• #خريف المحبه .......
• الحلقه الرابعه عشر ........
• وصلت ساره للمستشفي ونزلت من سيارتها وهيا تسكر فيها وتسمع صوت من وراها
• هو .....واخيرا حصلتك ليا كم يوم نرجي فيك
• ساره .... وهيا مصدومه .انت شن تبي لاحقني لعند هنا
• عمران .... عطيني الاوراق وجهي معش اتشوفيه
• ساره ... وانا الاوراق مش عندي ولا نعرف علي شن تحكي فحول من قدامي احسلك
• عمران ... وهو يعلي في صوته وانا قتلك طلعي الاوراق احسلك وديني حتشوفي شي عمرك ماشفتيه
• ساره .....وهيا خايفه اعلي مافي خيلك اركبه وحتي لو الاوراق عندي تحلم اني نعطيهن لك
• احمد ... وصل للمستشفي وايشوف في واحد من بعيد ايعيطك ومنضره واحد مش مزبوط ركز اشويه وايشوف ساره وهنا عقاله طااار وجاه يجري
• عمران..... صارهك هيا توانوريك كيف ماتبيش تعطيني
• ويرفع يده يبي يضربها كف
• ساره ...... مسكت يده قبل لايوصل فيها مش معنا ان عمر توفي اني منقدرش اندافع علي نفسي واوانك تستوطى حيطي وقبل لا ترفع يدك عليا فكر ميه مره لانك متعرفش من ساره
• احمد ... لما شافها مسكت يده هدا خطواته وفتح اعيونه علي الاخر وخذت قلبه بقوتها وزاد تاكد انه حبها مش بس اعجاب متوقعش انهاا ممكن تكون بالقوه هذي مع ضروفها الصعبه وقعد يمشي لعند وصل فيها .ساره في حاجه من الاخ وهو ايحاول يتمالك اعصابه
• ساره ... بحتت في احمد وتريحت ان جاها في الوقت المناسب هذا عمران ولد مرت باتي
• عمران ...ومن حضرتك يا اللي جاي تسال
• ساره ... مش شورك من هذاوتو تقدر اتعدي في حالك واللي جاي علشانه مستحيل اطوله واني قتلك
عمران .... وهو ايفنص حنمشي بس ديري في حسابك مش اخر مره اتشوفيني وبرم وعدا
• احمد .... وهو قلبه بيطلع وهو ايبحت في عيونها كيف مليانه كبرياء ردي بالك منا مش ناوي علي خير
• ساره ....ربي يكفينا شره ان شاء الله اهم حاجه الاوراق مش عندي والباقي ينحل
• احمد ...اي شي تحتاجيه عندك رقمي حترني عليا علي طول في اي وقت واي ساعه تمام
• ساره ...تمام ان شاء الله خلينا انخشو جوا
• احمد ...تمام هيا ....
• *********
• عند عادل وسحر ......
• سحر ..... عادل هيا عاد سادك نوم وقت مش قلت انعدو لهلك اليوم
• عادل ... اممم خليني اشويه بس
• سحر ....حبيبي هيا انا واتيه انعدي انديرلك قهوه علي بين مانضت تمام وهيا جت تبي تصبي مسكها وطيحها عليه
• عادل ...شن رايك انفوتو المشيه ونقعدوا هنا
• سحر ...وهيا مبتسمه هيا ياعمري خاطري نطلع والله
• عادل ... امممم وكيف ايصير فيه المسكين مع الدلع هذا
• سحر ....هههههههه بجد هيا وعد بعدين انعوضك بسهره حلوه
• عادل ... مادم فيها سهره خليني انصبي وغمزلها
• سحر .... هههههه هيا صبت عدت اتدير في القهوه وعادل خش الحمام
• *******************
• عند محبه ......
