• # خريف المحبه ........
• الحلقه التاسعه والعشرون ........
• محبه ....كنت متوقعه اي شي الا كلامه هذا كله كنت انشوف في لمعه في عيونه خلتني طايره في السماء ودقات قلبي زادن وخانني اعيوني لما نزلت دمعتهن ومسكت وجها بيديا مش عارفه منين جتني القوه هذي كلها ومحسيتش بخجل باللي اندير فيه وبحتت في عيونه كل اللي قلته عليا كان نقطه في بحر افعالك حنانك شدني ليك اسلوبك تعاملك معاي كل شي فيك يوم اللي صليت استخاره لربي عليك كل يوم ايمر كانت تسيطر عليا راحه مش عارف كيف نوصفها يمكن ربي عيشني اللي عشته كله عشان انحس بكرم ربي عليا بيك اكيده نبي انكمل عمري معاك من غير مانفكر مره اخري وقربت حطيت راسي علي صدره وحضنته حضن حسيت روحي بيه ردت
• وليد ....لما شفت دمعتها نزلت كانه حد ضربني بحاجه في قلبي وحسيته حيوقف كان تفكيري انها اذكرت راجلها وماتقدرش اتكمل معاي بس صدمني كلامها اللي رفعني لسابع سما متخيلتش انها ترد عليا بربع كلامهاهذا كان كل تفكير انها حترد عليا باهاا او توتر وبعد حطت راسها علي صدري حسيت كاني ملكت الدنيا ومافيها كنت عايش معاها اللحظه بكل تفاصيله شعور عمري ماخسيته حتي مع يسرا اللي كنت علي اساس واخذها عن حب وبعدتها عن حضني ونزلت بستها وحسيت كاني اول مره انديرها ولا نعيش روعتها كان كل شي معاها غير وبعدتها عني ورفعتها ودخلتها للدار اللي كانت مليانه ورد وشموع وونزلتهاوحبيت علي راسها خشي توضي والبسيلي هذا وتعالي انصلو ركعتين نبي نبدا ليلتي معاك من اول وجديد
• محبه ... وهيا مبتسمه وكيف اللي فطنت للوضع وانحرجت لما شافت الروب تمام
• وليد ..انا طالع اشويه هنا بنجيب حاجه من السياره خوذي راحتك وانشوف احمد وين وانجيك تمام
• محبه ..تمام وهي مبتسمه وطلع تنهدت ومسكت الروب اللي كان لونه احمر مشبك كله واقصير وضهره خيوط مشبكات وصدره دنتيل وفوقه طرف ثاني اقصير ومعاه بوكس فيه عطري نفسه ولوشن وكريمات من نفس الماركه وخشيت للحمام عشان اندوش وانغير
• وليد ...اول ماطلعت الفرحه كانت مش سايعتني مش قادر نصبر عليها بس خفت من احمد ايجي ويبقا يبي المفتاح اشويه وبان عليا احمد جاي
• احمد ....هلا شن الجو
• وليد ...تمام ميه ميه اهلين ساره الف مبروك ان شاء الله
• ساره ......الله ايبارك فيك
• وليد ... اهو المفتاح الشاليه اهو اللي جنب هذا
• احمد ...تمام نتلاقو
• وليد ..اوكي هو عدا وانا خذيت نفس وفتحت الشاليه قمعزت في الصاله اشويه وبعدها دقيت علي الدار نقدر انخش
• محبه ...فتحت الباب اهااا
• وليد... تمام نبي دبش عشان انغير
• محبه ...اهو طلعتلك وحطيت المنضفات في الحمام وحطيت حتي المنشف جوا تلقاه
• وليد ...تمام مش مطول وخش توضا وغير دبشه واشويه وطلع يمسح في وجها وخش لدار تعالي هي انصلو وصبا كبر وهيا يا صبت وراه وصلو وسلم وبرم عليها وقال الدعاء وبحت فيها ومسك يديها وصباها معاه وحول الملايه وقعد ايبحت فيها واعيونه يلمعن وعلي فمه ابتسامه
• محبه ..كانت منزله راسها ومتوتره
• وليد ... رفع راسها بيده وبحت في اعيونها ربي ايقدرني ومانزعلك ولانزل دمعه من عينك ولا عمري عيني تشوف وحده غير وانصون الله فيك ونزل عليها و##############
• (يتأكل قلبك ووهجك وتقل ضحكاتك من تراكمات كثيره ثم يأتيك عوض الله الجميل بشي قليل وعميق يجبرك جبرا عجزت عن تخيله )
• *****************************
• عند ساره واحمد ......
