33 சங்கமம்
ஐஸ்வர்யாவிற்கு இன்ப அதிர்ச்சி அளிக்க வேண்டுமென்று அவளுடைய அறையை நோக்கி சென்ற வசீகரன், விஷால், அவன் முதுகை காட்டிக்கொண்டு, யாருடனோ ஃபோனில் பேசிக் கொண்டிருப்பதை கேட்டு நின்றான்.
"நீ என்னை செல்லமா கூப்பிடும் போது, எனக்கு எவ்வளவு சந்தோஷமா இருக்கு தெரியுமா?"
அதைக் கேட்டு வசீகரன் புன்னகை புரிந்தான். அவன் முகம் சட்டென மாறியது. ஐஸ்வர்யா, அவனை எப்படி அழைப்பாள்? அவன் எவ்வளவு யோசித்தாலும், அவன் மனதில் எதுவுமே தோன்றவில்லை. ஆம், இதுவரை, அவனை பெயர் சொல்லி, ஐஸ்வர்யா அழைத்ததே இல்லை. அவ்வளவு ஏன்...? அவள் அவன் பெயரை சொன்னதே இல்லை. அது அவனை மிகவும் கலக்கத்திற்கு ஆளாக்கியது. எப்படி ஒரு மனைவி, தன் கணவனின் பெயரை உச்சரிக்காமல் இருக்க முடியும்? வசீகரன் என்று அழைக்காவிட்டாலும் பரவாயில்லை, வேறு எந்த பெயர் சொல்லியாவது அழைத்திருக்கலாம்... குறைந்தபட்சம் திட்டியாவது இருந்திருக்கலாம்...
நேரே அவள் அறைக்கு வந்தான். ஆனால், அங்கு ஐஸ்வர்யா இருக்கவில்லை. மறுபடியும் விஷாலின் அறைக்கு வந்தவன், அவன் இன்னும் ஃபோனில் பேசிக் கொண்டிருப்பதைப் பார்த்த போது எரிச்சல் அடைந்தான்.
"நீ என்னை விஷுன்னு கூப்பிடும் போது, நான் அப்படியே சந்தோஷ கடலில் மூழ்கி போறேன் தெரியுமா?" என்ற விஷால், வசீகரனின்
"வாட் த ஹெல்" என்ற குரல் கேட்டு திடுக்கிட்டு திரும்பினான்.
"சார், நீங்க எப்ப வந்தீங்க? எங்க போயிருந்தீங்க?"
"என்னை கேள்வி கேட்கிறதை நிறுத்து. ஐஸ்வர்யா எங்கே?"
"அவங்க, அரவிந்த் சார் கூட கிளம்பி போய்ட்டாங்க"
"என்னது... போயிட்டாளா? எதுக்காக இவ்வளவு சீக்கிரமா கிளம்பி போனா?"
"சீனியர் பாஸையும், மிஸஸ் பாஸையும், நான் எப்படி சார் கேள்வி கேட்கிறது?"
தன் கண்களை சுழற்றி, அங்கிருந்து தன் அறையை நோக்கி சென்றான். ஐஸ்வர்யாவிற்கு ஃபோன் செய்ய, அவள் இரண்டாவது மணியில் அதை எடுத்தாள்.
YOU ARE READING
அழகாய் இருக்கிறாய்... பயமாய் இருக்கிறது (முடிந்தது )
Romanceஇது என்னுடைய I DON'T LIKE U COZ' U R TOO HANDSOME கதையின் தமிழாக்கம்.
