• #خريف المحبه .......
• تابع الحلقه ثلاثون والاخيره ........
• عند محبه وليد ........
• وليد ..... انستي شقتك يا قلبي
• محبه ...الله يانسك ياعيوني انت
• وليد ..نعليا كنت نرجا امتي انروحو ونرقد انا ويك في دارنا
• محبه ...هههههههه تعال ارقد باهي
• وليد ...جايك هي ورقد تعالي يا غلاي رايفت عليك راه كنك بعيده وحضنها
• محبه ......ههههههه هكي تمام
• وليد ...اهاا بس مازال نبي انحلي راه غمزلها
• محبه ...امتي تكمل اجازتك
• وليد ...قصدك تبي تهربي يفتحلك ربي وبالنسبه للجامعه حنبدا الاسبوع الجاي
• محبه .. زرتها الضحه بس مسكتها وانا شنو حنبدا معاك
• وليد .. اللي ريحك اصلا معش مازال واجد علي الامتحانات
• محبه .... اهاا لا نبي نبدا وانت اشرحلي اللي فايتني باهي و نبي نطلب طلب
• وليد ...انت تامري مش تطلبي
• محبه ...رايفت بكل علي ماما وخوتي نبي نعدي لهلي بكرا
وليد......من اعيوني وبكرانمشو هكي تمام
• محبه ...وهي مبتسمه تمام باهي طلب تاني اصغيرون
• وليد ...لالا ومتحاوليش انك اتقوليه
• محبه ...ليش بس هو يوم واحد وبعدها تعالي في الصبح
• وليد ...مستحيل منقدرش والله
• محبه ..تمام
• وليد ...متزعليش عاد بجد انك نبيك معاي في الليل
• محبه ...تمام مش زعلانه خلاص
• وليد ...يسلملي اللي فاهمني وبرم جاء فوقها و #######
• *********************************** *******
• يوم جديد
• عند عمتي زهره.......
• ساره .....خيرات ياعميه رايفت عليك والله
• عمتي زهره ...خير يابنيتي كيف حالك وكيف حال صحتك تفضلو مرحبتين خير يااحمد انستي
• احمد ...خير يا عمتي كيف حالك شن اخبار الشباب وعمي فتحي
• عمتي زهره ...الحمد لله طيبين تفضل قاعد الحاج جوا
• احمد ..تمام انزل الحاجات بس وكان جايب سقيطه لحم و مشروب ووحلويات وهدايا ودخلهن
• عمتي زهره ...ليش امتعب روحك هك ومكلفين علي ارواحكم
• احمد .. هذا وجبنا وانتم مقصرتوش وخش سلم علي الحاح فتحي وقعد ايهدرز واشويه وجاو الشباب
• ***************************************
• عند فيلا الحاج عبدالله ......
• عند محبه ..........
• محبه ...راقده وقعدت حاجه تخربش فيها علي وجها توء
• وليد ...نوضي هيا كنك كسوله اليوم
• محبه .. صباح الخير
• وليد ..وهو مبتسم صباح النور يسلملي هالوجيه السمح هيا نوضي دايرلك فطور ملوكي وساويت القعده في البلكوني كيف ماتحبي
• محبه .... تسلملي يارب بس الدلع هذا ناخذ عليه راه مش اتفوتني بعد فتره
• وليد ...انت ادللي بس اللي عنده قمر زيك مايقردش ايفوت صدقيني
• محبه ....نعليا من لسانك انا الي قطر عسل
• وليد ..لالا هكي متفاهمنش نحنا راه انت شكلك مش ناويه خير بصوتك هذا
• محبه ...وهيا تضحك ههههه كنك والله غير مرتخيه ماقصدي حاجه خلاص سكتت ونبي انصبي
• وليد ...تمام هي افراج مادام سكتي ونرجا فيك في الصاله ماطوليش
• محبه ..تمام هي دقايق بس
• وناضت غسلت وصلت وطلعتله هيا وين
• وليد..... تعالي معاي
• محبه ...طلعت هي وياه ولقاته داير البكلوني كله ورد وحط الفطور علي الوطي وحاط امخاد اكبار يلا بعضهن كان منضره حلو بكل نجك ليا وتسلم ايديك