• احمد ...تفصلي يا غلاي
• ساره ....دام فضلك يا عيوني
• احمد ...شنو عجبك الشاليه
• ساره ..اهاا احليو واصغير
• احمد ...نعليا والله مافي واحد حليوه كيفك انت
• ساره ...هههههههههه نجك ليا اعيونك الحلوات يا سموحي
• احمد .. شن رايك اتديرلنا فنجان قهوه ونطلعو نشربوه بره
• ساره ...خليني انرتب الحاجات قبل
• احمد ...تمام توانحط دبشنافي الدار ونرتبهن معناها
• ساره ...هي مبتسمه ربي ايخليك ليا ياغلاي
• احمد ...وايخليك ليا يا رب وبعتلها بوسه طايره
• *******************************
• عند فيلا عمتي زهره .......
• الحاجه فاطمه ........في عرب اصحاب خوك احمد تقدملك وخطبك من احمد وامه تبي اتجي في هاليومين راه
• زوبه ...وهيا متفاجاة منو يخطب من
• الحاجه فاطمه ....قالي رافع صاحبه خطبك منه ويرجو في ردنا ايتفضلو والا لا لانه امه تبي اتجي
• زوبه ... وهيا الفرحه ملت قلبها معرفتش ماترد الا انها خشت لدار وحطت يدها علي قلبها وهو ايدق بسرعه لعند قعدت اتنفس بسرعه
• مروه ...كنك يا بنت حي عليا وجهك اصفر تحسي في حاجه
• زوبه ...وهيا تبحت في مروه وخذت يدها حطتها علي قلبها شوفي قلبي كيف ايدق
• مروه ...حي عليا كنك حولي انشوف واحد من خوتي ايشلوك للمستشفي
• زوبه ...تعالي بس مافيا شي بس عارفه شن قالتلي ماما توه
• مروه...شن قالت
• زوبه ......رافع خطبني من احمد
• مروه ....وهيا عاقده حواجبها من رافع يافرخه وكنه قلبك ايدق هكي في بينك وبينه حاجه
• زوبه .....والله مافي بيني وبينه حتي حاجه الا انه صارن معاه مواقف هك يعني كنت انتمني ايجي يخطبني وربي حقق حلمي
• مروه ....شكله مش مواقف هك وخلاص هذين
• زوبه ....شكلي طيحته زي ماهو طيحني ههههههه
• مروه ...وهيا تبحت في اختها وفرحانه ربي ايفرح قلبك اكثر واكثر يا عيوني وتنهدت وتذكرت معاذ ودعت انه اتعيش معاه فرحتها
• ******************************************
• عند عمتي زهره ........
• وهنا ايحطن في الغداء
• رشا ..... مش عارفه كنه انظر شن صاير معاه والله ومايبيش ايقولي
• هدي ...غير انت اساليه شوفيه كنه .
• رشا ....يستر الله ان شاء الله خير ممكن علي امه المريضه متنكد عليهالانها مريضه اشويه
• هدي ... ربي يشفيها له وايعافيها ان شاء الله ورن تليفونها
• رشا ...انت يا بت ليا كم يوم انشوف فيك اتكرسي واتردي علي التلفون شن في
• هدي ...ارتبكت لا في من انكلم يعني
• رشا .. قعدت اتبحت فيها حبيبتي انا والله خايفه عليك بس انت عارفتك هاديه وفي حالك بس بجد لازم تاخذي حذرك من اي شاب مش حنقولك متكلميش بس كوني قد ثقه ساره فيك ردي بالك تغلطي وتخلي اي حد يضحك عليك
• هدي ... شكرا علي كلامك بس بجد انا حاطه بين اعيوني ساره ومستحيل انخون ثقتها وحتي لو كلمت حنقوللها كل شي ومش حندرق عليها
• رشا....وهي مبتسمه تمام انا عارفه انت شنو وبحتت في تلفون هدي اللي بعد كملت المكالمه قعدن ايجنها رسائل عدي ردي عليه معندش صبر بكل
• هدي ...وهيا مبتسمه بخجل ايجي يوم وانحكيلك بس انت متزعليش مني .
• رشا ....هههههه مش زعلانه خوذي راحتك وعدي ردي عليه
• هدي ....ايوه خيرات
• خالد .. وينك انرن عليك مترديش .
