• #خريف المحبه .......
• الحلقه السابعه عشر .......
• عند نورا ..........
• نوار ... شنو ياعلي رايك في موضوع كمال
• علي..شن انقولك كمال مافيه مايتعيب بس نحسه كبير عليها واجد
• نورا .....لا كبير لا شي رحمه مشاء الله عليها عاقله لوكان لجين راه قتلك معاك حق بس رحمه هاديه وبعدين عمتي زهره هذي العمه اللي واحد يعطيهم بنته وهو متريح
• علي ...... شكلك مقرره يا نورا مش تشاوري فيا
• نورا .....هيييي كيف عاد انا نحكيلك لان كمال راجل مشاء الله عليه الواحد ينسند عليه وماتخافش علي بنتك معاه وبعدين تعطيها للي تعرفه خير من اللي متعرفش
• علي ...وهيا شن رايها شن قالتلك موافقه عليه
• نورا ...قالت اللي اتقوله عليا ماشي اهم شي قريتي منبيش مسيبتها
• علي ...لا موضوع القرايه من غير قولها هذا شرطنا كان يبيها ايوافق عليه
• نوار ....ايوه شنو باهي خلاص انرد علي عمتي زهره
• علي ... اسالي بنتك مره اخري قبل لاتعطيها الرد
• نورا ...حاضر تو انشوفها
• ********************
• فيلاالحاج عبدالله .......
• الحاجه فاطمه .....ها شنو يا احمد خذيت موعد من صاحبك علشان نمشو
• احمد .... نبي انقولك يا امي ساره وهدي خوهن توفي ملش فتره وهو مريض عندي كان عنده جلطه في الدماغ المهم هنا بنتين معندهن حد في الدنيا الا خوهن وتوفي
• الحاجه ...فاطمه ....اسمله عليهن ياناري ناريتها حتي لما تضحك الحزن باين في وجها
• احمد .... تحملت واجد في حياتها عارفه انها تشتغل في شغلين الصبح في معمل حلويات والعشيه في المستشفي عشان اطلع حق ايجار الشقه المهم يوم اللي جن في حد متهجم علي حوشهن وزقب فيه ولولا ستر ربي انضر شن صار فيهن
• الحاجه فاطمه .......هييييي ياناري عليهن هذا قلة السند ربي يصبرهن ان شاء الله علي هالمعيشه
• احمد ...امين ان شاء الله انا حكيتلك عشان تقعدي عارفه انهن برواحهن ماعندهنش لا ام لا بات لا خو يعني متستغربيش لو مالقيتي حد معاهن
• امي ... مادام ناس معروفين تكسب فيهن حتي اجر باهي شنو قصدك متبيش تخطبها توه والا كيف
• احمد ..... لا حناخذ موعد منها لان خلاص ضروري ايكون في راجل معاهن وانقولك وانت قولي لباتي عشان يبقي عنده علم
• الحاجه فاطمه.... حاضر ماتفكر بكل الساع انقوله و ربي ايقدم اللي فيه الخير ومادام موضوعك مازال معناها نبي نشقا بموضوع وليد
• احمد ...كيف هو وافق اساسا
• الحاجه فاطمه ...انا اللي عليا حنقوله ونعطيه العلم ولو رفض حنغضب عليه ولساني مايخاطب لسانه
• احمد ....انصدم لان عارف انه وليد مازال مش مقتنع بالموضوع لا يامي كله الا غضبك عاد متجيش تجبريه حتي بنت الناس لازم انفكرو فيها
• الحاجه فاطمه ... اللي اخترتها له حتجيبه لطريق وانت متدخلش في الموضوع وانا عارفه شن اندير ومن يومها انا قلتها له بس هو يحسابني نقول في كلام وخلاص
• احمد ...وسعي بالك بس ميجيش يا امي الزواج بالاجبار والله مايمشي معاه وليد الكلام هذا حيتعب بنت الناس في جرته
• الحاجه فاطمه .... ولدي ونعرف كيف نصرف معاه انت خليك في موضوعك وخليه عليا عسان حنطلع الفرح مع بعضكم ان شاء الله
• احمد ....تنهد يستر الله يامي ما اعند من وليد الا انت
• *****************
• عند عمتي زهره .......
• عمتي زهره ......خير يانورا كيف حالك وكيف حال صحتك
• نورا ..... الحمد لله بخير كيف حالك انت ورشا والبنات وعمي
• عمتي زهره ...... الحمد لله بخير شن داير علي توه ان شاء الله صحته تمام
• نورا ....لا الحمد لله تمام
• عمتي زهره .... ها شنو صار في موضوع كمال شنو موافقين
• نورا ... اهااتفضلو مانلقو خير منكم ان اناسبوه وربي يتمملهم علي خير ان شاء الله
• عمتي زهره ..... ان شاء الله يارب وانا منلقش خير من رحمه كنه خلاص معناها باقي الكلام شور الرجاله ايتفاهمو فيه
• نورا .... ان شاء الله وانت طيبه سلمي علي رشا هي مع السلامه
• عمتي زهره... مع السلامه
• رشا .... شنو ردت عليك شن قالتلك
• عمتي زهره ...شن تبي اتقول موافقين ربي ايهنيه وايفرحه ان شاءالله
• رشا ....ان شاء الله يارب خليني نكلم كمال انقولها له
• عمتي زهره..... تعالي هنا يافرخه خليه لعند ايجي ماتقوليلش
• رشا .... باهي ياماما خلاص مش قايله
• *******************************
• عند محبه .........
