خريف المحبه

الحلقه 22

• #خريف المحبه .....
• الحلقه الثانيه والعشرين .......
• عند ساره هدي ......
• عمتي زهره .... قالك عمك فتحي نبي انديرالدفع عندنافي مربوعته كيفك كيف بناتي وكل شي علي حسابي ولو قلتي غير هكي نزعل منك
• ساره ... معنديش قول يا عمتي واللي بيديره عليا ماشي نحنا مالقينا حد مصبي معانا غيركم ربي يحفظكم ويطول في عمركم ماقصرتوش
• عمتي زهره .... سلمك يا بنيتي مش بيناتنا الكلام هذا وهو عادكن كيف بناته وقال اللي درته في دفع البنات بيديره فيك وان شاء الله ربي يهنيك معاه ويسعدك ويطلع ولد حلال يسر قلبك وخاطرك
• ساره .. جت حضنتهاامين ان شاء الله ربي مايحرمنا منكم طول عمري حيقعد كل اللي درتوه جميل فوق راسي
• عمتي زهره ... خلاص معناها الهي في روحك في بتاتك وكان استحقيتي حاجه قوليلي والدفع ماتفكري فيه بكل
• ساره.... ان شاء الله وسلميلي علي عمي فتحي وتشكريه عني
• عمتي زهره ...يوصل ان شاء الله
• ************************************
• عند هلي ...........
• محبه .... احميده نبي نطلب منك طلب
• محمد ...ادللي شن تبي
• محبه ....نبيك اتشيلي للمقبره لو سمحت
• محمد ...سكت ومردش عليها
• محبه .... لو سمحت نبي انزورهم اخر مره انت عارف اني مامشيتلهم من قبل بس توه لازم اني نمشي عشان نقدر نبدا حياتي من جديد
• محمد ...تنهد تمام وتي روحك بعد العصر نمشو
• محبه ... وهيا مخنوقه تمام حتلقاني واتيه ان شاء الله وطلعت لدارها
• سالمه ...كنها شن تبي ان شاء الله خير حسيت وجها شين
• محمد ..... تبي تمشي للمقبره قالت
• سالمه ...شن دوتها المقبره توه شن خطر عليها
• محمد ...قالت عشان نقدر نكمل حياتي
• سالمه ...يستر الله وخلاص مش عارفه شن خطرها عليها
• محمد ...ان شاء الله خير
• ********************************
• عند هدي ولجين في المدرسه ........
• لجين ......هييييييي ريتي مايطلع منا
• هدي..... كنك شهداره انت نقصيلي صوتك هاللي يلعلع وبعدين قوليلي شن اندير توه
• لجين ..ماديري شي تو انوريه عليها حركاته هذين يحسابك متبيش تحكيلي
• هدي ...كنك سامطه انت هك شنو تو انوريه عليها هذي فكيني متخلينش نندم اني حكيتلك انالماجيتك علشان انت صاحبتي ومندسش عليك في شي كيف تبي تحكيله
• لجين ...تمام باهي مش حاكيتله بس انت ردي عليه مش قالك ردي تو تعرفي خلينا نعرفو شن يبي
• هدي ...مش عارفه خايفه من ساره اتحس بيا اني نحكي مع حد
• لحين ....ييييي انت غير احكي معاه قبل واعرفي كنه وبعدها ساهل حنقولك انا عارفته حيطلع يبي ايهدرز معاك وخلاص
• هدي ...مش قلتي مش متاع وجيج بنات
• لجين .. اهاا والله عمري ماكبسته لاهو ولا معاذ بكل عكس الفرخ مراد كل مره رقم
• هدي .....مش عارفه خايفه بكل لو تحس ساره شن اندير
• لجين... انت كلميه واعرفي شن يبي وبعدها قوليلا معش اتكلمني وانت حتي كان رن معش اتردي عليه تمام
• هدي ...وهيا تنهد تمام يستر الله وخلاص
• لجين ...بس طرف العطيب بكل صاح نعليا عليك سماحه فيه يشبه لمحبه بكل سدك غير اعيونه وارموشه يقتلن
• هدي .....هههههه حيوانه كان ماهو خالك راه منضربه فيه
• لجين ....عاد انت عجباتك اسمله عليا انا وخلاص شي مابا حد ايبحت في وجهي الفرخه رحمه بعباطتها كلها خلاته ايجي يخطبها من مرتين الانا شي شي
• هدي ......ههههههههه حيجي اللي يبي ايقصلك هاللسان الطويل اللي عندك
• لجين ...امشي داهيه اللي مايحبني كيف ماانا مانبيله وجه
• هدي ......هههههههههه صبي هيا خلاص وقت نبي انروح وصليني لعند الباب وردي
• لجين ...هيا ياحنه شن وراي
• ********************************
• عند فيلا الحاج عبدالله .............
