• # خريف المحبه ...........
• الحلقه التاسعه .......
• ساره ......هدي شنو صار
• هدي .... مازال مش عارفه كأنه مافيش حد مشي
• ساره ...تمام خليك في الدار ردي بالك تطلعي هدي لعند انجي
• هدي ....معش في صوت خليني نطلع انشوف بس
• ساره.... قتلك لا متطلعيش متخوفينش عليك اكثر من هك انا قريب نوصل ردي بالك تطلعي
• هدي ....تمام مش حنطلع وتسمع صوت قوي يخبط باب الشقه وتعيط هيييييي ويطيح تليفونها منها
• ساره .... هدي شن في هدي ردي عليا هدي ......
• هدي .... قعدت اتدور في تليفونها لقاته مفكوك ومكسوره شاشته قعدت تركب فيه بسرعه وتبي تفتحه واتشوفه يشتغل اولا علشان اتكلم ساره
• ساره.... اترن علي هدي يطلع مقفل خلاص علي كم مره قريب دارت حادث ومعش عرفت شن ادير والا كيف تصرف اشويه وصلت للشارعهم درست ونزلت بسرعه وهيا تبي اتخش يد مسكتها انفجعت وبرمت لقاته احمد
• احمد ..... استني وين ماشيه بروحك ارجي هنا لو طلع سراق والا واحد مش فاطن ايديرلك اي شي
• ساره..... بسرعه مش عارفه شن صارلها انقفل تليفونها وسمعت خبطه قويه مش عارفه شنو كانت
• احمد..... تمام بس خليك جنبي وانا اللي نركب الاول
• ساره.... تمام بسرعه بس ومسكت في جاكته من لاوراء
• وقعدو يرقو بشويه احمد ...... وين الشقه اين دور
• ساره.... الدور الثاني وصلو مالقو حد قدامها والشقه مصكره بحت فيها احمد
• احمد.... عطيني المفتاح انا نفتح وانت خليك وراي بس عطاته المفتاح وفتح الباب بس لقاه مسكر بحاجه
• ساره .... قالتلي حطيت كرسي عالباب خليني انرن عليها انشوفها قعدت اترن ويطلعلها مقفل قعدت اتدق علي الباب واتضبح هديانا ساره
• هدي.... قعدت ترجي وتمشي واتجي وقعدت تسمع في صوت تخبيط علي الباب الشقه حطت ودنها وقعدت تسمع في صوت ساره وطلعت حولت الكرسي وفتحت الباب
• ساره ... جتها حضنتها تجري وقعدت هدي تبكي وساره ماسكه بكيتها وحست روحها عاجزه ومش عارفه شن اتدير
• احمد ..ايبحت فيهن وجعاته ساره لان حسها كم شايله هم ومع هذا كله مازال صابره وتكافح في الحياه
• ساره ..... هدي خلاص اهدي مافي شي ونا معاك اخر مره تقعدي بروحك حنلقي حل اكيده بس اهدي انت
• هدي .... وهي تبكي😭 انكسرنا ياساره صعبه الحياه كيف نبو نعيشوها ونحنا بنات برواحنا شن حيصير فينا لاقدام شوفي شن قاعدين انتحملو وعمر مازل حي لوصاره شي شن حيصير قوليلي
• ساره ... معانا ربي ياهدي استغفري ربك وكل شي صار عنده ليه حكمه وهو اللي حيحمينا ويحفظنا من كل سو امسحي ادموعك سلم خيتي وخشي اغسلي وجهك وحنلقو حل باذن الله
• هدي ...تمام ان شاء الله ورفعت راسها شافت احمد خشت بسرعه وشيرت لساره عليه
• ساره... فطنت انه كان معاها ونساته اول ماخشت للشقه برمت عليه معلش نسيتك بعد شفتها ومش عارفه شن انقولك علي موقفك هذا بجد شكراا
• احمد .... ولا يهمك واجبي والحمد لله علي سلامتها اهم حاجه توه تشوفي من اللي كان يبي ايخش للشقه واكيده هذا عارف وقت اغيباكن لانه شكله لما عرف انه في حد في الشقه هرب
• ساره ... ان شاء الله حنشوف كيف نحلها وسرحت اشويه وهي تفكر وشكت في حد واكيده مافيش غيره يقدر ايدير عمله زي هذي معلش سامحني مش حنقدر انقولك تفضل انت عارف ان بنات برواحنا
