يله نبدء
بسم الله
-صلو على النبي-
(يمكن صرت احبگ وافكر بيگ واخاف لاخسرگ وماتخيل اعيش يوم بدونگ)
طارق"مادام طلع لسانچ يعني بخير صحتچ لاتنسين زنوبه اني مسؤول عنچ فليه حق اجي اشوف اخبارچ وبما انتي ماكو جوه اختصرت الطريق واجيت لغرفتچ حتى اشوفچ.
زينب"انت ماتخاف لاتسببلي مشاكل بصعدتگ هاي لغرفتي ماتخاف لاتجي عمتي نهال وتلگاك بغرفتي او يسمع جدي وجدتي راح اصير بخبر كانه بسبب تصرفاتگ ذاگ اليوم عدى الموقف بس مو گل مره تسلم الجره يطارق.
طارق"اسوء شيء بس يشفوني بغرفتچ راح يزوجونه لذلك شبيچ خايفه مايصير شيء سيء.
زينب بتوتر"گلي شعندگ جيت مامعقوله جيت حتى تهذي بهاي سؤالف.
طارق"ليش تتوترين بس اجيبلچ طاري هذا الموضوع هل كد فكرة الزواج مني تخوفچ بعيدآ عن الاسباب الي ذكرتيها وانو قوانيني صارمه.
زينب"خبله ماعندي عقل أربط مصيري وياگ بس الخبله توافق بيگ.
گلت هيچ وحسيت روحي غلطت بالحچي ماعرف شنو الي يصير بيه بس ابقى مكان معزول وياه اكوم اخربط بالحچي.
طارق"يصير خير ان شاء الله گلشيء بوقته حلو هسه الي اريد افهمه منچ ليش ماتقبلين اداومين دا يفوتنچ محاضرات اهوايه.
زينب"والله مليت من هذا الموضوع يعني انتو ماتحسون بيه بابا صارله سبوع مات وتريدني اداوم.
طارق"مايصير تبقين كاعده بالبيت وحابسه روحچ بالغرفه راح تتكئبين على الاقل داومي غيري جو وترى ابوج صارله سبوع واليوم الثامن وكل واحد راح شغله الحياة تمضي ماتگف علمود شخص.
گلت بقهر"هذا مو اي شخص هذا ابويه هذا دنيتي كلها.
طارق"شوفي ماحب اطول السالفه باجر اجي اخذچ بنفسي للدوام كافي غيابات واذا عندچ امتحان اني بنفسي اجله الج.
زينب"مادوام مادوام باي لغه تفهم.
طارق"گلت گلمتي يازينب وماغيرها باجر اجي امر عليچ صبح واخذچ بنفسي والبسي لبس يدل على ضرف الي نمر بيه وتذكري لاتعانديني مو من صالحچ وانتي تعرفين اذا اريد شيء هو الي يصير.
تجمعت الدموع بعيوني واني اباوع عليه الورطه اعرفه اذا راد شيء يسويه وماكدر اعارضه لازم اقنعه.
گلت بحزن"عفيه ماريد اداوم ماريد اداوم شبيگ ماتفتهمني.
طارق"گلت گلمتي وماغيرها وهسه راح اروح ماريد اتاخر اكثر تجهزي امرچ صبح ساعه ب7:15اني يمچ.
شفته صد بتجاه الباب وراد يطلع..
لحكته ونزلت دموعي وگلت"طارق الله يرضى عليگ بداعت گل غالي عليگ لاتجبرني اداوم.
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
