خريف المحبه

الحلقه 1

• #خريف المحبه .....
• الحلقه الاولي.....
• نرجعو قبل الحادث بيوم.....
• معز ...محبتي وينك
• محبه ...انا هنا ياعمري
• معز ....شن الجو
• محبه... تمام ربي يعطيك الصحه ياحبي شنو صار من المشيه
• معز ...اهاا ياقلبي وتيتي الدبش زي ماقتلك
• محبه... اهاا بس مازال كم حاجه بس قتلك يا عمري كان خليتها كم لك يوم ماتريحت وانت تجري ومدورش العيال طلعهم حتي هنا في اي مصيف
• معز ...كيف يا عيوني انا واعدهم ليا كم يوم ونفوت فيهم حتي انتم عليكم حق عليا وبعدين منقدرش انزعل حبيبت باتها مرام
• محبه... ربي ايخليك لنا ومايحرمنا منك ياقلبي
• معز ...ولا منك يا عيون معز خلاص خليني نخش اندوش وانصلي وانت وتي العشاء ميت جوع علي بين مادوشت
• محبه...حاضر من عيوني يا عزي ودلالي
• معز.... اموووووه انموت فيك انت وكلامك العسل
• اناا هههههههه خلاص عدي
• عند هلي.....
• امي .....قالت بكرا ماشين مشرق العيال ساكنين لمعز علي البحر وهو واعدهم بيها له فتره احميده مشاءالله ايغيرو جو والله
• ايمان... حتي نحنا نبوها والله كلنا زي هالطلعه
• احميده ... ان شاء الله نسلك ونرتب اموري وبعدها ساهل
• احميده ... والشباب وين يامي
• امي ... خالد في داره وعادل مازال ماروح معاذ مع اصحابه
• احميده.. اهاا تمام شنو عادل كمل اموره كلهن
• امي ...اها قال مازال حاجات بسيطه ونشطب احميده ...باهي عالبركه ان شاء الله تبي شي يامي
• امي ....سلامتك ياغالي عدي تريح يا اوليدي و وربي يفتحها في وجهك وين ماعديت
• واحميده ...اميييين وركب لشقته
• عندي انا
• محبه.... عزو هيا العشاء واتي
• معز... هيا ياقلبي وين العيال
• محبه ...عشيتهم وارقدو هيا سمي
• معز.... بسم الله
• تعشينا وضميت حوستي علي رنه تليفوني
• رغد ... خير ياحنه
• خيرات... شن اخبارك
• رغد ....اسكتي احسلك وتسالي علي اخباري اخري
• انا ...هههههههه سامحيني ياحصله والله هذا وين افضيت
• رغد ....شن عندك ياحنه
• محبه... مش قتلك احتمال بكري ماشين لمشرق
• رغد...اهاا باهي شنو صارلكم
• محبه... اها الصبح طالعين ان شاء الله مش عارفه ليش عنديش فيها نيه المشيه
• رغد... شكلك تبي كفين اسماح في حد يكره الدهوره
• محبه.... مش قصه كره مش عارفه هكي قلبي مش متريح محبيتش انكد علي عزو وهو خاطره فيها
• رغد ..خلاص معناها لاتنكدي لا شي شيلي امعاك اروابك اللي خذيتهن انا وياك 😍😍تو يسلك الجو
• محبه.... هههههه عطك حبه ديما تفكيرك ايسار
• رغد ...ها اماله اتمدي وجهك هكي هو يبي يفرحك فرحيه حتي انت
• محبه... ههههههه خلاص حاضر تو انشيلهن كان تفتحي هاسريب معش تعرفي اتسكري
• رغد..... هوفي احلي من هالسريب
• محبه ...هههه سلام انتلاقو بعد انروح
• رغد ...حنرايفلك والله
• محبه....ههههههه قولي لعزيز والحقينا
• رغد.... هااابه علي بختي مش فاضي هاليومين
• محبه .... ربي ايعاونه
• رغد ... ان شاء الله تمام خلاص بيناتنا تلفون تصبحي علي خير
• محبه.... وانت من اهل الخير
• عزيز ... وينك وانت غطستي
• رغد ....كنت انكلم في محبه
• عزيز ...قلتها حتي انا هالتغطيسه وراها محبه
• رغد ههههههه
• عزيز ...قتلك وليد قريب ايروح
• رغد ...صااااح يافرحت عمتي والبنات
• عزيز.... اهاا كمل الحمد لله وتخرج خلاص ماعنده عليش قاعد
• رغد ....باهي يوصل طيييب يارب
• في الصبح .....