• وداد .... ايوه اهلين شن اخبارك
• توفيق ...تمام الحمد لله بخير شن جوك انت
• وداد ...تمام ماشيه
• توفيق ....نبي نفتح معاك موضوع و نبي ناخذ رايك
• وداد ...قول ان شاء الله خير
• توفيق .... بما انا الشقه مازال واجد تبي تشطيب وقصه نحنا عندنا جناح فيه حمام ومطبخ بار ودار تمام جنب حوش هلي بالضبط شن رايك لو انصينه هو مايبي شي الا زواق واثاث ونطلع الفرح بعد شهرين
• وداد .... والله مش عارفه يعني بعد نطلعو الفرح اتكمل الشقه والا كيف ايصير
• توفيق ...انا الصراحه نبيك امعاي معش نقدر نصبر بلاك ونبي شهر رمضان وانت جنبي وبالنسبه للشقه انا الحمد لله عندي انكملها يعني انا كنت داير جمعيه للشقه وبالنسبه للفرح كنت انلمله من فتره يعني
• وداد ...والله حتي انا يعني نبي انكونو مع بعضنا بس مش عارفه يعني والله خليني انفكر تمام وانرد عليك يا عيوني
• توفيق ...تسلملي اعيونك يا قلبي انت، باه شن تحكيلنا
• وداد ... والله الا ربعاء بعد بكرا دفع وليد والخميس دفع احمد والاسبوع لاخر فاتحه ااحمد ووليد وحنديرو عشاء بسيط للاقارب ويبي ايجيبها وخلاص عشان قال مانبيش اندير فرح
• توفيق ....مشاء الله ربي ايهنيهم وعقبالنا ياقلبي
• وداد ..ان شاء الله يارب
• ****************************************
• عند محبه .........
• محمد ....محبه انا جبتك زي ماتبي ارجوك متخلينيش نندم تمام هي انزلي معناها
• محبه ....هزت راسها من غير ماتحكي ونزلت وقعدو يمشو لعند وصلت في قبر معز وجنبه اعيالها قعدت تبحت فيهن وقعدن ادموعها ينزلن علي خدها بغزاره واشويه ورفعت ايديها وقعدت تقراء في الفاتحه وتبكي وقعد صوتها يطلع من كثر البكاء وجاء مسكها محمد من يدها عشان معش قدرت اتوقف علي كرعيها من كثر العياط
• محمد ....محبه شن قلت انا خليك قويه زي معرفتك الله يرحمهم ويغفرلهم واعيالك تلقيهم في الجنه قدامك ان شاء الله
• محبه ....مش بيدي والله مابيدي ربي يرحمكم ويغفرلكم سامحني يا عزو سامحني ياغالي وبرمت علي محمد تكت راسها علي كتفه ومشت هيا وياه لعند السياره وركبها وهو مشغول عليها وندم انه جابها
• محمد ..ركب السياره وطلع بيها وقعد ايسوق وكل مره ايشوف فيها وهيا تاكيه راسها علي القزاز وتبكي لعند وصلو ونزل ونزلها ماسكها وخش الحوش قابلته امه
• سالمه ...يانعليا كنها شن صار
• محمد ...مافي شي يا امي خليني انحطها في دارها التريح بس
• سالمه .....وهيا تبكي الله يرحمهم ويغفرلهم ياعيوني ربي ايعوضك كل خير يارب علي كل يوم مر
• محمد ..حطها علي سريرها وهيا برمت علي امها وحضنتها وقعدت تبكي بالصوت العالي بكيه كانت ماسكتها
• سالمه .... وهيا تبكي ربي يصبرك يا بنيتي عارفه ماتقدري تنسيهم الله غالب قدر الله وماشاء فعل وقعدت تقرا عليهافي القران لعند هدت في حضن امها و رقدت سقمت رقدتها وغطتها وطلعت من الدار
• محمد ...شنو رقدت واخيرا
• سالمه ...وهيا تنهد اهاا بعد هوتك بيش سكتت وارقدت ياريتها ما مشت خطرت عليا ايام الوفاء الله لا يعاودهن
• محمد ...كان لازمه يا امي مشيتها هي حاسه بالذنب علان حتتجوز وكان ضروري تكسر الحاجز واتشوف معز وين عشان تالقم انا فهم عليها شن اتفكر
• سالمه .... ان شاء الله خير وخلاص
• محمد ...انا طالع لو صار شي كلميني
• سالمه ...مربوحه ربي يحفظك ان شاء الله
• ************************************
• عند فيلا الحاج عبدالله ......
