بس الا انا شن نبي اندير
• هدي ....خليني انعدي انكلم خالد وبعدها انجيك انقولك شن اديري باهي عرفتيه منو
• لجين ....اها سألت عليه كمال قالي خو احمد اسمه منير 😍😍
• هدي ....هههههههه تمام معناها ساهله اشويه مش طوله
• لجين ...انا نبي نرقد نحس في روحي نعسانه خوذي راحتك ورشا مع خطيبها طايحه هدرزه
• هدي ..... وخشت الحمام ورنت علي خالد الو
• خالد ... احلي الو نسمعها
• هدي ...ههههههههه يعني متبيش اتبطل كلامك هذا بكل
• خالد ....حاضر تو انبطل انت اشحطيلي صوتك اهذا انا انبطل بس كان قعدتي تجعوني هك مايصير شي
• هدي ...ههههههههه والله نحكي معاك عادي بس بشويه لاني في الحمام قاعده
• خالد .....ومع الضحكه هذي منقدرش نمسك روحي انا نعليا عليك ضحكه وخلاص علي فكره دايرلك مفاجاه بكرا
• هدي ...مفاجاءه شن هذي
• خالد...حتعرفيها في وقتها ليش قلت مفاجأه انا
• هدي ...تمام نستنا فيها
• وقعدت اتهدرز هيا وياه اشويه وبعدها سكرت ورقدت وهيا فرحانه لساره وحاسه براحه بعلاقتها بخالد
• ************************************
• صباح يوم جديد .......
• عند عادل وسحر .........
• سحر ...حبيبي نبي نمشي اندير تحليل اليوم
• عادل ...كنك شن اتحسي في حاجه
• سحر ...اهاا نحس في دوخه كانه دمي نازل نبي اندير تحليل دم
• عادل.... تمام خلاص هيا نمشو اتديره ونحطك عند امي
• سحر .....تمام نغير دبشي بس
• عادل...تمام نستني فيك واشويه وطلعت وعدت دارت تحليل دوم وقالت للمرضه نبي اندير تحليل حمل من غير مايعرف عادل وسحبت منها الممرضه وطلعت قالولهم بعد ساعه ايكون واتي
• وطلعو حطها عند امه وعدا للعمل امتاعه
• ********************************************
• عند محبه ....
• وليد .... مقدرتش نرقد وانا انفكر شن حندير عشان خلاص معش عندي صبر ان نقعدو هك حاسها متقبلتني واشويه وشفتها طالعه من الدار ساويت تقمعيزتي
• محبه ....طلعت من الدار لقيت وليد واعي صباح الخير
• وليد ..صباح النور كيف حالك اليوم
• محبه ...تمام الحمد لله
• وليد ....شن رايك نفطرو في البلكوني عجبتني القعده يومها
• محبه ...وهيا مبتسمه تمام اشويه وايكون واتي وعدت اتدير في الفطور وهيا فرحانه وبعدها طلعت سقمت القعده في البلكوني واشويه وجاء وليد
• وليد ...شنو واتي هاتي نشيل معاك
• محبه ...تمام هك هذي وانا تو نلحقك بسفره القهوه وطلعو وقعدو يفطرو
• وليد ... شن رايك بكرا نمشو نغير وجو لو حابه في اي مكان
• محبه ...تمام مافيش مشكله
• وليد ...خلاص تمام معناها
• ****************************************
• عند ...احمد وساره ......
• احمد ....وهو ينابش في ساره ويبوس فيها
• ساره .....فتحت اعيونها لقت احمد نازال عليها ويبوس في خدها
• احمد ....صباح الورد والعسل والقشطه
• ساره ..وهيا مبتسمه صباح الورد
• احمد ...هيا نوضي ياكسوله من امبدري وانا نابش فيك وانت متبيش توعي
• ساره ...ههههه مش عوايدي والله بس لاني حاسه براحه اول مره نحسها
• احمد . . وهو مبتسم هيا صبي دوشي حتلقي الفطور واتي ونرجا فيك
• ساره.... من امتي واعي انت
• احمد ....من امبدري هيا صبي جابولناالفطور لعندنا وانت مازال راقده
• ساره ...هي تمام وخذت الطرف امتاع الروب لبساته وصبت خشت ادوش شويه وطلعت غيرت وصلت وطلعت لقت الفطور واتي علي الطاوله ولقت احمد عاطيها بالضهر جت حضناته وحطت راسها علي ضهره
• احمد ...ههههههه احلي صباح في حياتي عارفه صاح وبرمها شوره
• ساره .... وانت احلي حاجه صارت في حياتي عارف
• احمد .....ههههههه عارف يا سمحه وقرصلها خدهاا وهو يضحك
• ساره ...مسكت خدها وتضحك تعال هيا انا جعانه بكل
• احمد.... تعالي قمعزي هي
• ساره ...لالا هكي مش حتريح وكيف تبي تفطر باهي
• احمد ....من اليوم انت هذا مكانك ومنبيش اعتراض
• ساره ..تمام بس اتريح روحك نفطرو وبس
• احمد ...تعالي بس ومسك يدها وقمعزها في حضنه وقعدو يفطرو ويضحكو ويحكو
• ساره ..الحمد لله شبعت خلاص
• احمد ...تمام خلاص انخليك اتلمي وانا نعدي انغير ونطلع انشوف امي تمام وجا باسها من خدها
• ساره ....تمام وردتله البوسه
• وقعدت اتلم في الفطور وهو غير وطلع
• ***********************************
• احمد .. جاء للفيله هله لقاهم يفطرو كلهم مع بعض صباح الخير صحه صحه
• هما صباح النور سلمك
• احمد ...جاء حب علي راس امه كيف حالك ياغاليه
• الحاجه فاطمه ...مبروك عليك يا احميده وربي ايهنيك وايفرحني الله بعويلتك انت وليد .
• احمد ...وهو فرحان الله ايبارك فيك وعدا حب علي راس باته وقمعز هدرز معاهم اشويه وجو الشباب اصحابه طلعلهم
• اصحابه ....اوووو شن الجو يا عريس
• احمد ...تمام العقبالكم كلكم ان شاء الله
• رافع ...ننقانه انا خلاص نويت انكمل نص ديني معش فيها يارجل
• احمد .....هههههه ربي ايهنيك وتلقا بنت الحلال
• صاحبهم ...وين يلقاهاهذا شروطه تعجيزيه حتي هله لهم كم ايدوروله ومايبيش لايرحمهم ويجيبها بروحه والا عجباته وحده من اللي جابتهن له امه
• صاحبهم الثاني ...كذاب عارفك مش متاع جيزه غير كلام بس
• رافع ...ولو قلتلكم بجد نبي نخطب وخلاص بنستقر
• صاحبهم الاول ....باهي قوللنا لعيت من عشان انصدقوك انك خلاص فعلا معش تقدر اترد في كلامك
• رافع.... بحت في احمد لو احمد ايوافق نبي نخطب منك اختك
• احمد ...وهو متفاجاء ومردش عليه واصحابه انصدمو اوبااااا كيف هك
• رافع ....والله نحكي جد عارف تحاسبه جو وهك بس بجد امي تبي اتجيكم ليها كم يوم وانا قلتلها نقول لاحمد قبل وتكمل فرحك ونحكي معاك وانا ايشرفني اني انسابكم
• احمد ..........
• يتبع ...........
بقلمي ....أحلام
