• #خريف المحبه .......
• الحلقه واحد وعشرون ....
• خالد ....احممم هدي معليش استني
• هدي ...انصدمت لما سمعت اسمهاا وبرمت عليه متفاجاه
• خالد ... ممكن تعطيني تلفونك اشويه لوسمحتي
• هدي.... عقدت حواجبها بتسال مفهمتش ليش يعني
• خالد ...ممكن بس اشويه وحنرده لك يعني اكيده مش حنضرك
• هدي ...طلعت تلفونها وعطاته له وهيا مش عارفه ليش وتقت فيه وعطاته
• خالد ...فرح و خذا التلفون منها سجل رقمه ورن علي رقمه ورده لها تفضلي وياريت اتردي عليا لما نتصل بيك
• هدي ...عفوا شن مفهمتش يعني شن تقصد بالحركه هذي
• خالد .....ردي عليا بعدين تو تفهمي سلام ياسمحه وغمزلها وضحك وبرم وسيبها مصدومه من جراءته
• هدي ....كملت ركوب الدروج وهيا ترعش ومصدومه وصلت في الباب دقت وحاولت انها ماتبينش ارتباكها وفتحتلها لجين
• لجين ....نجك ليا ياقلبي انستيني والعقبالك
• هدي ....حضنتها وليا يا عسل شن جوك
• لجين ...تمام الحمد لله حال الحوسه
• هدي .....شنو جت رحمه .
• لجين ...لالا في الطريق قاعده خشي تفضلي
• هدي ....هاكي امسكي من يدي باهي
• لجين.... عليش امتعبه روحك جيتك تكفي
• هدي ...تسلمي حاجه بسيطه وين اعميمه نورا خليني انسلم عليها
• لجين ....تعالي في المطبخ ماما علي مادرنافيها شي ولا بت تطلع مزطتني معها
• هدي ....خزي ياسامطه معقوله اتقولي هك
• لجين ...ماما تعالي هدي صاحبتي تبي اتسلم عليك
• هدي ..خير يا عميمه كيف حالك ومبروك علي رحمه
• نورا ...خيرات انستينا ياهدي شن اخبارك انت وساره
• هدي.... الحمد لله بخير
• لجين ...اخويله محبه تعالي سلمي علي صاحبتي هدي
• محبه ...اهلين شن اخبارك انستي
• هدي ...الحمد لله بخير
• لجين ....حي ياهدي مقتلكش اخويله محبه تقعد سلفت ساره تصدقي خطبها خو الدكتور
• هدي ...صاح الف مبروك وربي ايتمملك علي خير
• محبه ..وهيا اتبحت في لجين في نضرات تو اتشوفي الله ايبارك فيك
• لجين ....حي صوت بيابات تعالي شكلها رحمه جت
• اشويه وخشت رحمه لابسه ودخلنها للدار تسلح عبايتها وخمارها
• رحمه ...كانت لابسه قفطان ازرق ملكي سيره عريض وصدره قلب ونازل علي جسمها وفيه فتحه طويله لعند الفخذ طالع عليها خيال بكل
• لجين طالعه الله اكبر اتهبلي يا رحمه مانحسابك طرف هك
• رحمه ....نجك لي شنو في عرب واجد
• لجين..... اهاا حوش مليان
• محبه ...الله اكبر مشاء الله يارحمه اتهبلي
• رحمه ...تسلميلي ياخويله
• موده .... هيا رحمه اطلعي قالتك نورا ارقي روحك مشاء الله اتجننني
• رحمه ...تسلميلي يا اخويله طالعه هي
• **************************************
• عند ساره في المستشفي .......
