خريف المحبه

الحلقه 25

• #خريف المحبه .......
• الحلقه الخامسه والعشرين ..........
• زوبه ....انت يافرخه داهيه اتشيلك تعالي بسرعه يرجا فيك عزيز عشان عشاء اصحابه
• مروه ....اييييه فجعتيني هو انت
• زوبه ..مش وقت دوه توه اخسابك بعدين نعرف شن اللي موقفك هك
• مروه .... باهي خلاص بعدين نحكو خليني نمشي لعزيز
• وفات الوقت وروحو العرب ولمن الحوسه وكل حد ركب شقته
• محبه ... خشت للشقه هيا وليد وعدت لدار بسرعه عشان اتغير وخشت للحمام ادوش
• وليد ....قمعز في الصاله يرجا فيهااشويه وخش لدار وفتح الدولاب ايطلع في لبسه
• محبه .... طلعت من الدوش ونشفت جسمها وفتحت باب الحمام وطلعت وخشت للدار لقاته واقف وفي يده دبشه ارتبكت كان شعرها مبلول ونازل علي جسمها
• وليد ...كنت نبي ناخذ ادبشي بس خوذي راحتك وطلع
• محبه ....تنهدت ودهنت جسمي بالوشن ولبست توته خفيف وطلعت
• وليد ..... مقمعز في الصاله وايدخن ويقلب في القنوات
• محبه ...خشت المطبخ حطت مكسرات وعصير وطلعت احمم حطتهن علي الطاوله قلت انكسدو عليهن لو حاب يعني
• وليد ...اهاا جن في وقتهن شن حابه اتفرجي
• محبه ..عادي اي شي يعني الا الرعب
• وليد ......هههههه في فيلم اكشن اشويه ويبدا نتفرجو عليه
• محبه ...تمام ومدتله طاسه العصير تفضل
• وليد .... مسك منها الطاسه وجت يده علي يدها خذا الطاسه بسرعه وتباعد
• محبه ...حبه نسالك
• وليد ....عقد حواجبه .تفضلي
• محبه ...خريج شنو انت يعني عارفه اانك اتدرس في هندسه
• وليد ... هندسه معماريه وخذيت دكتورا فيها من المانيا
• محبه ...اهاا ماشاء الله
• وليد .. باهي انت كيف يعني مازال لعند توه متخرجتش مع انك شاطره يعني
• محبه.....ماه كنت موقفه قيدي يعني بعد وفاه بابا معش قدرت انكملها وبعدها معش دورتها لعند الفتره الاخيره قنعوني خوتي اني انردلها ورديت
• وليد ...اهااا صاح انت مازالك سمسترين واتكملي صاح
• محبه ...اهاا
• وليد ..... اهاا بكرا غدانا عند امي اهو بدا الفيلم وقعدو ايتفرجو وانسجم وليد مع الفيلم وبحت بالصدفه لقاها راقده وحاطه يدها تحت خدها وراقده وقعد ايبحت فيها ومش عارف لعند امتي حيقعدو هك
• وليد ...محبه نوضي ارقدي جوا
• محبه ....من كثر التعب مش فاطنه بيه بكل
• وليد ...تنهد وقرب منها وخبطها بالشوي علي يدها محبه ابتسم علي نومها وحط ايديه في وسطه وقعد ايتامل فيها وابتسم وسرح في ملامحها البريئه وعدا للدار جاب غطاء وغطاها وتمدد علي الكنبه الي جنبها وحط راسه يلاها بحيث يقدر ايشوفها وطفي التلفزيون وخلي ضي خفيف والع بحت في الساعه لقاها قريب فجر غمض اعيونه وحاول يرقد بس عطرها مخلاشي فتح اعيونه وقعد ايتفرج عليها لعند حس بيها تحرك وفتحت اعيونها
• محبه .... فتحت اعبوني القيت روحي راقده في الصاله جنبه وفوقي غطاء بحتت فيه وسرحت في شكله الحلو ولاحيته وشعره كان خاطري اني نلعب بشعره قدمت يدي بعدها افطنت لروحي وسمعت اذان الفجر صبيت عشان انصلي وخذيت الباطنيه اللي كانت فوقي وحطيتها عليه وخشيت للدار
• وليد ...فتحت اعيوني شفتها ماشيه شور الدار وريحتها حاصراته اكثر حول البطانبه وناض خش الحمام عشان ايتوضا وايصلي اشويه وطلع صلي االفجر دق عليها
