• #خريف المحبه ........
• الحلقه الثلاثون والاخيره.....
• زوبه ....تنفست وخشت للمربوعه السلام عليكم
• رافع ...وعليكم السلام وقعد ايبحت فيها اشويه وافطن ونزل اعيونه
• عزيز ..خشي يازوبه
• زوبه ..قدمت مدت لرافع القهوه تفضل
• رافع... شكرا واعيونه عليها ووالابتسامه مافرقتش وجه
• زوبه ...مدت لعزيز القهوه وقمعزت مقابله رافع ومنزله اعيونهاوتهز في كراعها من التوتر
• عزيز ...طالع اشويه وجاي خوذ راحتك
• رافع... بحت في عزيز تمام كيف حالك
• وزوبه ...وهيا صوتها فيه الرعشه تمام الحمدلله وانت
• رافع ..وهو مبتسم تمام وسكت اشويه وبعدها مش ترفعي راسك عشان انشوفك
• زوبه ...بحتت فيه هكي تمام
• رافع ...وهو يضحك تمام طبعا انا المقابله نبيها عشان بس انقولك اني نبيك معاي لا نبي نشطر عليك شي ولاجاي نسمع شروطك كله انتفاهمو فيه بعدين وان شاء الله ماتكوني الا راضيه هن كلمتين بس انا نبيك معاي بس ومش حنتنازل عليك لو شن ايصير فوافقي من البدايه احسن عشان نحنا الاثنين مانتعبوش
• زوبه ...صدمني كلامه بكل وقلبي قعد ايدق بالقوه من كلامه لدرجه خفت يسمعه بس كلامه ضحكني وزرتني الضحكه ومقدرتش نمسكها والله هههههههههههههههه
• رافع ...وهو ايبحت فيها ومبتسم واعيونه تلمع دوم الضحكه يارب ها شنو متفقين
• زوبه ...انت منجدك والا تبصر يعني
• رافع ... من جد جد جدي اخري شن رايك هك
• زوبه .....ههههه تمام
• رافع ..اللي هياشن تعني هذي
• زوبه ...حتعرف بعدين سلام
• رافع ...استني اشويه
• زوبه...نعم
• رافع ..مدالها كيس هذي مني ليك
• زوبه ...خذتها شكرا وطلعت
• رافع ...اففففف واشويه خش عليه عزيز
• عزيز . شنو ان شاء الله تفاهمتو
• رافع ..بالنسبه ليا تمام ونرجو في ردكم وان شاء الله خير
• زوبه ....خشت عليهن تضحك هههههههه
• مروه ...شنو صار اتفقتو احكيلي هيا وشنو هذي اللي في يدك
• زوبه ....مش عارفه عطاها ليا وانا طالعه وفتحت الكيس لقتها البدله اللي اختارتها هيا وداد
• وداد ....حي مش هذي اللي سيبتيها في المحل يومتها
• زوبه ...متفاجاه اهاا هيا انت عارفه من الي خطبني اصلا صاحب المحل
• وداد ....هههههههههه يعني حلفته معدتش هك خذيتيها اللبسه وكان يقصد حاجه ثانيه لما قال نحنا اهل
• زوبه ...وهي مبتسمه وفرحانه اهاااشفتي
• اسراء..... باهي شن قالك يعني شن اشروطه
• زوبه ..مشرطش ولا حاجه حكينا حكي عادي وخلاص وقالي شن رايك قتله تو بعدين تعرف وطلعت .
• وداد ..طح سعدك كيف اقدرتي اتقوليله هك
• اسراء ....نعليا حتي مقابلتك غير والله انك صقع بلسانك الطويل هضا
• زوبه ...ههههههههههههه واحلي مقابله ومش حندير غيرها اصلا انا مقرره قبل لا نطلع وكنت نبي انقوله لكن هو مصربع فحبيت انشف ريقه اشويه
• البنات ...هههههههههه
• *******************************************
• عند نورا .........
