• # خريف المحبه ..........
• الحلقه الثامنه......
• عند هلي .......
• لجين ..... ماما هذي انا عارفتها بتنتقم منا
• رحمه .... للاسف اهاا وكله منك انت شن دواك قدامها نبي نعرف بس ليش اتحلي في فمك
• لجين .....وين نندري انها بتمكر فينا هكي والله ولو عرفت انها بديرلنا هكي امس كنت روحت مع بابا
• رشا ..... هههههههه احمدي ربك اللي جاتك في غسله فرش بس انت ماتعرفيش عقاب نورا في الافراح
• لجين ..... متقدرش اديره هذا قدام بابا وحق الله كان اديرها بابا هو اللي حيغسلها معانا لكن هنا واخذه راحتها
• رحمه .... هيا انت وياها جيبي المكانس والصابون معش في وقت وخليني انشوف مراد ومعاذ اكيده قاعدين ايجو يغسلو معانا وانتعاونو عليها
• رشا .... معناها انا مش طالعه ايوه منقدرش
• لجين ....ييييي والنبي مازلتي ماسيبتيه خطيبك الكلط
• رشا.... هيييي ياللي ماتحشمي
• لجين ....تو بالله عليك كيف متحمله ثقاله دمه جديات قصدك حبيتيه
• رشا ...... اهاا والله حبيته هو حنين بكل وطيب بس مايعرفش ايعبر والله حتي لما قتله اني نبي نبات عارفه شن قالي زي ماصاينك ولانخش ولا انبصر ولانهدرز مع بنات العيله نبيك لاتبصري ولاتهدرزي مع الشباب واعتبريه طلب مش امر او احترام اللي تبيه بس مش حاجه فرض نفرضها عليك
• لجين..... بس ياخيه دمه ثقيل والله ماحبيته
• رشا ....وهو شن يبي فيه حبك المهم انا انحبه ومش طالعه لعلمك ودبرن في الفرش انت ورحمه وهي بااااااي
• لجين .....يا حيوانه تو انوريك هذا كله علشان خطيبك
• رشا... وهيا ترقصلها في حواجبها اهااا نجيه ليا طويل عمر اهو يرن وعدت
• لجين ....خزي حيوانه باعتني وطلعت
• معاذ .... والله مش عارف كنها قلت خليني انغيرها خير
• كمال ....هو صاح سيارتك اطروفها مش متوفرات وكان القيتهن تلقاهن غاليات بكل خوذلك وحده سمحه تو بعدك جايات حاجات انضاف بكل ولمايوصلن انكلمك ان شاء الله
• معاذ ....تمام معناها نرجاك توه مش واخذ لعد انبيع هذي قبل عشان انزيد عليهن اللي عندي وتطلعلي وحده اكويسه
• رحمه .... خشت من غير ماتبحت من قاعد كانت لابسه توته نص كم وشرت معاذ وراسك تعال اغسل معانا الفرش اتصدق ماما عطتنا ثلاث فرشات وتبينا نغسلوهن برواحنا انا ولجين ومعاذ ايفنص ويشير وهيا ولاوتندري علي اللي قاعد كمال بحت و طول نزل راسه وزراته الضحكه عليها
• معاذ ...وبعدها امشي خشي جوا ويشيرلها براسه
• لجين ....بحتت وين ايشير وفتحت اعيونها علي الاخر وطلعت تجري عدت للبنات حي علياحي علياحي
• البنات ....كنك كنك
