• #خريف المحبه ..........
• الحلقه الثانيه عشر ......
• رحمه ... انا عطشانه نبي اميه رشا صبي جيبي
• رشا ...في احلامك عدي جيبي بروحك مش شوري بيك
• رحمه ... باهي وكان نلقي واحد من خوتك قاعد
• رشا ... خلاص خليني نبي نرقد ياانزلي اشربي يا ارقدي مش نايضه راه
• رحمه ...اففف نايضه بلا جميلك وناضت لفت شعرهابطريقه عشوائيهونزلت
• رحمه ... وهيا تمشي بشويه وخشت للمطبخ شربت وجت طالعه وهيا راكبه تجري تعترت قريب طاحت وانفك شعرها ومسكتها يدوبرمت بسرعه وتبحت تلقاه كمال
• كمال ... جاء شعرها علي وجها غمض اعيونا وايشم في رحيته وقلبه يبي يطلع من مكانه
• رحمه ....ءءءء فكت روحها منا وتبي تركب
• كمال .... لو خطبتك توافقي
• رحمه .... برمت عليه مصدومه😳 وترمش في اعيونها
• كمال ...سالتك لو خطبتك اتوافقي
• رحمه... ابتسمت وميلت راسها ودارت حركه بفمها بمعني مش عارفه وركبت تجري
• كمال .... تنهد اه معش فيها خلاص يانعليا اناشن السماحه هذي 😍وركب لداره
• ******************
• صباح يوم جديد☀️ ........
• زوبه ....صباح الخير مامتي
• الحاجه فاطمه .... صباح النور زوبه جيبيلي دواء السكر
• زوبه ... كنك ياماما شن تحسي فيك حاجه نكلم احمد
• الحاجه فاطمه .... لامتكلمي حد عطيني دواي انت بس
• زوبه .... اهو باهي فطرتي انت
• الحاجه فاطمه ....اهاا مع باتك من امبدري خلاص نا بنعدي نتمدد في الدار اشويه متحكي لحد مافيا شي
• زوبه.... باهي عدي تريحي
• مروه ..... وين ماما غريبه مش قاعده
• زوبه ....خشت تبي ترقد قالت نايضه بدري
• مروه .. اها تمام انا طالعه منير يرجي سلام
• زوبه.... سلام نعدي لاحمد ايشوفها خير دقت علي دار احمد
• احمد ....خشي يا امي
• زوبه ... فتحت الدار وتباوعت صباح الخير
• احمد .....صباح النور كنك
• زوبه ... مش عارفه ماما حسيتها تعبانه عدي شوفها
• احمد.... برم تمام تو انشوفها وطلع عدي لدارها
• احمد ..... كنك يا امي زوبه قالتلي تعبانه
• الحاجه فاطمه ... اكويسه غير حسيت سكري رقا اشويه
• احمد... بعيد السو عليك يا غاليه شكلك مش راقده انت قصدك علي وليد
• الحاجه فاطمه ...اهاا شنو تحسابوني مننقهرش لما نلقاه دايره هذا كله علي موضوع الجيزه وقعدت تبكي انا شن نبي كان راحته يعني كان زريته علي راحته انكون غلطانه
• احمد .... لا والله مانك غلطانه وعندك حق ووليد خليه عليا وحضنها وقعد ايحب علي راسها وادموعك هذين غاليات ياغاليه امسحي ادموعك وباذن الله هواللي ايجيك لعندك وايقولك حاضر وموافق
• الحاجه فاطمه ... ان شاء الله يارب ربي ايفرحني بيكم كلكم يا الله
• احمد ...اللهم امين توه ارقدي وتريحي وبعون الله ماتكوني الا راضيه
• ****************************
• عند محبه ........