• محبه.... مرام ياماما نوضي هيا وقت
• مصعب :ناض يجري ويعيط جاء الصبح جاء الصبح
• محبه ....ههههه اها جاء هيا بسرعه وقت عشان نطلعو
• مصعب : طياره
• مرام... ليش خليته ايخش قبلي ياماما
• محبه ....خلاص نوضي علي ما سقمتي سريرك هو يطلع
• مرام ..افففف حيدره كبدي توه
• محبه...لاحول الله وخلاص اه من توه فكوني من العرايك في السياره وتذهبو شيرت باتك
• مرام... وينا بابا حبيبي وطلعت تجري مرام صباح الخير علي احلي بابا
• معز.... صباح العسل علي بنوتي اموووه
• مصعب... وانا كني
• معز... هههه غير قول صباح الخير قبل انت بس
• مصعب :اه صح نسيت صباح الخير يابابا
• معز ....صباح النور هيا بسرعه غيرو منبوش انطولو
• مرام ومصعب هيا هيا
• معز ....رهف وين
• محبه...غيرتلها وردت رقدت
• معز ههههه هالبنت خميره نوم متشبعش
• عادل ....صباح الخير يا غاليه وحب علي راسها
• امي ..صباحك مبروك ياعدوله
• عادل ..كنك ياامي وجهك اصفر
• امي: مافيا شي راسي اشويه يوجع فيا
• عادل ..تعالي نوزلك الضغط تريحي نحنا مدورينش تو اللي يبي حاجه قدامه يطلع يفطر بره
• امي ..كيف نخليكم تطلعو بلا فطور هكي جواعه والله ماتصير عليا
• عادل...باهي تعالي تريحي وخلي عنك حوسه الحوش بس لعند تنزل ايمان تساعدك
• امي: قتلك مافيا شي
• عادل ...لا ضغطك متعدل نوزن السكر معناها
• خالد: صباح الخير كنك ياامي شن اتحسي
• امي .. صباح النور توكل لشغلك وقت عليك مافيا شي قلت
• عادل .. لاتمام يا حاجه حتي سكر متعدل انت فطرت
• امي.. اهااا فطرت مع معاذ قبل لايطلع
• خالد ..صحتين لكن زياده الخير خيرين تعالي افطري معاي نقناه ماينبلع بلا متقابليني
• امي ...هههههه السانك انت من يقدره تعال ياعدوله حتي انت الحقيني واتي اصلا نسخن الشاهي والقهوه بس
• مرام: قتلك يابابا شريتلنا تشبس الحظ
• معز ... تو نشريلكم لاقدام مازال في محلات
• مصعب... حتي انا راه
• محبه... وهو انت تنتسي
• رهف :وانا وانا
• انا ومعز ههههههههه حتي انت متخافيش
• معز :كلمتني امي امس
• محبه:خير ان شاء الله قالتلي تبيك في موضوع يومتها
• معز... رشا جاينها عرب تبيني نسال عليهم
• محبه...اهاا مشاء الله ربي يقدم اللي فيه الخير
• معز : ان شاء الله اول مانروح نسال عليهم وقلت حتي لكمال يسال عشان عنده معارف واجد
• محبه..صدقت اسالو اكويس وقت وتوه تما يخوفو
• معز ان شاء الله خير وخلاص
• مصعب بابا ولعنا حاجه نسمعوها كساد
• معز هاهكي اكويس مصعب تمام
• في فيلا الحاج عبدالله
• رغد ..صباح الخير ياعمتي