• محبه ...كانت كيف مكمله صلاتهاوتبي تبدا تقراء قران علي دقه الباب حطت المصحف وناضت فتحت الباب وابتسمت صباح الخير
• وليد ....وهو مش عارف ليش دق ءءصباح النوربحت لقاء االمصحف علي الكمدينو اءءء نبي المصحف
• محبه ...وسعتله وفتحت الباب تفضل
• وليد خش خذا مصحف كان محطوط في الرف وطلع وسكر الباب وراه افففففف شن اللي قاعد ايصيرلي
• محبه ...ردت مكانها وقعدت تقراء واشويه كملت وفتحت الروشن شمت الهواء عجبها الجو وسكرت الروشن ووغيرت لبستها لبست استرتش رصاصي معاه ماليه نص كم كتفها طايح من جيها واحده لونها وردي هادي وبرمت علي وجها اشويع وبخت عطرهاوطلعت اتشوف فيه
• وليد.... كمل اقرايه وجاي يبي يرقد سمعها فتحت الباب بحت فيها
• محبه ...لو مش جايك نوم الجو حلو بكل شن رايك اندير فنجان قهوه ونشربوه بره في البلكوني
• وليد ...وهو مبتسم تمام نرجا فيك
• محبه ... ابتسمت وبرمت حطت الميه علي النار وطلعت للبلكوني كان بلكوني كبير محطوط فيه طاوله وكرسيين حولتهن حطتهن في الزاويه وجابت قطعه فرش صغيره وحطت عليها امخاد اكبار وبحتت لقت في اصيصات ورد محطوطات سقمتهن وسقتهن وجابت طاوله صغيره حطتها في التركينه وحطت فوقها ا فازه وخلتها قعده بسيطه بس منظره ايجننن وخشت دارت القهوه وصبتها وحطت معاها شكلاطات وطلعت القهوه واتيه هيا انخشو
• وليد ...ناض وقدم عليها هي وخش تفاجاء بالمنظر الحلو هههههههه حلو بكل خليتي المكان
• محبه .... ههههه يعني عادي لان انحب القعدات اللي هك تحسهن بسيطه و لنا يعني
• وليد ....صاح والله قعده تهببل وهواء حلو
• وقمعزو حطت القهوه ومدتله قهوته وخذت قهوتها وقعدو ساكتين لعند قطعت لحضه الصمت هيا
• محبه ... في سؤال امحيرني خاطري نعرف اجابته
• وليد .... وانا عندي سؤال خاطري نعرف اجابته
• محبه ....هههههههه يعني اتجاوبيني انجاوبك
• وليد .... هههههه نوعا ما اسالي انت الاولي
• محبه ...يوم سألتني علي المساله كنت تعرف اني انا نفسها اللي خطبتها وتبي تعرف اني نعرف والا لا وخذيت المساله ذريعه اتكلمني بيها
• وليد .... بالنسبه اني نعرف انك نفسها اللي خطبتها والا لا اهاا عارفتك بالصدفه قبلها بيوم بس كنت حاب انتعرف عليك في المقابله بس بعد انت رفضتي سالت علي اسمك الكامل بعد عرفتك تقري بالصدفه طلعتي انت وبالنسبه انك تعرفي والا لا فعرفت من اول ماجاوبتني انك متعرفيش واما المساله ليش سالتك عليها لاني انا اللي حليتها توه دوري وحتجاوبينبي بصراحه
• محبه .... وهيا متفاجاء صارانت اللي حليتها والفرخه رغد تجكتر عليا انها فاهمه اكثر مني تمام حنجاوب وبحتت فيه اسال هي
• وليد ...ليش لما سالتك علي الدبله جاوبتي الاجابه الغامضه هذي
• محبه ...لاني كنت انشوف فيك حد يبي يقتحم خصوصيتي
• وليد ...باهي لو سالت توه نفس السؤال شن جوابك
• محبه ... برمت قعدت تبحت قدامها عشان مكنتش انفكر اني نتجوز اساسا وكنت نلبس فيه عشان اي حد حيشوفه في يدي مش حيجي يتجرا ايكلمني يعني وحست الوضع توتر فحبت تكسر الحاجز اكثر علي فكره انت كنت انشوف فيك واحد مغرور ومستفز لبعد حد هههههه
• وليد .....هههههههههه ليش يعني
• محبه .... ممكن مش مذكر شن درت انا انقولك ليش وتحمست وبرمت عليه وعدلت تقمعيزتها نجو الاول موقف
• وليد ....واخري مواقف مجمعه مشاء الله
