• #خريف المحبه ....
• الحلقه الخامسه .......
• عند فيلا الحاج عبدالله .....
• يسمعو وفي تبيب ومسجل عالي طلع منير
• الحاجه فاطمه ..... طلعت وراه منو يامنير خوك صاح
• منير .....اهاا هو يامي
• الحاجه فاطمه ..... طالعه انا معنديش صبر نرجا هنا 😍
• ويسمعو صوت رصاص طاف طااااف طااااف
• الحاجه فاطمه ....ينعليا شنو هذا 😱
• منير ..... خشي جو يا امي متطلعيش لعند انشوف شن في
• علي خشة عزيز ..... مافي شي متخافوش هظا مؤيد صاحب وليد دايرلا جو
• الحاجه فاطمه ..... وينه هو كنه معش خش،
• عزيز ....وسعي بالك ياالغاليه معاه الشباب اشويه وايخش
• وليد ..... خيييييير يا حويجه رايفت عليك والله وجاء حضنها 😍
• الحاجه فاطمه ..... خيرا يا نور اعيوني وحظناته بالقوه وقعدت تبكي رايفت عليك يا حنوني حمد لله اللي روحتلنا طيب طلعن البنات يجارن
• زوبه ..... حيدي ياماما سادك حتي نحنا امريفين عليه
• وليد . . اووووو ام لسان ليك وحشه يا سمحه وحضنها
• زوبه..... وانت اكثر والله وين رايح متسمح طلقو عليك اللي غادي شكلهم
• وليد ...... ههههههههه قاعده زي ما انت مافيش فايده فيك لسان طويل وخلاص ...... او دلوعتنا رايفت عليك يا سريوا وين كبرنا مشاء الله
• اسراء ........نجك ليا يا🥰😘 عسل انستنا يا غالي
• وداد .... كيف حالك يا غالي وهي تبكي مرايفتش عليا
• وليد .....جاها يجري حظنها وانا نقدر مانرايفش عليك لك وحشه والله
• وداد .....وانت اكثر يا عيوني
• حضن مروه وسلم علي منير وحس بحدايكر في سرواله من لوطي بحت لقاها افطومه
• وليد...... اووووووو لمن العسل هذا
• افطومه ... خير ياعمو السمح انت عمو ليد صاح
• وليد وهو يضحك ..... شمرها اهلين بالعسل افطومه
• افطومه ....مادتليش انت عمو ليد
• وليد..... اهااا انا عمو وليد
• افطومه .... انت سمح واجد بكل مش زي الصوره
• وليد ......ههههههههه والله انت اللي عسل
• عزيز.... شنو بتقعدو امصبييين في اجنان خلينا انخشو هيا وخشو وهما فرحانين
• وليد وين الدكتور احمد مش قاعد
• الحاجه فاطمه .... ماسك في المستشفي اشويه وايروح اكيد
• الحاج عبدالله ..... شنو يا وليد كملت امورك غادي خلاص
• وليد .... اهاا اتمام كملتهن كلهن مازالي اشويه اوارق اول مايطلعن عندي صاحب غادي يحيبعتهن ليا وحنقدم هنا في الجامعه لان ترسالت معاهم وردو بالموافقه المبدائيه
• الحاج عبدالله ... مشاء الله فيها خيره ان شاء الله
• *********************
• في الجامعه ........
• مراد ..... معقوله متقولهش ليا نعرفها من فتحي انك داير عركه مع واحد شلتت زي هذا
• معاذ .... كنكم امركبين علي الموضوع عركه وعدت علي حالها
• مراد ..... مش قصه مركبين المهم رد بالك منه مرات ايحطك في راسه
• معاذ .... فاطنله متخافش عليا المهم انت كنك جوك مش تمام الايام هذن
• مراد ...... مت### للمليون باتي يبيني نمسك معاه المحلات بالغصب وانا معنديش لوجيجهن راس
• معاذ ..... انت فاهم ليش ايدير هك هذا رزقك ورزق خواتك كان انت مامسكتش منو اللي حيمسكه عنه طبيعي ايزر عليك بعد مرضته لان قعد خايف عليكم من عمامك
• مراد ...... انا فاهم عليه والله نبي من يساعدني انا وهما ايحفرولنا لهم زمان عارف وساكت منبيش نحكي علشان باتي وانا شاك فيه ان مسك عليهم حاجه وهذي سبب مرضته لان قعد حريص ويزرعليا انا نمسكهن
• معاذ .... باهي شن رايك نمسك معاك واحد من المحلات ليا فتره اندور علي شغل بعد سيبت الاول وطبعا براتب زي اي عامل غادي انت شوف باتك شن ايقول ورد عليا
• مراد .... والله احسن حل كيف فايتتني كانت خلاص مافيها مايقول اكيده حيوافق انت وتيلي روحك واستني مني تلفون
• معاذ .....تمام هيا توه خليني انروح اشويه اخري ومحبه وامي تلقهان يرنن لاني طولت
• مراد ..... سلام توكل حتي انا طالع وراك
• *************************
• عند ساره وهدي ........