• رحمه ... كمال قالي انه كمل شقته ويبي الفرح بعد شهرين
• نورا ....اهاا.عمتي كلمتني وقالتها ليا انت كنك اتقولي فيها هك
• لجين .. قالتله منبيش مازال وتعاركت هيا وياه راه وسكرت
• نورا ....هيييييييي نهارك اسود وشن تبي ياحنه بعد وافقتي كيف اتديري هك كنك انت اه
• رحمه ..قعدت تبكي مش عارفه توترت بعد قالها ليا وخفت وقتله مازال وهو مش عارفه كنه
• نورا ....جت حضنتها ياهبله من شنو خايفه مش هذ ا كمال اللي تبيه وبعدين عنده حق عمتي تبي تفرح بيه وهو من الاول قال انكمل شقتي انطلع الفرح والا
• رحمع ...وهي تمسح في دموعه اهاا عارفه بس انا حتي علي امتحانات لجين شهاده هيا ومنبيش انشوش عليها ونبيها تطلع معاي
• لجين ...ومن قالك اني مش طالعه معاك وبعدين امتحاناتي مازال عليهن شهر كامل اكيده حنطلع معاك مش مسيبتك بروحك تمام
• نورا ....سلم بنتي عدي كلمي الراجل وراضيه وقوليله متوتره بس وهك
• رحمه ...تمام حاضر وحضنت امها ربي ايخليك ليا ياماما
• نورا .. ربي يسعدك وايهنيك ان شاء الله
• رحمه ...ان شاء الله وعدت رنت علي كمال اول مره مردش وبعده زادت عاودت عليه ورن لعند اقريب فصل في اخر رنه رد
• كمال ...ايوه
• رحمه .. اسفه اني زعلتك عارفه روحي مافيش جو بس توترت
• كمال ..مش زعلان منك عارف حترني بس خذيت اشويه علي خاطري عشان انت متبيش تقعدي معاي
• رحمه ...لا والله ماهك بس انا هك خفت مش عارفه كيف نوصفلك والله فرحانه انا حنقعدو مع بعضنا بس خفت اشويه
• كمال ..سماح ياستي المره هذي شنو توه موافقه خلاص
• رحمه ...اها موافقه اللي تبيه ياقلبي
• كمال ..نعليا انا ربي ايخليك ليا ان شاء الله
• رحمه ...وايخليك يا عيوني
• *********************************************
• عند محبه وليد .........
• وليد .....هيا تعالي خشي معايا بس
• محبه ...منقدرش والله كنك انخاف منا
• وليد ...معقوله معايا واتخافي غير هيا بس شوفي ساره هيا واحمد كيف ايعومو مع بعضهم تسهفت حتي انا
• محبه ... تنهدت لكن متسيبنش بكل ومتباعدشةبيا وفكني من حركات البصاره جوا
• وليد ...حاضر غير خشي بس انت
• محبه ..باهي نبي انغير الماليه بس
• وليد ..مسكها من يدها وقعد ايكر فيها غير هيا وانت كل مره مطلعه سبله
• محبه ...هههههههه وليد ارجي بس باهي اشويه انسقم وشاحي
• وليد ..صبا ها هيا متحاوليش تهربي راه والله نرفعك واندخلك عادي راه مش مدور
• محبه.... بتفنيصه مع ضحكه اتبصر صاح عنجد ترفعني
• وليد ..اتحبي اتجربي وجاها رفعهاوحطها علي ضهره وقعد يمشي بيها وكان الشط مش مليان واجد
• محبه ...هيييييييي وليد نزلني كنك انت الناس اتبحت وهو ماشي ميردش عليها كنك انت معقوله عيب قدام احمد
• احمد ...هههههههه شوفي وليد الهبل كيف رافع محبه
• ساره ...هههههههه متبيش اتخش اتخاف قالت