• امي .... خير يانورا كيف حالك انت والبنات
• نورا .....الحمد لله بخير كيف حال الشباب ومحبه
• امي ..طييبين الحمد لله
• نورا .... قتلك يا امي تعالن بكرا هدرزن عمتي زهره كلمتني جايه تهدرز
• امي ...ان شاء الله تو انشوف من ايجيبني
• نورا .... خلاص واقولي لايمان محبه وسحر حتي هنا
• امي.... ان شاء الله مع السلامه وسلمي عليهم كله
• نورا ...يوصل مع السلامه
• محبه ... كيف حالها نورا
• امي .... اكويسه قالت بيش اتجن بكرا جايتها زهره عمتك
• محبه ... اهاا غريبه مش عوايدها
• امي .....مش عارفه ما سألتهش
• محبه .....ان شاء الله خير
• **************************
• عندفيلا الحاج عبدالله ......
• الحاجه فاطمه ... ياحاج كلمتني ام توفيق وقالت الراجل يبي ايدير مقابله
• الحاج عبدالله ....مقابله شن دوتها وهويشوف فيها في المدرسه
• الحاجه فاطمه ... قالتي علي شروط ماشروط ويبيها بعلمكم مايبيش ايكلمها في مكان عملها وايديرلها شبها هك قالت
• الحاج عبدالله ... خلاص شوفي خوتها وحددو يوم وخليه ايتفضل الباين انه راجل مشاء الله عليه ومش كل يوم ايجي واحد كيف هذا ربي يكتبلها اللي فيه الخير ان شاء الله
• الحاجه فاطمه ... ان شاء الله يارب خلاص توانحددو يوم وانرد علي المراه
• اسراء ....حي يا وداد ام توفيق مكلمه ماما يبي ايدير
• مقابله
• وداد ....شن مقابله ليش يبي ايدير مقابله
• زوبه ... كنك نعرفك تفهميها علي الطاير اكيده علشان الشروط وهك لو ايناسبنك واكيده بيسالك علي شروطك
• مروه .... الله اتهبل المقابله 😍😍 فيها جو
• اسراء ..... فكري شن تبي تلبسي توه
• زوبه ...شن رايك نطلعو تاخذي لبسه حلوه وبسيطه
• وداد ... اهاا دبشي كله اتحسيه مش متاع مقابله
• مروه ...تمام معناها
• عند رغد ........
• رغد .... تبحت في عزيز وهو ايتفرج وهيا اتفكر كنه تغير خاطرها تعرف شن السبب اللي خلاه هك
• عزيز..... برم عليها لقاها اتبحت فيه بنظره حزينه ومليانه عتاب
• عزيز.... كنك رغد ليش النظره هذي في عيونك
• رغد .... شن اللي غيرك هكي شوف روحك لك كم يوم مش مدورني لاتحكي معايا كيف قبل ياتروح تاعب ترقد طول ياأما علي التلفزيون باهي وين انا من هظا كله عارف ان الاهمال يقتل روح المراه وحتحس بالنقص انها هيامقدرتش اتعبي عين راجلها ممكن انت اتشوف في نفسك انك انت مش متغير مشغول ومش فاضي بس هيا اتشو ف فيك انها هي مش ماليه عينك وجودها زي عدمه انت حتي افطومه لك كم يوم ماشفتها الا خطفولاسالت عليهاوين مش باينه وهيا ميته علي شوفتك ولعبك معاها تقعد تستني فيك لعند تنعس وترقد وانت لافقدتها ولا سالت عليها وينها
• راجع نفسك وشوف روحك في شن امقصر الشخص لما ايعود حد علي حاجه معينه ويغير طبعه فجاه من الصعب الطرف الثاني ان ايتقبل الوضع وهذا كله ومازلت ماخشيت في دائره انك شفت غيري لان لو نعرف انك فكرت مجرد التفكير في تانيه اعتبر انها نهاية علاقتنا وبرمت ومشت لدارها ودموعها نزلن حارات علي خدها
• وخلت عزيز وراها مصدوم كيف اهملها ومحسش انه خذاه عمله علي حساب نفسه وحوشه ومراته وبنته اللي مافطنش ان مسالش عليها الا لما هيا حكت عليها
• (الاهمال شعور صععععب بكل ايدمر احساس المره بانوثتها اتحس انها فيها نقص مهما اتدير مستحيل ايتعبا النقص هذا ابدا الاباهتمامه )
• **************
• فات اليوم علي ساره وهيا تفكر كيف حديره مع عمران اللي طلعلها ومش حيسيبهن في حالهن وهدي في اختها اللي شايله الحمل كله وحاسه روحها انها لازم اتشيل معاها
• وعلي احمد وهو ايفكر في ساره وكيف خذت عقله من قوتها وكيف يحميها من عمران اللي واضح ان ناويلها شر
• وعلي وليد وهو ايدور في حل انه ايتخلص من موضوع الزواج اللي كاتم علي نفسه و غير مزاجه بكل
• وعلي رحمه وهيا اتفكر في كمال اللي جاها من الباب وفرحانه انها حتنخطب لواحد زيه
• وعلي وداد ...وهيا تخيل شن حيقول في المقابله واتفكر ليش محكالهش في المدرسه .
