• #خريف المحبه ......
• الحلقه التاسعه عشر ........
• محبه... جت جايبه القهوه تفضلي يا عمتي فاطمه
• الحاجه فاطمه .... دام فضلك وخذت الفنجان والحلو انا جايه اليوم يا سالمه طالبتك وان شاء الله ماترديني
• سالمه ..لا يبتي بأذن الله ماتطلعي الا وانت راضيه كان في ايدي
• الحاجه فاطمه ... وان شاء الله انا جايه اليوم بنخطب محبه لولدي وليد الكبير
• سالمه ... وهيا فرحانه نتشرفو الا بيكم ياحنه نشوف خوتها وانردو عليكم وان شاء الله مافي الا الخير
• الحاجه فاطمه ...خوذو وقتكم واسالي حقك ونحنا ماحنلقو خير من محبه لوليد
• محبه ....... وهيامصدومه قعدت ترعش وقريب ماطاحت السفره من ايديها
• رغد ..مش اقل منها صدمه لانها جايه ومش عارفه شي
• محبه ... طلعت وهيا ترعش وادموعها نزلن ولحقتها رغد وايمان وخش عليها في المطبخ
• رغد ....محبه وحق الله ماعندي علم باهي
• محبه ....رفعت راسها وتبحت فيها
• ايمان .... وسعي بالك انت بس عليش تبكي توه
• رغد ...والله قالتلي جايه نبي انهدرز علي سالمه ماحتكلي ردي بالك تزعلي مني يا محبه
• محبه ...تمام تمام مش زعلانه والله انا بروحي متدورينش عدي اشربي قهوتك ومتخليهش اتحس عيب و تو نلحقكن
• رغد ....محبه والله مانعرف وكان نعرف راه قتلك وبعدين لعند امتي حتقعد رد فعلك هك
• محبه ....انت اخر وحده تحكي مفروض لانك كنت شاهده علي اللي كان بيني وبين معز
• رغد ....فاهمه والله بس خلاص لازم تعيشي حياتك حبيبتي جربي انت بس وغلاوتي عندك ماتلطي وترفضي فكري اكويس عشان خاطري والله وليد شاب مافي منه واحلي من هذا كله انك حتقعدي سلفتي نعليا نا
• محبه ... انت تاملتي واجد علي فكره
• رغد.... لاني نبيك خلاص تعيشي حياتك حبيبتي واللي فات مكتوب من ربي انت متعرفيش اللي جاي شنو يمكن ايكون خير ليك ارجووووك فكري اكويس انا اول مره نحكي معاك في الموضوع هذا بس صدقيني الازم تشوفي حياتك
• محبه ...خلاص عدي يالاهن اشربي قهوتك وانا تو نلحقك
• *****************************
• عند عمتي زهره .......
• عمتي زهره ....ياحاج ..كلمتهم وموافقين قالو ويرجو فيكم يوم الخميس علي الدفع واتفقت معاهم انا علي السبت البيان
• الحاجفتحي .. باهي مشاء الله خلاص تو انشوف خوتي واعيال عمه ونمشو
• الحاجه فاطمه... كمال قال نبي نقرا فاتحه ياحاج شن رايك
• الحاج فتحي ....انشوفوهم وان شاء الله خير لكن ديري في حسابك معناها حندير عشاء وحنعزم فيه الاحباب والاصحاب
• عمتي زهره ...وباهي اللي تبيه انا عشان هك قلتلها السبت البيان بالوسع خير
• الحاج فتحي .....خلاص شوفي كمال ونسقي معاه وقوليلا علي ناقص عشان العشاء والفاتحه
• عمتي زهره .... حاضر تو انقوله وانكلم البنات ايج عشان يطلعن ايجيبن حاجات البيان واعر علي رشا بروحها
• *********************************
• عند نورا .........