• احمد .....هههههه عنجد وجه معش ايتحشم وهيا مسكينه تلقيها مزلطه قدام الناس
• ساره ....ههههههه وقعدت اتبحت فيهم
• احمد ....خليهم هما واهبالهم و تعالي هيا نزيدو انقدمو اشويه
• ساره... لا خلاص معش نقدر انقدم انا اقصيره وانت طويل
• احمد ...مسكها هيا اشويه اخري بس انت امسكي هك في جنبي من هنا
• ساره ......مسكت فيه وقدو ايعومو مع بعضهم
• محبه ....نزلني عيب والله ماتجيش
• وليد ...تبي تسكتي والا نعزقك فيه راه
• محبه ....مسكت فيه من ضهره حي عليك بعدها تبي تقتلني انت والله نزعل منك باهي
• وليد .....ههههههههه باهي حنزلك لكن امسكي فيا
• محبه ..تمام هيا نزلني انت بس عليك تزليط
• وليد....نزلها بشويه وكانت الميه واصله لعند نصها
• محبه ...مسكت في ايديه بالقوه مش حنطلقك راه دبر هي كيف اتطلعني توه
• وليد ...ارخي روحك بس انت ومتخافي مش طالقك في حد ايفرط في حياته
• محبه ...علي فكره مش وقته الغزل توه وانا هنا
• وليد ....ههههههههه عنجد مش وقته ياخوافه تي هذا احلي وقت نعليا منك انا لولا الناس بس راه وريتك شن اندير
• محبه ..فنصت شن تبي ادير يعني هنيلي روحك هنا خلاص طلعني مش دخلتني
• وليد ....عنجد هذي تعالي هيا ارخي روحك بس وامسكي في يدي من هنا وانا ها ماسكك
• محبه ...تمام ومسكني من عند خصري وقربني ليه
• وليد ..شفتي الجو حلو ها وخفت مافيش ناس واجد
• محبه ... وقعدت انعوم انا وياه وان ماسكه فيه وهو حااول يطلقني كم مره بس انا مخليتش وفات الجو حلو وحاسه بسعاده كنت فاقدتها وحسيت برضا ربي وعوضه عليا
• وليد ...شنو نطلعو مشاء الله انسجمتي في الاخير خلاص يدوب انلحقو اندوشو وبعدها نبدو في العشاء
• محبه ..اهااا هيا خلاص
• وليد... شير لاحمد علشن يطلعو وطلعو
• احمد ..هيا نطلعو خلاص
• ساره ..هيا الجو ايهببببل بكل بس رايفت علي هدي بكل وانفكر فيها ثقلنا علي عمتي زهره لها اكثر من اسبوعين عندهم
• احمد ...خلاص هانت نبو انروحو بكرا وانجيبوها بعد بكرا نمشو منها اتزوريهم ومنها انجيبوها معانا
• ساره ...تمام ربي ايخليك ليا يارب ولاننحرم منك يا غلاي انت
• احمد ...ولا يحرمني منك يارب
• وليد ...ارجي اشويه ماليتك لاصقه بكل اصبري انجيبلك المنشف انلفه عليك
• محبه... ماه قلتها لك انت تحسابني انبصر
• وليد ....ارخي روحك وخشي قمعزي لعند انجيك بس
• محبه ..تمام وطلقت ايديه وهو طلع جاب المنشف لفا عليها وطلعو
• وصلو للشاليه وخشت محبه ادوش وليد طلعلها دبشها واشويه وطلعت غيرت ولبست استرتش حلوي وعليه ماليه كت مخططه بالازرق ووالابيض وقعدت اتجفف في شعرها وبرمت علي وجها واشويه وطلع وليد غير وجاها حضنها شن الجو عجبك اليوم
• محبه .. ايهببببل كل ايامي حلو معاك
• وليد .... معناها الفجر نطلعو مره اخري نعومو
• محبه ...ههههههه خلينا نوتو حاجات الشوايات