• وليد ...تعالي قمعزي وكولي هيا وقمعزت وجاء وراهاوحطها بالجنب وقعدو ياكلو يضحكو وكان جو مش عادي بينهم وبعدها وقعدو ايهدرزو
• محبه ...هيا نبي انصبي ننزل لعمتي نشوفها وانعطيها علم اني ماشيه لهلي
• وليد ...تمام حتي انا نازال هيا مع بعضنا خليني انغير بس
• محبه.... تمام ولمت الفطور والحوسه وحطت التباسي فيا لغساله وعدت غيرت لبستها وبرمت علي وجها ولقت وليد واتي ويرجا فيها ونزلو
• صبحت عليها وقعدت اتهدرز يالا البنات وقالتلها انها تبي تمشي لهلها
• الحاجه فاطمه ...عدي ياحنه وسلميلي عليهن كلهن حتي ساره مشت لزهره عمتك تبي اتجيب هدي
• محبه ...اهاايوصل ان شاء الله
• وفات اليوم ومشت محبه لهلها ووتلاقت هيا وخواتهاكلهن
• محبه ...ماما كيف حالك وشن دايره صحتك
• سالمه ...الحمد لله بخير سمعتي سحر حامل
• محبه ...مشاء الله مبروك يا سحر ويتربي في عزكم ان شاء الله
• سحر ....الله ايبارك فيك والعقبالك
• موده ..شن جوك وكيف حال وليد معاك
• محبه ...تمام الحمد لله وليد حنون ومش مقصر معاي في شي
• موده ...دووم يارب متريحه
• محبه ....وين اوصلتو في البني يا موده
• موده ...الحمد لله صب السقف امتاع الحوش بس مازال توه موقف لعند اتوفر عنده سيولا
• محبه ...ربي يفتحها عليه ان شاء الله
• نورا ...فرح رحمه بعد شهرين
• محبه ...مبروك ان شاء الله اخبار طازه كلهن
• رحمه.... الله ايبارك فيك يا اخويله
• نورا.. شنو جو عربك وسلفتك الجديده
• محبه ...مشاء الله عيله اتهبل مترابطه كلها وساره مشاء الله عليها مراه تهبل بكل في حالها
• لجين ....هدي اليوم ماشيتلها صاح
• محبه ..اهاا قالتها ليا عمتي امبدري
• وقعدن ايهدرزن وتعشن وتعشا وليد مع الشباب وروحو
• *************************
• عند عمتي زهره وفات الجو وتعشو عندهم
• ساره ...وهيا تسلم علي عمتي زهره ربي يحفظك وايخليك لنا انشاء الله ماقصرتيش معانا وكفيتي وفيتي وعمري ماننسي جميلك هذا
• عمتي زهره ...انتن بناتي ربي يسعدك وايهنيك ويجيب نصيب لهدي وتريحي عليها ان شاء الله
• هدي حضنتها ...ربي يحفظك ليا ان شاء الله سامحيني كان ثقلت عليكم مقصرتيش معاي ولا يوم حسيت باني ثقيله عليكم
• عمتي زهره ...انت بنتي عاداتك يعلم الله بمعزك عندي يوم اللي يزعلك حد حوشي مفتوحلك كيف بناتي وربي يفرحنا بنجاحك ان شاء الله
• رشا .... حضنت هدي وقعدت تبكي ردي بالك من روحك وكلميني ديما حنرايف عليك والله مع السلامه
• وسلمن علي الحاج فتحي وتشكرنه وطلعن روحو
• **********************
• تسريع الاحداث
• فاتن الايام ورردت محبه لجامعه وقعدت تمشي هيا وليد علي محاضراتها وهو يشرحلا ياللي فاتها كله
• وساره وهدي كانن متريحات من عمران الفتره هذي واحمد علي اعصابه بعد عرف مازال حاطهن في راسه وهدي ولجين واسراء بدن امتحاناتهن وقعدن يمتحنن وهدي مسيبهش خالد بكل كان معاهاكانه هو اللي حيمتحن بدالها
• اما زوبه فعطو الموافقه لرافع ويرجو ان ايكملن البنات الامتحانات عشان ايديرو بيان اما وداد رفضت ام توفيق ان يطلع الفرح ويسكن في جناح علي قولها وليدي يسكن في شقه مش جناح واجلو الفرح لعند ايكمل شقته
• عند البنات اخر يوم امتحان .....