• احمد ..... ايوه كيف حالك
• ساره ... تمام الحمد لله شن جوك انت
• احمد ...بسماع صوتك ميه ميه
• ساره ....احمممم احممم غريبه ران يعني كيف روحت
• احمد ...يعني ماتبينش انرن والا كيف
• ساره ....لالالا والله مش هكي قصدي
• احمد ....هههههه فهمت قصدك بس انابش فيك يا ستي رنيت نبي نسمع صوتك فيهاحاجه
• ساره ......ساكته وخلاص من الحشم والارتباك
• احمد ...الو ساره وين رحتي تسمعي فيا
• ساره ..ءءءءنسمع فيك اهاا
• احمد ...وهو مبتسم وعرفها ارتبكت من كلامه
• ساره ...ممكن نسالك سؤال
• احمد ..واخيرا حكيتي اكيده هذي من غير ماتسالي
• ساره .... ليش انا
• احمد ....كيف يعني ليش انت
• ساره ...ليش انا من دون كل البنات
• احمد ...لان مافيش وحده قدرت اتدير اللي انت درتيه مافيش وحده لمست قلبي بتصرفاتها العفويه زيك يعني انحسك انت اللي انخلقتي علي شان اتكمليني اصلا مش عارف كيف قدرتي اديري فيا هذا كله بس انا فرحان لانك طلعتي في حياتي
• ساره ...وهيا تسمع في الكلام اللي قول فيه ومش مصدقه انها ايقوللها في هالكلام يعني علي قد ماكانت خايفه في البدايه ومتردده انها اتوافق علي قد مافرحانه انها ربي عوضها خير فيه
• احمد ....وانا حنسالك كيف وافقتي يعني كنت حاسك حترفضي
• ساره .... مش حنكذب عليك وانقولك نفس الكلام اللي قلته اناكبرت علي حياه كلها مشاكل وهم من اول ما اجوز بابا ونحنا حياتنا انقلبت حياتي كلها فاتت وانا انفكر في بكرا كيف حيفوت اليوم من هم مرات باتي اللي مخليتني انا وعمر شغالين عندها كان حكينا حناخذو اضعاف العقاب ماكنش في حياتي جانب حلو الا لما جينا حولنا في الشقه كنت مش فاضيه اني نبحت في اي شاب او انفكر زي اي بنت في الزواج كان همي كله انا نلقو بيش نسلكو حق الايجار والا نلقوحق اوكالنا ودواء بابا وتوفا بابا وزاد الحمل عليا حسيت ان عمر حينهار بس صبيت معاه وخليته يذكر كيف عانينا من مرات باتي بس بعدها عمر مرض وزاد الحمل عليا حسيت الدنيا ضايقه بيا بس لما شفتك والقيت ليا العمل طريقه تعاملك معاناخلتي نحسك هك قديش شهم ونظيف وكل مره كنت تتبتلي انك انت اللي ممكن انفكر ننسد عليه من غير مانفكر في بكرا حسيتك عوض ربي ليا ممكن طريقتك صدمتني بس كنت من جواء ندعي انك اتكون صادق معايا
• احمد ...كان يسمع فيها واجعه قلبه عليها لعند حكت عليه وصفت احساسها كله خلاه طاير من الفرحه ربي ايقدرني وانكون قد ثقتك فيا
• ساره..... ان شاء الله
• وليد ....انت هنا وانا اندور فيك
• احمد ...تعال خش ايوه سلام توه وتصبحي علي خير
• ساره ...سلام وانت من اهل الخير
• وليد ......شنو اتكلم في خطيبتك شكلك وهو يضحك
• احمد ...اهاا هههههه قولي شن جوك انت
• وليد ...ماشيه اهو
• احمد .... يعني مازال مش مصدق انك وافقت
• وليد .... ليش مش كنتو تبوني انوافق
• احمد .. اهاا بس مازال مستغرب
• وليد ...انا مازاااال مخنوق ومش عارف شن اندير
• احمد ...توكل علي الله ودير مقابله تو تشوفها ترتاح خواتك كلهن يشكرن فيها
• وليد ....هيا شرطها ماتبيش مقابله بس انا نعرفها اصلا وشفتها