• علي .... قلت اخوتي علي الدفع راه واحتمال ايجن صباياهم وان نبي انديره في مربوعه باتي
• نورا ..ان شاء الله غير مضايقوكش بالكلام بس ولا دارو قصه من الخطبه
• علي ..لا مطولتش معاهم اسايا انا عديت نعطي فيهم في علم مانبيش حد يفتح فمه يوم الدفع قدام الهرب
• نورا ...اهاا انت ماتشيل هم شي وان شاء الله مايصير الا الخير
• علي ...ان شاء الله وين مراد مش باين
• نورا.....طالع شايل البنات للسوق عشان ايجيبن حاجات البيان علي اساس يوم السبت
• علي.... ربي يسعدها وايهنيها ان شاء الله
• نورا ..ان شاء الله خلاص خش تمدد اتدير قهوه وانجيبها نشربوها
• **********************
• عند هلي .........
• سالمه ...وهيا متوتره شن رايك يامحمد
• محمد ....والله يا امي الراي رايها هيا وانا قلتها لك من قبل مستحيل نغصبها علي حاجه زي هذي
• سالمه ...كيف هك كنكم انتم ماتبوهش اتعيش حياتها ولا كيف نغصبها اهاا ونا انشوفها تضيع في عمرهاعلي ماضي وقدر ربي لكان عندها اعيالراه والله سكتت وقلت عندها حق تبي اتربي اعيالها بس هيا لا عيل لا شي انا المره هذي حنغصبها والا لساني معاد ايخاطب لسانها لو ماتوافق وانتم اقعدو هك باهي تفرجوعلي عمرهااللي ايضيع منها وانتم ساكتين حتي انتم مش مسامحتكم ديروها في حسابكم
• خالد ... وسعي بالك يا امي بس كنك انت مش لهدرجه هذي عاد واصلا نحنا مازال مسالنه علي العريس
• عادل ... خلينا نسالو علي العريس قبل وايصير خير
• سالمه .... اسالو وانا قلتلكم لو كان اكويس غصبا عنها تاخذه وانا قلت
• محبه .... تسمع في امها وهيا هكي قعدت تبكي ومش عارفه شن ادير خشت دارها واتجهت للحمام توضت وخذت املايتها واتجهت لربي ممكن ايريح بالها صلت ركعتين وبعدها قررت انها اتصلي استخاره لو في الموضوع خير يقدمه لها لولو فيه شر حيصرفه عنها
• ********************************
• عند ساره وهدي ......
• هدي .... سروو حبيبتي رديتي علي الدكتور احمد
• ساره ... لالا مازال
• هدي ...بحتت فيها ليش باهي مش قلتي موافقه
• ساره ...وهيا منحرجه معرفتش كيف انقولها له نعطيك رقمه وانت رني عليه وقوليلا ايتفضلو
• هدي ... امممم بس هو يبيها منك مش مني توه تاخذي تلفونك وتبعتي رساله انك موافقه ويتفضلو في اليوم اللي ايناسبهم
• ساره ....مش عارفه والله
• هدي... مافيهش مش عارفه هيا هاكي التلفون واكتبي رساله توه والا انقولك هاتي انا نكتبله ونبعتها علي اساس انت
• ساره ....تمام بس حي عليك تكتبي حاجه غلط
• هدي .... معقوله خليني بس نكتبله هي هاتي انت بس التلفون
• ساره ...مدت التلفون لهدي هاكي وقبل لاتبعتيها نبي نقراها
• هدي ....هههههه تمام وخذت التلفون وقعدت تكتب ومبتسمه
• *************************
• عند فيلا الحاج عبدالله ........
