Unmended [Baguio Series #4]

25

   

Ilang linggong naging laman ng isip ko ang lahat ng sinabi sa akin ni Henz. Ilang linggo ko rin sinubukang alisin sa isip ko 'yon, pero lahat ng sinabi niya, hindi man niya alam kung ano ang naging malaking pagsubok sa buhay ko, lahat . . . tama.

On our fourth year anniversary, Dion came home to me. Wala kaming kaplano-plano. Nagulat na lang ako na umagang-umaga, nakita ko siyang nakasando at may nakapatong na apron, habang nagluluto ng mga pagkain.

Malapad ang ngiti kong tumakbo papunta sa kan'ya saka tumalon para yakapin siya.

"Aahhh, my baby missed me so much." He chuckled sexily. I cried. "Shh, don't cry," he whispered. "I love you. Shh . . ." He rubbed my back as he repeatedly told me those words.

Nang matigil sa pag-iyak, hinawakan ko ang mukha niya at siniil siya ng mga halik. Wala akong salitang masabi. Basta ang alam ko lang, sobrang saya ko ngayon na nandito siya sa birthday ko at anniversary namin.

Nang matapos siyang magluto, iniangat niya ako at iniupo sa countertop. "Happy birthday," he said, staring me with his eyes full of love. "And happy fourth anniversary."

Naramdaman ko ang paghawak niya sa magkabilang baywang ko. Humawak ako sa batok niya at yumuko para muli siyang gawaran ng halik.

"Happy anniversary," I greeted him back.

He smiled genuinely. "In my thirty-two years of existence, these last four years with you were the best I've lived. In my thirty-two years of existence, I am so happy to have met and loved you, to have been loved by you. It just feels like . . . I have everything now. I feel so . . . contented right now."

Niyakap ko siya nang mahigpit. Hindi ko man sabihin sa kan'ya, ang apat na taon din na 'yon ang pinakamasaya kasama siya, sa kabila ng lahat ng problema at pagsubok.

Hindi kami lumabas ng unit sa buong maghapon na 'yon. We spent the whole day together, eating, cooking, watching Netflix, cuddling, playing with each other and of course, making love.

Kinabukasan, naramdaman ko ang paghalik niya sa labi ko saka bumulong sa akin.

"I love you, Deli. Mahal na mahal kita."

Nang magising ako, wala na siya sa tabi ko. Pumunta ako sa kusina at nakitang may sticky note na nakadikit sa ref ko.

My baby Deli,

I need to go back to Ilocos. I promise to come home to you when things are already in control even without me, okay? I'll be back home to you. I love you . . . so much.

-Dion

I kissed the sticky note on my ref and let it there. Ni-microwave ko ang mga pagkaing iniluto niya saka gumayak para sa trabaho.

***

A week has passed, nabalitaan ko na lang na nagkabalikan na sina Anna at George. Sobrang saya ko para sa kanila nang dahil doon. Lunchbreak ko sa trabaho nang tumawag si Anna sa akin para ibalita 'yon. Nakatambay ako sa rooftop ng building habang kausap siya.

"'Tang ina! Sabi ko na nga ba't marupok kang talaga!" bulyaw ko kay Anna sa screen na masayang-masaya na ikinwento sa amin na nagkabalikan na nga sila. Tumawa ako. "Pero masayang-masaya ako para sa inyo!"

"Thank you, Deli! Mamasyal naman kayo ni Papa Dion dito sa Baguio!"

I chuckled. "Oo, pagkauwi niya, aayain ko siya d'yan! Nagkaroon pala siya ng project sa Benguet pero hindi namin alam na nand'yan kang gago ka! Akala ko nasa dulo ka pa ng Pilipinas!"

Tumawa siya at muling nagk'wento kung paano sila nagkabalikan. Sobrang laki ng pinagbago ni Anna mula noong huling beses na nagkita-kita kami. Talaga namang ang aliwalas niyang tingnan ngayon. Ang alam ko rin, may plano na si KC at Tyrone na magpakasal pero hindi ko pa alam ang detalye.