• احمد .....العب وكيف شفتها
• وليد ...انا اندرس فيها اللي مضايقني خايف اني نهينها ونحط فيها كل عقدي
• احمد .... ان شاء الله مافيش الكلام هذ وبعدين مادام شفتها فحتكون خذيت انطباع عنها
• وليد ..مش عارف هك تحسها غامضه وواثقه من نفسها واجد بس نضرت عينها فيها حزن
• احمد ...هذا كله انطباع اول مشاء الله
• وليد ...يارا انا نحكيلك المهم هيا هك شكلها حتعبني معاها
• احمد .... ان شاء الله خير توه انت اهم حاجه انك خذيت القرار الصح وان شاء الله ربي يلين قلبك عليها
• وليد ...مش عارف ان شاء الله انكون خذيت القرار الصح ومانندمش
• احمد ...باهش شنو كملت تشطيب الشقه خلاص
• وليد ...مازال دار النوم صالون دار الضيافه وحاجات المطبخ
• احمد ...تمام مشاء الله كملت امورك معناهاهذينافي طلعه تكملهن باهي والبدله امتاعك
• وليد ... وصيت عليها صاحبي حيجيبها ليا
• احمد ...علي البر كه ان شاء الله وربي يهنيك وايريح بالك
• وفاتن الايام ودفعو لمحبه وكانوالعيله بس اللي حاضرين ودفعو في ساره كان دفع كبيرعزم فيهالحاج فتحي كل حد كبير من عيلته وكانوالعيلتن متفقين علي كل شي واتفقو علي ان الفاتحه الاسبوع الجاي
• عمتي زهره ...مبروك عليك وان شاء الله بهناك يارب
• ساره ....الله يبارك فيك وايخليك لنا يارب
• عمتي زهره ...هذا مهرك ربي ايكمل عليك وتصرفيه بالهنا يارب
• ساره ...تسلميلي ياعمتي والله لولاكم مش عارفه كنت كيف اندير
• عمتي زهره ...مش بجميلي يابنيتي تستاهلي كل خير
• وعدن الايام مافيش اي حداث الاان محبه زرن عليها خواتها انها تطلع وتاخذ حاجات لهاا كيف اي عروس وطلعن معاها مودة وصبايا خوتها خذت حاجات بسيطه ولما سكرت راسها معش تبي تشري عدن نورا وايمان خذلها ارواب وقفاطين حوش وشرالها جميع لوازمها من عطور ومكياج وعدن الايام لعند يوم الحنه الصغيره
• محبه ...الله ايربحك يا امي مانبيش انحني
• سالمه ...كيف هك والله ماتصير تطلعي بلاحنه تبي والا ماتبيش شن ايقولو بعدها عربك
• محبه .... تنهدت يعني شن يبي ايصير كان محنيت
• نورا ....هيا عدي غيري والبس شرت متلبسيش سروال الحنه معجونه واتيه والصقه وشرينا ساد سكرتي راسك علي الصبغه ايوه وحتي اللبسه غصبا عنك حتلبسي القفطان اللي خذيناه لك مش اللي انت خذيتيه وكلمت المزين حتجيك بكرا اديرلك اقنعه فتله وحواجب مادام مش ماشيه انت عرووووس افهمي عاد
• محبه .... بحتت فيهن وعدت دار اتغير
• موده ...والله احسن مادرتي يانورا
• نورا..... غير تعبا بتمشي كلامها عليا كنت انسايرفيها بس منبيش نضغط عليها الايام الي فاتن مخليتها علي راحتها
• ايمان ...عمتي زهره مش جايه قالي محمد
• رحمه ....مش عارفه قال كمال قبل تبي اتجي هيا والبنات بس متاثره واجد وبكري فاتحة ساره عندهم قالت منقدرش انسيب البنات مش عارفه عاد
• موده ...هي متبيش اتجي علشان محبه متبيهاش ا تأثر
• نورا ...سكرن علي الموضوع مش وقته بكل
• محبه .... جت ولابسه توته شرت ونص كم القتهن مفرشات ويرجن فيها وقمعزت منبيش انكثر راه ديريها واطيه