• محبه ....قتلك يا معاذ تعال شوفلي المساله هذي ممكن تعرفها من امبدري وانا انحاول معاها بس شي معرفتهش
• معاذ ... هاتي انشوفها خليني انجرب انحلها وقعد ايحاول ان ايحلها معرفتهش راه شوفي حد يفهم فيها وانبشرك اخري المساله هذي هيا اللي جايه في امتحانك ههههه
• محبه .... سااااامط عارف روحك صاح هههههه
• معاذ ...انقولك بس عشان اتزيدي اتحاولي معاها
• محبه ....خليني انشوف رغد ممكن مازال مذكرتها اتحلها ليا
• معاذ ...بالله بعد تحليها وريني الحل قعد عندي فضول
• محبه .....ههههههه ان شاء الله نلقي من ايحلها انت متنقش بس
• محبه.... خذت تليفونها واتصلت برغد ايوه خيرات
• رغد ...اهلين باهي اللي خطرت علي بالك اسمله عليا كان مااتصلت انا ماتتصلي
• محبه ....باهي خليني نحكي وانت شي علقتي متبيش اتغيري بكل
• رغد ..وشن بغيرني يا حنه المهم شن تبي رانه توه
• محبه .... حيوانه تلزي صاح هي مع السلامه
• رغد ...حي علي امك لسكري
• محبه ..... ها شنتبي ماه انت اللي تلزي انضر شن كنتي اديري
• رغد ... منواللي معاي تصدقي معرفتكش ومعها اتشفطي
• محبه ..ههههههه هبله وحق الله المهم نبيك اتحليلي مساله بسرعه عندي امتحان بكرا
• رغد .....هههه عارفه اصلا انت متقدريش اتديري شي بلاي عطيها ليا انشوفها كذا
• محبه ..تو نبعتها لك علي وتس
• رغد... تمام معناها اشويه ونرد عليك
• محبه ....خلاص سلام معناها
• رغد ...قعدت اتحاول اتحل المساله بس مقدرتش اتحلها عزيز قتلك جرب حل هذي
• عزيز ...مش شوري المسائل للاسف
• رغد ....حي كيف ايصير محبه بكرا عندها امتحان
• عزيز ...هاتي تو انكلم وليد ايحلها ابعتيها ليا انقوله عليها
• رغد ...صاح والله كيف انسيتها هذي اهو بعتها لك
• عزيز ....تمام خليني ننزل انشوف امي ونهدرز معاهااشويه ونعطيه ايحلها ونزل
• *****************************
• عند ساره وهدي .........
• هدي... شن صار فكرتي في الموضوع
• سارة .....مش عارفه خايفه ايكون شفقه والا اني حملته مسؤليه لما عطيته الاوراق وهي تحكي لهدي رن تليفونها
• عقدت حواحبها وتوترت الدكتور احمد
• هدي ...باهي ردي يعني حتخليه يرن متجيش
• ساره ...تنفست تمام وفتحت الخط الو
• احمد ... وهو قلبه ايدق بالقوه ايوه كيف حالك
• ساره ...تمام الحمد لله
• احمد ...مفيش حد جاء شوركم
• ساره ...لالا تمام مافيش حد جاء
• احمد ...ممكن تعطيني هدي اشويه
• ساره ..اهاا اهيا معاك خوذي هدي يبيك
• هدي ...باستغراب يبيني انا ايوه الدكتور احمد
• احمد ...اهلين شن اخبارك هدي
• ساره ...تبحت في هدي وخاطرها تعرف شن يبي فيها
• هدي .،...تمام الحمد لله
• احمد ...يعني مش عارف شن انقولك بس نبي موعد عشان هلي ايجو
• هدي ... اهاا والله مش عارفه شن انقولك هيا مازال اتفكر
• احمد ...عارف بس هي لو خليتها علي راحتها مش حتوافق لذالك انا وراها وراها لعند اتوافق ونبيها تحس بصدق كلامي بجية هلي شوفي اليوم اللي ناسبكن وكلميني تمام
• هدي ...وهيا اتبحت في ساره ومبتسمه تمام انشوف ساره شن اتقول وبعدها انرد عليك
• احمد ..تمام معناه سلام توه
• هدي... سلام وسكرت وبحتت في ساره ومبتسمه
• ساره ...وهيا مرتبكه شن يبي منك شن قال
• هدي .. يبي موعد عشان هله يبو ايجو يخطبوك
• ساره ..شن مستحيل وعمر ماليشي شي كيف متوفي
• هدي .... تنهدت عارفه بس ارجوك فكري في مصلحتنا قبل كل شي ساره انا خااااايفه موت من عمر ان ايديرلك حاجه ارجوووووك وافقي خليه يحمينا منا والله احمد شاب اكويس ويبيك عشان خاطري فكري اكويس هو متمسك بيك وخايف عليك ومايبيش يخسرك
• ساره .... تنهدت تمام انجهزو امورنا قبل وبعدها انعطوه موعد
• هدي .... نطت حضنتها من الفرحه وعيونها مدمعات نجككككك ليا يارب والله احمد شاب مافي منا ربي يسعدك ياقلبي وايهنيك
• ساره ...مبتسمه وحضنت هدي بالقوه وفرحانه لفرحة اختها اكثر من فرحتها باحمد هيا بينها وبين نفسها مكانتش تحلم بواحد زي احمد بكل عشان هك خايفه من نفسها ومشاكلها انها اياثرن علي حياتها بعدين
• (احياناا يأتينا عوض الله من حيث لا ندري علي هيئه انسان لكي يحلي مراره الايام التي نعيشها )
• **********************************
• فيلا الحاج عبدالله .......
