• # خريف المحبه ..........
• الحلقه الثامنه والعشرون ........
• رافع.... بحت في احمد لو احمد ايوافق نبي نخطب منك اختك
• احمد ...وهو متفاجاء ومردش عليه واصحابه انصدمو اوبااااا كيف هك
• رافع ....والله نحكي جد عارف تحاسبه جو وهك بس بجد امي تبي اتجيكم ليها كم يوم وانا قلتلها نقول لاحمد قبل وتكمل فرحك ونحكي معاك وانا ايشرفني اني انسابكم
• احمد...نتشرف بيك اكيد ومانعطي لاعزمنك يا غالي بس نسال باتي وهلي ومايصير الا كل خير
• رافع .....وانت طيب خوذ وقتك ياغالي واللي تبوها انا فيها
• احمد .....ان شاء الله مايصير الا كل خيرباذن الله وقعدو ايهدرزو اشويه ورحو
• *************************************
• عند ساره......
• ساره ....بعد لمت الفطور خذت تلفونها ورنت علي هدي كانت شاغلتها ومش واخذه علي افراقها ايوه هدي كيف حالك
• هدي ..خيرات ياقلبي شن اخبارك يا عيوني مبروك صبحيتك
• ساره ......الله ايبارك فيك يا قلبي شن دايره شن جوك
• هدي ...تمام الحمد لله اكويسه حتي لجين متشغليش بالك بيا انت عارفه عمتي زهره ربي يحفضها
• ساره ...الحمد لله ربي يحفضها ويطول في عمرها
• هدي ...شن جوك انت وشنو احمد معاك
• ساره ...تمام الحمد لله اكويس بكل معاي ربي عوضنا خير فيه
• هدي ...دوم يارب مبسوطه يا عيوني كلمتانا عمتي فاطمه قالت دايره عشاء عشان اتجو
• ساره ...اهاا جن البنات قلنها ليا تو تبي اتجيني مزينه االلي
• هدي ...صاح باهي معناها انتلاقو بعدين
• ساره ..منو جاي انت وعمتي زهره ومن
• هدي ...ورشا وكان لجين قاعده مش عارفه عاد تروح والا تجي معانا بس انا مش طالقتها
• ساره ...تمام نرجا فيكن معناها سلام
• هدي سلام وسلمي علي احمد
• احمد ....جاها حضنها رايفتلك يا قلبي
• ساره .....حطت ايديهاوراء رقبته وانا يا قلب ساره
• احمد ...شن رايك اتجي لدار نبيك في موضوع
• ساره ...هههههه لالا مش جايه عشان الكوافيره اهي جايه توه انت غير دبشك وتطلع قل لاتجي تمام وباساته علي خده
• احمد ...راد الله علينا تعالي باهي معاي عطيني ادبشي ومسك يدها وشالهامعه للدار
• ********************************************
• عند عادل .........
• عادل روح من العمل وتكا علي معمل التحاليل معليش امبدري جيت دنا تحليل شمو طلع
• البنت ...الاسم لوسمحت
• عادل ...سحر علي
• البنت..... اهاا تمام اهو تفضل
• عادل.... معليش شوفيه ليا شنو اكويس
• البنت ..تمام وفتحت الظرف وقعدت اتشوف فيه مبروك المدام حامل بس دمها ناقص اشويه ضروري اتشوف دكتوره تعطيها مقويات
• عادل ...معليش شن قلتي وهو فرحان
• البنت.... دمها نازل اشويه ضروري اتغذي روحها مش اكويس علي صحتها
• عادل ...قصدك المدام حامل صاح
• البنت ..اهاا تفضل
• عادل ...والفرحه مش سايعته تمام شكرا
• البنت ....مبروك ان شاء الله .
• عادل ...هههههه الله ايبارك فيك وطلع وهو فرحان وخذا حلو وصل للحوش هله وخش قعد ايدور فيها لقاها في المطبخ بروحها جاء حصنها
• سحر ...هيييي فجعتني باعد حي علينا توايخش حد
• عادل ...مبروك يا قلبي حتقعدي ام
• سحر ...ههههههه قصدك طلعت حامل
• عادل ...اهااا ياعيوني تعالي انفرح امي
• سحر ....عدي بروحك قوللها ننحرج والله منها
• عادل ...تمام امي وينك يا غاليه
• سالمه ...تعال هنا ياعدوله
• عادل ...تقبل الله يا حويجه
• سالمه ...منا ومنك العمل الصالح شنو جبت تحليل سحر توه داخت علي مادرت فيها شي مابت تقمعز حلفت الا هيا تحط الغداء مادام ايمان مش قاعده
• عادل ..اها جبته قالولي دمها ناقص وحامل
• سالمه ..مشاء الله مبرووك يا عدوله ربي يكمل عليكم ان شاء الله ويقعد من قسمك يارب
• عادل ..وهو فرحان ...امين يرب العالمين بوجودك وحسك يا غاليه
• ***********************************
• عند محبه ........