• هدي ...وهيا تبكي معش عرفت بكل راسي يوجع فيا معش قدرت انكمل
• خالد .....اهدي معش تبكي اتشوشي علي دماغك حتي اللي حفظتيه ايريح
• هدي ... وهيا تبكي باهي كيف اندير
• خالد ...تو تعوذي من الشيطان وخليك هاديه وفكري اكويس في الي انقول فبه تمام مسحي دموعك هيا
• هدي ...تمام وقعدت تقرا هيا وياه لعند عدت دارت امتحانها طلعت فرحانه انها حلاته كله
• لجين..... شن صار فيك حليتي
• هدي ...اهاا تمام حليته كله
• لجين.... عندي ليك مفاجاه
• هدي ....شنو قوليلي هيا
• لجين.... اشويه بس مازال منقدرش انقول واشويه وبان عليها خالد بحتي وراك في الباب
• هدي ...برمت لقاته خالد قعدت تضحك
• خالد رن عليها شنو حليتي
• هدي اهااا مقلتش تبي اتجي
• خالد .....مفاجاءه اكيد مش حنقول يعني خلاص باي توه انا جاي انشوفك لاني رايفت عليك وقولي لجين نرجا فيك عند اتروحي انت تمام
• هدي...وهيا مبتسمه تمام باي وسكرت بحتت في لجين انموووت فيه عارفه صح
• لجين ...وهو ايموت فيك علي فكره راها
• شويه ورن تلفون هدي
• هدي ...ايوه
• ساره .... اطلعي السواق قدام الباب
• هدي .....تمام هي طالعه هيا لجين
• وطلعت هيا ولجين وسلمت عليها لجين وركبت سياره مع خالد
• هدي.وقعدت هيا تدور في سياره وهيااتدور مشت مسافه لما ملقتهش جت تبي اترد برمت وهياماشيه تمسكها يد وتغملهافمها وااشويه ومعش حست بشي
• خالد ...وين اختفت هذي واشويه وشافها زي اللي مش واعيه وحد ماسكها فتح اعيونه زين عمرا ن الكلب ونزل بسرعه وقعد يجري يبي يلحقها واشويه شاف شاب مسكه وقعد ايتعارك هو وياه ووصل خالد فيهم وبحت لقاها طايحه والسياره هربت
• خالد ...هدي هدي ردي عليا
• لجين... جت جري حي علياكنها ا تبكي الحمد لله ياربي اللي شفتها كان خذاه ودار فيها حاجه
• خالد...وبرم مع الرجل اللي يضرب في عمران وقعد يضرب فيه غضبه كله حطه فيه كلم ايذكر كلام اللي قالته له هدي صارتبي تخطفها واتدير ماتبي فيها تحسابهاماوراها حد يا########
• عمرا ن ...منو انت اصلا نخطفها ونقتلها حتي القتل انت من اساسا هذين بنات ال #######
• خالد ...اوديني انربيك يا#######وقعد يضرب فيه
• عمران .. يبقي خليهاتنفعك وادافع عليها .وطلع موس وهجم علي خالد ضربه بيه جت في يده فتحها له
• سالم ...جاه مسكه ما لاورا وخذا منه الموس وقعد ايضرب فيه
• لجين ....وهيا تبكي خالد حي عليا وهدي طيحه مش فاطنه اللي صاير
• اشويه والتمو الناس ومسكو عمران وبلغو عليه
• لجين ....خالد انت اكويس وريني يدك
• خالد ...اكويس ماتخافيش مافيا شي ساهله كانت يده مفتوحه فتحه كبيره من عند كتفه
• سالم ...حمد لله علي سلامتك وضروري اتعدي للمستشفي ايخيطولك الجرح لان عميق واينزف
******************************************
• عن احمد ...