• وليد ..لالا انت تريحي تو انوتي اناطلعي المشروب وحاجت التكسيده بس
• وتو الحاجات وطلعو ولعو النار وقعدو يشو واشويه جو ساره واحمد وقعد واحمد وليد يشوو هما الاثنين وايهدرزو
• وهنا خشن جوا ايجين في الحاجات وقعدن ايهدرزن
• ساره ....عليك جو داره لك وليد دخلك دخلك
• محبه ...هههههه اها خاتلني ودخلني عليك فضيحه قدام احمد والله انحرجن بكل لاكن هو مش مدور بكل
• ساره ...ههههههه ربي ايهنيكم يارب باينه عليه الفرحه احمد حكالي علي ايامه اللي عاشهن بعد طلق بكل لعند خافو عليه اتصيرله حاجه عشان هك حاولو ايجيبوله السفره عشان ايتغير جوه قالي ان اول م ه ايشوفه هك بالسعاده هذي معاك
• محبه ...تنهدت انا تصدقي لو قتلك اني منعرفش شنو صارله بكل ومحبيتش نساله نكد عليه بكل ومش مدوره شن اللي صار في ماضيه
• ساره ....احسن عيشي انت وياه حياتك من غير ماتقكري في شي بس حابه نسالك لو مزعجكش سؤالي
• محبه ...اسالي تفضلي
• ساره ....حبيتيه وليد والا غير تعود بس يعني تاقلمتي معاه ونساك جوازك الاول والا لا
• وليد ...هو جاي يبي ياخذ حاجه سمع سؤال ساره اللي كان يتمني يساله هو بس مايقدرش لانه خايف من اجابته
• محبه ....اول ايامي معاه كانت صعبه اشويه بس حبيت اسلوبه كان حنون معايا من قبل مايعرفني اكويس وطريقته في التعبير علي في داخله واضحه تفهميها من اعيونه واناواول ماحكينا حسيت بيه يبي يبدا صفحه جديد فعطيت لروحي فرصه بما اني وفقت فاكيد مش حنعيش معاه كواجب زوجه ابدا كان كل دعاء في صلاتي من يوم ماتجوزت اني ايقرب حبه لقلبك والحمد لله استجاب ربي لدعاي وحبيته من كل قلبي معز الله يرحمه ماضي حلو عشت معاه اسنين مش اشويه اكيد مش حننسي عشرته بس الانسان يتغير شعوره لما يلقا الاهتمام والحب اللي فقده و في حاجه في القلب ربي حطها بين الزوجين الالفه والود وغير هك هو ايخليك اتخبيه عصبا عنك
• ساره ...وهيا مبتسمه ربي ايهنيكم ان شاء الله
• محبه ..وايهنيك وايسعدك يارب
• ساره...... هيا نطلعو
• وليد ..كان في قمه سعادته في اللحظه هذي مش قادر يوصف شعوره شنو بعد اسمع كلامها احممم محبه عطيني الصفره والتباسي هيا
• محبه .. اهي خوذ
• ساره .....طلعت الاحمد وخلتهم
• محبه ...هههه كنك فرحان حسيتك
• وليد ..ولا شي يعني تبي اتشوفي زعلي والا كيف
• محبه ....هههههه لا بعيد السو عليك كلا الا زعلك يا قلبي
• وليد ...جاها حضنها وقعد ايبوس فيها من كل مكان في وجها
• محبه ...خلاص بعد كنك حي عليا تو ايخش حد عيب.
• وليد ...باعدها من عليه تمام بعدين انتفاهمو وخذا السفره الحقيني هيا
• محبه ...ههههههه هي وراك انجب السفره الاخري ونجي
• وتعشو مشا الجو حلو عليهم وليد في قمه سعادته
• **********************************************
• صباح يوم جديد ..........
• عند فيلا الحاج عبدالله .........