• محبه ...اهاا اكيد كنت اتعامل مع الطلاب بتعالي او هك كنا انحسو مش عارفه المهم كان اول يوم ليا في الجامعه كنت سارحنه وخبطت فيك هههه لعن اقريب طحت ب الموقف هذا طلعت اكويس
• وليد ..والله ههههه
• محبه ...هههههه اها والله الموقف الثاني كنت مستفز بكل مش عارفه شن كان مرقيها لك وشكلك فشيت غلك فينا لما طلعتني من المحاضره انا والشاب اللي طلب بنينه
• وليد .. باهي ليش تحكو مادام عارفين انا راقيلي
• محبه ..والله ماحكيت انا كنت مركزه معاك في الشرح يعني وهو طلب بنينه مديتها له بس
• وليد ....هههههه شن قلتي عليا قولي الحق
• محبه .....ههههههه لا خليه سر احسن
• وليد ...والموقف الثالث والا كملن
• محبه ...لا وين كملن يوم انكبت عليا القهوه في الكافتيريا انا كنت نغسل في الوشاح ووالبلوزه المهم جيت لقيتك بره مع الدكتور وخشيت اشويه انت عاد فاطن مشاء الله وقعدت اتعايب فيه انا فاطن راه اللي خش بعدي ومره اخري معش اتكررر
• وليد ...قعد يضحك بصوت عاااااالي هههههههههههه علي طرقتها
• محبه ..وهيا سرحت في ضحكته ووقعدت تضحك معاه
• وليد ...هدا ضحكته وقعد ايبحت فيها اشويه علي العموم شكرااا علي القعده الحلوه وحلقة الصراحه اللي صارت ومش حتكون اخر قعده ان شاء الله ٩ونبيها كل صبح
• محبه ...عفوااا ولايهمك ومره اخري معاها فطور اخري
• وليد ...تمام بحت لساعه في يده فات الوقت من غير ما نحسو انا خش نرقد اشويه وزي ماقتلك غدانا عند امي
• محبه ...تمام ان شاء الله مش ناسيه
• ******************************
• عند ساره وهدي ....
• ساره ....اهاا نبي انحط هدي في المدرسه بنتكي ناخذ اشويه حاجات وماشيه معايا رشا
• احمد.... شن رايك اتعدي بروحك وانا انجيك غادي
• ساره ...مش عارفه لو فاضي تمام لاني نبيش نمشي بروحي
• احمد ...خلاص معناه نتلاقو في .......بعد ساعه
• ساره.... اوكي نستنا فيك سلام
• هدي .... شن تبي تاخذي انت اليوم
• ساره ...قبل بناخذ حاجات نوم مكياج وعطور وهكي يعني بس توه معش ايصير منها حناخذ حاجات المطبخ وخلاص شن رايك
• هدي....اهاا عادي احسن ولا حتي ملابس يعني قفطين وهك هو عنده ذوق بعد القفطان اللي جابه
• ساره ...تو انشوف وبعدها ساهل اول ماتكملي رني تمام انا انجيك وردي بالك علي روحك
• هدي .تمام سلام شنو اتعدي تحجي في المواح والحلو
• ساره... اهاا ليوم الحنه ونبي انشوف كوافيره
• هدي ...لالا لكوافيره خليها توه نجيبلك رقم اللي عدتلها رحمه في البيان احسن
• ساره ...تمام انزلي تأخرتي
• هدي ... سلام
• ساره ...عدت حجزت في العشاء والحلو ووبعد ساعه واتصلت باحمد ...ايوه شنو وصلت
• احمد...اهاا ملش عشر دقايق .
• ساره ...تمام مسافه الطريق انا قريبه منك
• احمد .......تمام نرجا فيك
• *********************************
• عند عمتي زهره .......
• كمال ....رشا تعالي نبيك
• رشا ....نعم ان شاء الله خير
• كمال ...نبي رقم لجين ضروري
• رشا ..كنك ان شاء الله متزاعل انت ورحمه
• كمال ..لاا مش هك بس نبيه عندك والا لا
• رشا ..اها تو انجيبه لك اشويه بس عدت اشويه وجت جاباته له اهوسجل عندك
• كمال ..تمام ملي عليا
• ارشا.... سجل *******092
• كمال...تمام ورن علي لجين
• ****************************
• عند نورا ........
