يله نبدء
بسم الله
-صلو على النبي-
(نبحث عن السعاده لكن السعاده لم تكتب لنا)
اني خفت وايدي كامت ترجف وكلبي يدگ بسرعه بالكوه فتحت شبكه الانترنيت وفتت للوتساب شفت رساله جايتني من الرقم الغريب فتت شفته مقطع فيديو وجواه رساله احضريه راح يعجبچ حيل.
فتت على الفيديو....وانصدمت...شفت نفسي واگفه ويه ذياب خمس دقايق كامله نتسولف اگللكم بين قوسين طالعين كبل واي واحد يشوفنه مبينين كبل اني متت خوف صح مخمره بس مبينه هاي اني من عيوني واكيد اذا بابا شافها راح يضن بيه غير شيء ويصدگ الفيديو متت خوف وكمت ارجف منو هذا وشنو الي يريده مني.....ثواني وانحذف الفيديو من طرفين من الوتساب.
دگ تلفوني شفته رقم الغريب خفت ماردت اجاوبه
دز رساله(افتحي الخط عندي كلمتين وياچ لا والله تشوفين شيء مايعجبچ وتتندمين طول عمرچ)
دگ واني من الخوف فتحت خط وسگتت واحس ايدي ترجف وبالكوه واگفه على رجليني.
........"اعرف هسه تتسالين منو اني.. اني ذياب لاتخافين هذا الفيديو راح يبقه يمي وماشوفه لي شخص.
گلت بخوف ونبره ناصيه"شنو الي تريده.
ذياب"يعجبني ذكائچ سؤالچ بمكانه الي اريده منچ هسه تصرين حبابه وتطلعين بره وترفضين الي تقدملچ اضن طلبي مو مستحيل ولا صعب عليچ ودبريلچ عذر من يمچ واحب اگلچ سالفه والله اذا اسمع بيچ موافقه وتحاولين تلعبين من وره ضهري حتى لو بيوم عرسچ راح تلگيني گبالچ واخرب عرسج اني عندي عيون بكل مكان وتصلني كل اخبارچ لذلگ نصيحه اتقي شري يابنت الناس وتذكري سالفه انتي ماتكون لغيري مره واذا ماصرتي ليه مره مستحيل تكونين لغيري ولاتخافين بعد مااتصل بيچ سلامي ياحلو.
كطع الخط واني مصدومه كمت ابچي من الخوف يربي هذا شبي تخبل لازم اوكفه عد حده بس شلون والله اذا وصل الفيديو البابا الي ينصدم يعرف بيه مخالط شباب ولا حاچيه وياهم والنوب واگفه ويه هذا خمس دقايق بوحدنا حتى المسافه بيناتنه تقريبآ نص متره يربي شراح اسوي امي تريدني اوافق وذياب يهدد واني هسه صرت بالنص ربي اني سويت بحياتي حتى يصير بيه هيچ....حتى لو ارفض هسه مستعده ابقه عزبه طول عمري ولا اكون لگ مره ياذياب.
دا امسح دموعي بالغرفه اني وگاعده على چربايه تفاجئت بچيت ماما للغرفه وگالت"ماريا شبيچ تبچين حبيبتي صاير شيء.
سكتت وحرت شنو اكللها ماريد ادخلها بمشاكلي.
ماما"احچي يروحي ليش تبچين بس لا علمود الخطوبه گولي رئيچ ومستحيل نجبرچ على شيء كلشيء ولادموعچ يبنيتي بس والله ردت اشوفچ عروس.
بس سمعتها هيچ گالت زادت دموعي وحرت شنو اكللها احس بنار تجوي صدري واحس ذياب عمره ماراح يتركني بحالي خوفني تهديده حيل والله يايمه ماكدر اكسر بخاطرچ بس مجبوره اگذب عليچ.
أنت تقرأ
مكر رجل ودموع انثى(باللهجه العراقيه)
Roman d'amourرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