• الحاج عبدالله .. شنو ياحاجه يبو ايروح الشباب والا مازال
• الحاجه فاطمه ...لا يبو ايروحو اليوم قالو شن صار في الراجل اللي جاي لزوبه
• الحاج عبد الله ....والله انا موافق علي البنت ونرجا في الشباب ايجو وانشوف رايهم هو انا نعرف باته ناس ماشاء الله عليهم واحمد صاحبه يعرفه اكويس نسالوه وان شاء الله خير وانت اسألي بنتك وشوفيها شن رايها
• الحاجه فاطمه ....ان شاء الله تو انشوفها نصبي انشوف البنات شن دارن في الغداء وناضت
• وداد ...كنك يا رغد بسم الله عليك جيبي اميه وسكر يا زوبه بسرعه
• زوبه ..... هيا هي
• الحاجه فاطمه ...خشت عليهن لقت رغد دايخه وطايحه هيييييييي كنها حي عليا
• وداد ...كانت تحكي معانا مافيهاشي اشويه وداخت طاحت
• الحاجه فاطمه.... قعدت اتبخ عليها في الميه وتنوض فيها واتخبط علي خدها رغد افتحي اعيونك كنك بسم الله
• رغد ...قعدت تفتح اعيونها اشويه اشويه
• زوبه ...هكي اهيا اميه وسكر
• وداد ...خذتها منها وقمعزت رغد هاكي اشربي اشويه
• رغد ...شربت منها اشويه اكويسه يا عميمه ماتنفجعيش
• الحاجه ..فاطمه ضروري تمشي اتشوفي دكتوره وانا تو نحكي مع عزيز ايشيلك
• رغد ...حاضر يا عميمه تو انشوف وانقوله
• زوبه ....تقدري اتصبي باهي هاتي يدك وخشي جوا في دارنا تريحي متركبيش فوق
• رغد ..تمام وصبت ودخلتها زوبه معاها
• زوبه ...شكلك حامل راه نفس ماصارلك في افطومه
• رغد ...هههه شكله والله بس ليا يومين بس فايته موعدها مش عارفه عاد
• زوبه ..انت وحمك بكل من اول ماتحملي يبدا فيك عدي ديري تحليل تو تعرفي
• رغد ...ان شاء الله تو انشوف وانقوله يشيلني
• واشويه وسمعن صوت احمد وليد
• زوبه ....شكلهم جو ارتاحي انت هنا تو ايجنك
• احمد ...وهو يحب علي راسها ويحضن فيها كيف حالك وكيف حال صحتك ياغاليه
• الحاجه فاطمه الحمد لله بخير
• وليد ...رايفت عليك يا غاليه كيف حالك شن دايره وهويحضن فيها ويسلم علي راسها
• الحاجه فاطمه .....الحمد لله شن اخباركم
• وسلمو عليهم وقمعزو ولاحظت الحاجه فاطمه ان وليد فرحان مش زي مامشى وقعدت اتبحت فيه
• الحاجه فاطمه ...كيف حالك يامحبه وكيف حال وليد معاك
• محبه ....الحمد لله اكويس بكل
• الحاجه فاطمه ....وهيا تبحت في وليد عمري ماشفت الفرحه في وجها باينه كيف توه الحمد لله اللي ربي كتبك من نصيبه من اول ماعرفتك قلت هذي اللي حتهنيه وربي يسعدك وايفرحني بعويلتكم ان شاء الله
• محبه .. ان شاء الله يا عميمه وين رغد مش باينه
• الحاجه فاطمه ...والله لها ايام تعبانه واتدوخ توه طاحت علينا في المطبخ نوضنها حطتها زوبه في دارهن
• محبه .....صااح كنها نستأذن يا عميمه انشوفها
• ساره ...خوذيني معاك حتي انا
• محبه ..هي تعالي وخشت علي رغد كنك يا يارغوده بعيد السو عليك
• رغد ...جيتي رايفت عليك والله
• محبه ...وانا والله شن جوك
• ساره... لاباس عليك شن اتحسي قالت اعميمه تعبانه
• رغد ...مشعارفه بس شاكه اني حامل
• محبه ...بفرحه نجك ليا يا خيه الف مبروك يا قلبي
• رغد ....ههههههه مازال مادرت تحليل بس الاعراض هنا انقول
• ساره ...مع ابتسامه الف مبروك ان شاء الله
• رغد الله ايبارك فيكن والعقبالكن يارب
• محبه ...يافرحة عزيز توه هو اللي يبي عاد
• رغد ...ههههههه مش غير يبي قريب ينكلب وايجيب عبدالله
• ساره ....هههههههه ربي ايفرحه بعبد الله اصغير
• محبه ...وين افطومه حبيبتي رايفت عليها بكل
• رغد ..طالعه مع باتها من الصبح ماشفتها
• واشويه والتمو علي الغداء وكانت لمه حلوه وكلهم الراحه باينه عليهم
• ****************************************
• عند عمتي زهره ......