• رحمه ...لجين صبي وقت يافرخه علي المدرسه
• لجين ...مش ماشيه كنك يافرخه مش عارفه اني مريضه
• رحمه ....نسيت بكل وين نندري عيك انا خلاص انا ماشيه معناها
• لجين ...ردت حطت البطنيه علي وجها وارقدت اشويه ورن تليفونها
• كمال.... لجين معاي
• لجين ...من حضرتك معليش
• كمال ....انا كمال
• لجين ..خيرات كمال شن ااجو
• كمال.... تمام لحمد لله رحمه جنبك
• لجين ...لالا توه طعت لجامعه وانت حظك حلو كنت شويه ومشيت ان شاء الله خير متقولش مزعلتك بفصولهاالبايخه
• كمال ...لالا ابدا بس نبي انجيها بعدين نبيهش تعرف
• لجين ...اهاااتمام وتبيتي نعطي علم الماما وبابا
• كمال ...اهااا وعشان عيد ميلادها دايرها لها مفاجاءة
• لجين ...تمام خلاص اعتبر روحك حصلت الاذن
• كمال . اصليه بكل .نرجا في اتصالك
• ***********************************
• عند ساره واحمد .....
• ساره ........وهيا مبتسمه خيرات
• احمد ...يا هلا رايفت عليك عارفه
• ساره ....ههههه طولت عليك
• احمد ...قصدك تغيري في الموضوع ماعلينا تعالي هي
• ساره ...وين
• احمد .....ناخذو دار نوم لهدي وبعدها في محل نبي نمشي انا ويك ليه
• ساره .....مسكت يده وبحتت فيه واعيونها يلمعن من الفرحه ربي ايخليك ليا وما يحرمني منك
• احمد ....الله ايربحك فكينا منها النظره هذي انا مش قدها
• ساره ...وهيا تضحك هههههههه اين نظره
• احمد ....تسلملي هالضحكه نعليا انا وخلاص من اللي يستعبط
• ساره ..... احمد خلاص عاد احرجتني وتنهدت عارف اني خاااايفه موت ان السعاده اللي انا فيها مدومش عارف اني نضحك بس بعدها في صوت في داخلي ايقولي ادعي ضحكتك مايجش وراه هم
• احمد ....وانت معاي كوني مطمنه انه باذن الله منخليش الهم ايخش لقلبك ما نبيكش اتفكري الا فيا انا تمام
• ساره ...والابتسامه علي وجها تمام وانا واثقه ومطمنه انك مستحيل اتسيبني
• احمد ....هيا باهي خلينا انخشو للمحل هضا
• ساره ......تمام هياوخشو وقعدو ايشوفو واختارولهدي دار نوم واتفق معاهم امتي ايركبوها وطلعو
• احمد ...توه تعالي نبي نمشي انا ويك للمحل ناخذو حاجات مع بعضنا
• ساره ...وين ومحل شن
• احمد ...امشي بس تو تعرفي اهو وصلنا
• ساره ....بحتت فيه وقفت وجها قعد حمر مش من جدك صاح
• احمد .... قعد يمشي وبحت جنبه لقاها واقفه وراه برم عليهاوبحت في وجها لقاه احمر زراته الضحه عليها بس محبش ايزيد يحرجها كنك امصبيه غادي
• ساره ..... مش خاشه معاك راه
• احمد ...لو تبيبني نزعل بجد متخشش معاي
• ساره ...احمد فكنا عاد والله ماتجي كنك انت
• احمد ...انت مش تبي تشري وتلبسيهن بعدين لمن يعني مش ليا وانا نبي انختارهن معاك هيا قلت ومسك يدها ومشاها معاه
• ساره ....من الاحراج خلاص قعدت تمشي وجها احمر بكل من كلامه مقدرتش اترد عليه
• احمد... تعالي من هنا انشوفو اللي غادي وقعد ايشوف شوفي هذا مش عادي صاح بس نبي لونه احمر
• ساره ...وجها قعد هك 😳من الاحراج احمد مش حلو بكل شين
• احمد ....صقع عليك هذا عارف كيف حيطلع انت امسكي بس
• ساره .....اتبحت فيه عارف منكنتش عارفه انك بالجو هذ بكل