• صباح يوم جديد ........
• عند محبه في الجامعه ......
• محبه ..... خيرات اريج شن اخبارك
• اريج ...تمام الحمد لله شن جوك اليوم
• محبه .....تمام شنو انخشو للمدرج عشان منتاخروش
• اريج ....اهااهيا احسن فكينا من لسانه بكل بعد طلعتي طلع كم واحد انضر شن صاير معاه ويفش في غله في الطلبه
• محبه .... حاله والله شنو عطاكم شيت للمحاضره والا كيف
• اريج ....اهاا اهو جبته علي شان اتصوريه
• شاب.....يا انسه محبه معليش لو سمحتي
• محبه ... وهيا عاقده حواجبها بستغراب برمت عليه نعم
• شاب .... هذا شيت المحاضره اللي امس
• محبه .... بارك الله فيك بس انا قتلك حناخذه من صاحبتي ليش اتعب في روحك
• الشاب ...ياريت تاخذيه مني انا من امس قتلك عندي وانت طلعتي بسببي
• محبه ... تمام بس حنعطيك حقه والا اسفه مش حناخذه منك
• شاب...مش معقوله هك انا عطيته لك كاعتذار
• محبه ... بارك الله فيك وشكرا علي تعبك بس مش حناخذه الا لما تاخذ حقه
• الشاب ...تمام تفضلي
• محبه ..تمام شكرا بارك الله فيك
• الشاب .. اسمي زياد لو محصلتيش اي شيت قوليلي وان شاء الله نلقاه لك
• محبه ...تمامشكرا و عن اذنك توه المحاضره قريب تبداء
• *****************
• عند نورا ........
• نورا ..... مراد قتلك بعدين اشويه جايه عمتك زهره خلي يزن يمشي معاك للمحل
• مراد ... خلاص قوليلا تمام توانشيله
• نورا .... يزن صبي غير ادبشك بيشيلك مراد معاه للمحل
• يزن .... تمام هي احسن من الكساد
• نورا ....رحمه تعالي ضمي المربوعه محوسينها خوتك مرات اللي جايبهم ايخش ايهدرز
• رحمه ... هيا هي تو انضمها نكمل التلميع بس
• لجين .... رحمه شن تبي تلبسي
• رحمه ... شنو اي لبسه عادي ومافكرتش اصلا
• لجين ....طييييح والله سعدك المشكله عارفتيه موضوع خطبه واتقول مافكرتش كنك انت
• رحمه ..... من قالها هيا قالت جايه بنهدرز كان خطبه راه قالت لماما نبيك في موضوع
• لجين ... هبله انت اكيده يعني من امتي عمتي زهره اتجي تهدرز بلا مناسبه المهم توه تعالي انقولك شن تلبسي ومسكتها من يدها وكرتها معاها لدار
• رحمه .... تاءء كنك يا حاله اطلقي يدي ونبي انعدي انضم المربوعه مرات ايخش اللي جايبهم
• لجين ....خليها تو انضمها انت اشقي بعمرك االي رايح حاله بشفاشفيك هذين خشي دوشي واستشوري شعرك وبعدها تلقي لابستك واتيه ومش شورك الباقي
• رحمه ... بحتت فيها بنظره حب😍 وحضنتها نجك ليا انردها لك ان شاء الله في خطبتك
• لجين ..... ههههههه حاله كلا انت
• *******************
• عند محبه ........
