مكر رجل ودموع انثى(باللهجه العراقيه)

part-36

يله نبدء
بسم الله
-صلو على النبي-

(اتعلم عندما احبك افعل كل شيء لاجلك لايهمني سوى اسعادك انت فقط)

تجمعت الادموع بعيوني واني اباوع عليه حسيت روحي طلعت من مكانها بسبب تصرفه جسار مستحيل يكون عنده احساس....دفعته بيدي قوي وهو عافني بارادته...ردت أروح.

گالي"أضن ماكلت انتهى النقاش تبقين خلينه نخلص وروحي وهم امسحي الحمره زينه مانمسحت.

ديما"دگول مانتهى نقاش غير لو انت تعرف تحچي انت بس تهدد خلصت تهديدك خلصت خبالك هاهيه راح اروح وهاي الحمره الي خربتها اني امسحها.

جسار"أحچي عدل ديومه.

ديما"ماعرف احچي بس لاتريد هم تعلمني... شگول عليك خربتلي واهسي من الصبح مابيناتنه حچي خلص والي تريد تسويه لاتقصر انت مخبل شنو اتحرى منك العتب مو عليك العتب علي الي رضت بهاي المهزله من البدايه بس صدگ اله الكي حل لهاي المهزله وخليها تنتهي قبل لاتبدء.

جيت اروح بس ماردت ارجع على حديقتنه اعرف بروحي راح انهار دمعه واكفه بطرف عيني بس تريد تنزل.

قررت اكمل طريقي بعيد عن قسمنه طلعت گبل مارجعت مشيت خطوتين سمعت صوته"وين تريدين القاعات من اهناكه.

ديما"اريد اروح على جهنم.

گلت هيچ وكملت مشيء حسيته دا يمشي ويايه وگفت وگف هم.

ديما"شعندگ تلحكني.

جسار"منو گال الحگچ عجبني الطريق وگلت اتمشى بيه.

أعرفه دا ينرفزني اصلآ روحي لحاله طافره من عنده ياناس ماطيقه.

ديما"تمام تمشى بيه براحتك عفته لك.

گلت هيچ ورجعت.

ورجع ويايه تخبلت وباوعت عليه"أنت ماتحس ماتفهم اريد أبقى وحدي شعندگ تلحكني.

جسار"أمسحي الحمره زين لان الي راح يشوفها يفتهم غير شيء.

رجعت على المسطبه وفتحت المرايه الي بالجنطه وباوعت خرب هاي الحمره صايره على طوارف شفتي ونصها ماكو ونصها موجود گلت بداخلي شكد سخيف كعدت على المسطبه امسح بيها ودموعي احسها راح تنزل وين يحس هذا اني كشخت وتمكيجت علموده وهو هيچ يعاملني العتب مو عليه العتب اني الغبيه ردت انطي روحي فرصه وصرت افكر بيه اريد اروح ابچي بوحدي حتى ارتاح.

گملت مسح وگعد يمي على المسطبه ردت اكوم سحب ايدي وخلاني اكعد وخله ايده تحاوط جتفي.

ديما"بعد ايدگ لحد يشوفنه واريد اروح.

جسار"محد يجي لهاي الحديقه لاتخافين وحتى لو يجون اني خطيبچ مامسوي شيء خطأ الكبلات دا يسون اشكال الوان.

ديما بقهر"اريد اروح شبيگ الحمره ومسحتها.

حسيت صوته هادئ وگال"تريدين تروحين حتى تبجين بوحدچ.