• هدي .....شن جوك اليوم
• خالد .... تمام الحمد لله قاعد مكسد في المحل شنو انت بديتي تقري خلاص امتحاناتك معش مازال عليهن
• هدي... والله مازال قلت لعند نروح لان هنا معنديش كيف ناخذ راحتي
• خالد ..اهاا وامتي تبي اتعدي لساره
• هدي ...قالت بكري جايه العشيه هنا وناخذو حاجتنا من الشقه نسلموهاونمشو
• خالد ..اهاااا تمام عشان اتريحي اكيده متقيده بشباب
• هدي ....اهاا والله بس والله عمتي زهره ماقصرت لاهيا ولا عمي فتحي ولا حتي رشا ولا حسيت روحي ثقيله عليهم حتي الشباب منشوفش فيهم بكل الا بالصدفه بس حاسه اني مضايقتهم مها كان انا بنت غريبه عليهم وهيا تحكي قعد ايرن عليها رقم غريب
• خالد ...انت عندك اتصال والا شنو
• هدي ...اها رقم سكن من امبدري ايرن
• خالد ...دزيه ليا كذا انشوفه من
• هدي ...اشويه هي لااهو لقيت منا رساله خليني انشوفه وانقولك وفتحتها كانت من عمران كانت مكتوب فيها
• (متبيش اتردي صاح تمام مترديش بس ما نقعدش عمران كان مخليتك انت والكلبه ساره تندمن ندم عمركن وانت وتيلي روحك للي جايك ياحلوه سلام )
• هدي قرت الرساله وقعدت ترعش وتبكي
• خالد ...هدي وينك من من الرساله الوووو هدي
• هدي ..وقعدت تبكي وترعش حي عليا ياخالد شن اندير الحقني عمران مش عارفه علي شن ناوي
• خالد ...اهدي بس من عمران هذا وشن فيها الرساله اللي خلاتك هك
• هدي ....حكتله علي كل شي ومن عمران وقتالتله علي الرساله
• خالد ...اهدي بس وامسحي ادموعك وانا معاك متخافيش ووتوه رني علي احمد ونبهيه وعطيه العلم انه هددك وانت ردي بالك علي روحك ومتخليكش بروحك بكل تمام
• هدي .... هذا مش ناوي خير يا خالد متاكده من تهديده للي قاله لساره من قبل الله ايهده كله عشان الفلوس انا منبيش فلوس وحوش يشبع بيه المهم ايخلينا في حالنا
• خالد .... قتلك متخافيش وانا معاك لو شنو ايصير واحمد مش حيسيب الموضوع انت توه رني عليه ونبهيه وقوليله الرساله وتوه ابعتيلي رقم اللي بعتلك الرساله
• هدي ...وهبا تمسح في ادموعها ربي ايخليك ليا ومايحرمني منك
• خالد ...ولا منك يارب سكري توه وكلمي بسرعه احمد ومتحكيش لساره خلي احمد بس يعرف
• هدي.....تمام سلام توه
• خالد ...سلام وقعد يغلي وخايف اكثر منها عليها لان كلام الر ساله ومحاولته لخطفهامش من فراغ
• هدي ...كانت خايفه موت منا لانها عارفه شن نوعه وعارفه انها لو خطفها مش حيصيرلها خير ابداوقعدت اتباعد في الفكره من راسها ورنت علي احمد
• ***************************************
• احمد ...شن صار في هل رافع شنو جوكم وتمو امورهم
• الحاجه فاطمه ...اهاا جو دار حتي مقابله لكن باتك قال انشوف رايكم الا هو موافق قال هما يعرفوه اكثر مني
• احمد ....اهاا ماعندي مانقول فيه رافع نعرفه من ايام الاعدادي نعطيه وانا مغمض بس زوبه شن رايها
• الحاجه فاطمه ..قالت موافقه لووافقتو اللي بديروه عليا ماشي
• احمد ...تمام معناها لو باتي موافق حنقوله ايتفضلو بكرا نكلمه له قريب اسبوع يرجا مشور شي وهو صاحبي