• معاذ .... خش وراها تعالي هنا ياكلبه كيف اتهدي هك علي المربوعه من غير ماتسالي من قاعد ومعاها طالعه بلبستك هك
• رحمه .... وهيا تنطمر وراءمحبه وقريب تبكي والله نحسابه مراد وقسما بالله قالو مراد ومعاذ قاعدين في المربوعه وحتي اسال اخويله
• معاذ ....بحت في محبه
• محبه .....اهاا ماما قالتلها مافي حد عدي شوفيهم منو اللي قاعد هو
• معاذ .....كمال وهيا انبحتت انشير انفنص شي قالت نسكت لا عالقه اتقول راديو مستك
• نورا ..... شن في كنها الفرخه شن دايره
• لجين ورحمه بحتن فيه عشان مايحكش وييترجن فيه بعيونهن
• معاذ .... شي خذت تليفوني وانا منحبش من ياخذه
• نورا ....وانت شن تبي فيه تليفون معاذ امشي انت وياها اغسلن الفرش بسرعه وبعدها سيقن الجنان كله
• لجين ..... مش قصه هيا ياماما غسل الفرش حتي خالو حميده جاء بيشيله للغسيل حلفتي انه البنقلا انا ورحمه نغسلوه وقلنا معليش حتي الجنان وين انت اكيده تبي تقتلينا عاد واخذه راحتك بابا مش قاعد
• نورا....امشي غمامه والله غصبا عنك تسيقيه بعد اتكملن انوريك بابا اللي تهددي بيه
• لجين ورحمه طلعن وهنا طايرتلهن من امهن بس طلعت معاهن محبه وايمان ايتعاونن عليهن ونورا وموده ايكملن في الحوسه اللي جوا
• ***********************
• عند ساره وهدي ......
• ساره ..... خلاص انت صكري الباب عليك ومتطلعيش ولاتفتحي لحد مرات انطول
• هدي.... خلاص تمام متخافيش عليا والله مش حنفتح لحد عدي بس انت كان خليتيني انساعدك هكي واعر والله تطلعي من الصبح اتروحي اتريحي اشويه وتردي تطلعي وانا تبيني انشوفك هكي ونسكت منقدرش
• ساره ...مش وقته الكلام هذا وانتفاهمو عليه بعدين
• هدي.... تمام لكن ديري في حسابك اني نقعد هكي لالا نقعد مكسده ماندير شي لعند اتجي انا في راسي فكره بعد اتروحي نتفقو عليها تمام
• ساره ....بعد انروح ساهل توه خليني نطلع منبيش انتاخر من اول يوم
• هدي ....تمام خلاص سلام
• ساره... سلام وطلعت ركبت سيارتها واتجهت للمستشفي
• *************************
• عند عادل وسحر .....
• سحر .....ناضت لقت روحها في حضن عادل قعدت اتامل فيه وتذكر في ليلتهم كيف كانت باستاه علي خده وناضت كرها عادل
• عادل ... يحكي وهو مغمض اعيونه صباح الورد
• سحر .....صباح النور
• عادل .....وين بوسات وحركات ونا راقدنحصلوش اوحيده هكي ولا هكي وانا واعي
• سحر .... تحشمت وسكت
• عادل..... تحشمتي يا سمحتي ماعليك انا نعطيك بس انت فكيلي روحك اشويه بس
• سحر .... جت تبي تهرب لاوراس عادل نبي انخش للحمام بندوش
• عادل ..بعدين بعدين الحمام ..######.......
• ########
• فيلا الحاج عبدالله .......