• محبه ..... امتي تبدا الجامعه انت وتكمل اجازتك
• وليد ...مازال اسبوعين هك
• محبه...اهاا حتي انا نبي نبدا معاك فاتني واجد بكل بعد اذنك طبعا
• وليد .....تمام نبدو مع بعض مافيش مشكله شنو تبي تنزلي والاقاعده
• محبه ..لانبي ننزل نازل انت
• وليد ..اهاا نغير بس
• محبه ....تمام معناها علي بين مالميت مكانا وغيرت حتي انا ننزل
• وليد ...هاتي انشيل معاك السفره وانت دخلي الباقي
• *****************************************
• عند البنات .......
• وهنا ايتحاوسن ويوتن للعشاء
• مروه ....وداد شن صار في موضوعك قررتي والا مازال
• وداد .مش عارفه مازال حايره وانفكر الحق خايفه من امه
• رغد ...والله شن انقولك امه مش شورك هم حاجه انه بره حوشها لو ضايقاتك خشي جناحك وخلاص يعني هو قالك انه عنده بيش ايمكل الشقه امتاعه يعني واضح انه يبيك معاه والله لوكنت مكانك كنت وافقت
• محبه ..السلام عليكم شن اديرن
• هنا ....وعليك السلام
• زوبه ....انوتو للعشاء خلاص شبه كملن خلاص
• رغد ..كنا نحكو علي خطيب وداد يبيها معاه قبل رمضان باهي وهو عنده جناح خارجي يبي ايطلع الفرح فيه وايكمل سقته بالراحه عليه وهيا معاه
• محبه ..اكويس بكل ليش ماتبيش ياوداد
• وداد .....الصراحه خايفه من امه انا بكل وهيا واعره علي حسب كلامه ولما نبقي اقريبه منها حتدخل في كل شي وهو قالها ليا فسخ من كثر زنين امه علي خطيبته لابال مراته
• محبه ... انت قصدك امفكره انه الشقه اتمسكها عليك لو تبي اتدير مشاكل لا والله سواء جناح والا شقه هيا لو ناويه علي المشاكل مش حيمسكها شي بكل راه وانت ادري بيه لو هو يعني حياخذ حقك لو غلطت فيك والا لا عشان هك مادام وافقتي عليه وعاجبك نصيحتي متفكريش شن يبي ايصير فكري انه هو يبيك وهك
• وداد.....كلامك صح كله مش عارفه يستر الله وخلاص
• زوبه ...انت شكلك مش خايفه من امه ولا حاجه انت خايفه من المسؤليه هك حاساتك غير تحطي في اعذار وخلاص
• وداد ...تنهدت بحتت فيها واسكتت مبتش اترد عليهن
• وقعدن ايحوسن ويوتن في العشاء وبعدها كل وحده عدت اتغير عشان تستقبل الناس واشويه وجت ساره ومعاها مروه وكانت لابسه قفطان فضي اقصير كت عريض وصدره وظهره سبعه وشعرها فلو ومكياج سموكي داكن وروج احمر طالعه اتهببببل
• ساره .. وهيا مبتسمه والفرحه باينه علي وجها خير ياعميمه كيف حالك
• الحاجه فاطمه ...خيرات يابنيتي مبروك عليك وان شاء الله بهناكم يارب تعالي انعرفك علي سلفاتك وهي تشير عليهن هذي رغد مرت عزيز وهذي محبه مرت وليد حتي هيا اعريس ملهاش الا اسبوعين
• ساره ... وهي تسلم عليهن بالخد اهلين
• رغد ..خيرات انستي عليتنا مبروك ان شاء الله
• يدساره الله ايبارك فيك وايانسك
• محبه ....اهلين الف مبروك ان شاء الله ربي يسعدك وايهنيك
• ساره ...تسلمي االله ايبارك فيك ومبروك عليك حتي انت
• وقعدن ايتعارفن ويهدرزن مع بعضهن وتعرفت علي صبايا وبنات العيله
• ***************************************
• عند عمتي زهره ...... ..
