☆☆☆☆☆يله نبدء☆☆☆☆☆
بسم الله
-صلو على النبي-
حسيت صوت ابو الخط مو قريب عليه رفعت راسي وشفت دكتور عمار وانصدمت ياناس اني سويت بحياتي حتى يطلعلي هو والنوب صار ابو الخط مالتي يعني يصير كرابتي لعد لو اني قريبه كان شنو الي سوه بيه اكيد كان فصلني من الجامعه شفت عينه بالمرايا مالت السايق فنزلت عيني بسرعه من الخوف احس السياره ضاقت بيه وصار المكان مايوسع ابد..
..شفته مر طالبه قريب من يم بيتنه وبعدها رحنه للجامعه طول الطريق اني ساگته ومتوتره وحتى هاي الكاعده يمي ماحچت شيء بس سلمت..
وسالتني اني باي قسم كتلها علوم فيزياء وانتي گالتلي گلية اداب وسگتت عبالگ تدري باعصاب دكتور عمار حتى لو رايحين لحداد احسن هدوء طول طريق ماصدگت على الله وصلت الجامعه فوتنه جوه بداخل الجامعه شفته وكف السياره يم كلية الاداب وقريبه على الاستعلامات شفت البنات فتحن الباب حتى ينزلن فجيت انزل مثلهن توني فتحت الباب..سمعت صوته.
د.عمار"لاتنزلين استبرق انتي ويايه أوصل السياره للقسم.
صدمني كلامه وگلت"شكرآ دكتور ميحتاج..
قاطعني صوته.
د.عمار"أبوچ وصاني عليچ وصرتي تحت مسؤوليتي فاني مامستعد اتحمل المسؤوليه لو يصير شي ياسمح الله اكله نزلت بالاستعلامات فما اكدر انزلچ اهنا تنزلين ويايه بكلية العلوم وبنهاية الدوام نطلع من العلوم واريدج تكفيلي بالرئاسه بنهاية الدوام.
سديت الباب وگلتله"تمام دكتور براحتك.
واني بداخلي ادعي عليه يربي ماينبلع ماينبلع سنه وشويه اداوم وبوحدي امشي طريق الاستعلامات وهسه مسوي بيها خايف عليه ولازم يفوتني لكلية العلوم وياخذني منها ياربي احس روحي راح اختنك سجن خما سجن.
وصلنه واني احس روحي على اعصابي وكف سياره ونزلت گبل وسديت الباب حتى مالتفت ورايه ومشيت بسرعه.باوعت على ساعه شفتها توها 8:00واصلين من وگت....رحت للحديقه وگعدت على المسطبه بين مايجن البنات التهيت بتلفوني بين ماتحن عليه وحده من البنات وتجي.
اني وگاعده اجتي زينب سلمت وگعدت.
زينب"شعندچ اليوم جايه من وگت.
أستبرق"غيرت خطي الاولي.
زينب"أحسلچ بيها الخير على الاقل حتى تحضرين محاضرة دكتور عمار براحه وابوج مايبتلي بجيتچ.
أستبرق"هم صحيح.
گعدنه اني وزينب نحچي عن محاضرات شويه دقايق واجتي ديما وكانت ساعه تشير الى8:15ص
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