• ممرضه ...شفتي عليك حظ عندها ماطقت شي لعند خذاها اسمله علينا اللي ليناكم معاه مابحت في وجوهنا
• الممرضه الثانيه ...مش غير الا راهي موكلته بسبوسه
• ساره ...بحتت فيهن وعطتهن نضره اني اسمعتكن وعدت وسيبتهن
• احمد ...وهو طالع من حجره مريض قابلته ساره جايه وهيا مش منتبها لعند وقف عليها
• احمد ..اهلين والابتسامه علي وجها
• ساره..هيا مرتبكه هلا شن اخبارك
• احمد ..بشوفتك تمام ممكن نحكو لو فاضيه
• ساره ...احممم تمام
• احمد ...تمام تعالي معاي للمكتب
• ساره ..لحقاته وخشت وسكرت الباب وهيا متوتره
• احمد ... تفضلي قمعزي نبي ناخذ رايك في كم حاجه هك
• ساره ...ساكته وتسمع فيه
• احمد ....طبعا الفرح بعدشهر والدفع حيتفاهم فيه باتي وعمي فتحي جاركم لو معندكش مانع
• ساره ..تمام لالا معنديش مانع
• احمد ...تمام ب الفاتحه حتكون بعد اسبوعين مع فاتحه وليد خويا وبالنسبه للسكن انا عندي شقه فوق هلي وفيلا لخويا وليد طبعا الفيلا له كان ساكن فيها في زواجه الاول فعشان هك مايبيهشفقالي خوذها وانا يعني قلت الفيلا احسن عشان هدي اختك تاخذ،راحتها اكثر من الشقه انت شن رايك
• ساره ..وهيا مبتسمه معنديش راي مع رايك انت اختصرت كل الحلول علي شان راحتي واللي تبيها ديرها من غير ماتسالني بجد شكرا علي كل شي درته علشاني وقاعد اتديره وختي هدي مفكر فيها يعني مش عارف شن انقولك
• احمد ....للاسف مش حنقبل شكرك لان نحنا توه مافيش بينا شكر وبالنسبه لهدي هيا اختي زيها زي خواتي بالضبط ياريت معش اتكرري كلامك هذا مره اخري
• ساره ....وعيونها بانت فيهن الفرحه اللي خلت قلب احمد ايدق بقوه تمام وهي مبتسمه وحست براحه وان وراها حد يحميها من غدر الزمان نستاذن توه لوخلاص
• احمد ...اذنك معاك واي شي تحتاجيه تكلميني طبعا من غير مانقول
• ساره ...ان شاء الله سلام توه وبرمت تبي تطلع
• احمد ...ساره
• ساره ...برمت عليه وهيا قلبها بيطلع من مكانه ومن كثر الدق وخافت انه يسمعه نعم
• احمد ...لو تبي تاخذي اجازه يعني تقدري والمرتب نتفق معاهم يعطوه لك مقدم شن رايك
• ساره ...خليها بعد اسبوعين ناخذه بالمره
• احمد ...تمام
• ساره ...سلام
• ************************************
• عند نورا ........
• خشت رحمه وقمعزت ودارن جو مش عادي علي الاذاعه واشويه وسمعن بيابات والعاب ناريه وقعدن ايكشكن ويستقبلن في عرب البيان وخشت عمتي زهره واللي معاها وكانت جايبه حاجات حلوات بكل وكان بيان كبير وسلمن علي رحمه وقمعزن وبدن في الضيافه
• رحمه ... لجين كلميلي رشا كذا
• لجين...تمام
• رشا ...جت هيا ولجين وقمعزت جنبها ..وين طالعه اتهبلي كمال حيموت عليك اكيده
• رحمه ...قصدك يبي ايخش
• رشا...اهاا ااكيده يبي ايخش بس مش يالا الصبايا قالي نبيها بروحها في الدار
• رحمه ...هيييييي حي عليا
• لجين ....عليك اللي يفهم في جو تاريته كمال
• رحمه ...جو شنو عطك داء
• لجين ورشا ....تو تفهمي بعد ايجي كمال ههههههههههه
• رشا .....هيا صبي غيري قال نبي انشوفها لابسه القفطان اللي جايبه ذوقه راه علي فكره
• رحمه ...حي علي امي كيف نبي نلبسه انا هذا قدامه
• لجين ...عادي مراته شن فيها
• رحمه ...رشا سكريلها فمها الكلبه اللي يالاك
• رشا ....ههههههه كنك يا رحمه عادي والله عيشي اللحظه وفكينا من حراكاتك اللي اديري فيهن
• رحمه....امشي معش نبي وجهك بكل ركبتن فيا الرعشه يا باردات
• لجين ...كنك خوافه مش زفتك راه يبي يلبسك وخلاص بعني شن يبي ايدير ههههههههه
• رشاء...صدقتي والله هههههههه
• رحمه ...لجين شيلي البلا القفطان وهيا نبي انغير
• لجين ...هيا ياحنه صبي تعالي رشا معانا حتي انت وكلمي هدي صاحبتي تلحقنا
• رشا .....هيا تمام هدي تعالي اشويه
• هدي ...هي جايه ولحقتهن
• رشا ....رحمه ..هيا راه جاي في الطريق تو اتصل بيا والله
• رحمه ..باهي تمام كان القفطان اللي جايبينه قفطان لونه بيج توب قلب وصدرها باين واقصير وامبوج وكله مرصع طلع عليها خيالي مع جسمها
• ولبست وطلعت وقعدن ايزغرتن واشويه وجت عمتي زهره لابستها طاقم علي شكل فراشه وانسياله بسيطه واشويه وقالو العريس جاي ويبي ايلبسها الدبله وحدهم
• وخش كمال وكان جايب معاه باقه ورد و كيس هدايا و لقا قدامه خالد ومراد ومعاذ .