• وداد ..... خلاص الاسبوع الجاي امتحان في نفس الدرس امتاع اليوم
• الطلبه ...ان شاءالله
• وداد .... طلعت وهيا ماشيه في الممر ايقابلها الاستاذ توفيق
• توفيق .. لو سمحتي ابله وداد ممكن نحكو
• وداد ......وهيا مرتبكه اهاا مافيش مشكله
• توفيق ..... وهو فرحان شن صار في الموضوع اللي حكيته لك يعني انا منبيش نضغط عليا بس حاب نعرف جوابك واناوالله غرضي شريف
• وداد.... احمم هويا استاذ توفيق انت شاب مشاء الله عليك ومحترم يعني مش عارفه كيف انقولك انا موضوع التليفونات بصراحه مش حاباته يعني قصه التعارف هذي لو لينا نصيب مع بعضنا انتعرفو بعدين وبعلم هلي
• توفيق .....وانا عند كلمتي واللي تبيه حاضر وتوا خوذيلي موعد من هلك يوم اللي ايناسبكم طبعا عشان هلي حيجوكم وياريت في اقرب فرصه
• وداد ... تحشمت بكل ومعش عرفت مادير ولاتقول تمام نستاذن منك توه
• توفيق ...... وهو مبتسم اذنك معاك
• ***********************
• عند ساره وصلت للمستشفي وعدت شافت خوها وضعه وبعدها اتجهت للمكتب الدكتور احمد ودقت علي الباب
• احمد .... وهو كان يرجي امتي تخش عليه تفضل
• ساره ..... السلام عليكم مساء الخير دكتور احمد
• احمد ..... وعليكم السلام تفضلي قمعزي
• ساره ... شكرا شنو ان شاء الله تمت الموافقه
• احمد .....اكيد وتقدري اتباشري العمل من اللحظه وبالنسبه للمرتب 400 دينار وتلقي اليونيفورم امتاعك في غرفه ملابس الممرضات
• ساره .....تمام شكرا يادكتور
• احمد..... العفو ولا يهمك
• ساره... طلعت وهيا فرحانه انها واخيرا حصلت شغل لانها كانت خايفه من قعدتهن في الشارع ومعندهش بيش تدفع حق ايجار الشقه
• ***********
• عند وليد ........
• عميد الكليه ..تقدر اتباشر عملك من بكري دكتور وليد
• وليد .....تمام نستاذنك انا توه
• عميد الكليه ... اذنك معاك
• دكتور منذر ..... اووووو وليد شن اخبارك انست الجامعه
• وليد ...... يا اهلين مش معقوله منذر لك وحشه يابو رفيق وينك فقدتك والله
• منذر .....وانت اكثر يا غالي والله ظروف انت شن اخبارك وكيف جت النقله هنا
• وليد ....تمام والله الحمد لله خلاص تعبت من مرمده الغربه والوحده وبيني وبينك رايفت علي البلاد
• منذر ...... لا ننقانه الغربه مره ومرمده علي مادير من صحبه مش زي هلك وناسك
• وليد... ايوه شن جو الشباب معش شفت حد منهم
• دكتور منذر ... تمام امكسدين اليوم غي مزرعه محمود في ......بعدين انا ماشب كان تبي انكي عليك
• وليد ... تمام معناها دورني هي نتلاقو بعدين عندي موضوع بيناتنا تليفون سلام توه
• منذر .... اربح معناها سلام
• *******************
• عند هلي .......
• محبه .... خلاص عدن دوشن وغيرن دبشكن عادل وسحر قريب ايجو
• لجين .... هيا هي اصلا خلاص معش عندي جهد لشي بكل
• محبه......انردوه لكن ان شاء الله في افراحكن
• البنات .ان شاء الله وخشن البنات علي رنه الباب
• امي ... افتح الباب يا مراد
• مراد ....هي هي طالع ايوه من
• عادل .... افتح انا
• مراد ...فتح الباب خيييير بعريسنا شن الجو
• عادل .....تمام ميه ميه
• سحر ....خير كيف حالك
• مراد ...خير تمام والله الف مبروك ان شاء الله
• سحر.... الله ايبارك فيك
• مراد ...خشو تفضلو جدتي ترجي فييكم
• عادل وسحر .... السلام عليكم
• امي ... وعليكم السلام خير ياعدوله مبروك يا عيوني وربي يسعدك وايهنيك ان شاء الله
• عادل .... وهو يحب علي راسها وايديها ويحضن فيها الله ايبارك فيك يا غاليه
• سخر ...خير يا اعميمه كيف حالك وسلمت عليهاوبعدها حبت علي راسها
• امي ...مبروك يابنيتي وربي يسعدكم ويهنيكم
• محبه .....مرحبتين بالعريس