• مقمعزين في الصاله الحاجه فاطمه وبناتها وايهدرزن ومعاهن وليد وهو ايصحح في اوراق الامتحان ويسمع فيهن وهنا يحكن
• زوبه ..ريتي طلعتي مانك ساهله ياماما
• الحاجه فاطمه ... مراه متشاء الله عليها تنحط علي الجرح يبري
• مروه ... حي راحت عليك يارغد ماما بتقول في محبه شعر والله
• وليد ...معاهن يسمع فيهن
• وداد ...وهيا تبحت في امها باهي بعد خطبتيها شن كان ردت فعلها
• زوبه ....غمزت لمروه انها تبحت في رد فعل وليد شن
• الحاجه فاطمه .....طلعت اول ماسمعت وكلا امها قالت نسالو عليكم وانردو وان شاء الله خير
• زوبه ...زعما اتوافق ياماما تتجوز مره اخريى
• وليد... رفع راسه وعقد حواجبه وبحت في امه كيف مره اخري قصدك مطلقه هيا
• زوبه.. بحتت في خواتها وابتسمت وشيرت بعيونها عليه
• الحاجه فاطمه ... لالا ارمله وكانت عندها حتي عيال توفو راجلها وعيالها الثالثه في يوم واحد
• وليد ...عقد حواجبه وسكت قعد ايصحح في الاوراق لعند وصل للمساله اللي حلها بطريقته هو ولقا حلها وقعد ايبحت فيها وقلب الورقه وقرا الاسم اللي عليهاوركز وحفظه
• احمد ....خش عليهم ....السلام عليكم
• ردو كلهم.... وعليكم السلام
• احمد ...كيف حالك يا امي
• اسراء ...ماما اليوم في قمه السعاده
• احمد .....ان شاء الله دوووم بس شن السبب
• اسراء ...مش خطبت لوليد
• احمد ...مشاء الله كل شي علي البركه وبحت في وليد مبروك ربي ايتمملك علي خير
• وليد ...ابتسم بالغصب ..الله ايبارك فيك العقبالك
• احمد ...تنهد ان شاء الله
• وداد ...انحطلك عشاء والا متعشي
• احمد ...لا حطي جعان بكل علي مادوشت وغيرت وطلع خش لداره وحط مفاتيحه وتلفونه وبرم توصله رساله رد خذا تلفونه وفتح الرساله كانت فيها
• السلام عليكم دكتور احمد انا موافقه شوف الوقت اللي يناسبكم وتفضلو ( ساره )
• احمد ....مش مصدق الرساله وقعد ايعاود ويقرا فيها اكثر من مره والفرحه مش سايعته لانه كان خايف انها ترفضه وبسرعه رن علي رقمها
• قعد ايرن ايرن اشويه وفصلت عليه بحت في التلفون وضحك وعدا للرسائل وكتبلها رساله وبعتها وسكر تلفونه وحطه علي الطاوله وخذا دبشه وعدا ايدوش
• ********************
• عند ساره وهدي.......
• ساره... بعد بعتت الرساله قعدت تبحت في التلفون ومش مصدقه انها وافقت وبعتتله اخري اشويه ورن التلفون في يدها
• ساره ...هيييي ونطت لعند طاح التلفون منها وانقفل
• هدي ....كنك بسم الله الرحمن الرحيم
• ساره.... الدكتور احمد ايرن
• هدي .....هههه وباهي ليش مارديتي
• ساره.... شن اكيده مش حنرد يعني
• هدي ..طبست خذت التلفون وقعدت اتركب فيه وفتحاته وصلتها الرساله طول من اول ماولع
• هدي ... جاياتك رساله نفتحها
• ساره.... هاتي شكلك خذيتي وجه واجد
• هدي ....ههههه تمام تمام
• ساره.... فتحت الرساله وقعدت تقرا فيها
• طبعا مش عارفه شن درتي فيا برسالتك صاح وماتبيش اتردي اخري عالعموم متصوريش فرحتي قديش و باذن الله مش حتندمي طول عمرك سلام يا مراتي بكرا جايتكم امي علي شان اتفهمي معاها تصبحي علي الف خير يا ❤💓
• ساره تقرا في الرساله ومش مصدقه الكلام وانها ممكن احمد ايحبها او ايفكر فيها لهدرحه كان في بالها انها حمل وشفقه بس بعد قرت رسالته حست بصدق كلامه وحست بشعوووور حلو خلها فرحانه لاول مره بعد المعاناه اللي كانت عايشتها
• هدي ...الله الله علي الابتسامات هههههههه
• ساره ...هيييبي قال بكراجايتكم امي حي علينا
• هدي .....ههههههههههه مستعجل بكل الدكتور
• ساره ..حي كيف انديرو باهي توه
• هدي ...عادي انجيبو جاهز وانكلمو عمتي زهره اتجي واتكون حاضره احسن
• ساره ...اهاا ضروري خلاص كلميهن انت بكرا واالا تونمشيلها انا
• وفات اليوم وجاء اللي بعده وجت الحاجه فاطمه وخطبت ساره واتفقت معاها علي الدفع واقريه الفاتحه مع بعضهن عشان احمد ياخذ راحته معاهن وتكفل الحاج فتحي وعمتي زهره بكل شي شور الدفع والفاتحه وفاتن الايام وجاء يوم الخميس دفع كمال
• *******************************
• يوم الدفع عند نورا ......