• عمتي زهره ...ياكمال وين مجدي خليه يمشي معاناعشان نمشو سيارتين انحسها شينه مايجي حد غيركانت وباتك وهما عازمين ودايرين عشاء علشانه
• كمال ...مجدي طلع تو انشوف واحد من اعيال خالي محمد والا واحد من الشباب يمشي معاي صاح صدقتي والله
• عمتي زهره ...الله ايربحك خلاص شوف هم كان حتي اثنين مش مشكله انسابتهم مش برانيه عليهم
• كمال ..تمام تو انشوف محمد وهو ايقول لواحد منهم مع رنه باب الحوش خليني انشوف من وانجيك هي ايوه من وفتح الباب اووو خالد شن الجو
• خالد ....اهلا شن الاخبار
• كمال ....كنت بنرن علي واحد منكم يمشي معاي عندالحاج عبدالله عازم علي العشاء ماشي انا وباتي بس قلت انشوفكم تمشو معاي عشان متجيش برواحنا
• خالد ..اهااا انا فاضي نمشي معك وبالمره انشوف محبه
• كمال ...تمام ميه ميه وانشوف محمد حتي هو
• خالد ..انضني عازمين عليه محمد اصلا ماشي ماشي هو
• كمال ....خلاص معناها انت خليك امشي معاي وشيل معايا الصبايا
• خالد ....اوكي تمام معناها كلملي عمتي بس نبي انسلم عليها
• كمال ..خش باهي للمربوعه تو انكلمها لك
• خالد ...تمام هي
• كمال .....امي رشا وينكم ياهو
• عمتي زهره .....ايوه نعم
• كمال ....تعالي يبيك خالد في المربوعه وقولي لرشا ادير قهوه
• عمتي زهره ...هي جايه انقوللها بس
• كانن البنات يلبسن وكل وحده اتدير في حاجه
• عمتي زهره ....رشا يا بنت تعالي يبو قهوه في المربوعه
• خالد جاء
• هدي ..فنصت اعيونها وبحتت في لجين اللي ابتسمت ورفعت حواجبهاوبحتت في هدي
• ورشا ....هي جايه
• عمتي زهره ..هيا خفن ارواحكن بسرعه وقت
• لجين ..خلاص هيا واتين نحنا نلبسو عباياتنا بس
• هدي ...مسكت لجين من دبشها وكرتها تعالي يافرخه هنا شن قالت من جاء
• لجين ...يا حيوانه قريب شرطيلي لبستي
• هدي ..صاح قاعد في المربوعه جديات
• لجين.... علي اساس ماقالهش لك
• هدي ...وحق ربي ماقالها قالي دايرلك مفاجاة وخلاص
• لجين.... معناها هذي هيا مفاجاءته المهم انا نبي جاكه عندك بعد لابسه سروال وراحت عبايتي
• هدي ..اهاا اهيا خوذي البسيها وانا مش حاطه روج توه نبي نطلع هك معنديش نيه انحط وشاحي علي وجهي
• لجين ....صدقتك ماعندكش نيه صار اشويه ووصلت لجين رساله من خالد فتحتها كانت(بعد تطلعن جيبي هدي معاك واركبي في سيارتي من غير ماتعرف تمام نعبا عليك عارفك اتهني )ردت عليه ... برساله (تم اعتبرها ركبت معاك )وبحتت في هدي لقتها تلبس في عبايتها ابتسمت وفرحتلها لان حست خالد متعلق بيها جديات وكملن لبس وطلعن
• عمتي زهره ...هيا اطلعن سيارتين اللي يبن يمشن
• لجين..... هيا انا طلعت ومعاي هدي مسكت في يد هدي وطلعتها معاها هيا تعالي اهيا السياره
• هدي ...سياره من هذي خليني نركب مع كمال خير
• لجين ...ريحيلي اعضامك وسكري فمك سيارة كمال مليانه عمي فتحي وعمتي ورشا
• هدي... باهي من اللي يبي ايشيلنا مجدي
• لجين ...اكيده ماله من يعني اسكتي بس تو ايجي
• واشويه وطلع كمال هو وخالد وكل حد جاء لسيارته
• خالد ...ركب لسياره خير يام لسان شن جوك ننقانك اتهني
• لجين ....هههه كنت شاكك قصدك