• كانو مقمعزين يفطرو عند الحاجه فاطمه وايهدرزو واشويه ورن تلفون احمد وكان سالم صبا وتباعد من عليهم وساره لاحظت تغير وجه احمد وهيا من الصبح مضايقه حست انها شور هدي
• احمد ...وهو متوتر رد ايوه سالم شن في
• سالم .. عمران حاول يخطف هدي بس الحمد لله لحقته في اخر لحضه
• احمد ...بلهفه وخوف ...وهيا اكويسه سالم قولي انها اكويسه
• ساره ..خلاص زادت ضيقت قلبها وقعدت واقفه وتسمع
• سالم ...اكويسه والله بس شكله مخذرها مابتش توعه لعند توه وعمران ضرب واحد خو صاحبتها والا حاجه كيف هك المهم صاحبتها معها هيا توه في سياره
• احمد ....سكر سالم اناجاي هي ويبي يبرم ويسمع طيحه وراه برم عليها بسرعه لقها ساره
• احمد لالا ساره وجاها يجري ساره افطني كنك ساره وداد زوبه جيبي اميه بسرعه
• وطلعن البنات يجارن علي صوته هيييييي كنها بسم الله الرحمن الرحيم
• الحاجه فاطمه يانعليا كنها بعيد السو عليها من الصبح زهيا مش عارفه وجها شين حسيته
• احمد ...سمعتني وانا نحكي في التلفون وقعد ايوعي فيها
• وداد .اهي اميه خوذ
• احمد ...خذاها منها وقعد ايبخ عليها لعند وعت وقعدت تبكي
• ساره ...احمد كنها هدي متقوليش حاجه شينه عليها ووراسك ماتقول خطفها انا انموت لو صارلها شي
• احمد ...اشش اكويسه والله مافيها شي حاول بس مسكوه خلاص باذن الله معش ايجي شوركن
• ساره ..😭😭😭😭.معش نبي حوش ولا فلوس ياخذه ويشبعو بيه نبي هدي بس انا قول الحق هي اكويسه مافيها شي
• احمد.... والله اكويسه مافيها حاجه خليني انعدي انجيبها وانت صبي طمنيني عليك منبيش ننشغل عليك
• ساره... نبي نمشي معاك انشوفها خليني وراسي
• احمد ... لالا خليني بس نمشي وانت شدي روحك مافيها شي قتلك والله مسكوه خلاص
• الحاجه فاطمه ....يانعليا بعيد السو عليها ربي يحفظها ويحميها ان شاء الله من كل سو صبي سلم بنتي تريحي جو لعند اتجي هدي خليه يمشي ايجيبها عشان تطمني
• ساره ...😭😭حاضر ياعميمه بس يمشي ايجيلها ولياوانا منبيش شي ثاني من الدنيا وصبنها البنات ودخلنها جوا في الدار وقعدت ترجي علي نار ودموعها موقفنش كانت خايفه عليها ومش قادره اتخيل لو قدر يخطفها شن كان صار
• احمد ...وصل للمدرسه ونزل يجري لقها في سياره خالد ومعاها لجين وخالد يده تنزف وقريب يغما عليه
• فتح الباب لقاها متمدده ومش واعيه وبحت ف خالد .ليش قاعد هنا بسرعه عدي للمستشفي سالم شيله وانا ناخذ هدي ولجين معاي
• لجين ...وهيا تبكي انت اكويس خالد رد عليا
• خالد ..وهو شبه مش فاطن اكويس عدي معاه يا لجين ماتقعديش هنا بروحك
• لجين ..تمام ونزلت واحمد رفع هدي وشالها لسيارته بعد فحصها ولجين ركبت معاها ولع سياره وشالهن للفيلا
• ***************************************
• عند محبه في الكليه .......
