مكر رجل ودموع انثى(باللهجه العراقيه)

part-14

يله نبدء
بسم الله
☆☆☆-صلو على النبي-☆☆☆

(يريدون انزال دموعنا ويرون ضعفنا كي ينتصرو علينا فيرضون غرورهم ولايعلمون اننا قتلنا في تلگ اللحظه فالانثى لاتبكي الا عندما تنجرح عميقآ)

نرفزتني حركته فگلت"مادكلي شرايد من عندي.

جسار"شلون اسلوب بدال مادگليلي هلا ومرحبآ دگليلي شرايد.

ديما"روحي لحالها طافره اذا خلصت خليني اعبر.

جسار"وليش ضايچه هيچ ديومه شنو لان صديقاتچ مامداومات.

ديما"وانت شخصك اضوچ ماضوچ ولاتذكر اسمي على لسانگ.

جسار"ليش مو انتي كتيلي على أسمچ حتى اناديچ بيه.

ديما"لا ماگلتلك انت كلتلي مسره معرف منو وكلتلك غلطان اسمي ديما لاتكلب الموضوع دكتور ثائر كان دازك.

سمعت صوت ضحكته"تدرين الي يعجبني بالبنات شنو البنات على نياتهن ويصدگن كلشيء بسرعه مثل ماعرفت منچ اسم زميلتچ ماريا عرفت اسمچ بحيله بسيطه.

ديما"أنت ماتستحي على نفسگ خليني اعبر احسلگ.

جسار"لسانچ طويل ومتبري منچ نصيحه اعتذري مني على كل الاخطأ الي ارتكبتيها بحقي وخليني اروح.

ديما"ماعتذر على شيء اعرفه مو غلط ولي من كدامي لا اصيح والم الناس عليگ.

جسار"اتحداچ تصحين صحي وخلينه نشوف شنو الي يصير بس اذا صيحتي صدگي اندمچ.

أستفزني كلامه عباله ماسويها واخاف ناديت بصوت عالي"ساعدوني ساعدوني هذا واحد يتحرش بيه.

باوعت عليه شفته مصدوم فزدت انادي تقرب منه ولد وبنيه ممسكين بيد بعضهم مبينين كبل وشگولهم مو راحه.

.......الشاب.."خير اختي شنو الي صاير.
سكتت توني اريد اجمع الكلمات سمعت جسار گال.

جسار"خطيبتي زعلانه مني وسوتلي فضيحه.
اني اباوع عليه بصدمه.

الشاب"ههههههه ليش شنو سويتلها.

جسار"شافتني ويه زميلتي بالقسم وزعلت وصارلي ساعه احاول اراضيها وماكو.
قررت احچي هذا شنو دا يملص قررت احچي وافشله.

ديما"ماعرفه لحاله يسؤلف.

سمعت البنيه تضحگ"هههههه وگالت"عادي حياتي تغارين لاتخچلين وانت ضلمتيه يعني شسوي اذا طالبه اجتي تحچي وياه قابل يطردها هسه اني وعزوز هم هيچ بس يرجع يراضيني وهسه لو يحچي ويه كل بنات الكليه اعرفه عينه ماتشوف غيري.

الشاب"والله البنات يخوفن تريد تلبسه تهمه للولد خطيبها وسوت روحها ماتعرفه لان غارت شويه صفي كلبچ وياه ترى مبين الشاب حباب ولو صدگ متحرش بيچ كان مو واگفه تسولفين وياه وبعدين صحتي اعرفن شويه دبلجنها للسالفه عدل وباوع على جسار وگال"بالتوفيق كملو مراضاه واحنه نكمل مشوارنه..