يله نبدء
بسم الله
-صلو على النبي-
(يريدون ان يعذبونا بتصرفاتهم لكي ينتصرو علينا)
ومباشرتآ گال بصوت عالي معصب خلاني ارجف من الخوف
د.عمار"ليش هل تاخير استبرق شايفتني سايق ابوچ لو اشتغل عندچ 25دقيقه كامله انتضرچ يم الباب وحضرتچ مافكرتي تطلعين والله لوما اتصال ابوچ بيه وگالي انتضرها بعدها دا تتحضر گان مشيت وعفتچ اني احب الالتزام وماريد تاخير گليلي شنو سبب تاخيرچ هسه.
اسمعه يگول هيچ واني مدنگره راسي حرت شنو الي اگله.
د.عمار"شبيچ ساكته وماتجاوبين بس لاتطلعين عمده تاخرتي تردين تستفزيني خليني أوضحلچ سالفه ابوچ يصير ابن عمي واني الخاطره اخذتچ ويايه لان حسيته متبهدل بيچ وگل اسبوع يريد ياخذچ من الجامعه بس حطيها ترجيه باذنچ اذا تاخرتي مرت الخ بعد ماليه علاقه بيچ دبريلچ خط غيري.
نرفزني گلامه حيل ماعرف ليش كلمن هب ودب يريد يدوس عليه اشعر بقهر مو طبيعي تناسيت خوفي شويه وگلت بقوه"علساس اني الميته على روحه وياگ من هسه اگلك عفت الخط.
ردت انزل من السياره شفت الباب مقفول...
رفعت راسي شفته معصب وداير راسه بتجاهي..نزلت راسي من الخوف يربي شورطني وحچيت هيچ هسه شراح يخلصني.
د.عمار"احترمي نفسچ ولاتحچين هيچ وابقى اخذچ واوديچ للجامعه لما تتعلمين شلون تردين على دكتورچ حتى تعرفين.
قاطعته وگلت ودمي محترگ من الصبح نضال وهسه هو"اعرف تريد تفصلني الله عليگ اذا تريد تفصلني راح تسويلي فضل لان من وراگ صرت حتى الجامعه اكرهها لاتقصر بالي تكدر عليه وهسه افتحلي الباب اريد انزل.
تندمت لان حچيت هيچ اعرف بروحي تسرعت وغلطت بالحچي لان اعصابي تعبانه بس بعد مايفيد الندم.
د.عمار"شنو هذا الاسلوب ودا تراددين فوگاها صدگ من گال الي ماعنده ام ماعنده اهل ابوچ للاسف ماعرف يربيچ.
جرحني گلامه حيل يربي ليش الناس تريد عليه الزله دنكرت راسي واني اداري دموعي احاول ماخليها تنزل بس خانتني وبدت تنزل لاتحچون على تربيتي والله اني مربيه بس انتو دوسون بطن الواحد حسو شويه بيه والله حرام.
د.عمار"شوفي اني اكبر منچ وبما انو احنه هسه بالسياره راح انسه انچ طالبتي واحاول انسه الي صار بس اذا عدتي هذا تصرف بالجامعه مراح اعدي سالفه على خير وحتى يجوز ابلغ ابوچ فكري زين قبل لاتنطقين اي حرف منا ورايح واعرفي شلون تتصرفين بهيچ مواقف مسويه روحچ من ورايه كارهه الجامعه هو انتي من العام مكضيتها نصها غيابات واجايز على الاقل خليتچ شويه تتلتزمين بالدوام.
أنت تقرأ
مكر رجل ودموع انثى(باللهجه العراقيه)
Romansرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