• محبه ...شنو صارفيك حليتي
• اريج .. انقولو الحمد لله ضامنه النجاح وانت شن صار فيك
• محبه ...الحمد لله حليت تمام بس سؤال شاكه فيه
• وهنا يحكن وقف عليهن شاب
• الشاب ....السلام عليكم
• هنا..... وعليكم السلام
• الشاب ...كيف حالك انسه محبه ان شاء الله الغيبه خير
• محبه ... تمام شكرا مع جيه وليد وشاف الشاب واقف عليهن
• وليد ..احممم خير ان شاء الله في شي
• محبه ..ارتبكت لا تمام مافي شي
• وليد ...بحت فيهاوهو عاقد حواجبه شنو حليتي
• محبه ..اها تمام كملت انت
• وليد ..اها هيا
• محبه ..تمام سلام اريج نتلاقو
• اريج ....سلام
• الشاب ....شن يعرفها الاستاذ وليد
• اريج .. راجلها هي السلام عليكم وعدت وسيباته
• وليد ...وهو ماشي وعاقد حواجبه وساكت
• محبه .... وصلت السياره وركبت وقعدت اتبحت فيه
• وليد ... علق السياره وقعد يجري
• محبه ...والله شاب مانعرفه جاء وقف يسال انت جيت والله
• وليد ..وانا مسالتش عشان نبيك اتجاوبي
• محبه ...كنت نبيك تعرف بس وخفف السرعه عارف اني منحبهش
• وليد.... ركز فيها لقاها ترعش وماسكه باب السياره بالقوه هدي السرعه لما مسالتكش مكانش قلت ثقه والا نببك اتجاوبي
• محبه ...وانا حبيت انوضحلك من غير ما تسال
• وليد ...في حاجه حاب انقولها لك ونبيك تسمعيها مني لان اكيد حتسمعيها من حد ثاني
• يسرا تبعت في مسجات وادير في حركات وكم مره جتني
• محبه ...بحتت فيه وانت شن درت
• وليد .....بالنسبه للرسائل نحذف فيهن من غير مانقراهن ودرتلها حضر والمره الي جتني فيه لزيتها ومسحت بكرامتها
• محبه ...بحتت فيه وهي مبتسمه وانا مصدقتك وهذا يكفيني انك حكيتلي وهيا متعنيلش شي ابدا
• وليد ...ربي ايخليك ليا يارب ومسك يدها وباسها
• **************************************
• عند ساره .....
• كانت ترجا علي نار في اختها وشويه وجاء احمد ونزل وشمرها ولاقاته ساره تبكي وحطها في دارها
• ساره ....كنها راقده
• احمد ...عمران خذرها تبي اشويه اخري واتنوض متخافيش عليها اكويسه هيا وقمعزت يلاها وقعدت تبكي وتمسح علي راسها وتبوس فيها
• احمد ..خلاص سيبيها تريح اكويسه اشويه واتنوض متخافيش عليها تعالي لجين ابروحها قاعده عيب علي فكره خو محبه محصل ضربه في يده فتحها له عمران عشان ضربه
• ساره ....صاح شن صارفيه اكويس
• احمد ..تمام اكويس الضربه مش خطيره بس عميقه تبي اخياطه
• ساره ...الحمد لله ربي العالمين
• احمد .. تعالي هي
• وطلعو وساره تمسح في ادموعها ولقت لجين مقمعزه بروحها في الصاله
• ساره ..سامحيني مسلمتش عليك
• لجين ..عاد ي ولا يهمك انا اشويه وايجيني مراد اول ماتوعه خليها اطمني عليها تمام اشويه ورن تلفونها وكان مراد سلام توه
• محبه ..وصلت شافت لجين ومراد ان شاء الله خير شن في
• لجين ..مافي شي بس هدي حاول ولد مرت باتها ايخطفها وخالد مسكه هو والراجل وحصل فتحه في يده
• محبه ...حي عليا خالد شن صار فيه
• مراد ...اكويس والله في المستشفي ايخيطوله في الجرح بس والله
• *************************************
• وفاتن الايام وتحسنت هدي بس.كانت تبكي واتخيل كل ليله لو عمران اقدر يخطفها وكان الوحيد اللي خفف عليها وينسي فيها خالد وهو يده اكويسه وايفكر انه خلاص يبي يخطبها وايكمل شقته