• احمد .....غمزلها مع حلالي كله مباح ههههههههه وخذا كم واحد وهيا بتموت من الاحراج وخذاهن هذينا خليهن عندي انروح بيهن وتلقين في دولابك تمام
• ساره ....... تمام خلاص انا تعبت اليوم وهدي قريب اترن عليا
• احمد ....تمام باهي تعالي نشربو حاجه في المول ونروحو
• ساره ...تمام هي اصلا عطشانه وركبو فوق وطلبو عصير وكريب وقعدو يرجو علي رنه تلفون ساره
• ساره ....بحتت في التلفون لقاته رقم قعدت عاقده حواجبها بتفكير
• احمد ....كنك من اللي ايرن
• ساره ..رقم زعما هدي خليني انرد وفتحت ايوه
• عمران .....صار تجوزتي وتحسابي روحك تقدري تهزميني
• ساره .... بحتتت بسرعه وصدمه في احمد انت من وين جبت رقمي ياتافه
• احمد ..عقد حواجبه وبحت فيها
• عمران ....خليك عارفه اني مش بساهل انخليك وديري في حسابك اني وراك وراك لعند ناخذ لوراق وعلي فكره اختك نشوف فيها قاعد قدام مدرستها بحركه مني بس مش حتشوفي وجها مره اخري وراسك هضا نحطه لك في الوطي وبعدين اشبعي بالحوش ودوري من ياخذك وياخذها
• ساره ...صبت وهيا مصدومه من كلامه اللي تسمع فيه ورحمه باتي وهلي تجي شور هدي نقتلك والله ماحيمسكني عنك من كان ايكون ياحيوان وقعدت ترعش
• ااحمد ..خذا منها التلفون لو كنت راجل مكنتش تستقوا علي الصبايا يا تافه لو تبي تافهم علي حاجه تعال وريني وجهك ولو يمسهن هن الاثنين خدش بس اعتبر روحك في عداد الموتي
• عمران ...اوباااااا من عريس الغفله بذات نفسه ايكلم فيا خفت الصراحه عندك حل من الاثنين قوللها ياتجيب الاوراق ياختها حتشوفها ملوحه في الشارع بعد نلعب بيها زيي مانبي وانت وفهمك عاد اه علي فكره نرجا في اتصال منكم لاني نرجا في السنفوره تطلع بس تشاو
• احمد ....وديني لو تمسها حيكون اخر يوم عمرك وانا منتهدشش ياتافه وسكر
• ساره ..وهيا تبكي وترعش ياحمد حي عليا اختي بسرعه نبي نمشيلها حي عليا وخذت تلفونها ترن عليها وتبكي ماتبيش ترد حي عليا
• احمد .....هيا بس متخافيش اناحاط واحد يراقب فيكن من غير ماتعرفي من اول ماخش الفرخ هذك للشقه كان ايراقب فيكن حنكلمه مايخليهش تطلع لعند نوصلو
• ساره ...وهيا تبكي تمام رن عليه بسرعه ماتبيش اترد بسرعه
• احمد ...اهدي ياساره مش حيصير شي متخافيش والكلب هذا حله عندي انت اهدي بس
• ساره ...وهيا تبكي يارب يارب ملنش غيرك يارب معندنش الا سمعتنا يارب متحطني في هالامتحان يارب ماتاذيني في هدي يارب
• احمد ...مسك يدها وركبها معاه في السياره تعالي معاي وبعدها انردو لسيارتك
• احمد ....ايو يا سالم قتلك انت وين
• هو ....قدام المدرسه في شي
• احمد ...اهاا االشخص اللي قتلك عليه قاعد قدام المدرسه رد بالك من الامانه انها تطلع ممنبيش يلمحها حتي اللمح ولو صار وطلعت خليك ضلها اعتبرها اختك وعرضك وانا مسافه الطريق وانكونو عندك هو مش ناوي علي خير
• سالم ...كون مطمن مش حتطلع ولو طلعت اعتبرهاوصلتلك بخير مش حيمس شعره منها انا قاعد ياالا الباب
• احمد ...تمام اشويه وانكون عندك سلام اهدي خلاص مش حيقدر ايدير شي انا جنبك متخافيش
• ساره ...وهيا تبكي وتهز في راسها يارب يارب
• *****************************************
• عند محبه ........