• الحاجه.. فاطمه صباح الخير
• رغد.. وين البنات
• الحاجه فاطمه .. مروه في الكليه وزوبه ضم في المربوعه جاين اصحاب احمد متغدين هنا وداد في المطبخ باديه في حاجت الغداء واسراء مازال ماروحت
• رغد ....اهاا قالي عزيز علي وليد اقريب ايروح
• الحاجه فاطمه ....ان شاء الله والله فرحتي مش شايلتها لحد ساد له كم سنه متغرب وله كم ماشفته بلكي ربي يهديه ويتزوج بعد جيزيته الاولي اللي كرهاته في الصبايا وانتريح عليه
• رغد ... ان شاء الله يارب تزوجيه وتفرحي بعويلته خليني نمشي نعاون وداد
• وداد... ايوا اهااا مش جايه اليوم اصلا معنديش
• سمر صاحبتها....تمام معناها نخليك تلهي في حوستك
• وداد .....خلاص سلام
• سمر سلام
• رغد خير ياحنه
• وداد اهلين وين طامي
• رغد سيبتها تلعب يالا عمتي شن تبن اتديرن
• وداد... رز وشربه ومعاها دجاج واستيك واحد منهم يبي مبطن ومعاه سلايط ومسير
• رغد....هاتي انا تو نتبل الدجاج و نحط الرز
• وداد خلاص تمام
• معز ...محبتي شنو تغدو نتكو
• مرام... اهاا يابابا جعانه انا بكل
• محبه... خلاص تكي واصلا كلهم افطور الا مرام مابتش معز ...تمام خلاص اشويه ونوصلو للمطعم
• مصعب ...ماما كلمي رهف اتريشلي في شعري
• محبه... رهف شن قلت انا بطلي وسيبي شعر خيك ومرام فكي ايديها منا
• مرام ...متبيش تطلق ياماما
• مصعب والله نضربك راه ها
• محبه ...رهف معش انكلمك سيبي خوك في حاله
• رهف اي هو اللي اينابش مش انا
• معز ...خلاااااص معش ركزت في الطريق راه نرد
• رهف خلاص خلاص معش انابشه
• محبه... معز رد بالك الطريق زحمه بكل
• معز اهاا والله بكل اليوم اتقول الناس كلها ماشيه
• محبه معزززززززز رد باااااالك العيال باباااااااااا طااااااااااف
• ياساتر ياساتر لاحول ولاقوه الا بالله عليك حادث يارجل انزل بسرعه نسعفوهم ماضني يطلع حد منهم حي
• امي ....اه بسم الله الرحمن الرحيم
• ايمان... كنك ياعمتي بسم الله عليك
• امي ....مش عارفه حاجه اطبقت علي قلبي تراه وين نقالي بنرن علي العيال ومحبه والبنات
• ايمان... لا ان شاء الله مافي الا الخير ماترعشيش روحك انت بس
• امي :رني علي احميده شوفيه وين وانا بنشوف عادل
• عند كمال ايوه كيف ماقتلك شوفلي كم اتكلف واطروفها متورفرت والا لا ورد عليا
• صاحبه: خلاص تم بيناتنا الو
• كمال :تم علي رنه تليفونه
• كمال : معز هذا الو معز الرجل معليش ياخويا نقال هذا صاحبه داير حادث هو وعيلته في البيضاء ولقينا رقمك اخر رقم
• كمال :شن باهي شنو وضعه
• الرجل :مش عارف والله هو في مستشفي .......