• احمد ...ولا يهمك اكيده عارف
• ساره... يعني اليوم مش حنقدر نرد للمستشفي ونسيب هدي ومن بكرا ايصير خير حنحل الموضوع ونلقي حل لقعدتها بروحها
• احمد.. تمام يعني حنعطيك رقمي لو احتجتي اي شي او صارلكم شي زي الموقف هذا لا سمح الله في اي وقت ترني عليا تمام
• ساره .. تمام شكرا بجد بارك الله فيك مش عارفه كيف انرد جمايلك علينا
• احمد .... يحكي في سره انت ابتسمي بس وانا معش نبي شي اخري ولا يهمك واجبي تفضلي هذا رقمي الخاص وهذا رقم الشغل وتقدري اترني في اي وقت زي ماقلت توه السلام عليكم
• ساره ....طلعت وراه وعليكم السلام
•
• وفاتن كم يوم مافيهنش شي جديد الا محبه جددت قيدها وحتبدا تقرا وهدي بعد هذاك اليوم قعدت عند عمتي زهره وبدت تشتغل في تغليف الهدايه واستكارات كل ماهي فاضيه
• **************************
• محبه .....ادعيلي ياماما اليوم اول يوم ليا في الجامعه
• امي ..... ربي يفتحها وفي وجها وينجحك يارب ويباعد عنك كل سو ان شاء الله
• محبه..... اللهم امين وايخليك ليا ياحنونتي هي سلام عليكم معاذ يستني فيا
• امي.. مع السلامه في حفظ الله ورعايته
• عند فيلا الحاج عبدالله .....
• وليد ....صباح الخير يا امي
• الحاجه فاطمه ... صباح الخير يا عيوني شنو ماشي للشغل
• وليد ....اهاا ان شاء الله دعواتك يا غاليه
• الحاجه فاطمه .... ربي يفرحني بيك ويوفقك ان شاء الله
• وليد ....ان شاء الله طالع تبي شي
• الحاجه فاطمه .....سلامتك توكل
• زوبه ..... صباح الخير ماما
• الحاجه فاطمه .....صباح النور شنو طالعه
• زوبه.... اهاا ماشيه انجيب الحاجات اللي نبوهن لجايه العرب
• الحاجه فاطمه .... من يبي ايشيلك راك تنسي شي حاجه معش اتحصلي من ايطلعك
• زوبه .....احمد ان شاء ماننسي شي لان كتبته كله في ورقه هي باي ياماما
• **********************
• عند محبه في الجامعه .....
• معاذ... تعالي نوصلك للكليه وبعدها انعدي
• محبه ...لالا توكل لي كليتك حنكمل بروحي متخافش عليا
• معاذ ..تمام معناها سلام اول ماتطلعي رني عليا
• محبه ...تمام قعدت تمشي وتبحت كيف تغيرت الكليه عن السنتين اللي فاتحن وحست انها دارت الصح واشجعت اكثر للفكره انها تقرا وتخرج وهي تمشي وسارحه خبطت في حد لعند قريب طاحت
• محبه .... معلش اسفه والله ماشفتك
• هو..... عادي حصل خير ولايهمك
• محبه .. مشت لعند وصلت المدرج وخشت وقمعزت لانها ماتعرف حد واشويه والمدرج قعد ايتعابي لعند اكتمل العدد وشويه والدكتور جاء
• الدكتور ....السلام عليكم انعرفكم بنفسي انا الدكتور وليد
• محبه... كانت لاهيه في شنطتها بعد تكلم الدكتور رفعت راسها وتفاجأت بالدكتور اللي امبدري خبطت فيه
• بنت في المدرج تحكي لصاحبتها بصوت واطي
• البنت .... يا نعليا شنو هذا انا كيف بنفهم شن يشرح وهو هكي بهالجمال
• صاحبتها .... ننقانه مافيهاالا غض البصر وين ياحنه جايبينا لنا هكي ويبونا نقروا
• وليد .... طبعا الحكي وقت المحاضره ممنوعه لان لو مسكت واحد يحكي حيطلع مش حيحضرلي محاضرتين وتوه خلونا في المحاضره
• ************************
• عند مروه في الجامعه .....