• ساره ..... خلاص زي ما اتفقنا خليك عند عمتي زهره لعند انروح بنعدي ناخذ اجازه من المعمل عشان مايفصلونيش وتوه حننزل معاك نستأذن من عمتي زهره انك تقعدي عندهم لعند ايفرج ربي خوذي دبش المدرسه وكم لبسه معاك مرات منقدرش انروح اليوم
• هدي .... تمام خلاص تشغليش بالك بيا المهم طمنيني علي عمر مانبيش نسكلك بالرن
• ساره .... تمام هيا خليني انطق في عمتي زهره تأخرت علي المعمل
• هدي .....هي اشويه ناخذ اشويه حاجات امعاي وشنطه المدرسه بس
• عند عمتي زهره ......
• مجدي ..... رشا يا حصله وين سوريتي اللي قتلك حديديها
• رشا ...... اهيا قاعده في الدولاب كنك انت خاطرك اتهزب علي الصبح وخلاص
• مجدي .... اطلعي من يالا وجهي وقت تاخرت علي المحل
• رشا ... خزي بارد اقعد فيها هي
• مجدي .....توانوريك عليها هذي مش فاضيلك بس توه
• كمال .... انا طالع يا امي ماتبي شي
• عمتي زهره .... اهيا ورقه وانت امروح جيب الحاجات معاك
• كمال ...تمام كان انسيتي حاجه رني عليا هي السلام عليكم
• عمتي زهره..... وعليكم السلام في امان الله وحفظه رد بالك من الطريق بس
• طلع كمال علي رنه باب الحوش وهو فتح من غير مايقول من
• ساره .... وهيا اعيونها في الوطي السلام عليكم عمتي زهره قاعده
• كمال .....وعليكم السلام اها تفضلي تو انضبحلك عليها وخش امي رشا
• عمتي زهره .... نعم كنك رديت نسيت حاجه
• كمال ....لالا في وحده تبيك بره اطلعيلها وطلع
• عمتي زهره .... طلعت وراه تشوف من خيير يا ساره تفضلي كنك قاعده عالباب
• ساره ....دام فضلك يا عمتي كيف حالك وكيف حال صحتك
• عمتي زهره .... الحمد لله خير ياهويده كيف حالك
• هدي.... الحمد لله بخير
• ساره ....سامحيني جيناك من الصبح
• عمتي زهره ..... هييي يابتي مش بيناتنا الكلام هذا
• رشا .....حيييي هدي خير كيف حالك شن اخبارك
• هدي .....تمام الحمد لله وسلمت رشا علي ساره وقمعزن
• ساره ..... والله شن انقولك ياعمتي عمر خويا امس في الليل طاح علينا وشلته للمستشفي وهذي مروحتنا من غادي
• عمتي زهره ...... كنه بعيد السو عليه
• ساره..... وهيا الدمعه في عينها قالولنا جلطه علي الدماغ
• عمتي زهره ...... بعيد السو عليه ربي اينوضه طيب منها ان شاء الله
• ساره وهدي .... ان شاء الله يارب نصيب الله غالب
• ساره... نبي نستاذنك تقعد عندك هدي عارفه انت نحنا بنات برواحنا منبيش انخليها في الحوش بروحها وانا يا في العمل يا في المستشفي وفي الليل حنروح مش حنقعد بايته في المستشفي الا اذا اطريت
• عمتي زهره .... بلا استاذن هويده زي بنتي رشا الحوش حوشها ومتفكري فيها بكل في الحفظ والصون كوني هانيه
• ساره ...بارك الله فيك يا عمتي وانا عارفه والله عند من حاطتها تونستأذن منك مستعجله
• عمتي زهره .....اذنك امعاك يا بنيتي
• طلعت ساره وهيا تفكر كيف حدير لو اتصير لعمر خوها حاجه كيف حيعيشن وشن داستلهن الايام الجايه
• ***************
• عند هلي .....