• عادل ... يا مرحبا وسلمن عليه خواته وايمان وقمعزو وين الشباب غريبه مافي حد
• امي .... والله كل واحد طلع ايدير في حاجه تو اشويه وايجو
• لجين ..... يامرحبا يامرحبا بخالو الصقع
• عادل .... ام لسان شن جوك
• لجين.... خليني ساكته احسن بس كله ايهون بعد شوفت الضحكه اللي في وجهك والفرحه اللي في عيونك
• عادل .....ههههههههه انت متبطليش لسانك ميريحكش لو محكيتش
• لجين..... ابدااا منقدرش بعدها انموت سحوره انستينا شن جو خالو معاك ان شاء الله اكويس
• سحر ... تمام الحمد لله
• لجين .....عاد نقانه كان ماقعد تمام توه تقعد نقه بس مايغركش منظره عنده فصلات الله الله
• عادل..... كنك يا فرخه راه نصبيلك
• لجين..... شفتي هذاوجها الحقيقي راه دبالك منه
• سحر ....ههههههه
• نورا .....كنك يافرخه انكلبتي هكي
• لجين ..... ماه طلع التعب علي لساني الله غالب
• محمد ....مرحبا مرحبا العرسان عندنا
• عادل ... مرحبتين سحر هذا احميده
• سحر.... خيرات كيف حالك
• محمد .... الحمد لله انستينا والف مبروك ان شاء الله
• سحر .... الله يأنسك وايبارك فيك
• وعدت القعده هدرزه وضحك ودارن العشاء وتعشو وطلعو عادل وسحر روحو
• محبه .... احميده لو فاضي نبيك في موضوع
• محمد ..... اهاا تعالي شن في ان شاء الله خير
• محبه .....خير باذن الله بس نبي انقولك نبي انرد للجامعه وانجدد قيدي لو معندكش مانع يعني
• محمد .... وهو فرحان اكيده معنديش مانع امتي ماتبي انشيلك واحسن قرار خذيتيه
• محبه .... تمام انشوف معاذ امتي تجديد القيد ونبي نبدا السمستر هذا
• محمد .... تمام معناها شوفيه ولو مش فاضي انا انشيلك
• محبه..... تسلملي يارب و ايخليك ليا ومايحرمني منك
• *********************
• عند البنات ......٠
• اسراء ..... مروه تعالي حليلي المسأله هذي معرفتش انحلها بكل
• مروه .....وهيا تربش في تليفونها شوفي وداد تحلها لك انا مش فاضيه
• اسراء .... مش فاضيه وداد اادير في العشاء سيبي التلفون وتعالي حليها ليا هيا ورس مروه
• مره ....باهي هاتي انشوفها
• وداد . في المطبخ ومعاها زوبه ورغد
• رغد .....نجك ليا مبروك يادودي
• وداد ... الله ايبارك فيك بس مازال ماصار شي
• زوبه .....خليني نمشي انقولها لماما وعشان اتحدد موعد لراجل اللي يستني
• وداد..... شوفيها وقوليلي اصلا مش حنقولها له بكرا كني مستعجله
• زوبه ...رغد بعد خطرها بنسالك .محبه كم عندها اخ
• رغد ....اربعه محمد اللي مراته ايمان وبعدها عادل العريس وخالد ومعاذ اصغر واحد
• زوبه .....اهاا مشاء الله وشنو يشتغلو كلهم ومتخرجين
• رغد ..... اهاا معاذ بس يقرا في الجامعه تخصصه اقتصاد
• زوبه ....اهاا وطلعت عدت لمروه
• زوبه ... مروه قتلك سالتك رغد علي الشاب اللي ساعدك
• مروه ......نطت جت جنبها قصدك تعرفه من
• زوبه .... وعليش الفرحه هذي كلها
• مروه ...شنو هيا قوليلي شن قالتلك
• زوبه .....قالتلي علي اسماء خوتها وطلع اصغر واحد يقرا في الجامعه تخصصه اقتصاد والباقي يشتغلو
• مروه .... باهي شن اسمه خليني انشوفه بلكي نلقاه عالفيس
• زوبه ... اسمه معاذ تعالي انشوفوه ممكن يطلع هو
• مروة .... ان شاء الله وخذت تليفونهاوقعدت تبحت في الفيس علي اسمه جربت بالعربي مصار شي وجربت بالانجليزي طلعلها خيارات قعدت اتدور في صورته بس للاسف مالقتش
• زوبه..... شكله مش هو بلكي يقرب لهم بس
• مروه..... مش عارفه المشكله معش صادفته في الجامعه بكل
• زوبه .....وكان شفتيه شن تبي اديري يعني
• مروة......حنسال عليه اكيده في حد يعرفه
• زوبه ...مروه فكينا من الجو انت عارفه خوتك ومنير معك غادي حي عليك لو ايحقك
• مروه ....ساكته ومردتش عليها
• ******************
• عند هدي .......