• علا .. شن اخبارك ياميمي رايفت عليك والله
• مروه... وانا اكثر كسدت بلاك بكل
• علا ....وين ساميه غريبه مجتش لعند توه
• مروه ...فكيني من سيرتها الحقيره ومعش نبو خلطتها قريب ودرتني في جرتها
• علا.... شن صاير بعدي
• مروه ...ياما صار تعالي نحكيلك ونمشو للمدرج قريب المحاضره تبدا
• وحكتلهامروه شن صار هذاك اليوم وكيف معاذ ساعدها وين حقاته في فرح محبه وهكي
• علا.... هذا كله صار وانا معنديش علم باهي معرفتيش منو الشاب بكل
• مروه .... لالا سالت عليه كم وحده معرفنش شكله مش في الكليه هذي
• علا.... ولايهمك نعرفوه من وفي اين كليه
• مروه ....اهاا ضروري نعرفه يا علا
• علا ...هييي قصدك كبدنا
• مروه.... مش هكي بس في حاجه هكي مش عارفه نوصفها نحس بيها
• علا ... تمام خلاص حنعرفلك منو ولا يهمك كم عندي ميمي انا
• مروه ...نجك ليا عارفه انا مفيش حد حيحلي الموضوع غيرك
• **************************
• عند زوبه .....
• خذت كل حاجه تبيها ومازل الحلو بس نزلت هيا واحمد للحلواني وقعدت تاخذ في اللي تبيه واحمد يرجا فيها اشويه وخش صاحبه رافع
• رافع ... اوووو دكتور شن الجو
• احمد ...خير ياباشا شن الاخبار وينك معش انشوفو فيك
• رافع .... والله ظروف الحاج الايام اللي فاتن تعب عليا وداروله دخول وقعدت معاه هذا ليش والله معش فضيت
• احمد ....لاباس عليه ان شاء الله
• رافع ....لا يوريك باس شن امورك انت والشباب
• احمد ...تمام والله كلهم يسالو عليك
• زوبه .... خلاص ياأحمد كملت تعال سلك
• احمد... برم عليها وفنص تمام
• رافع ...بحت فيها وابتسم لما شافها
• احمد ...تبي شي ياغالي
• رافع ....سلامتك نتلاقو يا طيري
• زويه ...بحتت فيه وسرحت ومش عارفه ليش حست قلبها بيطلع منها وهو يدق وخافت ان احمد يلاحظه من كثر الدق وبرمت مشت يالا احمد اشويه وطلعو لقوه واقف علي واحد يهدرز معاه وهيا سارحه فيه وفي جماله وشكله وحركاته وهو يحكي مع صاحبه
• احمد ...خلاص معش تبي شي صاح
• زوبه ......سارحه ومردتش عليه
• احمد .... اوي زوبه نحكي معاك
• زوبه... نعم شن قلت
• احمد ...خلاص انروحو كملتي معش تبي مكان اخر
• زوبه ...اهاا خلاص تمام خذيت كل شي
• *****************
• في الجامعه .........