• محبه ... معاذ هيا تأخرت بكل وقت عليا
• معاذ .... هيا هي خذتني نومه مفطنتش بكل لساعه
• وصلو خشت محبه بسرعه للمدرج ولقت الدكتور مازال ماجاء
• اريج ... صباح الخير قلت شكلها مش جايه
• محبه ... وهيا مبتسمه صباح النور زحمه طريق وانا تأخرت مطلعتش بدري
• اريج ... اهاا
• واشويه وخش الدكتور
• معاذ .. شن الجو يا طيري
• فتحي ...تمام ماشيه اهو ندفرو
• معاذ..... ههههه شن جو الدرايق متعبتش وانت ترد عليهن
• فتحي .... وهو في حد يتعب معهن هنا اللي محليات الجو كله
• معاذ ...فوت امهن المكالمات احسلك لعند امتي تبي تقعد بكرا بعد بكرا يرد كله علي خواتك
• فتحي ... فتحي انا مضربتهنش علي ايديهن وقلتلهن ايكلمن
• معاذ ... نفس الدسكه ماسكينها الشباب كلهم غيرها مضربتهش علي يدها وقلتلها كلميني وانا معشمتهش وقلتلها بنتجوزك والكلام هذا كله كلام اطلعو فيه هك وخلاص وانتم مش مقتنعين بيه
• فتحي... انت عليش جاي هنا قولي بس عشان تصدع راسي بمواعظك قصدك
• معاذ .... خليك هك لعند اتجي واتقولي نادم تمام
•
• مروه .... علا شن صار حصلتيلي الشيت والا لا
• علا ...اها تعالي لمكان التصوير انصور اثنين بسرعه قبل لاتبدا المحاضره
• مروه ...هي تعالي وهيا ماشيه ترفع عينها اتجي في عين معاذ
• مروه.. وقفت وقعدت مصبيه مصدومه علي فرحانه واخيرااا حقاته
• علا ... بعدين نمشو للكفتيريا نبي قهوه راسي صداع بكل وهيا ماشيه وتحكي بحتت جنبها ملقتهاش انت يابلا وين عديتي برمت لقتها واقفه وتبحت في جهه معينه
• علا... هييي مروه انت يا مسبوها منو هذا
• مروه ... نعم وهيا فرحانه ومصدومه هو يا علا اللي قتلك عليه
• علا .. تاءمن يابلا قصدك الشاب اللي يومتها
• مروه ..اهاا حي علينا هيا امشي قاعد ايبحت فينا
• معاذ ...قعدن اعيونه عليها لعند ماختفت من قدامه
• فتحي ... مشاء الله اعيونك ياشاب وين يا باشا علي اشوي كليتها بعيونك
• معاذ .. شن علي من تحكي
• فتحي .... علي حسن جارنا ههههه
• معاذ .... كنك تسهوك هك
• فتحي .....سلامتك استعابط اخري حقاتك ههههههه
• ***************************
• ساره .. قتلك ياهدي انا من بكري راده للعمل وانت ردي لمدرستك
• هدي ... بس مازال خلي هاليومين
• ساره ...لو خليت شن اللي حيتغير شي عشان هك لازم انعدي للمعمل وبعدها ماشيه العشيه للمستشفي
• هدي ... اللي ايريحك باهي كيف ايصير في في قعدتي عند عمتي زهره
• ساره ... زي قبل خليك عندهم لعند انروح
• هدي ... تنهدت حاضر بس حتي انا حندور شغل خير من قعدتي عندهم ومتقوليش لا لان مش كل يوم حيقعدن علي شاني لان في بنت معاي قالتلي في محل مواد زينه يبي مواضفات وانا نبي انشوفه العشيه نمسك لعند الثمانيه ومش بعيد من هنا وانت لما تروحي تكي عليا شن رايك
• ساره... خلاص تمام مع اني مش راضيه بس لو نمسك عليك انك اهملتي اقرايتك تسيبه دغري من غير ماتناقشيني
• هدي ...تمام خلاص بكري نمشي انا وياك انشوفوه
• ساره ..تمام
• ********************************
• عند محبه ......