• هدي ...كنت في المطبخ انوتي في الغداء مع رشا مقدرتش انرد عليك وهيا فطنت اني انكلم في حد
• خالد ...واذا يعني خليها تفطن وحتي لو سألتك قوليلها خالد عادي
• هدي .... مش عارفه انا منبيش حد يعرف اساسا قبل لا نحكي لساره عليك
• خالد .... ايكون في علمك انا من قبل قلتها لك صاح اني ولا مره كلمت بنت صاح والا لا معناها انت اللي حتكوني ليا وحلالي ولو مش عارف انها ممكن اتردني اختك كنت خليت امي اتجيكم وتخطبك انا نبي انتعرف عليك وتعرفت واتاكدت مستحيل اني حنلقا وحده زيك في حياتي ممكن اتشوفي فيا انه مكلاماتنا تفوت تشفيط وضحك بس انا من اول ماخذيت رقمك قتلك اني حسيتك نصي صح اولا
• هدي......وهيا تسمع فيه كميه السعاده اللي حستها كانه الدنيا ضحتكلها وقعدن ادموعها ينزلن حست روحها انها لقت الانسان اللي يفهمها قبل لاتحكي ولا حتي تعبر اللي في داخلها
• خالد .....اوووي وينك وين رحتي
• هدي ..وهيا تبكي انحبك
• خالد ...وهو فرحان ومش مصدق شن سمع وقلبه ايدق ومش مصدق انها اتقولها له هك من غير مايطلبها منها شن قلتي
• هدي ......عارف انت شنو بالنسبه ليا انت طوق نجاتي انت خويا وباتي وعزوتي بعد ساره انت اللي مصبرني علي بعدها في هالايام اهاا انقولها لك وعارفه اني قلتها لراجل مستعد ايدير اي شي علشاني انا ان ح ب
• خالد ....وهو يضحك هههههههههههه وانا والله ميت فيك يا قلب خالد
• هدي ...... ههههههه وقعدت تمسح في دموعها سلام وسكرت وهيا فرحانه محبتش بعد الكلام اللي قالته انها تنحرج حبت تسكر واتسيب الفرحه في قلبها وقلبه
• ***************************************
• عند وليد ❤ومحبه ......
• وليد ...كانت راقده في حضني مكنتش مصدق وفرحان نبي انطير حسيت بمشاعر معاها كاني اول مره انتجوز ولا انحب كانت في قمه جمالها وهيا راقده وانا نبحت فيها ومش مصدق انها قعدت ملكي وانا نلعب بشعرها وانباش فيها وفتحت اعيونها اللي لونهن زي البحر كانت تاخذ العقل نزلت عليها بستها علي خشمها صح النوم وجها قد حمر لما لقتني هك حاضنها نزلت اعيونها وهيا منحرجه كانت اتهببببل ومش قادر نمسك روحي عليها
• محبه ....كنت راقده مرتاحه حاسه بفرحه ماليتني وراحه غريبه حسيت بخربشه علي وجهي فتحت اعيوني قابلني وجها مش عارف شن صارلي انحرجت واذكرت اللي صار بينا
• وليد ...شن هيا انوضو ونطلعو بره وانشوفو احمد ونشربو قهوه بره
• محبه ....تمام خليني نصبي انت شكلك مش راقد
• وليد ...في حد يقدر ايغمض اعيونه علي شوفت القمر اللي في جنبه
• محبه ....انحرجت وقعد وجها احمر
• وليد ...علي فكره انت هك متساعديش فيا راه
• محبه ...ركزت معاه وعقدت حواجبها بتسال في شنو
• وليد ......في منظرك مانقدرش انشد روحي عليك ومسكها وحطها علي السرير وجاء فوقها وهيا متفاجاءه منه ومش قادره تحكي وراحو في #########
• *************************************
• عند احمد وساره .....