• غيرت دبشها ولبسه قفطان طويل حلو لونه ابيض مورد بالقهوي وفيه احزام قهوي من الوسط ونازل بالوسعه ولبسه عليه ايشرب بيج بالقهوي ودارت مكياج خفيف بكل وبخت عطرها وطلعت من الدار
• وليد .... كان راقد مش فاطن واضح انه متعمق في النوم
• محبه ....وليد وليد قعدت تدوي لروحها بشويه تاريته نومه ثقيل من امبدري ونقربع مافيش امل ان اينوض وانتفكه من هالموقف طبست وهزاته اشويه فتح اعيونه فجاه ردت صبت ءءءؤوقت كان تبي اتغداء
• وليد ...بحت فيها زييين وبعدها ناض قمعز اهاا هي نايض نخش اندوش مش مطول
• محبه...باهي انديرلك حليب وشاهي والا لا
• وليد ...اهاا ياريت والله
• محبه ...تمام وتيتلك لبسه تلقاها معلقه
• وليد ...منوره وخش ايدوش اشويه وطلع لاف منشف وعليه من تحت غير بسرعه وصلي وبخ عطره ومشط شعره وطلع خش عليها المطبخ لقاها اموتيتله الحليب شنو انت فطرتي
• محبه ...اها شربت حليب منبيش انخرب علي روحي علي الغداء
• وليد ...تمام هي ننزلو معناها وخر الكرسي وناض وطلعو ونزلو وخشت محبه
• محبه ...السلام عليكم خير ياعميمه
• الحاجه فاطمه ....وعليكم السلام تفضلي
• محبه... جت سلمت علي راسها كيف حالك اليوم ياعميمه
• الحاجه فاطمه ....الحمد لله
• وليد ..خلاص انا معش ننفع شكلي يا حويجه
• الحاجه فاطمه .....ياك اللي مايتنفع انت الغالي غير فرحانه بيها بس
• وداد ....نجك ليا نورتي عيلتنا والله
• محبه ...وهيا مبتسمه منوره بهلها ياعسل
• وليد .. وين الشباب مازالو ماجو وباتي وين
• الحاجه فاطمه ....اهاا مازال ماجو وباتك مقمعز جو قاعد كاين يصلي في الظهر
• محبه ....وليد خليني نمشي انسلم عليه حتي انا معاك
• وليد ...تعالي وحط يده وراء ظهرها ومشت قدامه وهو وراها
• الحاجه فاطمه ...بحتت في وداد وهيا فرحانه الحمد لله ربي العالمين ربي يفرحني بعويلته ان شاء الله
• وليد ..خير ياباتي كيف حالك اليوم وسلم علي راسه محبه تعالي
• محبه..خير ياعمي كيف حالك وسلمت علي يده وراسه
• عبدالله ...الحمد لله بخير انستي العيله يا بنتي
• محبه ... الله ايانسك
• منير ... وينك يا نبع الحنان .وين الغداء ياهووو خلاص قريب انطيح علي وجهي وخش لصاله وانحرج
• وليد ...كنك شاطح خش محبه هذا منير شرهان جائع هههههه
• محبه ...خيرات كيف حالك
• منير ...تمام الحمد لله ننقانه وين انجوع معش نعرف حد عادي قعدتي من العيله انت
• محبه ....هههههههه
• الحاجه فاطمه ...كنك يا ليد تعيط خلي خوتك ايجو بعدها يحطن مازال بدري وانت شاطح
• منير.. عزيز جاء ركب ايغير شوفولنا احمد بس يبي ايجي والانرجو علي الفاضي
• وليد ...توه انشوقه انا وقعد ايرن عليه
• افطومه... خشت تجري اخويله حبه وحضنتها
• محبه ....هههههه نجك ليا ياخيه كيف حالك
• افطومه ...تمام
• عبدالله ...تعالي سلمي والا خلاص لقيتي محبه
• افطومه ...نسيتك بتل ياجدو اصلا ملايفه علي خويله انا
• عبدالله .....خلاص معش ترايفي قاعدفي جنبك توه دقي وخشي
• وليد ...اعيونه معاها كيف اتعامل مع افطومه
• افطومه ...صاح يااخويله
• محبه ....ههههه اهاا
• افطومه ..... تصدك قعدتي عند عمو وليد .هيييييي وقعدت فرحانه
• عزيز ....كنك فرحانه وتعيطي هك
• افطومه ..اخويله قعدت عندنا معش تروح للحوشهم
• عزيز ...ههههه خيرات يامحبه نورتي
• محبه....اهلين تسلم يارب تعالي افطومه نطلعو انشوفو البنات
• وليد ... محبه قوليلهن ايحطو قال مش جاي راه
• محبه.... تمام وطلعت
• ***************************************
• عند ساره واحمد .....