• الشاب ... معليش يادكتور زحمه ممكن انخش
• الدكتور وليد ....تفضل من وين ماجيت
• الشاب .. طلع وهو راقيتله
• الدكتور وليد .... من اليوم مافيش حد ايخش بعدي واللي يبي ايهدرز ايتفضل بره من توه قبل لا نبدا في المحاضره
• بحتو الطلبه في بعضهم وسكتو وهو بدا يشرح وكان شرحه لدرس بطريقه سلسله وتوصل لطالب بسرعه من غير مايعاود
• محبه ... تكتب ومركزه مع الشرح وتكتب في الملاحضات الي ايقول فيهن
• شاب من وراها ..معليش بنينه لو سمحتي
• محبه ... برمت عليه وعطاته بنينه وردت تكتب
• الدكتور وليد ... انت ياشاب والطالبه اللي معاك كملو هدرزتكم بره
• شاب صبا ... تمام طالع بس هيا محكتش انا اللي اطلبت بنينه وعطتني من غير ماتحكي
• محبه.... مصدومه ومش مستوعبه ان يحكي عليها
• الدكتور وليد ... وهو عاقد حواجبه ويحكي بعصبيه متعطلنيش لو سمحت واطلع انت وهيا بسرعه
• محبه... صبت وقعدت اتلم في حاجاتها وطلعت من غير ماتبحت فيه ولاتحكي كلمه وهيا متعصبه منا علي الاخر
• الدكتور وليد ... نرجعو للمحاضره كمل باقي شرحه
• الشاب .... لو سمحتي لو سمحتي وهو يلحق فيها
• محبه ... برمت عليه نعم
• الشاب ... اسف والله مش قصدي معليش
• محبه... حصل خير ولا يهمك مش مشكله ومش ذنبك اصلا
• الشاب .. باقي المحاضره حننقلها ونعطيها لك متفكريش فيها انا سبب طلعتك من المحاضره
• محبه ... لاوالله حناخذها من صاحبتي جوا قاعده ومش ذنبك والله شكرا بارك الله فيك وعن اذنك توه وبرمت وعدت قمعزت تحت الشجره وترن علي معاذ اتشوفه طلع من المحاضره والا مازال
• ********************************
• فيلا الحاج عبدالله .....
• رغد...كنك ياعمتي لاباس عليك
• الحاجه فاطمه ... ماتشوفي بس لا اكويسه الحمد لله
• رغد ... باهي دوووم يارب
• الحاجه فاطمه ...ان شاء الله الا قوليلي يارغد
• رغد ....شنو ياعمتي
• الحاجه فاطمه .... كيف حالها صاحبتك محبه
• رغد ...الحمد لله بخير ردت تقرا توه في الجامعه
• الحاجه فاطمه ... باهي مشاء الله شنو ايجوها خطابه والا
• رغد ... اهاا والله ايجوها لكن هيا رافضه الموضو ع بكل لعند اول امس كلمتني عمتي سالمه تشكي منها قالت جايها واحد مشاء الله سكرت راسها ورفضت
• الحاجه فاطمه ... اهااا ربي ايهدي سرها وان شاء الله من نصيبنا
• رغد ... وهيا مش فاهمه شن تقصد ان شاء الله
• مروه..... خير عليكن
• رغد ....خيرات شن جوك
• مروه ......وهيا فرحانه تمام الحمدلله
• رغد ... مشاء الله رايقه وجوك سمح
• مروه ... هههههه عادي يعني وين البنات مش يالاكن
• الحاجه فاطمه.... في ديارهن مدري عنهن شن ايديرن
• مروه.... تمام خليني انعدي انغير وانصلي
• مروه ....سلااااام ياسمحه
• زوبه. . بسم الله الرحمن الرحيم كنك معرفتكش اتصدقي
• مروه.... انا اليوم بذات مش معدله عليك خوذي راحتك تمام
• زوبه ... كنك يافرخه شن في شن سر الفرحه هذي كلها
• مروه.... وهي مبتسمه وتضحك شفته
• زوبه ...باه
• مروه ..شنو باه قصدي شفته وحقاته علا وحنعرف من
• زوبه ... وبعد تعرفي من شن ايصير
• مروه ..كنك انت شن يبي ايصير يعني شي
• زوبه ... ايوه نبي انوصلك معلومه مش حيصير شي يعني حبيتيه حتقعدي تحبيه من غير ماتحكيله ولا تكلميه
• مروه ... ومن قالك اني نبي انكلمه عليش اتنكدي توه عليا انا توه خليني فرحانه اني شفته وخلاص بعدها انفكر شنو حيصير
• زوبه ...وانا قتلك وحذرتك ايوه والجو هذا مش لنا
• مروه .. خلاص باهي وانت سكنتي كاني قلتلها خذا رقمي غير خليه ايبحت في وجهي وبعدها ساهل
• *************************************
• عند احمد ..........