• وليد ...نقانه مشاء الله عليه الحق راجل مايتعيبش يتعب مع هله تعطيه وانت مطمن والله
• عزيز ...هو من اول ما طلع قال نستنو في ردكم يعني موافق
• احمد ....تو انكلمه وانرد عليه وهو يحكي رن تلفونه وبحت لقه رقم هدي .ايوه
• هدي ...اهلين يا احمد كيف حالك
• احمد ...تمام الحمد لله
• هدي ....كيف حال ساره شن اخبارها
• احمد ...الحمد لله بخير تي روحك بكري جايين انروحو بيك خلاص عاد
• هدي ....ان شاء الله نستنا فيكم اصلا رايفت بكل علي ساره قتلك يا احمد
• احمد ...نعم ان شاء الله خير
• هدي .... توه وصلتني رساله من عمران ايهدد فيا
• احمد ..عقد حواجبه شن خليك معاي يا هدي
• وليد ..لا حظ انفعاله وانشغل عليه بس محبش ايدخل وقعد في مكانه
• احمد ...ايوه هدي معاك شن يبي منك ومن وين جاب رقمك
• هدي ....مش عارفه والله المهم رن عليا بس انا مبيتش انرد وبعدها بعتلي رساله كان فيها انه حنندم انا وساره وانه انوتو ارواحنا للي جاي
• احمد ..وهو يسكر في يده من الغضب وهو ايحاول انه ما يبينش انفعاله تمام انت متخافيش ومن بكري جايينك تقغدي معانا لانه مش امان عليك وانت بعيده علي ساره ونبيك متحكيش لساره شي تمام انا نتصرف معاه
• هدي ...تمام تصبح علي خير ان شاء الله ومتقولش لساره اني كلمتك لانه مش حتمشي عليها بالساهل وحاول اتشوف تلفونها مرات باعتلها حاجه حتي هي سلام توه
• احمد ...قعد منفعل ويفكر شن يبي ايدير وخاف عليهن انه مايقدرش ايحافظ عليهن
• وليد ...كنك ان شاء الله خير شنو التلفون اللي عكرلك مجازك هك
• احمد... الحيوان .ولد مرت بات ساره باعت رساله تهديد لهدي وشكله مش ناوي علي خير والفتره اللي قبل الفرح حاول حتي يخطف هدي عشان الاوراق اللي يبيهن وانا مش عارف شن اندير خايف منكونش قد كلمتي اللي عطيتها لساره انا منعرفش اساسا بس لو خطف هدي معناها راحت فيها لانه قالن بالحرف الواحد انه حيحط راسهن في الوطي
• وليد ...انت قدها متخافش وحط من ايراقبهن والفتره هذي مش ضروري يطلعن من الحوش بكل وانا معاك متفكرش هك وا تحسس ساره بشي
• احمد ...وهذا اللي نبي انديره ويستر الله منا
• ساره ....حممم .احمد
• احمد ....برم عليها وهو منفجع وخايف انها تكون سمعاته نعم
• ساره ..المفتاح انا ماشيه للحوش
• احمد ..اهاا تمام هاكي اشويه ولاحقك ومدلها المفتاح
• ساره ...كنك في حاجه
• احمد ..لا تمام مافي شي
• وعدت وهيا حاسه انه في حاجه وقلبها حس كانه شور هدي خذت تلفونها رنت عليها
• هدي ...كانت تبكي وتفكر شن ادير اشويه ورن تلفونها
• ساره ...ايوه خيرات يا قلبي
• هدي ...اهلين ..شن جوك
• ساره ..تمام انت كيف حالك كنه صوتك
• هدي ..عادي كنت نقرا وبعدها نعست اشويه ممكن هذا ليش
• ساره ...بشك اكيده مافيك شي
• هدي ...اهااا والله مافي شي
• ساره ..تمام معناها حبيت نطمن عليك بس
• هدي ...اطمني اكويسه والله
• ساره ...تمام معناها زي ماتفقنا بكرا ان شاء الله انجيك ناخذك
• هدي تمام خلاص نرجا فيك سلام توه
• .************************************
يتبع .....
بقلمي أحلام