• وليد ... واليوم انتهت محاضرتنا لعند هنا تقدرو تطلعو
• وقعد ايلم في حاجته في الشنطه ويبي يطلع
• اريج ...لو سمحتي
• محبه ...نعم تفضلي
• اريج ...شفتك تكتبي مع الدكتور معليش ممكن انشوف البدايه بس لان انا جيت متاخر واول يوم ليا فمانعرفش حد هنا
• محبه ... تفضلي عادي ولا يهمك وحتي انا اول يوم ليا هنا اسمي محبه
• اريج ....وانا اريج تشرفت بمعرفتك
• محبه ....تسلمي خلاص تعالي نقمعزو هنا وتكتبي علي بين مارنيت علي خويا وقعدن ايتعارفن وايهدرزن مع بعضهن
• *****************
• في فيلا الحاج عبدالله
• زوبه .... يا عليك تعب خلاص انا اللي عليا درته الباقي عليكن مش شوري
• وداد ...باهي تعالي انت ورغد ورني شن نلبس انحس في روحي متوتره بكل
• زوبه ... تعالي هيا انشوفلك وعدن لدار وداد شوفي جربي قفطانك الزيتوني حلو بكل وديري شعرك رفعه حلوه وكحل اخضر ورسمه عين كات تطلعي اتهبلي وبعدين مش محتاج هو اصلا يبيك هكي هكي حتعجبيهن
• رغد ...حلو بكل قفطانك هذا ويبين في جسمك حلو وديري اشويه مكياج خفيف زي ماقالت زوبه
• وداد ...خلاص تمام معناها
• رغد ... خليني انعدي انوتي الحلو ونطلع المواعين
• #######
• محبه .... سلام عليكم
• امي ... وعليكم السلام شن جوك مع اول يوم
• محبه .... وهي تحضن في امها تمام الحمد لله
• ايمان ....خلاص غيري وصلي وتعالي تغدي
• معاذ ....شنوالغداء واتي ميت جوع
• امي ...اهاا واتي عدي غير وصلي وتعال تلقاه واتي
****************************
• وليد ...والله مازال مادبرت المبلغ كله يادوب حصلت ربعه
• .....كيف هكي انت عارف اني ضروري نسالك الديون عشان ماننحبسش وبعدين انت شكلك اتماطل ومتبيش تبدرلي المبلغ
• وليد ....يعني هذا اللي طلع معاك اني نماطل توه يعني متعرفنيش انا شنو
• .....ماله شن انت اللي حطيتني معاك في المشكله وطلعت منها واخري سافرت وسيبتني هنا لاقدر نطلع لانخش
• وليد ..... وهو متعصب يعني انا اللي حطيتك في المشكله هذا رايك وشكرا بجد انا والله لولا معروفك معاي زمان كنت مابحتش ورايا ولا ساعدتك بعد عرفت معدنك بس منحبش انخلي في رقبتي دين لحد وبعد تنحل امورك منبيش نشوفك ولا نسمع صوتك استني مني تليفون علي شان المبلغ .
• وخش وهو مضايق لداره ومحبش ايشوف حد ولا يحتك بحد وهو في قمه غضبه
• الحاجه فاطمه ... كنه وليد خش طول لداره من غير مايسلم مش عوايده
• الحاج عبدالله ... صبي شوفيه كنه ممكن تلاقاهو وليته الاولي نكدت عليه
• الحاجه فاطمه ... حي عليا زعما عطها ماينكد عليها امعيشتها
• الحاج عبدالله ... قلت ممكن مش اكيد ليش تدعي ياحاجه
• الحاجه فاطمه ... ماتستاهل الا الدعاء قليله هالتربيه هذ خلتني مش قادره ندويله علي موضوع الجيزه بكل من همها اللي ركباته له
• الحاج عبدالله ..لا حول ولا قوة الا بالله
• الحاجه فاطمه .. قتلك ياحاج راه في صبايا جايات يبن ايشوفن وداد اليوم
• الحاج عبدالله ... اللي فيها خيره ياتي بيها الله ساهل تو نسالو عليهم وانشوفو بعدها الراي
• الحااجه فاطمه ..خليني انصبي انشوف الولد كنه
• الحاج عبدالله ...وفي طريقك استعجليهن بالغداء عندي طلعه بعد الغداء علي طول
• الحاجه فاطمه ...يابنات هيا الغداء باتك يرجي وخوتك علي جيه حطن بسرعه
• وداد ..هي قاعدين انحطو بس منير مش جاي قال عقبولي
• الحاجه فاطمه .... ركبت لدار وليد ودقت علي الباب
• وليد .... تعالي يا امي
• الحاجه فاطمه ...كنك يا مي مضايق حتي ماخشيت علينا
• وليد ... سامحيني والله جاني تليفون الهيت فيه بس
• الحاجه فاطمه ....باهي ياحنه انزل تغداءباتك يرجي فيكم
• وليد .....هي شويه ونازل بحت في امه لعند طلعت وتنهد وقعد يمشي في يديه في شعره لاوراء ولاقدام من الانفعال اللي فيه وحط تليفونه في الشحن ونزل
• ******************
• عند ساره وهدي ......