• خالد ...مبروك ربي ايهنيك وايعينك علي عباطتها
• كمال ....ههههه الله ايبارك فيك ان شاء الله
• وسلمو عليه معاذ ومراد وباركوله ورقا معاه مراد وضبح علي نوراوقالها لها
• سلمت عليه نورا وجاته رشا دخلاته للمربوعه خش وهو متوتر وفرحان
• رشا .....هيا صبي يارحمه يرجا قاعد فيك اشويه ونجي نصوركم تمام
• رحمه... تمام بس خشي معاي وبعدها اطلعي
• رشا ...باهي هيا انت بس
• رحمه ...صبت وخشت دكنت روجها وبرمت علي روحها وزادت بخت عطر وطلعت هيا ورشا وصلت فيه ووهيا ترعش خذت نفس ودقت علي الباب وخشت
• كمال ...كان مقمعز ويهز في كراعه ومتوتر يرجا فيها لما دق الباب رفع راسه وصبا وسرح فيها
• رحمه ...خشت وهيا مرتبكه ومنزله راسها
• رشا ...خوذو راحتكم اشويه وانجي انصوركم
• كمال ...احمم تمام مبروك علينا ومد يده
• رحمه ...وهيا مبتسمه الله ايبارك فيك ومدت يدها وسلمت عليه وهو كرهاو سلم عليها بالخد
• كمال ..ماسك يدها تعالي قمعزي وقمعزها جنبه لاصقه فيها وطلق يدها وخذا الباقه وعطاها لها تفضلي
• رحمه... شكرا
• كمال.... يعني وافقتي
• رحمه ...ههههههههه
• كمال ...تسلملي هالضحكه ورد خذا يدها ومسكها وهو يبحت فيها طالعه قمر والله
• رحمه ...ههههههه من ذوقك تسلم
• كمال ...انا حندير حاجه بس منبيكش تزعلي مني بحتي فيا انت بس
• رحمه ..بحتت فيه وهيا مش فاهمه شن يقصد
• كمال... قدم عليها وباسها
• رحمه ... وجمدت في مكانها وهيا مصدومه لعند طلقها
• ودق الباب ...
• رشا ...هيا عشان اتصورو وانت تلبسها الدبله وقت قالتلك ماما
• كمال ...وهو فرحان تمام هيا
• رحمه .....جامده في مكانها وترعش
• واشويه وخشن عليه عمتي زهره ونورا وسالمه ومحبه ايباركله
• وخذا الدبله ولبسها لها وصورو مع بعضهم ومع امه وطلعن
• كمال ...تفضلي هذي حتي هيا انسيتها بكل
• رحمه .. شكرا ليش متعب روحك واجد والله
• كمال .... تستاهلي اكثر خليني نطلع اشويه وامي تلزني
• رحمه ....ههههههه تمام بس ارجاني اشويه وانجي
• كمال....... تمام بس متطوليش
• رحمه ...اوكي وطلعت لجين جيبيلي هديه كمال
• لجين ...كيف صار مش تبي تعطيها رشا
• رحمه ...هيا يبي يطلع بسرعه جيبيها ليا منبيش انخش ونطلع
• لجين ....هي ارجي بس وخشت اشويه وجت جايبتها
• رحمه ...خذتها وخشت عليه طولت عليك
• كمال ..لاتمام عادي
• رحمه ...تفضل هذي مني وان شاء الله تعجبك كان بوكس فيه لبسه وعطر وساعه ونضاره
• كمال ...مكنتيش اتعبي روحك مافيش داعي والله
• رحمه ... يعني نردها توه
• كمال ...لا خلاص فات فيك وخذيتيها نبيها مش حنردها
• رحمه ...هههههههه
• كمال حط البوكس وجاء حضنها وهو يشم في عطرها سلام توه انرن عليك بعدين ردي
• رحمه........وهيا حضناته تمام ان شاء الله
• كمال ...اوكي هي سلام ياسمحه وخذي بوسه من خدها وخذا البوكس وطلع
• رحمه ...وهيا حاطه يدها علي خدها ومبتسمه مصبيه خشت عليها لجين وهدي
• لجين .....الله الله شن كنتو اتديرو
• رحمه ...وهيا وجها انحمر شي كنك بارده انت
• هدي ...هههههههههه الله تهبل الباقه ربي يسعدك وايهنيك ان شاء الله