• وصلو للمدرسه واحمد وصاحبه سالم قعدو ايدورو في عمران بس مكانش قاعد
• ساره ...خشت للمدرسه لقت هدي مقمعزه ترجا فيها يلا بنت جت خذتها حضنتها وقعدت تبكي
• هدي ....حي عليا كنك ياساره شن صاير احمد صايرله حاجه
• ساره ..مسكت روحها بالغصب وباعدت هدي منها وقعدت تمسح في ادموعها لاما مافي شي سامحيني خوفتك
• البنت ....تبحت فيهن باهي كنك ان شاء الله مافي شي
• ساره ..بحتت في في البنت لالا مافي شي يسلمو خذت هدي هيا احمد يرجا وتباعدن هدي عمران كان هنا وهددني انه يخطفك
• هدي.... شن الحيوان مش حيسيبنا فيحالنا هذا شن يبي
• ساره ..... ورنيت عليك مارديتش فجيت انا واحمد وخليته ايدور بره فيه هدي ردي بالك تقعدي بروحك في اي مكان مهما كان هذا مش عارف شن يبي توه خلينا نطلعو احمد يرجا وانا خليت سيارتي قدام المول
• هدي ....تمام هيا وطلعن لقن احمد ومعاه واحد تاني قدام السياره وركبن وقعدن يرجن فيه اشويه وجاء احمد ركب
• احمد ...كيف حالك هدي
• هدي .....تمام الحمد لله
• احمد ...بحت في ساره ومسك يدها متخافيش حليت الموضوع ومعش يقدر ايجي شوركن كوني مطمنه وين تبي توه
• ساره ...للمول انجيب سيارتي وبعدها للشقه دغري
• احمد .....تمام سالم حيكون قاعد لو صار اي شي حيعرف تمام
• ساره وهيا حاسه براحه انه معاهن تمام ربي ايخليك ليا يارب
• احمد ...ضغط علي يدها وليا يارب
• *************************************
• عند نورا ......
• لجين ........ايوه كمال خلاص تعال فضيتلك الجو بس الهبله هذك راقده راه وشكلها زعلانه تحسابك نسيت قالتلي اليوم كمال مرنش عليا
• كمال .....هههههه انت وعيها ووتو انراضيها بعدين
• لجين..... تمام ان شاء الله تنوض اصلا خميره نوم
• رحمه ...مع من تحكي ومن اللي خميره نوم يا فرخه
• لجين ...هدي من يعني ونحكي عليك اكيده
• رحمه ....خزي بارده
• لجين ...كنك فاصله انت
• رحمه ...شي شن دخلك
• لجين .. باهي تعالي نبي نطلب منك طلب وماترديني
• رحمه ...مش جوك منبيش
• لجين ..عشان خاطري وراسك هيا بس
• رحمه ..شن تبي باهي
• لجبن ....قمعزي نبي نبرم علي وجهك بمكياج ورسمه عين عندي جو انديرلك اليوم حقيت مكياج ايهبببل عاليوتيوب بنطبقه عليك
• رحمه ...منبيش فكيني تو ايجي مراد ويقعد يسب
• لجين... مش قاعد مراد غير هيا بس
• رحمه ...افففف من سكنانك هيا باهي
• لجين ....نجك ليا عارفتك مترفضيلش طلب وقعدت اديرلها المهم خلتها اتهببل ولانها شاطره طلع معاه ايجننن شوفي هي
• رحمه ...ايهببببل يافرخه والله
• لجين ...شن رايك تجربي قفطانك الاسود القصير عليه انشوفوه
• رحمه ...تمام نبي نلبسه وانصور
• لجين ...مع ضحكه هههههه تمام اشويه والجرس رن خليني انشوف من وانجيك علي بين مالبستي
• رحمه ...تمام
• لجين ...فتحت الباب اهلين تفضل
• كمال ....شن الجو عندك
• لجين ....وهي مبتسمه تمام الامن مستتب متخافش حتي ماما عند جديده المهم عندهم علم
• كمال ...تمام امسكي من يدي
• لجين... تعال وتيت كل حاجه في الصاله الجوانيه خش هي
• كمال ...تمام حطت التورته اللي جايبها كمال وهو حط يالاه بوكس وقمعز يرجا فيها
• لجين ....خليني انكلمها وانجي
• كمال..... تمام
• لجين ....شنو لبستي
• رحمه ...اهاا شوفي طلع حلو مع المكياج ايهبل
• لجين ...اهاا البسي الكندره الحمره معاه
• رحمه ...كانت لابسه قفطان اقصير بكل فوق من الركبه اسود وكم وصدره سبعه وضهره سبعه وطلقت شعرها وحطاته علي الجنب