• كمال: تمام تمام بارك الله فيك
• كمال :رن علي احميده خوي
• احميده... ايو كمال شن الجو
• كمال: بسرعه ياحميده معز داير حادث في البيضاء ومش معروف حالته
• محمد... شن كيف شن صارلهم
• كمال :والله ماني عارف اللي بلغني قالي تعال وخلاص
• محمد ...تمام انت وين توه
• كمال ...طلعت انا بنسكر ونكلم مجدي انشوفه وين
• محمد..خلاص لاحقك سكر ورن نقاله من جديد بحت القاه ايمان رد ايوه ايمان
• ايمان ...ايوه ياحميده قتلك عمتي تسال عليك
• محمد: كنها
• ايمان :لا شي بس قالت هكي قلبي انشغل عليهم شوفي احميده
• محمد ...ردي بالك منها ياايمان انا اكويس قوليلها
• ايمان :تمام خلاص معناها نرجوك عالغداء
• احميده.. لالالا طلعلي موضوع مترجونيش تو بعد انروح ساهل
• ايمان: تمام خلاص معناها
• امي... شن قالك
• ايمان ...قالي مافيه شي ومترجونيش علي الغداء عندي موضوع
• امي ... محبه متردش من امبدري نرن عليها
• ايمان.. ممكن حاطاته صامت ياعمتي بس متخافيش ان شاء الله مافي شي
• امي ...ان شاء الله انوض انتوضاء ونصلي ركعتين بالك انتريح
• زوبه: اتضم واتمتم هالمصايب هذيم كل يوم جاينه واحد وداير عزومه يحسابنه البنقلا امتاعه وبعدها حتي كلمه شكرا ماتسمعيها منهم علي خشت اسراء من المدرسه لقتها اتمتم
• اسراء... بسم الله كنك تهدرزي بروحك بحتت فيها ..
• زوبه.... خطيني انت التانيه وعدي بدلي وتعالي ساعديني ايوه اصحاب احمد جايين متغدين هنا
• اسراء :عليك هم الواحد معش ايتريح بكل نبي نرقد انا الواحد ايروح بيتريح يالقي الهم قدامه قلتها لمنير توه قتله كان شفت وجهك اول من روح عارفته كيف حيكون يومي
• زوبه ...ياحيوانه تعالي هنا انوريك كيف يقعد يومك علي خشت منير
• منير....قعد يضحك ههههههه قصدك شفتيها هيا هههههههه
• اسراء ...مش قتلك شوف اصحاب احمد متغدين هنا
• منير ...ههههههه حي علماوالله وجهك اشكل طلع مزبوط
• زوبه ...تو انوريك انت وياه من الاشكل وقعدت تجري في جرتهم واسراء تعيط ومنير يضحك عليها
• رغد :كنهم هذيم هههههه
• وداد ا:كيده اسراء شافت زوبه وقالتلها علي الغداء
• رغد: ههههه قصدك مازال اتقوللها فيها
• وداد: اهااا ههههه والله سبحان الله كان خشت وشافت وجه زوبه معناها في حوسه واجده واسراء مش حتريح
• رغد ...عليك حاله ههههههه
• علي خشه احمد شافهن يجارن وراء بعضهن
• احمد ..هي هي انت وياها وين قاعدت تحسابن اروحكن هنا وقفن خافن شن في وبحت في منير وانت بدال متهزبهن تضحك معاهن
• منير ...يضحك هههه ويبحت غي زوبه وهي ادبل في عيونا ماتبيش ايقول انها كانت طايحه فيه قرمه عليه وعلي اصحابه
• احمد ..بحت في زوبه شنو بديتن في الغداء وضميتن الصاله
• زوبه: اهاا بدن رغد وداد
• احمد.. تمام سقدن قريب ايجو وبحت في منير وقاله رافع اشويه اخري وجاي قاعد والا طالع انت
• منير ... لاقاعد نغير ادبشي بس ونصلي
• احمد.. تمام معناها طالع انجيب اللي ناقص مش مطول وانتن سقدن وطلع