• ساره ..... عرفت من اللي يومتها جاي للشقه
• هدي ...وهيا منتبها مع ساره من
• ساره.....عمران ولد مرات باتك
• هدي .... وشن يبي جاي
• ساره ... علي شان اوراق حوشنا اللي باسم باتي
• هدي ... عشان ياخذوه منا ومايبقالنش حق فيه ماسد نحنا سيبناه لهم وهيا قاعده فيه هيا ولدها وتوا تبي تسرق الاورق عشان تاخذ كله
• ساره ... اهامش عارفه وين انشيل اوراق بابا كلهن لانهن كانن عند عمر حاطهن عند صاحبه بعدها جابهن وعطاهن ليا وقالي خليهن عندك مرات تحتاجيهن
• هدي ... انقولك وين تحطيهن
• ساره ....وين فكرت في عمتي زهره بس غيرت راي منبيش انحطهم في مشاكل وممكن ايخش حد ويفتش عندهم بحكم االناس عارفه بعلاقتنا بيهم عشان هك منبيش نحطهن عندهم
• هدي ...عند الدكتور اللي جاء يومتها معاك
• ساره ... شنو مستحيل وتبيني انقوله علي القصص هذين كلهن اللي صايرات معانا
• هدي.... عطيهن له امانه مش شرط تحكيله بالتفصيل لان هو الوحيد اللي مستحيل حيلقوهن عنده لان مش حيخطر علي بال حد انهن عنده
• ساره .... سرحت وتفكر في كلام هدي وساكته
• هدي.. صدقيني مافيش حل غيره واحسن وامن مكان وانت حره
• ساره.... تمامان شوف قبل وبعدها ساهل
• ********************
• عند محبه .....
• ايمان .....احميده قتلك نبي انقولك علي حاجه وناخذ رايك قبل
• محمد . .. شنو ياقلبي
• ايمان .... عارف فؤاد ولد عمتي انت هو مطلق وعنده بنيه يوم فرح عادل عمتي شافت محبه عجبتها باهي
• محمد.... ساكت ويسمع فيها
• ايمان ..... وكلمتني قالتلي اندور لفؤاد ومش حنلقو احسن من محبه شوفي هلها وهيا وردو عليا وانا مقدرتش نفتح الموضوع الا توه
• محمد ... مش عارف يا ايمان والله هو فؤاد مشاء الله عليه بس انت عارفه محبه مستحيل اتوافق
• ايمان... انت جرب قولها لعمتي وشوف شن رايها وبالمره شوفو محبه متلطوش علي الموضوع طول هك
• محمد ....مش عارف والله خليني انشوف امي وبعدها ساهل
• ايمان ....تمام حتي انا قلتها لعمتي انها رافضه الفكره وماتأملش واجد
• ************************
• عند ساره في المستشفي .......
• احمد ..... حنوصفلك الدواء هذا ياحاج وان شاء الله تحسن معاه الف لاباس عليك ان شاء الله
• الشايب ...لا يوريك باس وطلع
• احمد ... وهو يتكسل ويطقطق في رقبه يمين ويسار وحول نظارته وحط يده علي عيونه ويضغط عليهن دق الباب
• احمد .... تفضل
• ساره ... معليش يادكتور نقدر انخش
• احمد ... اكيد تفضلي وهو فرحان بشوفتها وقلبه ايدق لان كان خاطره ايشوفها
• ساره .... خشت وسكرت الباب وهي متوتره نبي نسالك كيف حال عمر يادكتور
• احمد ...مستقره مافيش جديد
• ساره ... تنهدت اهاا بصرحه في موضوع تاني بس مش عارفه كيف نبدا فيه
• احمد..... خوذي راحتك منوين تبي تبدي مافيش مشكله
• ساره ...احمم طبعا انت كنت شاهد علي يوم اللي جاء،بينسرق فيه حوشنا وانا تبعت الموضوع وعرفت من اللي كان ايحاول ايخش للشقه وعليش ايدور
• احمد.... يسمع فيها بتركيز وساكت
• ساره ...هياقصه اشويه ملخبطه في بعضها طبعا هو ايدور علي اوراق فانا بعد عرفت انه الشخص هذا يدور عليهن قلت ضروري اني نحطهن عند حد ثقه لان عمر قبل لايمرض بيوم جابهن ليا وقالي خليهن عندك فانا ملقيتش حد ثقه وانا متريحه انه مستحيل يخطر علي حد انهن ايكونن عنده الاانت طبعا اذا وافقت والاوراق كلهن ملكية عقارات
• احمد....يعني امور عائليه
• ساره ...اهاا مشاكل عائليه ملهش حل توه ابدا وعمر بهالحاله فاشنو قلت يادكتور ومن حقك اتوافقوالا ترفض
• احمد ...تمام هاتيهن اكيده موافق بس سؤال ليش يعني فكرتي قيا انا متخافيش اني نطلع عليهن ونعرف
• ساره ... اكيده مش خايفه اانسان محترم زيك ومن عيله محترمه مستحيل يخدع والا ياذي
• احمد ...هنا قلبه يبي يطلع من الدق ومش مصدق انها تحكي عليه بارك الله فيك وهذا من طيب اصلك
• ساره ...وشكرامره اخري وهذين الاوراق وتوه خليني نطلع انشوف شغلي طلعت وهيا متريحه وحست روحها وانها دارت الصح
• *******************
• عند فيلا الحاج عبدالله .....