• سحر ...لاحرام ديريها لعند فوق اتهبل تطلع عليك وانت بيضاء وخاصه كان طلعت صابغه
• محبه ...لالا مرات ميحبهش انا نبيها واطيه
• موده ...معليك انت خليك في حنتك توانحلها قصه ايحبهاوالا لا خذت تليفونها ورنت علي رغد
• موده ...ايوه اهلين رغوده
• رغد ...هلا شن اخبارك
• موده...تمام شن الجو عندكم وينك حي عليك محبه زعلانه منك
• رغد ...تمام والله ماقدرت انجي الحوش مليان عماتهم وخلاتهم والبنات شن جوهاهيا
• موده ..تمام اهو بنبدو انحنوها
• رغد ...نجك ليا ياخيه مشاء الله سلامي عليها واجد
• موده ...يوصل قتلك بنسالك سلفك ايحب الحنه والالا
• رغد ...والله مش عارفه بس استني نسالك وداد خليك معاي بس
• موده...... تمام هي نستي فيك
• رغد ...وداد تعاي اشويه نبيك
• وداد.... نعم شن في
• رغد ...قتلك وليد ايحب الحنه والا لا
• وداد ..اهااا ايموت فيها بكل ايحبها كنك عليش تسالي
• رغد ..محبه عمتي تبي اتحنيها وخايفه انه مايحبهش
• وداد....اهاا لا يحبها بكل اخري
• رغد ..اسمعتي ياموده ايحبها راه خليها اتكثر
• موده ..تمام هي متبيش لعند فوق قالت سلام توه
• رغد ..سلام وسلمي علي الكل
• مده ...قالت ايحبها ابدن خلاص
• محبه ...منبيش لعند فوق انا قلت متخلنيش انصبي بكل توه
• نورا ...قمعزي واسكتي وحق الله انديرها لعند الركبه وانت متدخليش هيا مدي كرعيك
• محبه ....اففففففف
• سحر ...رحمه ولعينا الاذاعه كذا خلينا انديرو جو
• رحمه ...هي ولعنهاوقعدن ايصفقن وايزغرتن
• لجين ...يا مبروك عليك الحنه درتي حوش اتجينا لوووووولللللي
• وقعدن يرقصن وايصفقن ودارن جو ايهبل وهيا تضحك عليهن وعلي اهبل رحمه ولجين ونوا وايمان حننها كيف ماتبي نورا وهيا اسكتت لان عارفه نورا كان سكرت راسها خلاص كملن وغطنها وقعدن ايصفقن واللي تغني والي ترقص واشويه وخشو الشباب كلهم
• خالد ...لقا لجين ترقص جاء مسك ايديها وقعد يرقص معاها وهنا قعد ايصفقن ويزغرتن اشويه وخش مراد معاهم وخذا معاذ معاه وقعدو يرقصو هما ولجين ورحمه محبه اتبحت فيهم ووتضحك علي رقصهم وقعدو ايديرو في حركات وانسجمو معاهن وسالمه تبحت وفرحانه بيهم واتصفق وعيونها مليانات ادموع انها واخيرا بتريح علي بتنها اللي كانت شاغلتها
• ********************************
• اما عند فيلا الحاج عبدالله ......
• زوبه ....يعني هيا بكرا العزومه ليش الزحمه هذي كلها بس انا طبت وحق ربي
• مروه..... اصحاب خوتك من قبل عندنا لابال فرح
• زوبه ...كله كوم وهالكلوطه جيهان كوم ثاني
• منير ....هيا وين القهوه بسرعه
• زوبه ..في حد يشرب قهوه قريب الساعه12
• منير...هيا شن دخلك انت وبعدين هذيم اصحاب احمد رافع وشلته يشربو فيها حتي الفجر عادي
• زوبه.... استاكت اهاا تمام هي اشويه ونعطيه لك
• منير..... تمام حطي حلويات عاد عارف انا كان ماقلت تحطنها هك
• مروه ...باهي كنك انت تعلي في حسك اشويه واتخش عليك وحده من البنات
• منير ...تهيا يازوبه قصه هيا متقلكش ديري عصبان انا
• زوبه ...باهي كنك شاطح مش احر من النار انا راه وهك اطلع سكرنا
• منير .....سكرتي في عينك مازالو مطولين راه .