• احمد ...شنو كملتي خلاص نطلعو
• ساره ....اهاااخلاص اندير قهوه بس ونشيلوها معانا بره احسن
• احمد ...تمام خلاص انشوف وليد وين كان بره انعدولهم شن رايك
• ساره ...عادي اهااا شوفهم كان قاعدين نحسبهم في القهوه
• احمد ...خذا تلفونه وقعد ايرن علي وليد رن رن لعند اخر رنه رد
• وليد ...ايوه
• احمد ...هلا وين انت بره والا في الشاليه
• وليد ...لا قاعدين جواشويه ونطلعو
• احمد ...خلاص معناها نشربو القهوه مع بعضنا
• وليد ...تمام اوكي سلام
• احمد ...احسبيهم قال اشويه وطالعين
• ساره ....تمام
• احمد ...جاء من وراها وحضنها رايفت عليك راه وانت اليوم فايتين
• ساره بحتت في وجها منوالجنب وهيا مبتسمه انا حرام عليك
• احمد ... باسها علي خدها اهاا شوفي لهيتني في الدبش وفتيني مش كان رقدنا اشويه احسن وغمزلها
• ساره ...ههههههههههه اليوم كله علي احسابك بس خلينا نطلعو توه تمام هكي
• احمد ...وهو يضحك اهااا خلاص خليك قد كلمتك مش اتقولي نعسانه
• ساره ...فتحت اعيونها بصدمه مش منجدك صاح
• احمد .... باس رقبها هههههه تو انشوفو بعدين وتباعد عنها
• وطلعو وشالو معاهم ترمس القهوه وقمعزو علي الطاوله وقعدو ايهدرزو ويضحكو مع بعضهم
• محبه......شنو نطلعو والا مازال
• وليد ...نعليا نا منك انت وخلاص كان عليا انا مش طالع بكل اليوم
• محبه ...هههههه لا هيا خاطري نطلع للبحر
• وليد ....اعوامه خليها في الليل نطلعو نعومو اناوويك احلي الجو في الليل
• محبه ...هههه بس انا منحبش انعوم انخاف منا نقدرش انخشله
• وليد ...لا معاي اتخشيله متخافيش
• وطلعو وهو ماسك يدهاو الضحكه مرسومه علي اوجوهم هما الاثنين ومش سايعتهم
• احمد ...واخير شرفت وينك من امبدري نرجو القهوه صقعت
• وليد ...راحت عليا نومه والله
• محبه ..اهلين كيف حالك يا احمد ومدت يدها سلمت عليه
• احمد.....تمام الحمد لله
• ساره...اهلين محبه شن اخبارك
• محبه ...تمام الحمد لله بخير شن جوك انت
• ساره ...الحمد لله تمام
• وقعدو ايهدرزو وشربو وكانت السعاده واضحه في وجه وليد لدرجه لحضها احمد عليه
• ساره ...خاطري انتمشا علي الشط تعالي نتمشو انا ويك وانخلوهم اشويه
• محبه...... تمام هي ماشين انتمشو اشويه عالشط وانجو و بحتت في وليد تمام
• وليد ...واحمد ...تمام متباعدنش بس
• وساره ...خذت محبه وقعدن ايتمشن وايتعرفن علي بعضهن
• وليد ..قعد ايتبع فيهن بعيونه
• احمد ....شن سر اللمعه اللي في عيونك حسيتك تمام
• وليد ...بحت في احمد ...عارف انها احلي زره دارتها امي
• احمد ...وهو فرحان الحمد لله دوووم عليك السعاده ان شاء الله
• وليد ...اتصدق لو قتلك كاني اول مره انتجوز
• احمد .... ربي يهنيكم يارب
• وليد . حاسس روحي ملكت الدنيا بوجودها في حياتي حسيت ربي ايعوض فيا علي كل يوم مر عشته
• احمد ....حبيتها انت
• وليد ...قول عشقتها مش حبيتها بس كانت بلسم لجروحي مع غلطي اللي درته وتسرعي كانت ردت فعلها انسانه واعيه خلتني انزيد نموت فيها اكثر
• احمد ...وهو فرحان ربي يزيد الود بينكم ان شاء الله المهم تعرف كيف اتحافظ عليها وفكنامن اي تصرفات سريعه من غير ماتفهم رد بالك تجرحها كيف ماانت داوت جروحك انت دواء جروحها وفقدها ديرها في احسابك وديما خليها في بالك
• وليد ....وهو ايبحت فيها كيف تحكي مع ساره وتضحك وهو مبتسم ان شاء الله
• احمد . شن رايك انديرو اشوايات مع بعضنا العشاء
• وليد ...خليها اليوم في المطعم هنا انتعشو احسن وخلي الشوايات لبكرا
• احمد .....تمام حتي هذا راي
• *********************************************
• عند فيلا الحاج عبدالله ........
• وداد ...اهلين كيف حالك
• توفيق ...هلا بعيوني شن جوك
• وداد ...تمام الحمد لله بخير
• توفيق ...شنو كملتو حوسه الفرح والا مازال
• وداد ...اهاا شبه كملنا مازال حاجات بسيطه بس حبيبي قتلك
• توفيق.... اعيون حبيبتك نعم
• وداد....تسلملي اعيونك يارب انت قتلي تبي الفرح قبل رمضان صاح
• توفيق ....بفرحه مقدرش ايدسها اهاا شنو وافقتي
• وداد ...اهاا لو حاب تبدا في الجناح معنديش مشكله وانا نبي انكون معاك
• توفيق .....والفرحه مش سايعته عارفه اني نحبك صااااح خلاص هاليومين اتجيكم امي تحدد الموعد قبل رمضان
• وداد ....هههههههه تمام
• توفيق ....ربي يخليك ليا يا قلبي انت
• وداد .....وايخليك ليا ان شاء الله
• ***************************************
• وفاتن كم يوم وجاء يوم جيت ام رافع ....