• وداد..... شنو كل شي واتي
• زوبه... اهاا اشويه وايجو العرب
• مروه ...الباب ايدق شكلهم وصلو خليني نركب انشوف العريس شن شكله وركبت تجري
• رغد ....عدت تفتح في الباب وتستقبل الناس خيرمرحبتين تفضلي
• المراه .... خير وقعدت اتسلم دام فضلك
• رغد ...تفضلن جوا
• وخشن الصبايا وسلمن علي الحاجه فاطمه وقمعزن
• اسراء ...جايات ثلاث صبايا وحده كبيره شكلها امه واثنين اصغار
• وداد .... خايفه يبنات شنو كيف طالعه
• زوبه ...اتهبلي وين يلقو زيك
• رغد ... هيا بسرعه خلينا نقدمو الضيافه بسرعه
• المراه ...كيف حالك ياحاجه
• الحاجه فاطمه ...سلم عافيتك الحمد لله بخير
• المراه ...هذي بنتك
• الحاجه فاطمه ...لاهذي كنتي بناتي كلهن شبابات مازالن
• المراه..... ربي يحفظهن وايخليهن لك وين عروستنا خلونا انشوقوها
• رغد ....هي اهي جايه
• زوبه... بسرعه خلاص خشي عيب المراه تسال عليك
• وداد .....هيا هي خلاص شكلي اكويس
• مروه ....تمام خلاص خشي
• وداد ... خشت وهيا متوتره وسلمت علي امه واخته ومرات خوه وقمعزت وامه تبحت فيه وتفصل فيها تفصيل وقعدن ايهدرزن معاها واشويه بحتت فيها امها وناضت
• المراه...والله نحنا جاين نبو وداد لوليدي توفيق وهو اللي قاللنا عليها لان يدرس في نفس المدرسه معاها ولو في نصيب ان شاء الله
• الحاجه فاطمه .الشور شور بوها وخوتها ونسالو عليكم ونردو عليكم ان شاء الله لو في نصيب عندنا
• وقدمن الضيافه كلها واشويه وروحن الصبايا
• زوبه... حسيتها امه واعره من نضره عينها وكيف اتبحت فيك
• وداد ...حتي انا بس اخته ومرت خوه اكويسات حسيتهن
• رغد ...اهاا هدرازات ودمهن خفيف هن الاثنين
• *****************
• عند هلي ...
• محبه ....معاذ تبي قهوه نحسبك معاي
• معاذ .....اهاا وحتي محمد قاعد جوا مع امي في الصاله
• محبه ..صاح خليني انساله حتي هو
• محمد ...امي قتلك في عرب جايين لمحبه
• امي... مشاء الله وهيا فرحانه من طرف منو
• محمد ... فؤاد ولد عمت ايمان وهو مطلق وعنده بنيه وعمتها شافتها في فرح عادل وعجبتها انت شن رايك انقولو لمحبه
• محبه ..وهيا جايه للصاله سمعت كلامهم كله 😭😭
• محبه .........
• يبتع .........
• بقلم ......أحلام