• محبه ..... ماما اليوم جايه نورا قالتلك بتكي عليك عشان تاخذن حاجات الصاله وبعدها تعدي تدفع عربون عشاء الصاله
• امي .... والله اليوم تعبانه مش عارفه حاسه روحي مش قادره انصبي
• محبه ...... وهيا خايفه كنك يا ماما ضربتي ابرتك باهي
• امي .... متخافيش عليا مافيا شي شكله سكري هابط بس
• محبه ..... هي جايه انقيسه لك قمعزي تريحي وتو انكلم نورا انقوللها تعدي بروحها وخلاص
• محبه ..... هاتي يدك يا ماما اهو اشويه وتبان اهاا ا هابط بكل خليني انجيبلك حاجه حلوه بسرعه
• امي .... اكيده من التعب بس ماتخافيش عليا
• محبه ....هاكي اشربي ياماما عصير وتريحي ارقدي متفكري في شي تو انكلمها نورا وتجيبه كله
• امي .... الله ايربحكن ويفتحها في وجهك يارب
• محبه..... امين ان شاء الله خلاص ارقدي توه
• ايمان.... كنها عمتي قالوها ليا العيال نزلت نجري
• محبه .... اكويسه هيا سكرها هابط بس شكلها مش واكله اكويس واخذه دواها
• ايمان ...اهاا بعيد السو عليها .خليني انخش انشوفها
• محبه ....تمام وخذت تليفونها تكلم نورا الو ايوه نورا
• نورا ....ايو يامحبه شن اخباركم
• محبه .....تمام قتلك ماما سكر هابط اشويه قالتلك عدي انت جيبي الحاجات والا اجليهن يوم اخري منقدرش نمشي اليوم
• نورا .....كنها حي عليا 😱
• محبه ....اكويسه هيا والله بس انا قلتلها ماتمشيش اليوم وهيا هكي خليها اقل شي اتريح
• نورا .... اها المهم هيا اكويسه توه ومافيها شي قوليلها متفكريش في شي تو انعدي انكمل كل الحاجات وشوفي ايمان كان فاضيه انتكي عليها تساعدني والا انت تمشي معاي
• محبه .... تمام تو انشوفها انت تكي يا مشيت انا ياهيا باهي
• نورا ....تمام معناها انتلاقو بعدين قتلك كلمتني موده قالت حجزت في الحلو اللي اتفقنا عليه يومتهاللصاله وانا قلتلها بكري انتلاقو عندكم وانديرو نوعين حلو للايام الاولي
• محبه ..... اكويس بكل خلاص مادام بتجن خليني نكلم رغد اتجي حتي هيا وانقول لمعاذ والا احميده ايجيبلي حاجاتهن اليوم عشان بكري نلقوهن واتيات
• نورا .....تمام سلمي علي امي سلامات توه
• محبه ....سلام
• **********************
• عند ساره .........عدت خذت اجازه مفتوحه من المعمل واتجهت شور المستشفي
• ساره ... اتجهت شور العنايه وقعدت واقفه علي القزاز اتشوف في خوها راقد ومش فاطن لشي وتجمعن الدموع في عيونها وردت ذاكرتها نفس هالوقفه من سنتين فاتن لما كانت واقفه اتشوف في باتها وهو راقد نفس رقده عمر بس الفرق هذاك الوقت ان في من وراها في ضهر تنسند عليه بس توه اتشوف في سندها وضهرها راقد ومش واعي لشي وردت للواقع لماسمعت حد ايقوللها حالته استقرت والنزيف وقف بحتت القاته الدكتور احمد
• الدكتور احمد .... كمل كلامه بس للاسف قاعد في غيبوبه
• ساره... يعني شنو في امل انا اينوض والا لا
• دكتور احمد ..... خلي املك في الله كبير وان شاء الله خير
• ساره.....ان شاء الله
• احمد .... ممكن نسألك سؤال .