• احمد ...ايوه وليد وينك ياراجل من امس
• وليد ..قاعد كيف مروح من الجامعه
• احمد ... تمام تجي تكي عليا في المستشفي
• وليد ... تمام شويه ونوصل فيك
• احمد ...تم نستي فيك قاعد
• *************************************
• عند ساره وهدي ......
• ساره .... ببارك الله فيك ياعمتي زهره علي تصبياتك معانا
• عمتي زهره ... فيك بارك الله مش بيناتنا الكلام هذا انتن كيف ابنياتي
• ساره وهدي ....تسلمي يارب واعز
• ساره ... تشكريلي عمي والشباب علي وقفتهم والله ماحننساها لهم ومعروفهم هذا دين في رقبتي
• عمتي زهره ...يبتي شن الكلام هضا ياساره انتن زي بناتي وقت تستحقن شي طول اتجن
• ساره ... سلمك ان شاء الله ملناش غني عنكم
• عمتي زهره ... وانت ياهدي زي قبل تعدي للمدرسه واتروحي عندي مش اتقولي عيب ماعيب انا عارف في شن اتفكري
• هدي..... تسلمي يارب وربي مايحرمنا منك ان شاء الله بس حنبدا في شغل من الاسبوع الجاي ان شاء الله
• عمتي زهره ...باهي فيها خيره وربي يفتحها عليك ان شاء الله
• #########
• وليد ... سلام عليكم
• احمد ..وعليكم السلام وين من امس مش باين
• وليد ...عديت عند واحد صاحب
• احمد .. باهي شن قررت في موضوع اللي قالته لك امي
• وليد ... قراري متغيرش ومش متجوز
• احمد ... حتي لو قتلك ان امي ارتفع عليها السكر امس واليوم في سبة موضوعك مرقدتش بكل
• وليد ..شن لا يا راااا هيا بروحها مت #### ليش اتسكر في راسها هيا باهي شنو توه اكويسه
• احمد ... تمام ميه ميه بس امبدري حكتلي وهيا تبكي ومتنكده علي شان موضوعك يعني فكر اكويس وزيد شوف روحك وبعدها قرر يعني هيا تبي اديرها لمصلحتك وتبي اتشوف عيالك وعينها حيه
• وليد ... انت متعرفش شن ايسببلي الموضوع هذا شير علي رقبته وقاله عارف مخنوق والله مش قادر انتحمله ولانجامل فيه
• احمد .... ولعند امتي حتقعد هك يعني تغلب علي ضعفك وفكر اكويس في كلامي وتوه عدي لامي لانها انت عارف شن تعنيلها وشن سبب زعلها
• وليد ... تمام ايصير خير
• احمد . تمام معناها نتلاقو في الحوش
• وليد .. وهو ايصبي .سلام توه
• احمد ...سلام .
• يتبع ........
• بقلم .....أحلام