• هيا قاعده تقرا في دارها سمعت صوت كانه حد يفتح في الباب الشقه
• طلعت من الدار وقعدت مركزه وتسمع بعدها زادت الحركه وهيا خلاص خاااافت بكل وقعدت مش عارفه شن ادير
• هدي .... من من اللي علي الباب
• وهنا اللي علي الباب قعد ايحاول ايدفه ويفتحه وهيا قعدت تجري وتدف في االكرسي واتسكر بيه الباب وعدت تجري خذت تليفونها من دارها ورنت علي ساره
• احمد ....ساره قيسيلها ضغطها وحرارتها وركبيلها تغذيه
• احمد.... بالشفاء ان شاء الله متخافيش عليها تكمل التغذيه وتطلع ان شاء الله
• ساره ... قعدت اتقيس في الضغط والحراره وركبتلها تغذيه لو تبي حاجه ضبحي تلقيني هنا في حجره الممرضات لاباس عليها ان شاء الله
• المراة ...ماتشوفي باس
• وطلعت ورن تليفونها .... طلعاته لقاته هدي
• ساره ..... ايوه هدي
• هدي..... وهيا خايفه ساره الحقيني في حد يبي يفتح الشقه وتو ايحاول ويكسر الباب
• ساره..... شن وارتفع صوتها من غير ماتحس هدي سكري علي روحك باب دارك واشويه جايه ردي بالك تطلعي هدي من دارك ولو شن ايصير
• هدي... بسرعه خايفه بينكسر الباب وايخش انا حطيت عليه الكرسي
• ساره ....وهيا تجري تمام متخافيش انت اناجايه وهيا ماشيه تجري خبطت في احمد
• احمد .... ساره شن في ان شاء الله خير
• ساره.... وهيا خايفه اختي هدي في الشقه وكلمتني في حد ايحاول ايخش للشقه انا ماشيه معلش مش حنقدر انكمل اليوم
• احمد .... شن بسرعه امشي وجاي معاك اطلعي انت وين عنوان الشقه
• ساؤه في منطقه .. ....يلا المدرسه ال....
• احمد..... بسرعه اطلعي لاحقك
• ساره .....طلعت تجري يارب يارب احفضها يارب وركبت سيارتها ورنت علي هدي
• ساره ......هدي شنو صار
• هدي .... مازال مش عارفه كأنه مافيش حد مشي
• ساره ...تمام خليك في الدار ردي بالك تطلعي هدي لعند انجي
• هدي ....معش في صوت خليني نطلع انشوف بس
• ساره.... قتلك لا متطلعيش متخوفينش عليك اكثر من هك انا قريب نوصل ردي بالك تطلعي
• هدي ....تمام مش حنطلع وتسمع صوت قوي يخبط باب الشقه وتعيط هيييييي ويطيح تليفونها منها
• ساره .... هدي شن في هدي ردي عليا هدي ......
• يتبع ...........
• بقلم .........أحلام