• هدي ...مصدومه وعلي فرحانه وقلبها ايدق وقعدت ترعش ومنزله راسها
• خالد ...برم علي هدي متبيش اتسلمي والا كيف
• هدي ...رفعت راسها فيه وابتسمت اهلين شن اخبارك
• خالد ... غمزلها تمام الحمد لله وهو يضحك حلوه المفاجاءه صاح
• لجين.... مش تمشي خلاص صاح
• خالد ...ضربها علي راسها خليك في حالك انت
• هدي..... تضحك وفرحانه اانها شافاته متوقعتش ايديرها
• لجين.... اي يابارد يدك ثقيله
• خالد .....من البارد سمعيني معلش
• لجين.... محد خلاص ولعنا حاجه خلينا نديرو جو
• خالد ..هي بس مش عشانك عشان خاطر ناس ثانيه راه ولع المسجل علي اغنيه
• عم بتعلق فيك اشويه اشويه ....وعم حس ابحنيه ولا مره حسيته بعمري اللي عشتو انا
• اقلي انك حاسس فيا وشايف شو بيحكو عينيي لما بتمرق حدي وبرجف اقدامك انا
• انا عم بلش حبك انا لما بشوفك بتلبك مع انك بتضلك ساكت اقلبي عم يسمعك
• انا عم حبك هالاءانا بعيونك عم بتعلق بالايام اللي جايه حدي عم بئشعك
• وكانت الاغنيه كانها تحكي علي مشاعر كل واحد فيهم للاخر وصلو ونزلت لجبن وجت تبي تنزل هدي وفتحت الباب
• خالد ...هدي ارجي اشويه
• هدي ردت سكرت الباب وقعدت ترجا
• خالد فتح قجر السياره وطلع علبه متوسطه وبرم عليه ومدها لها
• هدي .. شنو هذي
• خالد .... مفتاح السياره شنو يعني هديه وخوذيها بسرعه وانزلي قبل لايلاحضك حد
• هدي ....ابتسمت وخذتها شكرااا علي كل شي ونزلت
• خالد .بحت فيها لعند خشت وهو مبتسم ونزل
• وخشن جوا وقعدن ايسلمن
• ساره ....حضنت هدي نجك ليا يا عيوني وقعدت تبكي رايفت عليك يا قلبي شن اخبارك
• هدي ...وهيا تحضن فيها بالقوه تمام الحمد لله اكويسه والله متخافيش عليا شن اخبارك انت
• ساره ...باعدتها عنهاوهيا مبتسمه تمام الحمد لله
• وسلمت عليها عمتي زهره والبنات
• محبه ...وهيا اعيونها مدمعات خير يا عميمه
• عمتي زهره ...حضنت محبه خير يابنيتي كيف حالك ان شاء اكويسه
• محبه ...الحمد بخير كيف حال عمي فتحي والشباب
• عمتي زهره ....اكويسين بخير تسال عليك الصحه والعافيه
• وقمعزن وقعدن ايهدرزن ولعن الاذاعه ودارن جو حلو بعدها وطلعن العشاء واشويه وقالوللهم هيا وروحن
• كملن حوستهن وكل وحده عدت شقتها
• ******************************************
• عند ساره واحمد .......
• احمد ...شنو حبيبي عجبك الجو اليوم
• ساره ...اهااا والله مشاء الله عليهن كلهن
• احمد ...كيف حالها هدي امتي تبي اتجي
• ساره ...اكويسه الحمد لله قالت بعد اسبوعين هك كلا قبلها لا
• احمد ... اهااا باهي قتلك بكرا ماشين شالي انا وانت وليد ومحبه حجز لنا وليد بعد انت ماتبيش اتسافري
• ساره ...تمام شنو مروحين والا بايتين
• احمد ....لا بايتين حطي حاجه اسبوع هك او اكثر مش عارف حسب الجو
• ساره ...تمام معناها نصبي انوتي البش
• احمد ...غمزلها جاي معاك نوتوه ما بعضنا احسن
• ساره ....هههههههه نوتو مش حاجه اخري راه
• احمد ...امشي انت بس مش دايرلك شي
• ساره ...ههههههه تو انشوفو
• ******************************
• صباح يوم جديد ........
• عند محبه .......