• رحمه.. تسلمي والعقبالك خلينا انخشو عيب اقريب ايروحو
• لجين.... شنو البوكس هذا زعما شن فيه
• رحمه ...مش عارفه مافتحتش
• لجين ....نبي نفتحه راه نبي انشوفه وفتحاته هيييييي الله ايفون يا فرخه رحمه
• رحمه ....ههههههههه صقع عليك شفتي
• واشويه وقالولهم هيا وقعدن يلبسن ويبن يطلعن
• عمتي زهره ...هدي هيا معانا مافيك ماجيت ساره فهالليل
• هدي ...مش عارف مراات مافيش وين نركب
• عمتي زهره ...ياك اللي مافي وين تركبي هيا معنا قتلك
• هدي ..تمام هي نلبس عبايتي بس
• عمتي زهره ....خلاص نستي فيك
• هدي.... لبست عبايتها ورنت علي ساره قالتلها متجيش نبي انروح مع عمتي زهره
• لجين ..شنو مروحه خلاص كان قعدتي
• هدي ..لا وين ساره بروحها في الشقه منقدرش نقعد وتوه مروحه مع عمتي زهره ربي ايخليها لنا ان شاء الله
• لجين.... .ان شاء الله
• هدي ..قتلك لجين نبي نسالك علي خالد خالك
• لجين.... كنه
• هدي ...قصدي ممكن ايكون حق صوري زعما
• لجين ..لا والله مستحيل والله صدقيني هو حتي وجيج المكالمات والجو هذا معندش والله
• عمتي زهره ...ها شنو لبستي هيا كان واتيه
• هدي ...اهاا هيا لاحقتك المهم لجين انشوفك في المدرسه ونحكو تمام
• لجين ...تمام خلاص سلام توه
• واشويه اشويه وقعدو ايروحو العرب لعند روحو كلهم وقعدن موده محبه وصبايا خوتها و لمن الحوسه معاهن وشبه شطبن كل شي وردنه في مكانه
• لجين ...كان قعدتي يااخويله كنك مروحه
• محبه .....والله بكرا جامعه منقدرش
• مراد ...امي قولي لمرات خالي عادل هيا وخالي محمد يرجا فيكم بره
• سالمه ...هيا هي طالعين قوللهم مع السلامه ومبروك عليها والعقبه لمراد ولجين ان شاء الله
• نورا ...الله ايسلمك كان قعدتي يا امي غيرتي جوك والله
• سالمه ...يقعد الخير مره اخري ان شاء الله
• محبه ..هي تصبحو علي خير ومع السلامه مبروك يا اخويله
• رحمه الله ايبارك فيك ان شاء الله
• ***********************
• صباح يوم جديد ......
• عند محبه في الجامعه .........
• وليد ...وبهكي تنتهي المحاضره وتقدرو تطلعو وقعد ايلم في اوراقه
• محبه .... لمت حاجاتها وحطتهن في شنطتها وهيا اتهدرز هي واريج وجت ماشيه تبي تطلع
• وليد ...انسه محبه ممكن اشويه لو سمحتي
• محبه ...تفاجات بعد ضبح عليها باسمها نعم
• وليد ... نبي نسالك المساله هذي كيف حليتيها يعني كيف خطرت عليك الطريقه هذي
• محبه ...وهيا مستغربه سؤاله هو انا المحاضره هذي مش حاضرتها معاك وفاحلتها ليا صاحبتي
• وليد .....تمام بس لاحضت الفرق في طريقه الحل وحبيت نعرف
• محبه ..اهاا تمام تبي شي دكتور وليد
• وليد ...سؤال أخير وياريت اتجاوبيني عليه
• محبه ...تفضل
• وليد....يعني شفتك لابسه دبله تو ولما سالت عليك قالو مش متزوجه شن الغرض منها يعني
• محبه .... وهيا عاقده حواجبها حاجه في نفس يعقوب
• وليد ...شن وهو عاقد حواجبه بتسال
• محبه .... نستاذن منك خويا يرجي فيا بره وبرمت وطلعت
• وليد ..... وغمض اعيونه اففففففف استغفر الله العظيم شن قاعد انلبز انا
• *******************************
• عند فيلا الحاج عبدالله .......