• واسراء خشت وزوبه قعدت تكمل في الصاله علي رنه الباب ومتير جو وهيا حايسه قعدت تهزب باهي باهي ياللي عالباب احرقه وخلاص قبل لاتقول من افتحت الباب وقعدت مفنصه اعيونها وسرحت في اللي قدامها طول في عرض علي سماحه نست روحها كيف شكلها
• هو ...ههههه احمد قاعد وهنا هيا استوعبت شكلها كيف وتسكر عليه الباب وترد اتخش تجري جوا
• وهو قعد يضحك ورن من جديدعلي طلعه منير لقاهامقابلته
• منير..خلاص خشي شكله جاء حد
• زوبه: هيا هي وخشت وهيا سارحه فيه لعند اخبطت في وداد
• وداد... انت هي وين اعيونك وكنك منستها
• زوبه.. مش مني حي عليا اللي شفته حقيقه كانه طالع من التلفزيون
• وداد ...نهارك اسود من احمد شن شفتي
• زوبه ...اه شي شي
• وداد :تعالي هنا متقوليش فتحتي لصاحب احمد بشكلك هذا بس
• زوبه ...هيييييي حي عليا عليك منظر وقعدت قريب تبكي بعد شافت منضرها
• وداد هههههههه خلاص تزعليش روحك يحسابك البنقلا امتاعنا
• زوبه... والله انوريك عليها انت والفرخه اسراء الكلمه هذي
• وداد: هربت تجري وزوبه قعدت قريب تبكي وتفكر في رافع اللي خذا عقلها وشكلها اللي شافها بيه
• عند كمال وصل بعد قريب دار كم حادث هو ومجدي خوه جو يجارو للرسبشن
• كمال.. معلش في حاله جت عندكم عيله دايره حادث شن وضعها
• البنت... اهاا فوق شوفهم في الدور التاني ايقولولك ركبو يجارو ويسالو لعند قالولهم علي الدكتور وكمال رن علي تليفون معز رد عليه الشاب ايو سامحني رديت عليك
• كمال لا مافيش مشكله انتم وين نحنا في الدور التاني الشاب تمام تعال للعنايه
• كمال.. خلاص عرف انه خالتهم خطيره قعد بجري تمام تمام
• مجدي.. شن للعنايه قال وصلو في الشاب
• مجدي.. خير معلش انت اللي رنيت
• الشاب: اهاا
• كمال... شنو وضعهم
• الشاب: شن انقولك والله حادث شنيع بكل ربي يلطف بحالهم شويه ويطلع الدكتور من العنايه وايقوللكم
• قعدو علي نار مع وصلت احميده خوي وطلعت الدكتور جوه ايجارو
• مجدي :شنو يادكتور شن حالتهم
• الدكتور : الاب والبنيه والوليد عظم الله اجركم فيهم كمال ...لا متقولهش مجدي مصدوم وفاتح اعيونه علي الاخر
• وكمل الدكتور باقي الكلام وبنيه الصغيره مازال حالتها خطيره ومش مستقره والمدام كسور وجروح بس حتي هيا خايفين يطلع عندها نزيف لذالك علي نوضتها ونعرفو ادعولهم ربي يشفيهم ويرحم موتاكم
• احميده وكمال ومجدي مش قادرين ايصدقو كارثه وعيله عدت كلها ومش معروف مازال وهنا مجدي انهار قعد ايخبط ويعيط مش قادر يستوعب خوهم الحنون عدي واعياله كلهم
• كمال انهار ويتباكو هو واحميده
• مجدي: كيف صار هكي امس كنت انبصر انا وياه كمال يبكي وخلاص ويفكر كيف ايقولها للامه وباته واحميده اللي قلبه نار علي اخته ويفكر فيها هل حتعيش والا تلحق عيلتها وكان عاشت شن ايصبرها علي افراقهم وبنتها التانيه اللي مازال حالتها خطيره بكو بكو بس قاعدين ايتخايلو انه يطلع حلم بس للاسف واقع مرير مايقدروش ايغيروه وهذالمكتوب لازم ايتقبلو
• احميده: كيف ايصير شن انديرو توه كيف انقولوها
• كمال: تمالك نفسه انكلم عمي انقولها له وهو يصرف ايوصلها لباتي انا منقدرش انقوله له