• وليد .. صباح الخير شنو وتيتي الدبش
• محبه ...صباح النور اهاا كله واتي اندير فطور بس
• وليد ...تمام معناهاعلي مالبست
• محبه .. طلعت ادير في الفطور
• وليد ....غير ولبس شرت بيج وفوقه تشرت نص كم قهوي مخطط بالبيج ومشط شعره وبخ عطره وخذا لبس دبلته وبحت فيها وابتسم وطلع
• محبه ...كانت تسخن في الشاهي وهيا برمت تبي اتحطه علي الطاوله وهو خش عليها بحتت وقعدن اعيونها معلقات فيه كاين منضره ايهبل وكانت اللبسه ماشيه معاه وطالع حلو بكل
• وليد ..لما طولت وهيا تبحت فيه ابتسم وكر الكرسي وقمعز
• محبه . فطنت بروحها ونزلت اعيونها وقعدت اتصبله في الشاهي علي الحليب
• وقمعزو فطروه وصبا
• وليد ..نازل انشوف امي ونسلم عليها وعلي بين مالبستي
• محبه ..تمام مش مطوله ونزل وهيا قعدت اتلم في الطاوله وبعدها عدت غيرت ولبست سروال امريكي ازرق هادي ولبست فوقه بلوزه سمائيه هاديه وعليها جاكه ازرق كحلي وايشرب مخطط ابيض وازرق وسمائي وكندره ازرق كحلي وبخت عطرها ودارت مكياج خفيف وروج وردي هادي وطلعت نزلت وسلمت علي الحاجه فاطمه وطلعت تلاقت هيا و احمد ساره جايين للحاجه فاطمه وحط وليد الشناطي وطلع قبل احمد
• وليد ...شنو تمام مش ناسيه شي .
• محبه ..لالا ان شاء الله مش ناسيه
• وقعدو طول الطريق ساكتين واشويه وصلو كمل الاجراءات وبعدها خشو جوا درس السياره قدام الشاليه كان اقريب بكل من البحر والجو حلو مافيش زحمه اجد
• ونزلو ونزلو الدبش مع بعضهم وخذاه منها وليد
• ليد ...حطيه هنا وعدي قمعزي بره علي الكراسي انحطه وانجيك اشويه بس
• محبه ..... حطت الدبش يالا الباب وعدت قمعزت علي الكرسي وكان مقابلها البحر وقعدت اتفرج عليه
• وليد ....حط الدبش وفتح الباب وبحت فيه وابتسم وخش بشويه وحط االحاجات جوا وسقم المكان وبرم علي يبي ايديره وطلع
• محبه ..استغربت حركته بس قلت مرات يبيني انقمعز هنا وهوايجي اشويه وجاء بحتت فيه كان يمشي منضره ايهبل وهو مبتسم وحسيت قلبي ايدق كل مانبحت فيه كان ايزيد جمال في نضري حسيت روحي حبيته وكنت انتمني ايقولي انكونو زوجين طبيعين كان لما ايبحت فيا الفتره هذي انحسه كانه يبي ايقول شي بس ايترد وايغير الموضوع وقطع عليا افكاري
• وليد ... طولت عليك
• محبه ....لا عادي الجو حلو بكل والمكان سمح
• وليد ....اهااا كنا محتاجين طلعه هك بس تاخرت علي شان فرح احمد .شنو نخشو اتشوفي الشاليه .
• محبه ..اهاا هيا الو تبي
• وليد ..هي وصبينا كنت متوتر بكل انها ترفض كنت علي اعصابي خايف من ردت فعلها بعد موقفي معاها وصلنا الباب الشاليه وحطيت المفتاح وانا ندعي في سري انها اتوافق وتكون تبادل فيا نفس الشعور وفتحت وغمضت اعيوني وتنهدت تفضلي
• محبه ...حسيته حايس في بعضه ومتوتر واجد معرفتش السبب بس كان قلبي ايدق بشكل مش طبيعي معرفتش ليش توتره وترني لعند فتح الباب وخشيت كان الشاليه مزين كله بالورد والشموع وخشيت وانا منستها فيه كان ريحته حلو ومنظره ايهببببل وحسيت بيه قرب مني وحضني ورعش جسمي كله مع نفسه اللي علي رقبتي وهو يحكي
• وليد ....كنت انبحت في ردت فعلها كانت مصدومه ومتفاجاة تجرأت وحضنتها وكان قلبي يدق بكل محبه انا حاب انكمل معاك عمري كله ممكن حطيت حاجز بينا بس كنت نبي انهئ نفسيتي علي موضوع كان مسسبلي ازمه بس بعد عرفتك وعشت معاك مش عارف كاني اول مره نعرف مراه كنت بلسم للجروحي كنت كل يوم تشديني ليك اكثر من اليوم اللي قبله حبيت فيك اسلوبك وتفهمك وطيبتك وجهك البرئ اللي ايخليني منبيش انشيل اعيوني من عليه انا حب انكمل معاك عمري انت تبيني زي مانبيك
• محبه ..............
• يتبع ............
• اسفه علي التاخير وان شاء الله تنال اعجابكن قراءه ممتعه 😘😘❤
• بقلمي ....أحلام
•