• زوبه ...مش شوري بحد انا
• **************************
• صباح يوم الفاتحه ........
• رحمه .....وريني ياخويله كذا
• محبه ....ها شوفي وشمرت سروالها وبعد غسلتها
• رحمه ...تهببببل طالعه صابغه مشاء الله
• لجين ...الله اكبر يااخويله اتجننن وطلعت مرسومه خياااال
• محبه ..وهيا مبتسمه اهاا سمحه جت
• نورا.... صباح الخير بالصحه مشاء الله طالعه صابغه هيا تعالي افطري وابرمي علي دبشك بسرعه اللي تبيه عشان يبو ايشيلوه توه
• محبه ...من يبي يمشي معاهم منكن
• نورا ...تبي تمشي لجين ورحمه وسحر وموده
• محبه ...اهاا تمام خليني انطلع حاجتي اللي نبيها والباقي ايشيلوه
• نورا ...خلاص وبعدها تعالي فطورك واتي عشان اشويه اخري تبي اتجي الكوافيره يادوب تلحق
• محبه ..تمام
• ************************
• عند وليدواحمد ......
• عزيز ..شن معنوياتك يا عريس
• احمد .....فوق الريح هههههه
• رافع.... حقاتك هذا يومك
• احمد .... لعقبالك ياطيري
• رافع ...اللهم امين شكلي نبي نلحقك اصلكم سهفتوني
• وليد .....ههههههه وشن اتراجي ماتديرها
• رافع ...في بنيت الحلال معش بت اتجي
• وليد ....هههههه يسي ان شاء الله اتجي وتلقاها
• رافع ...ان شاء الله ربي يسمع منك احمد ..تعال
• احمد ..نعم
• رافع .....نبي الحمام يار معقوله الواحد يبي الحمام يشهدر الشهدره هذي كلها
• احمد .....هههههه تعال اهو من لاوراء عدي ايقابلك علي طول
• رافع .. الله يفتح عليك ومشا واحمد رد لشباب
الحاجه فاطمه .....زوبه عدي جيبي الطنجره الكبيره من المخزن الكبير
• زوبه ...اففففف ياماماشن ايوصلني لعند غادي توه
• الحاجه فاطمه ...بسرعه الطباخه تبيها عدي قلت انا
• زوبه..... باهي ماشيه وعدت خشت للمخزن وطلعت الطنجره هيا ماشيه اتعانا هيا وياها واتمتم راقيلها كانت لابسه بلوزه ياجوريه علي سروال اسود توب ورافعه شعرها فوق بمسكه حلوه وهيا تمشي التقطت وطاحت منها المغطه امتاع الطنجره وقعدت تبررم وتمشي وهيا تجري في جرتها
• زوبه..... هييي وقفي نعن داء ان شاء الله شن الهم اللي انا حاصله فيه بس ياربي ومسكتها ورفعت راسها وايقابلها رافع
• رافع .....كنت ماشي للحمام خلاص نبي انخش اسمعت حاجه طاحت اول مابرمت انستهت فيها مش متخيل اني انشوفها كانت اتهببببببل وهيا تجري وراقيلها وتحكي عيوني مقدرتش انزلهم منها لعند هيا فطنتلي
• زوبه ....هييييبييييي وعدت تجري خذت الطنجره وخشت
• مروه ...كنك تجري وجهك احمر من شفتي اها
• زوبه ...حي عليا صاحب احمد شكله كان يلا الحمام شافني
• مروه ....هييييي صاح ان شاء الله مايقولهش لاحمدوبعدين كنه قلبك ايدق هكي يافرخ راه تطلعي تعرفيه ومش قايلتيلي
• زوبه ..حولي من قدام وجهي االطباخه ترجا فيا
• وفات الوقت وقرو الفاتحه في الجامع وقعدو ايباركو للعرسان وكان احمد الفرحه باينه عليه بس وليد عادي
• احمد..... تباعد من اصحابه ورن علي ساره
• *************************
• عند ساره .....