• جو الرجاله وخشو للمربوعه والبنات خشن للمطبخ هنا ومحبه وموده وايمان وسحروحطن القهوه علي النار واشويه وخشو معاذ ومراد وخالد
• خالد ...هاشنو مازال القهوه والاواتيه
• محبه ...هي اشويه بس وانصبها
• مراد ...راه جايبين مأذون معاهم قالو يبو يقرو الفاتحه
• نورا ....صاااح هذا ليش قالت اتدير تحاليل عمتي
• سالمه ...اكيده تو قعدوا واجدين ايديرو فيها الفاتحه مع الدفع ربي ايتمملها علي خير والعقبه لجين ان شاءالله والشباب كلهم
• نورا .....ان شاء الله
• رحمه ...مصدومه ومش مصدقه انهم بيقرو فاتحتها وقعد ترعش وتبكي
• لجين ....خشت عليها هييييي كنك تبكي في يوم زي هذا
• رحمه ....كيف يقرو فاتحه هك من غير مايقولو
• لجين... بابا عنده علم راه وهو مراد شكلهم افرحي ومتنكديش علي روحك يا غبيه مش وقت نكد توه وجت حضنتها الف مبروك والله وقعدتي عروس يا حصله ههههه
• رحمه ....الله ايبارك فيا والعقبالك ان شاء الله
• وعطيناهم القهوه والعصير واشويه وخش مراد وقال قرو الفاتحه وقعد الحوش كله زغاريت لوووووووووووولللللي
• وقعدن كلهن ايباركن لرحمه ونورا وخش محمد
• محمد ....الف مبروك ياخالو وهذا مهرك وربي ايهنيك ان شاء الله
• سالمه ...احميده لما بتعدو لعمتك كلمني راه ماشيه معاك انا ومحبه دايره عزومه عشاء وكلمانا نمشولها
• اما عند عمتي زهره فيهي حايسات في التوتاي العشاء لان عندهم عزومه رجاله
• واشويه وخشن سالمه ومحبه وايمان وسحر علشان ايباركن ويصبن معها في حوسه العشاء
• سالمه ....قتلك يا زهره محبه جايها عريس وهيا مسكره راسها ماتبيش تتزوج علي قولتها بعد معز الله يرحمه علي مادرنا فيها لكن مسكره راسها نبيك تحكي معاها ممكن تقدري تقنعيهاانت وتغير رايها ممكن اتاثري عليها
• زهره ...وهيا عيونها امتلن ادموع وذكرت ولدها اللي مانساته بكل وكل ماتشوف محبه يخطر عليها وجعها فقدها لولدها الكبير تنهدت حاضر تو نحكي معاها ربي يرحمه معز هذا مكتوب من ربي ولازم اتعيش حياتها لعند امتي بتقعد هك بلا جيزه ماعليك فيها انانقنعها ومتجيك الا راضيه
• سالمه ....ان شاء الله اتغير رايها انا نبي مصلحتها ولو كان اقعادها هك بيرده راه انا شجعته عليه لكن الله غالب
• عمتي زهره ....ايوه الله غالب تو نكلمها انا كوني هانيه
• و قعدن ايعولن علي العشاء وتعشو الرجاله وكانو جايبين طيابه وغسالت امواعين
• عمتي زهره .... محبه تعالي اشويه يا بنيتي نبيك الحقيني لداري
• محبه ... لحقتها لدار نعم ياعمتي ان شاء الله خير
• عمتي زهره ....قالتلي سالمه انه جايك عريس وانت رافضه