• الحاجه فاطمه.....ها شنو ياحاج امتي نعطيهم موعد الدفع
• الحاج عبدالله ...الاسبوع هذا ان شاء الله الاربعاء لوليد والخميس لاحمد عشان كان يبن ياخذن حاجتهن العرايس
• الحاجه فاطمه..... خلاص تو نتصل بيهن وانقوللهن ان شاء الله ربي ايهنيهم
• عبدالله ...وفاتحه وليد قوليلهم الاسبوع اللي بعدها حتي هما قوليلهم عليها
• الحاجه فاطمه......ان شاء الله خلاص خليني انرن عليهم وناضت
• الحاجه فاطمه ...زوبه يابنت وينك تعالي نبيك
• رغد ..كنك يا ياعميمه شن تبي زوبه تكد في الحمام
• الحاجه فاطمه ...نبيها اترنلي علي سالمه
• رغد ...هاتي تو انرنلك عليها انا خير ان شاء الله وليد وافق بس انه مايبيش مقابله
• الحاجه فاطمه ...لا ماقال شي الحاج قالي كلميهم الاسبوع هذا الدفع احمد وليد والخميس الاخر الفاتحه
• رغد ...وهيا فرحانه مشاء الله ربي ايكمل عليهم ان شاء الله ويهنيهم يارب
• الحاجه فاطمه ...ان شاء الله يارب هاكي اهو التلفون
• رغد ...خذت التلفون منها ورنت علي سالمه
• الحاجه فاطمه ....خير ياسلومه كيف حالكم
• سالمه ..الحمد لله بخير كيف حالك وشن دايره صحتك
• الحاجه فاطمه .....والله طيبين سلم حالك قتلك يا سلومه ان شاء الله الاربعاء الجاي نبو انديرو دفع كان ايناسبكم
• سالمه ....ان شاء وانت طيبه تفضلو مرحبتين بيكم
• الحاجه فاطمه ...وبالنسبه للفرح وليد مايبيش ايدير فرح ويبي ايجيبها يوم اقرايه الفاتحه الخميس اللي بعد الجاي لان فرح احمد بعد اسبوعين
• سالمه ....ان شاء الله انشوف شن ايقولو خوتها والله حتي نحنا قالت ماتبيش فرح ليله وخلاص ومادام متفقين كيف ماتبو ديرو وانا انعطي علم لخوها الكبير وكان في حاجه تو انقولك
• الحاجه فاطمه ....ان شاء الله وانت طيبه هي مع السلامه وسلميلي عليهن كلهن
• سالمه ..يوصل ان شاء الله
• ******************************
• عند هلي ...........
• ايمان ...كنها ياعميمه عمتي فاطمه
• سالمه ....قالت الدفع يبو ايديروه يوم الاربعاء والفاتحه الخميس اللي بعده وهو مايبيش ايدير فرح قالت نفس اليوم في الليل ايجي ياخذها ويروح
• ايمان ...مشاء الله ربي ايهنيها ويسعدها ان شاء الله
• سالمه ...ان شاء الله يارب غير قلت انشوف احميده وعادل شن ايقولو قبل
• ايمان ...ماعندهم مايقولو هو عشاء علي الخفيف محبه قالت مانبيش عزومه كبيره
• سالمه ...وكان ضروري نعزمو علي القريبين متجيش انفوتهم
• ايمان ...انت شوفيها قبل وبعدها ساهل وكان ماتبي خد ياعميمه مش ضروري والله عزمتيهم في فرح عادل ومازال خالد ومعاذ
• محبه ...خيرات كيف حالك يا ماما شن جوك يا ايمان
• سالمه ..... الحمد لله بخير
• محبه ...كنك ياماما حسيتك فرحانه شن في
• سالمه ...مافي الا الخير ان شاء الله عربك يبو ايجو يدفعو يوم الاربعاء الجاي
• محبه ...بحتت في امها وايمان اهاااا انا ماشيه انغير وانصلي وانجي
• سالمه ....شفتيها وهذا مازال ماتندري علي الفاتحه
• محبه .ردت تبي تسال علي احميده لانها تبيه سمعت كلام امها
• محبه ...امتي الفاتحه
• سالمه.... برمت عليها وتنهدت يوم الخميس اللي بعد الجاي
• محبه .....متفاجأه ومش عارفه روحهاكيف وافقت وقلبها قعد ايدق بقوه وحست روحها مش قادره تصدق انها خلاص حتقعد لراجل ثاني برمت وطلعت ........
• يتبع ..........
• بقلم .....أحلام