• امي ..... شنو محبه واتيه
• محبه ...اهاا واتيه انشوف ايمان بس مع نزله ايمان من فوق
• ايمان ... واتيه هي شنو سحر حتي هيا ماشيه
• محبه .... اهاا قالت تو انجي
• امي .....معاذ هيا واتين نرجو راه
• معاذ .....هي اطلعن وتو انقول لحميده شلتهم
• *****************
• عند نورا .........
• نورا ...... خير ياعمتي كيف حالك انستينا
• عمتي زهره ...... خير يانويره كيف حالك وكيف حال علي ان شاء الله اكويس
• نورا ...الحمد لله بخير
• رشا وعبير اخت كمال ... خيرات شن اخبارك
• نورا .... الحمد لله تفضلن
• هنا...... داااام فضلك
• رشا.... وين البنات
• نورا .....جو قاعدات خشيلهن مافي حد
• رشا ..... تمام وخشت للبنات في دارهن سلام
• لجين ... جيتو اهلين شن الاخبار
• رشا.... وهيا اتسلم عليها تمام شن اخبارك انت
• لجين ..الحمد لله
• رشا... مرحبتين بعروستنا مشاء الله طالعه سمحه
• رحمه ... استاكت😳 ءءخيرات اهلين شن اخبارك
• لجين ....شن قصدك انت
• رشا.... وهيا تضحك علي رحمه شي شن اديرن
• لجين ..انغيرو ياحنه هي كملت انا تعالي نطلعو انسلمو
• رحمه ...ارجني حتي انا طالعه معاكن
• لجين.. خير ياعميمه زهره كيف حالك
• عمتي زهره ...الحمد لله بخير
• رحمه ... كيف حالك ياعميمه
• عمتي زهره ...وهيا تبحت فيها ومبتسمه الحمد لله
• وشويه وجون محبه والحاجه سالمه وايمان وسحر
• وقعدن ايهدرزن
• عمتي زهره ... انا جايه اليوم ياسالمه ويا نورا نخطب رحمه لولدي كمال شن قولكم
• نورا .... وهيا متفاجاءه ومش عارفه شن اتقول
• امي ...مشاء الله ووهيا وين تلقي زي كمال ربي يحفظه لكن الشور شور بوها والا شن قولك يا نورا
• نورا... ايوه مانلقو خير منكم انشاور بوها وانرد عليكم وان شاء الله ماتسمعي الا كل خير
• لجين .... حي يارحمه عميمه زهره طلباتك لكمال
• رحمه ...وهي ترعش صااااح 😳😨حي عليا جديات قصدك
• رشا .... خشت عليهن هههههه لالا بالبصاره كنك مش مصدقه
• رحمه ..مش قصة مصدقه بس مش عارفه مشعارفه وانت خزي من امبدري تضحكي وساكته
• رشا ......هههههه نبيها مفاجئه بعدك كمال يرجي امتي انروحو وايشوف ردكم انت شن رايك
• رحمه ... في شنو 😳😅
• لجين .... هههههه كنك يا فرخه صحصحي حي علينا البنت انظر كنها
• رشا .... ههههههه معليش مصدومه خليها توه
• وعدا الوقت عليهن وهنا ايشفطن علي رحمه وهيا منصدمه ومش مصدقه ان صاح جاء وخطبها وفي نفس الوقت فرحانه لانه عجبها بكل 😍
• ****************************
• في الليل عن ساره وهدي .......
• ساره ....اهاا الحيوان وايهدد معاها وورفع حتي يده يبي يضرب
• هدي ....حي علينا ربي يفكنه منا ان شاء الله شن انديرو هذا واحد حشاش وسكير كان ايدير فينا حاجه
• ساره ...متخافيش مايقدرش ايدير شي المهم انت انتبهي علي روحك وديما خليك في مكان في ناس
• وهنا يحكن سمعن تخبيط خفيف علي باب الشقه وكانه حد ايحاول يبي يفتحه
• هدي .... حي علينا ياساره من زعما
• ساره ....متخافيش وتعالي نكر انا وياك الكرسي نحطوه علي الباب بسرعه
• وهنا يبن ايطلعن سمعنا الباب انقفع وعيطت هدي من اقوه الصوت وسمعن حد خش لصاله .......
• ساره ...........
• يتبع ..........
• بقلم .......أحلام