• كانت ساره مقمعزه ومعاها هدي وعمتي زهره ورشا
• واشويه ورن تليفونها بحتت فبه لقاته احمد صبت وخشت للدار
• ساره ..ايوه
• احمد ......الف مبروك علينا وربي ايقدرني ونسعدك ان شاء الله
• ساره ...وهيا فرحانه الله ايبارك فيك
• احمد ..واخيرااا قعدتي مرتي
• ساره ....احممم
• احمد ...المهم بعدين حنجي نلبسك الدبله بماانا مدرنش بيان
• ساره ...تمام نستنا فيك
• احمد ..سلام توه نتلاقو بعدين
• ********************************
• عند محبه ...
• الكوافيره ..خلاص تمام هكي صاح عجبك
• محبه ...تسلم ايديك اهاا تمام حلو بكل
• الكوافيره ...االقالب غالب انا مدرت شي انت اللي حليتي المكياج مش هو اللي حلاك
• محبه ...تسلمي يارب
• الكوافيره ...مع السلامه وربي ايهنيك ان شاء الله
• محبه . تسلمي ان شاء الله
• اشويه وتسمع في زغاريت وخشن عليها ايباركلها
• سالمه ...وهيا حاضنتها مبروك يابنيتي اجعلها جوازة الدهر ان شاء الله وربي يسعدك وايهنيك
• محبه ....وهيا اتحب علي يد وراس امها ربي ايخليك ليا يارب وما يحرمني منك
• نورا ...خلاص البسي معش في وقت اشويه وتطلعي لناس
• محبه ..تمام هي لبست قفطانها الي كان لونه اكريمي وكتفه سير عريض وصدره قلب وكله مرصع بالذهبي ونازال واسع علي الجسم كانت دايره تسريحه فلو مرفوع جزء من شعرها ومنفوخ من قدام كانت طالعه اتهببببل بمكياج ترابي وروج احمر واشويه وطلعت علي العرب
• *******************************
• وليد... وهو ايحب علي راس امه وايدها ويحضن فيها
• الحاجه فاطمه ...مبروك يا وليدي وربي ايهنيك ويسعدك ويجعل اقدومها خير عليك ان شاء الله
• وليد ...الله ايبارك فيك ان شاء الله المهم اتكوني راضيه عليا انت
• الحاجه فاطمه ...راضيه ربي يسعدك ان شاء الله
• احمد... وانا يا غاليه وجاء حضنها ربي ايخليك لنا ان شاء الله
• الحاجه فاطمه ...مبروك عليك وايجعلها جيزه الدهر ان شاء الله وايفرحني الله بعويلتكم ان شاء الله
• احمد .. ان شاء الله يارب
• وفات الوقت وطلعو العشاء وقعدو الناس اتروح وخش وليد لي امه ها يا مي انا ماشي
• الحاجه فاطمه ...مربوحه ان شاء الله ربي ايريح بالك ويحط الله في قلبك الود ليها ان شاء الله
• وليد.... طلع وركب سيارته وركبواصحابه وداروله زفه لعند اوصل للحوش هل محبه
• نزل وقعد ايسلم علي خوتها
• محمد .....ايمان هيا جاء العريس خلي محبه تطلع هيا
• ايمان ..تمام هي تلبس بس اشويه وتطلع وخشت عليهن محبه هيا العريس جاء
• محبه ... وهيا ترعش وقلبها انعصر وتوترت هيا تمام انخش نلبس عبايتي بس
• محبه .....خشت لبست عبايتها وخمارها وسلمت عليهن وجت طالعه لاقاها محمد ...حضنها الف مبروك وربي ايهنيك وردي بالك من حوشك وراجك وعامليه بمايرضي الله
• محبه ...تسلملي يارب ان شاء الله
• محمد ...وليد ...محبه امانه عندك ..هذي الغاليه
• وليد ..ان شاء الله
• محمد ...هي تعالي و ركبها محمد وسكر الباب هيا توكل والف مبروك وربي ايهنيكم ان شاء الله
• وليد ...الله ايبارك فيك هي السلام عليكم وجاء فتح الباب وركب ....
• يتبع ....................
• هيا بنات نبي نعرف توقعاتكن للحلقه الجايه وكيف حيكون اللقاء بينهم
• بقلم.........أحلام
•