يله نبدء
بسم الله
-صلو على النبي-
(طلبت منگ الحمايه ولاعلم السبب الى الان)
كلامه شويه انطاني الشجاعه وحفزني وگلتله"عندي مشگله عائليه واتمنى تساعدني بيها زوج اختي دا يخونها رجلها ويه طالبه من قسمگم..
.شفته ساگت ومجاوبني بشيء أستغربت سكوته بس كلت يجوز يرديني اكمل لذلك هذا شيء خلاني اتشجع وحچيتله الي صار...وگل الي اريده منگ تساعدني حتى اصل للبنيه.
....سگت وباوعت عليه الورطه ماعرف افسر ملامح وجهه بس يمكن كان هادئ....حاطه ايدي على گلبي شو هذا ساگت ومجاوبني سگت شويه وگال.
ذياب"گتيلي عندچ رقم تلفونها وتاكدتي هسه هي بمرحلتنه على الماده الي سألتيني بيها البارحه مو.
ماريا"اي بس عفيه ماريد الموضوع يطلع وماريد اي بنيه تعرف بيه خاف يصل للبنيه الخبر وبعد ماكدر اصللها.
ذياب"لاتخافين اذا هذا بس اخلي صديقي جسار الي دائمآ تشوفينه واگف ويايه يساعدني لانه ثقه.
ماريا"تمام بس شنو الي راح تسوي شلون راح تعرفلي ياها.
ذياب"لاتخافين انطيني رقمها هسه وخلي الباقي عليه.
طلعت الرقم وانطيته ياه.
وگلت"بس خاف تشگ بيگ وتغير رقمها اذا تتصل بيها.
ذياب"لاتقلقين عليه ترى مايكون اسمي ذياب اذا ماعرفتلچ اسم الطالبه قبل نهاية الاسبوع بس گليلي اذا عرفتلچ اسمها شراح تسوين بيها.
ماريا"اريد اگمشها هي وياه بدليل القاطع واگيد انته هم راح تساعدني.
باوعت عليه شفته يبتسم"تمام دللي اساعدچ وشگرآ لثقتچ بيه وهسه لاديرين بال السالفه يمي بنهاية الاسبوع اجيبلچ اسمها.
ماريا"تمام شكرآ تعبتگ ويايه.
ذياب"هذا اقل شيء اسويه الچ لاديرين بال.
ماريا"اعتمد على الله وعليگ وهسه اترخص راح اطلع للبيت.
ذياب"الله وياچ اعتبري موضوع انتهى.
مشيت عنه وگعدت اباوع بالحديقه وين ديما دقايق وشفتها طالعه من الحمامات ومبين تعب بشگلها رحت عليها.
ماريا"ديومه خما صاير شيء.
ابتسمت وگالتلي"لا ماصاير شيء رحت غسلت للحمامات وعدلت شگلي گلت بين ماتخلصين ها شنو صار طمنيني.
ماريا"حچيتلها الي صار.
ديما"هاهيه لعد عوفي سالفه يمه وراح يعرفها هو خلينه نلتهي بدراستنه.
ماريا"تمام شكرآ ديومه ربي يحفظچ مانسألچ وگفتچ يچي يوم وافزعلچ مثل مافزعتيلي.
ديما"دللي غلاتي شعندي غيرچ.
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