• احميده:: تمام وانا انقولها لعادل ايصرف حتي هو وايجيب امي قبل لايوصلها الخبر غادي وهيا كانها حاسه اتصلت تسال قالت قلبي مش متريح
• وانتشر الخبر بين الناس وجت امي وموده مع عادل والناس مصدقتش انه معز توفه الشاب الطيب البشوش اللي الناس كلهم يعزوه تواره وعدي ومن حبه في عياله لعند لحقوه
• وصلو امي موده وعادل وامي تبكي ونار والعه فيها وتحاول اتماسك لعند سمعت بنتي رهف حتي هيا لحقت خوتها وباتها وهنا نهارت وطاحت عليهم
• عادل ...امييي
• موده: حي عليا امي ردي عليا
• عادل: دكتور بسرعه نبي دكتور شمرها
• الممرضه: هاتها هنا حطها علي السرير
• ومش عارفين منين يلقوها والا منين طلع الضغط و سكرمرتفع و قعدو اينزلولها فيه وخوتي خايفين عليا وعلي امي ويجارو بينا
• عندي انا
• معز زعلانه مني ياعيوني
• انا ..اهاا معقوله تسيبني وتعدي
• معز :مش بيدي يا قلبي حكم الله وقدره نبي منك اتردي بالك من روحك ومتخافيش علي العيال معايا في الحفظ والصون
• انا.. لمن خليتني ليش باهي
• معز : للي خير مني للي حيعوضك علي كل هالايام ومتزعلينش منك يا محبتي
• انا ..معز ارجاني بس حنجي معاك معززززززز ليش اتبكيني انت اكثر واحد متحبش ادموعي هكي تبكيني
• معز .. مش بيدي يا عيون معز مش بيدي والله اوعديني تكوني قويه كيف ماعرفتك وقعد ايتباعد عني وشفت لعيال بعاااااد وهو عدالهم وانا نعيط معززززز مرام مصعب رهف ار جونننننني 😭😭😭😭
• فتحت اعيوني انشوف في كل حاجه بيضه وبهتت لروشن لقيته فجر وقعدت انتالم وهنا استوعبت انا وين قعدن ادموعي ينزلن بهدواة وعرفت اللي جاي اصعب من اي يوم مر في حياتي
• الممرضه كيف حالك شن اتحسي في حاجه انكم الدكتور وانجيك وطلعت
• ووانا قعدت نبكي وخلاص لعند خش الدكتور قعد يكشف عليا
• الدكتور ..خوذي نفس عميق زفير حول السماعات وتنهد ليش تبكي هدي روحك لو اتحسي في حاجه قولي هزيت راسي وقلته وين اعيالي و زوجي
• الدكتور: ارتاحي توه كلهم اكويسين انا هزيت راسي وعرفته ايتهرب من الاجابه
• انا... ارجوووووك طمني عليهم شنو وضعهم انا عارفه ان الحادث قوي بس قولي انهم بخير ومانبي شي ثاني
• الدكتور... انت مؤمنه بقضاء ربي وكل شي في الدنيا ليه حكمته
• انا معش اتكمل من في بره
• الدكتور :اهلك كلهم
• اناا .. كلملي محمد نبيي محمد
• الدكتور: تمام نرجس كلمي خوها محمد ايخش عدت الممرضه معلش من فيكم محمد
• محمد ..انا
• الممرضه : خش امعايا المريضه تبي اتشوفك
• محمد: يستر الله عادل ضغط علي يد محمد بحت فيه محمد : ومسح دموعه و وجها وخشلي
• انا .. اول ماشفت وجه محمد عرفت اللي فيها بس كان عندي امل انا مش كلهم بس حضنه ليا وادموعه عرفت اللي فيها وهنا نهرت قعدت نبكي بصوت عالي وهو يبكي ومش عارف مايقول انا بكيت بكيت نبي نطفي نار اللي في قلبي بس مافيش كل مالها تزيد ونستوعب اللي صار انا نبي انشوفهم يا محمممممد 😭😭 اخر مره نبي انشوفهم يا عيوني من الاول منبيهش المشيه بس محبيتش انكد عليه ياريت قلت لا وماعديت ياريتني قعدت وفي حوشي وكنت توه متريحه مش هكي