• لجين ..تعالي انصورو في الصاله الجوانيه مافي حد حتي ماما عند اجديده
• رحمه ...هي تعالي وطلعت
• لجين.... لاحقتك نجيب تلفوني بس
• رحمه ...ماشيه وعيونها في تلفونها وتعدل في الكامير خشت للصاله ورفعت راسها لقت كمال مصبي وقدامه تورته ويضحك وعيونه قريب يطلعن وقعدت مصبيه مصدومه 😳
• كمال ..... كل سنه وانت طيبه وعقبال الميه يا عمرى
• رحمه .... وهيا تضحك ومتحشمه من لبستها وقعدت اتنزل في القفطان وانت طيب اءءء اشويه بس وجت بتطلع
• كمال .....هههههههه تعالي هنا وين ماشيه بس وجاء لعندها مسك يدها خلي في بالك انك مرتي فاهمه شن يعني مرتي
• رحمه ..... قعدت تبحت فيه وعيونها في عيونه انحبك عارف انك احلي شي صارلي في حياتي
• كمال .... وهو مش مصدق انها قالتله انحبك نزل عليها وحط يده تحت راسها ونزل باسهاااا وطول وهو علي هالوضع وبعدها باعدها عنه وحضنها وانا وربي نحبك وعمري ماحبيت قبلك ولاحنحب بعدك
• رحمه .......ههههههه ربي ايخليك ليا ياعيوني حلوه المفاجاءه
• كمال .....باعدها تعالي طفي الشمعه عشان منبيش انطول
• رحمه.... .كيف جهزت هذا كله الفرخه لجين عارفه صاح
• كمال ..اهاا ههههههه هيا تعالي ومسك يدها وجت يلا الطاوله وطفت شمعتها وقصو التورته مع بعضهم
• كمال ... تفضلي ان شاء الله تعجبك
• رحمه ...تسلملي يكفي انك اذكرته والله
• كمال ...الغالي يرخصلك يا عيوني انت
• رحمه ...هههههههه
• كمال ..خلاص خليني نطلع توه
• رحمه ..تمام بس ارجي نجيب نعطيك منها بس
• كمال...تمام هي
• رحمه... طلعت جابت حافضه حطت فيها قطعه كبيره من التورته وعطتها له
• كمال ....نزل باسها بسرعه سلام يا غلاي طالعه قمر علي فكره و بطلي كر القفطان راه ينشرط
• رحمه ....وهيا تضحك هههههههه سلام وباست يدها😘 وعزقتها له
• كمال ....دار حركه كنها خشت في قلبه كانه يبي ايطيح وحط يده علي قلبه وغمزلها ودارلها 🖐وطلع
• رحمه ...سكرت الباب وحطت يدها علي قلبها وتضحك
• لجين ......الله الله علي الجو امتي يارب
• رحمه ...جتها حضنتها عارفه انك احلي اخت في الدنيا صاح
• لجين .....ههههههه ربي يهنيك يا قلبي بسرعه تعالي نلمو الجو قبل لايجي مراد والا بابا
• ***********************************
• فيلا الحاج عبدالله ......
• زوبه .... مش عارفه قصه نبي السوق انا نبي ناخذ كم لبسه معش مازال عليه شي الفرح ونحنا مادات وجوهنا
• مروه ...حتي انا تو انشوفو منير
• اسراء .......شوفيلنا عزيز يارغد حتي انت اكيده تبي تاخذي صاح
• رغد .. اها قتله قبل فرح محبه قال مش فاضي بس حنقوله علي بكرا يشيلنا معش فيها قرب بكل مازال عليه اسبوع
• زوبه .....خلاص معناها نمشو مع بعضنا احسن
• محبه ..... تلفونها رن بحتت فيه معليش نبي نركب تبن شي
• وداد ...سلامتك اركبي خلاص من الصبح وانت هنا
• محبه ...لا عادي بالعكس الجو حلو محسيتش بيه وركبت خشت للدار حولت وشاحها وقمعزت علي السرير ومسكت التلفون بتعاود عليه رن ردت ايوه
• محمد ...شن اخبارك كيف حال صحتك
• محبه ...تمام الحمد لله شن اخبركم انتم وكيف حال امي شن دايره صحتها
• محمد ...الحمد لله تمام مكسدين بلاك بس
• وليد ...فتح الباب وخش قعد ايبحت سمع صوتها في الدار قرب من الدار وقعد ومصبي ايبحت فيها
• محبه ....نجك ليا ياعيوني والله حتي انا رايفت عليك
• وليد .....ايخش هاجم ياخذالتلفون من يدها ويخبطه علي الساس
• محبه .... هيييييييييبي
• يتبع ...........
اليوم مدلعتكن حلقه طويللللله دلعني عاد بتعليقات قراءةممتعه 😘😘
• بقلم .....أحلام