• وجاء يوم بيان زوبه وبعده علي طول فرح رحمه
• ساره ...يابنات درت تحليل وطلعت حامل
• محبه ...نجك لي الف مبروك ربي ايتمملك علي خير يارب
• ساره ...وهيا فرحانه العقبالك يارب
• وقعدن ايباركلها رغد والبنات وقعد ايوتن في حاجات ووكملن وعدن غيرن دبشهن وقعدن يستقبلن في الناس
• واشويه وجت زوبه من المزين كانت طالعه اتهببببل
• كانت لابسه قفطان احمر طويل وفيه فتحه من لعند الفخذ
• مروه ...نجك ليا اتهبلي يافرخه طالعه
• محبه ...مشاء الله يازوبه طالعه اتهبلي
• وخشت قمعزت وسلمت علي العرب واشويه وجاو عربها وكانت حاجتهم كلها حلوه وبدن الضيافه وبعدها قالو العريس يبي ايخش اشويه وخش رافع واستقبلاته اخته ودخلانه جو عندها
• رافع كان ايبحت فيا وهو فرحان والفرحه مش سايعته وبحت فيها مبروك علينا ياقلبي وسلم عليها بالخد
• زوبه ....كانت متوتره الله ايبارك فيك وقمعزو اشويه وبعدها جابتله امه الدبل ولبسهاولبساته وكانن اعيونه يلمعن وايبحت فيها
• رافع ...ردي عليا ضروري بعدين تمام
• زوبه ...تمام وهي مبتسمه
• رافع ....علي فكره وانت طالقه السانك احلي بواجد راه
• زوبه ....ههههههههه
• رافع سلام ياسمحه وسلم عليها بالخد وباسهاعلي خدها من غير محد ايشوفه
• وكمل اليوم علي خير وجاء فرح رحمه وقعدت محبه حايسه مع نورا
• محبه .... كيف هكي معقوله حتي يوم منباتش
• وليد ...وعد انروح بيك متاخر وكل صبح انشيلك غير هكي ماينفعش
• محبه ....مافيش امل بكل حتي يوم واحد بس وراسي عندك الحنه بس وباقي الايام انروح
• وليد .....تمام الحنه بس راه مش اتقولي بعدين مش مروحه اه اني قلت
• محبه ..نجك ليا وحضناته وعد يوم الحنه بس تمام هكي وباسته
• وليد..... الجو هذا كله اللي درتيه عشان قتلك باتي يوم واحد
• محبه ...ههههههههه اهاا
• وليد ....اماله لوقتلك باتي الفرح كله شن تبي اديري
• محبه .. الي تبيه
• وليد ........بس انا مش قايل لاني نقدرش نقعد بلاك ههههه
• محبه....هههههه ياسمط صدقتك
• بدا ء فرح رحمه وقعدت محبه كل يوم تمشي الصبح بدري واتروح في الليل اخر الناس عشان متبيش اتزعله وقعدن ايركبن عليها خواتها وصبايا خوتها بس هو متنازلش وخلاها الا يوم الحنه بس
• وحنوها وجن صاحباتها ودرلها حفله سمحه
• وجاء يوم الصاله وكانت متوتره وخايفه
• رحمه ....شنو شكلي تمام
• لجين ...اتهبلي طالعه تسلم ايديك بجد طلعتيها خيال
• المزينه ...تسلمي هيا بروحها مشاء الله عليها
• واشويه وجاء مراد شالهن للصاله واستقبلنها رشا ومحبه
• شربنها اميه وخشت كانت طالعه اتهببببل وخشت وهيا مبتسمه لعند وصلت للمسرح وقمعزت اشويه وقعدت المصوراتيه اتصور فيها واشويه وقالو العريس جاء وخش كمال وهو فرحان كان منضره ايجنن سلم علي امه وحب علي راسها وبعدها وصل في رحمه رفع الطرحه وحب علي راسها وسلم عليها بالخد
• كمال ...مبروك علينا ياقلبي
• رحمه... الله ايبارك في طالع اتهبل
• كمال ...انت اللي قمر الليله
• وقمعزو وخذو كم صوره هو ياه ومع امه ونورا واشويه وطلع هو وياها
• ****************************************
• بعد مرور سنه ...........