• محمد ...وحدي الله وادعيلهم ويبكي ربي يرحمهم ويصبرك ياخيتي
• انا..يا نعليا عدي ياحميدا عزي ودلالي يا نعليا عويلتي نبكي علي من ولا من رفيقك يا غالي عدا وسيبنا كيف اندير بلاهم كيف انعيش كيف حتقعد حياتي من غيرهم سماطه مصعب دلع رهوفه عليا ابصاره معز ومرام كيف انعيش كيف نصبر يا نعليا ناااار مش قادره انتنفس منها نبي انشوفهم يا احميده توه نبي انشوفهم محمد بحت في الدكتور وهو هزله راسه بمعني خليها وجابولي كروسه حطوني عليها وشالني محمد القيتهم مع بعضهم كلهم صبيني يا حمادي وقربني من معز
• انا... نبكي عزو يا عيوني سامحني ياقلبي انت كان زعلتك في يوم ربي يجمعني معاك في الجنه يا عزي ودلالي ديري بالك علي عيالنا ربي اختارك وخذالك لله ماخذ ولله ماعطاء وانا انحب علي جبهته وانا انقول اللهم اجرني في مصيبتي واخلف لي خيرا منها ونردد وانقول فيها ونبكي وجيت لمرام حبيت عليها وضميتها وبعدها لمصعب وانا ممش مصدقه وبعدها هنا انهرت لما وصلت لرهف نبكي لله ماخذ ولله ماعطاء ربي يصبرني علي فراقكم يا عيلتي ربي ايصبرني علي فراقكم يا عزوتي وردني محمدللدار القيت امي حظنتها وقعدت نبكي في حظنها وكان اوعر يوم ايمر عليا في حياتي كلها
• سمعو هله وياما دارو وطلعت الجنازه وانا بعد بكيتي في حضن امي وانا خلاص حسيت ادموعي كملن او مشاعري تبلدن ويمكن نزل عليا صبر مش عارفه وفاتن ايام العزاء في حوش عمتي كيف اي عزاء وروحت لحوش هلي وعدن خواتي لمن دبشي من حوشي لاني مقدرتش نخشه وهما مش فيه كنت كاني نحلم بس للاسف مش حلم واقع انعيشو فيه وخواتي وخوتي ماسيبونيش ورغد كل يوم عندي مقدرتش اتسيبي ولولاها كنت مش عارفه شن صارلي
• وكيف كل مصيبه تنزل كبيره بس كل يوم يمر تصغر والناس تنسي الا انا كان كل يوم ايمر في النهار متماسكه وقويه بس في الليل ننهار ونبكي لعند نبطل ونرقد وفاتن اشهور العده وانا تعافيت وانجبر كسر كراعي ويدي بس كسر قلبي شن يجبره وقعدت حياتي ممله ومافيهش حاجه حلوه كل يوم نفس اللي بعده مافيهش روح في يوم كنت في المطبخ خش خالد من بره
• خالد...السلام عليكم
• امي.. وعليكم السلام وينك يا خلوده لعند توه قريب الساعه 12
• خالد .. والله كسدت مع الشباب بعد سكرت المحل ومعش ركزت علي الساعه
• امي ..المهم مافيك شي الله يربحك ماتشغلني عليك ساد اختك شتغلتني حطه جهدها كله في هالحوش وخلاص
• خالد ..وينها هيا نبيها في موضوع
• امي.. في المطبخ كانت اضم فيه
• خالد...اهاا تو انشوفها وبالمره انقوللها تحطلي عشاء
• امي.. انا نوض انتريح بعد جيت كنت نرجا فيك
• خالد وهو ايحب علي راسها ربي يحفظك لنا ان شاء الله وما ننحرم من حنيتك
• امي ان شاء الله ويحفظكم كلكم ويفرحني بيكم
• خالد ..امييين خالد محبه شن الجو
• انا ...برمت عليه تمام وين كنت لعند توه انشغلنا عليك مش عادتك قبل ديما تروح بدري
• خالد.. كسدت مع الشباب اشويه
• انا.. اهاا تعشيت والا نحطلك
• خالد لا حطيلي علي متوضيت وصليت وبعدها نبيك في موضوع
• انا تمام وقعدت انوتيله في عشاه
• يتبع .....
بقلمي .......أحلام