• ساره .... وين هلك والا حد من اقاربك
• الدكتور احمد.... لوايضايقك مش مطره انك اتجاوبي
• ساره ... وهيا اتبحت في خوها من القزاز وشيرت عليه هو كان هلي وخوتي وعزوتي انا وهدي بعد بابا الله ايرحمه
• احمد .... قعد ساكت معش عرف شن ايقول وليش اصلا يسال فيها ليش كل مايشوفها في حاجه تشد فيه اتخليه يبي يحكي معاها وسرح فيها وهيا ادموعها ماليات عيونها بس مازال متماسكه ومتبيش تبكي في عيونها قوه مع حزن اتخليه يسرح فيها مافطنش لروحه الا لما اسمع تليفونه ايرن نزل اعيونه منها وتباعد من غير مايقول ولا كلمه
• ساره .... وهيا سارحه في الايام اللي الجايه وتفكر كيف حيعيشن لو صارتله حاجه ومازال في امل عندها انه يمكن اينوض حتي لو قعد مقعد المهم انه موجود في الحياة وايتنفس
• *****************************
• عند فيلا الحاج عبدالله ...... .
• مروه ...... وهيا مقمعزه يالا وليد رايفتتتتت عليك بكل مش مصدقه انك خلاص روحت ومعش تبي تمشي
• وليد ...... ههههههه صدقي خلاص بأذن الله معش حنسيبكم حتي انا تعبت من الغربه والوحدة
• وليد ....شن جو الجامعه يا منير
• منير ...ميه ميه مازالي انقدم المشروع ونتخرج انت قدمت اوراقك فيها خلاص اكيد
• وليد .... اهااا بس مازالي كم ورقه عشان الموافقه وين احمد شكله نسينا بكل
• منير .....تو انرن عليه انشوفه وخذا تليفونه ورن عليه ايوا احمد وينك مزلت مطول
• احمد .... لا خلاص اشويه ومروح كنك في حاجه
• منير .... لا مافي شي غير وليد يسال عليك قالك شكلك انسيتنا
• احمد ..... اوووو والله انسيته بكل ان روح قوله هي جايك مسافه الطريق بس
• منير....... تمام سلام
• رغد ..... السلام عليكم وجت مدت يدها لوليد الحمد لله علي سلامتك وانستنا
• وليد..... وهو ايسلم عليها الله ايسلمك وايانسك
• الحاجه فاطمه .. هذي رغد مرات عزيز
• وليد..... بجوده بيك انا نستاذنكم انعدي انتريح اشويه علي ماروح احمد واوتي الغداء وناض خش لداره وهو مهموم وايفكر كيف ايحل المشكله اللي بسببها خلاته ايروح
• **************************
• عند هدي في حوش عمتي زهره ........
