يله نبدء
بسم الله
☆☆☆-صلو على النبي-☆☆☆
(هل سنجد السعاده يومآ ام ان السعاده لم تكتب لنا)
راح احچيلكم سر بديت احس روحي بديت اتعود على طارق بحياتي يمكن بديت اعتبره كصديق او يجوز اخ ليه ماعرف شنو احس اتجاهه بس الي اعرفه طارق يفهمني ومستحيل يجبرني على شيء ماريده ذكرني بابا وتعامله ويايه...قاطع افكاري چيت عمتي نهال لغرفتي.
زينب"هلا بعمه هلا بغاليتي توها نورت الغرفه.
نهال"نورت بصحابتها تدرين دفعني الفضول شوفيني شنو اشتريتي من غراض بس چنتي باربيل.
زينب"تعالي شوفيهن.
طلعت الملابس وگعدت دگلب بيهن وشافت الجبه وباوعتلي بصدمه.
نهال"أشتريتي جبه!
زينب"اي عمه اشتريتها احتياط مامفكره البسها هسه.
نهال"ها اگول شنو الي غير فگرچ رحتي لاربيل كارهه الجبه وجيتي مشتريتها الفضول اشتغل عندي شنو الي قنعچ وانت تكرهينها صارحيني واني عمتچ طارق گالچ شيء.
زينب"لا طارق ماله دخل اني بنفسي شفتها وعجبتني وقررت اشتريها.
نهال"زين طمنتيني اگلچ تدرين عمچ اسماعيل رادچ اليوم المازن وابوچ رفض.
زينب"أحسن والله شنو خبله ازوج مازن ابن الحيه هدى حتى تشبعني سموم.
نهال"اخذي حذرچ شو گلبي يگول ماراح ينتهي الموضوع هيچ مبينين كل همهم الفلوس والي يقهرني حتى ابويه واگف وياهم.
زينب"لاتقلقين عمه بابا يحلها وانتهى الموضوع ومستحيل ازوج مازن حتى لو على جثتي ماتزوجه.
نهال"ريحتيني الله يرضى عليچ.
طلعت عمتي نهال واني استغربت سؤالها صراحه بس الحمدلله اكو احد حاس بيگ ويفهمك بهذا البيت هذا احلى شيء بحياتي.
☆☆☆☆☆☆☆☆☆
الاقسام الداخليه جامعة المستنصريه
عند ذياب
الساعه10:15م
راح حقي وعصام تعليله بغير غرفه واني ماليه واهس بقيت وبقى ويايه جسار
گاعد افكر بكلام ماريا ماقنعني گلامها
والنوب سألت جسار گالي ديما گايله دور على صديقتها لعد شعدها بقسمنه وشنو الي تريده بس عرفت مادتنه شنو هذا تناقض بالكلام بينها وبين صديقتها..
قاطع افكاري صوت جسار"عوفگ من التفكير بيها اذا تريد دگلك اكيد راح دگلك على السالفه الحقيقه.
ذياب"برائيگ صدگ چتي تشوف صديقتها مثل ماگالتلك ديما لو اكو غير شيء.
جسار"ديما ماعلمتني الصدگ گانت متوتره فگالت اول شيء بالها.
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