• الحاجه فاطمه ...قتلك ياحاج عرب وداد يبو ايديرو دفع وبيان قالو الاسبوع الجاي
• الحاج عبدالله ... وباهي ايتفضلو غير يوقضونا قبلها بيوم بس
• الحاجه فاطمه ...اهاا قلتها لها قلتلها لماتحددي يوم قوليلنا
• عزيز ....السلام عليكم كيف حالك يا حويجه حب علي راسها كيف حالك ياباتي توه
• هما ....الحمد لله بخير
• الحاجه فاطمه ....وينك يا وليدي معش انشوفو فيك حتي عالغداء ماتجي اتغداء كيف الناس
• عزبز ... سامحيني والله من العمل كان متراكم عليا الفتره اللي فاتت واهو باتي شاهد حتي غادي من قمعز بكل في ا
• الحاجه فاطمه .... ربي ايعاونك لكن مهما كان ماتهمل حوشك وبنتك
• الحاج عبدالله ...انا تصبحو علي خير خلاص خوذي راحتك مع ولدك
• هما ....وانت من اهل الخير
• عزيز ....وين الشباب والبنات مش باين منهم حد
• الحاجه فاطمه ...وليد في داره هو ومنير واحمد هذا وقته قريب ايجي والبنات كل وحده في دارها
• عزيز ...خليك جايك نبي نعطي وليد مسأله ايحلها ليا ونجيك عدا دق علي داره وفتح الباب
• وليد ...رفع راسه من الكاتب اللي يقرا فيه هلا وين مش باين
• عزيز ...مرحبا شكلي صاح مش باين بكل كنت ههههههه
• وليد ...منو اللي قالها لك غيري
• عزيز ..قول من اللي ماقالها هههههه
• وليد ..... ههههه
• عزيز ..قتلك شوفلي المساله هذي تقدر اتحلها والحقني في الصاله تلقاني قاعد غادي يالا امي
• وليد ..تمام بس من يبيها
• عزيز ...صاحبة المدام وطلع اووو دكتور عاش من شافك وينك مش باين
• احمد .....قاعد والله انت اللي مش باين
• عزيز ....ههههههه مصار شي قلتها حتي انت لا نشقا بروحي معناها
• احمد ......ههههه كنك يا حاله
• عزيز ...ماه اللي ايشوفني ايقولي وينك قلت انقولها انا قبل لاتقولها لكن ماصارشي
• احمد .....اهاااههههههه
• الحاجه فاطمه ..... شنو انكلم البنات ايحطلك عشاء يااحمد
• احمد ...لا تمام متعشي الحمد لله
• وليد ... اهي حليتها لك بخطوات اخري
• عزيز ...تمام بكل ومد يده خذا الورقه اللي فيها حل المسأله
• الحاجه فاطمه ...قمعز يا وليد نبي نحكي معاك
• وليد .... نعم يا غاليه وحط راسه علي ركبتها وغمض اعيونه
• احمد ..همس لعزيز حي عالعاصفه اللي تبي اتصير توه
• عزيز.... عقد حواجبه عاصفه شن
• احمد ...تفرج وشوف وهوو خايف من رد فعل وليد
• الحاجه فاطمه ...شن صار في الموضوع اللي قتلك عليه
• وليد ...... ساكت مايبيش ايرد عليها
• واحمد..... اعيونه هوو عزيز علي وليد
• الحاجه فاطمه ...بنعدي نخطبلك البنت اللي قتلك عليها نهايه لاسبوع شن قلت
• وليد ............
• يتبع .........
• بقلم ...أحلام