• رشا ..... خوذي راحتك مافيش حد من خوتي قاعد متحشميش وهيا تعالي نوتو الغداء انا وياك اشويه وماما تجيني لاني مقمعزه ومسيبه الحوسه
• هدي ....ابتسمت تمام هيا معناها هاتي انا اندير السلطه وانت وتي السفره علي ماطاب الغداء وجو
• رشا .... اهو الخضره كلها في الثلاجه طلعيها ورينا شطارتك
• هدي.... ههههه كلها علي بعضها سلطه شن فيها من ابداع
• رشا ...ههههه اهو عاد نشوف في قنوات الطبخ كل واحد ايدير فيها بشكل
• عمتي زهره ..... رشا وينك تعالي نبيك
• رشا ...نعم يا ماما في المطبخ
• عمتي زهره...... رني علي خوك كمال شوفيه مازال امطول والا لا لان مجدي قال مترجونيش عالغداء متغدي بره
• رشا... تمام تو انرن عليه انشوفه بابا جاء
• عمتي زهره ....اهاا جاء كان مطول حطي لباتك بروحه وعقبي لكمال وخلاص وبرمت بتطلع
• هدي ... عمتي زهره
• عمتي زهره ..... نعم يابنيتي
• هدي.... وين عمي فتحي خليني انسلم عليه
• عمتي زهره ... تعالي قاعد جو اهو في الصاله
• هدي .... السلام عليكم كيف حالك ياعمي فتحي
• الحاج فتحي .... خير يا بنتي كيف حالك ولاباس علي خيك والله تو قالتها ليا عمتك زهره
• هدي .. .ماتشوف باس ان شاء الله
• الحاج فتحي.....خوذي راحتك يا بنتي الحوش حوشك ولو ضايقك حد قوليلي بس انت زي بنتي
• هدي ...تسلم يا عمي بارك الله فيك عارفه والله منغير اتقول
• كمال ... السلام عليكم خش وهومستغرب وبعدها وخر
• عمتي زهره .... تعال يا كمال مافي حد براني
• هدي .... نستأذنك يا عمي توه
• عمي .....فتحي اذنك معك وزي ما وصيتك
• هدي... ان شاءالله وهيا طالعه سلمت علي كمال خير كيف حالك
• كمال .... االحمد لله بخير
• عمتي زهره .... جبت اللي وصيك عليه
• كمال ....اهاا كله وحطيته في الكوجينه مني يامي البنت هذي
• عمتي زهره .....بنت عيت ...... جيرانه اخت عمر
• كمال... اهااا عرفته هذين الي جن الصبح
• عمتي زهره .... اهاا خوهن راقد في المستشفي جاته جلطه ي الدماغ وحالته خطيره من امس وهنا في المستشفي لعند الصبح جن هن تبي تقعد عندنا لعند اختها اتروح من المستشفي
• كمال .....اهاا ربي يشفيه ان شاء الله
• ********************
• عند هلي .......
• احميده ..... شنو ي امي اكيده اكويسه م متحسي في شي
• امي....و الله اكويسه بعد خذيت حاجه حلوه وتغديت تو نرقد ونقعداكويسه
• احميده ...خلاص تريحي وكان حسيتي حاجه قولي بس
• امي ....ان شاء الله
• محبه .... شنو ارقدت يا احميده
• محمد ..... اها سيبتها تبي ترقد انا راكب نرقد تبي شي
• محبه .....سلامتك لالا عدي تريح
• محبه .... خذت تليفونها ورنت علي رغد
• رغد ..... ايوه ياحبي شن اخبارك
• محبه ... خير يارغودتي تمام الحمد لله شن دايره انت
• رغد .... تمام ميه ميه الحمد لله
• محبه .....قتلك بكري جايات خواتي نبو انديرونوعين حلويات وانكملو حاجات الفرح قلت انكلمك اتجي
• رغد .... مشاءالله ربي ايتمم علي خير بس مش عارفه ايصير من جيتي والا لا
• محبه.... ليش كنك
• رغد .. مش قتلك يومتها سلفي يبي ايروح اليوم وصل ممكن بكري ايجن خالات عزيزفامنقدرش انسيبهن عيب متجيش
• محبه ... لاصاح عيب متجيش باهي حمد لله علي سلامته وانسكم يا حنه
• رغد .... لوصارلي نتصل بيك
• محبه .... باهي شن صار في الجامعه حكيتي لعزيز
رغد ...اهاا قالي علي راحتك تبي اتكمليها كملي معنديش مشكله
• محبه .... خلاص معناها لما بتجدد قيدي انقولك
• رغد ....اهاا ضروري شورك انت عارفه من قبل انا كيف
• محبه ...تمام معناها مع السلامه نتلاقو
• رغد ....سلام
• ****************************
• فيلا الحاج عبد الله ...
• وليد ..... اها والله اوصلت ملياش ساعه تمام قتلك انحاول انحل الموضوع من الاول انت عارف ان الموضوع مش شوي وادبست فيه وعشان الصحبه اي بينا نبي انساعدك وسكت يسمع في يلي ايكلم فيه
• وليد ... يعني تبي اتذلني بيها انت وانا عارفين شن صار بالضبط وتوه بنسكر وقتلك اول من حصل فرصه حندبرالمبلغ وندير حل سكت اشويه
• وليد .... تمام خلاص اوكي توه وبرم بيخش ويلقا وراه
• وليد ....
• يتبع .......
• بقلم ......... أحلام