• رغد جابت عيل وسماه عزيز عبدالله وفرحان ب ودارله اسبوع كبير وعايشه هيا وعزيز احلي حياه
• ساره ...جابت عيل وسماته علي باتها محمد وفرحانه بيه ومش قادره اتصدق انها قعد عندها عزوه وليد يحمل اسم باته اللي مكانتش اتحلم انه تشوفله وربي عوضها باحمد اللي يموت فيها وميحبش زعلها
• هدي خطبها خالد ..بعد قصه اللي صارت وتمسك بيها اكثر وقاعد ايكمل في شقته وهيا نجحت و وكملت قرايه في الجامعه
• معاذ ..حكي مع ماما علي مروه وقالتله حصل تعين وابدا في شقتك وانا نخطبها لك وانطلعو الفرح مع خوك خالد
• وهيا تدعي كل مايخطر علي بالها انه ايكون من نصيبها ومحبش ايتواصل معاها باي طريقه لانه مش مقنع بالعلاقات بكل
• اما سحر ...جابت ابنيه سمتها رهف علي بنتي االله يرحمهاوعادل قريب ايشيلها من الفرحه ومتعب سحر من قوله ردي بالك منها غطيها دفيها
• محبه ...كنت حامل في شهري وموعدي مازال عليه اسبوع كنت مش قادره انتحمل الوجع ونمشي وانجي في الصاله وبعدها خلاص
• محبه ...وليد اممممم وليد نوض خلاص انا معش نقدر
• وليد ...نط من نومه ها شنو شن فيه
• محبه ...خلاص مش قادره شيلني للمستشفي نبي انجيب
• وليد ...بسرعه ناض وجاب عبايتي ولبسها ليا وانا نتمشي في الصاله وخذا مفتاحه ويبي يطلع
• محبه. الساكوات في الدولاب جيبهن بسرعه امممممم معش نقدر يارب يارب
• ونزل ونزلني ولع السياره ومشينا مسكت في يدها
• محبه ..اهاااا نبي انموت خلاص مش قادره اه امممممم
• وليد ..قولي يارب ادعي ادعي هي خلاص اشويه ونوصلو .واشويه وصلنا وقف السياره وجابلي كروسه ودخلني وخذني المرضات وهو قعدوعلي اعصابه
• كانت ولادتي متعسره اشويه وقعد وليد ماشي جاي في الممر ويرجي في من يطلع اشويه ورن علي احمد
• احمد ....وهو راقد ايوه شن في ان شاء الله خير
• وليد ...محبه ولاده من امبدري مطلعلي حد
• واشويه وطلعت الدكتوره الحمد لله علي سلامتها جابت بنت زي القمر
• وليد ....تنهد وهو فرحان الحمد لله باهي شن صحتهن
• دكتوره.. اكويسات والمدام اشويه وايطلعوها لغرفتها والبيبي لو حاب اتشوفها في الحضانه
• وليد .. شكرا بارك الله فيك اسمعت
• احمد ..اها تمام الف مبروك وتربي في عزك ان شاء الله
• وليد ... ان شاءالله ماشي انشوفها البنيه سلام توه خبر امي وعدا شاف البنيه ورن علي محمد خبره وجاء لعندي
• محبه ....خش وليد وانا الفرحه مش سايعتني اني قعدت امي من اول وجديد وربي عوضني
• وليد ...وهو ايسلم علي راسي حمد الله علي السلامه ياقلبي والف مبروك علينا البنوته
• محبه .. الله ايبارك فيك شنو شفتها
• وليد ...اهااا اتهبببل
• محبه ...كلمت هلي وهلك
• وليد ...اهااا كلمتهم مازاا صبح بدري تو ايجو وقت الزياره
• وفات الوقت وجوهلي وعربي في الزياره وجابولي والعيله فرحانه بيها
• سالمه ...الحمد لله يابنيتي ربي جبر بخاطرك تربي في عزكم ان شاء الله
• الحاجه ..فاطمه .....هذي بنيت الغالي شن تبو تسموها
• وليد ....مرام ان شاء الله
• كلهم... عاشت الاسامي وانا تاترت بكل ان فكر فيافعلا عوض ربي كبير مهما ينكسر الوحد بس كيف ماساهل الكسر ساهل الجبر
• وانا طلعت من المستشفي وجو هلي جابو كل خير معاهم ودبش للبنت كل حاجه كانو موتيينها ونزلت عند عيت عمتي وليد دار عشاء كبير
• وكانت حياتنا مستقره واا كملت قرايتي وتخرجت وقعدت عندي شهاده زي مانبي
• قد ياتيك الجبر علي هيئه رزق او انسان لكي يجبر كسرك كنت تظن انه لايجبر ابدا
• النهايه ...........
• بقلم ....أحلام
