يله نبدء
بسم الله
☆☆☆-صلو على نبي-☆☆☆
(أشعر بخوف من المجهول وينگ يبه)
ديما"أگيد گالچ استبرق حبيتچ من اول رزاله وانتي گلتيله شعندي غيرگ انته دنيتي كلها.
زينب"هههههه نعل ببليسچ استحت البنيه.
ماريا"گليلنه احچيلنه كتلنه الفضول.
أستبرق"عفيه ماريد سالفه تطلع راح اكللكم دكتور عمار يصير ابن عم بابا واني وياه بنفس الخط فبابا راد يزوجني لكرابت مرته رفضت اني ومراد وسمعان دكتور عمار فخطبني وانتهت سالفه.
ماريا"هذا يحبچ سمع بخطبتچ فخطبچ
☆☆☆☆☆☆☆
أستبرق
داومت الصبح وتذكرت اول شيء الحلقه مابيه حيل اترزل ركبت ويه دكتور عمار وگان هادئ ماحچه شيء دقايق وركبت منى وباركتلنه وجاوبنها وارتحت ماحچه بس نزلن البنات ماكالي اي شيء وهذا ريحيني الحمدلله.
وصلت ولگيت زينب وسلمت عليها وشافت الحلقه وسالتني فكتلها انخطبت دكتور عمار فابتسمت وبارگتلي ماطولت دقايق واجتي ماريا وديما وسألن حسيتهن تفاجئن بالخبر سألن عن تفاصيل فماردت انطيهن الحقيقه انطيت اول شيء خطر بعقلي.
ردت اضحگ على كلام ماريا دكتور عمار يحبني وين يحبني هو طلبت من عنده المساعده وساعدني اي يحب.
بقيت ساگته وماعلقت.
ديما"ربي يسعدگم المهم تكونون متفاهمين حتى لو تحسين هسه باستغراب راح تحبي بقية الايام گليلي ياستبرق مرتاحه للموضوع.
ماريد افضح مشاعري وباني اگرهه وباني نجبرت اوفق فگلت"اي حيل مرتاحه وهو ابد مامقصر ويايه صح عصبي بس گلبه طيب متفاهمين حيل بس يحب الالتزام يعني ماليه اي امتيازات حالي حال اي طالب اهنا.
ديما"شيء حلو ربي يسعدچ لاتروحين تنسين نفسچ وتنادينه باسمه او باسم دلع كدام طلاب وتروحين بيها.
أستبرق"لاتخافين مسيطره من هاي ناحيه وان شاء الله يجي يوم واشوفچن احلى عرايس.
كالن بصوت واحد"الله لايكولها مانريد.
أستبرق"شبيكم شلون ردت فعل يجي يوم واسمع بخطوبتكم ابقن كولن هيچ.
ماريا"خما كل الناس مثلچ صارت سالفتچ بسرعه اني ماليه خلك مازوج لاتخافين.
أستبرق"براحتكم قبل شكم يوم كنت مثلكم وصرت تحت الامر الواقع وتقبلت الموضوع.
حچينه شويه بمواضيع عامه بعدين كمنه ورحنه للمحاضر.
صارت محاضره وره محاضره وگالو عدنه لود امتحانات الاسبوع الجاي عدنه اربعه والخميس هذا عدنه امتحان باول محاضره.
انتهت اخر محاضره ساعه1:40دقيقه
وگعدت ويه البنات بالحديقه حچتلنه ماريا عن مشگله اختهار واستخطيتها ثاري اكو بعد عيال هيچ يعاملون الجناين....وحچتلنه زينب عن سفر ابوها واستخطيتها زينب مبينه حيل تحب ابوها وعمرها ماجابت طاري امها يدفعني الفضول صراحه بس استحي أسأل امها وين بس بلعت سؤالي مو كلشيء نكدر نحچي مرات.
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