• محبه... بحتت في عمتها وانصدمت ان امها حكتلها وسكتت ومابش ترد عليها
• عمتي زهره ... يا بنيتي انت مازلتي اصغيره والحياه قدامك ومعز له توه قريب ايسكر سنتين وقعدت تبكي خلاص لعند امتي حتقعدي بلا جيزه ومعز لو كنتي في مكانه كان انا زريت عليه وجوزته سلم بنتي عيشي حياتك معش تلطي علي روحك
• محبه ادموعها ينزلن من عيونها بغزاره والله ماقدرت ياعمتي مش قادره انتقبل نعيش مع غيره
• عمتي زهره .... وهيا تبكي انسي خلاص معز الله يرحمه ويغفرله الله غالب ربي هك كاتب ربي ايعوضك ان شاء الله كل خير يارب تو صبي سلم ابنيتي امسحي ادموعك وروحي صلي استخاره وكان تريحتي توكلي علي الله
• محبه ..... مسحت ادموعها وصبت طلعت من دار عمتها وخلت وراه عمتها اتبحت في صوره ولدها واعياله وتبكي ربي يرحمك يا عيوني ويجمعني بيك في الجنه ان شاء الله
• *****************************
• صباح يوم جديد .......
• ايمان .....شن انحطو اقريب ايجو انضني
• سالمه .....اهااا علي جيه واحسبي احساب عيت عادل متغدين هنا
• ايمان .... حاضردرت بالزايد قلت ممكن ايتكو
• اشويه خشت محبه وراها سحر وعادل
• سحر ..خير ياعميمه كيف حالك اليوم
• سالمه...الحمد لله بخير
• عادل ...خير ياعرب الحوش
• سالمه ... طلعت من المطبخ خير بعدوله كيف حالك
• عادل ...وهو يحب علي راسها الحمد لله مادام انت طيبه
• وين شباب مازال ماجو
• سالمه ..اهااا علي جيه خلاص اشويه وايخشو
• محبه ...عدول كيف حالك
• عادل ...محبتنا شن الجو
• محبه... الحمد لله بخير
• عادل ....سقدو بالغداء ننقاني جيعان ورايفت علي اللمه
• محبه .... ههههه هي خلاص انحطو قاعدين ايجو بس
• اشويه وخشو اللي كانو في الصلاه وحطن الغداء وتغدن
• ولمن الحوسه واركبت ايمان لشقتها وسحر خشت لدار محبه عشان اتخليهم ياخذو راحتهم
• محمد ...والله يا امي سالت عليه الشاب مشاء الله عليه ونعم الراجل بس امطلق من قبل واللي سالتهم قالو انهم متفاهمش مع بعضهم طلق
• عادل.... حتي انا شكروه ليا والله ونعرف عزيز مشاء الله عليه
• معاذ ...هو قالو ايدرس في الجامعه بس انا مشفتش ولا نعرفه قالو اوله سنه هنا
• سالمه ...خلاص مادام شكرتوه كلكم انا منبيش نحكي معاها في الموضوع هذا وخليني اخر حد لاني مش حنسكتلها لو سكرت راسها المره هذي
• محبه ...خشت جايبه الشاهي وهما اسكتو بعد خشت حست انهم يحكوا في الموضوع وزعت عليهم الشاهي وقمعزت يالامحمد
• سالمه ..... محبه سالو علي الراجل وطلع راجل مشاء الله عليه كان تبي ارضاي وافقي وريحي قلبي عليك
• محبه ... ......... .
• يتبع............
• بقلم ......أحلام