• الحاجه فاطمه ..... كلمتن رغد وينها اليوم غريبه مش باينه
• مروه ...اهااركبتلها قالت مريضه بكل حتي منضرها حاله ترجع حشاك اليوم من اول ماناضت
• الحاجه ...فاطمه .. بسم الله كنها كانت امس مافيها شي
• مروه ...مش عارفه حتي وجها بكل رايح قالت شكلها برده بس حتنزل قالت
• الحاجه فاطمه ...تو نركب انشوفها كنها بعيد السو علبها الفرح كلها وهيا شايلته معاكن يدكن بيدها كانت مافيها شي بكل وهيا برمت تبي تركب علي نزلت رغد
• رغد ...خير ياعميمه كيف حالك اليوم
• الحاجه فاطمه ...لاباس عليك كنك يابنيتي شن اتحسي قالتلي مروه مريضه
• رغد .. لا يوريك باس شكلها برده بس مدوشه امس وطلعت ونشرت الدبش من غير مانجفف شعري
• الحاجه فاطمه ..تريحي مش ضروري تنزلي كان تعبانه مش لايمه عليك والله
• رغد ..لا الحمد لله اكويسه توه وبعدبن هذي زوبه ضروري انكون حاضره هذين خياتي منقدرش نقعد والله وماننزلش
• الحاجه فاطمه ..ربي يحفظك ان شاء الله
• واشويه ورن الجرس وجو العرب وسلمن عليهم ودخلنهم
• زوبه .. نعليا كيف نبي انخش متوتره بكل
• وداد..... كنك ياحنه متوتره مش زفتك راه
• زوبه ..خزي حيوانه تردي فيها صاح ارفه حتي انا
• وداد.... .وهيا تضحك صار مذكره
• اسراء ...جايت امه واثنين معاها صغار وحده كبيره بس مش عارفه من
• رغد ...طلعت ام صاحبتك اللي قتلك تسال عليك في الفرح
• زوبه ..وهيا متوتره اهاا شنو باهي تمام شكلي
• مروه .. تهبلي ولبستك اتهبل كنك متوتره انت اهدي معرفتكش والله افرحي وخلي وجهك رايق
• زوبه ...تنفست تهدي في روحها وتنهدت تمام هي خليني انخش انسلم
• رغد ..تعالي هي وخشت رغد واشويه لحقتها زوبه
• زوبه ...خير ياعميمه كيف حالك
• امه ..الحمد الله خير بعروستنا كيف حالك
• زوبه ..الحمد لله بخير وسلمت علي الصبايا اللي معاها وقمعزت وقعد اتهدرز مع اخته اشويه وشيرتلها رغد طلعت
• المراه ..والله نحنا جينا طالبينها لولدي رافع وهو كلم احمد وقاله تفضلو
• الحاجه فاطمه ..ونحنا نتشرفو بيكم نسال الحاج وخوتها ونرد عليكم ولو كان عندكم عندنا نصيب
• المراه ....والله هو يبي المقابله اليوم لو موافقين
• الحاجه فاطمه ..انشوف واحد من خوتها لوكان قاعد ..قبل وانرد عليك
• وشيرت لرغد اتشوف عزيزواتقوله
• رغد ...خشت عليهن في المطبخ زوبه راه يبوالمقابله اليوم
• زوبه....وهيا ترعش ومصدومه شن خوتي مش قاعد حد
• رغد ....لا قاعد عزيز انرن عليه انشوفه وين عشان ايجي هو شكله احمد عطيه موافقه مبدائيه عشان هك قال المقابله اليوم عشان انت اتفكري
• زوبه ...قعدت ترعش حي عليا مش دايره احساب انا
• وداد ..تعالي .هيا غيري البسي حاجه اخري ماحتي عزيز قال حاجه لان يعرفوه اكيده موافقين
• رغد . قالي تمام خليه ايجي نرجا فيه وقولي لزوبه قالي
• زوبه ....تمام هي متوتره وترعش معش عرفت تفرح والا شنو وغيرت دبشها لابست سروال اسود وبلوزه زيتوني طويله اشويه وكانت حلوه طالعه عليها واشرب لافاته بطريقه حلو ه
• رغد ..قالك عزيز جيبي القهوه وخشي هيا
• زوبه ...تمام وخذت القهوه وطلعت وصلت لعند المربوعه وتنفست اتهدي في روحها وخشت ......
• يتبع ............
بقلمي .....أحلام
